Malako 5
5
Moto Akela a Mwembo Mobe
1Bamea a dɔngɔ ditongo dilibale, a ngunda eBaGelasa. 2Ama yo duboa a bwato, okina momi ami songana oko na nde. Iyo amana a bisɛmɔ, na adaka na mwembo mobe. 3Moto omina ahwɛkɛ oko a bisɛmɔ pɛ. Baihɔnɔ bomodeja bogo, nongo na minyɔlɔ. 4Bamosa mikɛsɛ, na bamokanda na minyɔlɔ bihole hinɛnɛ. Iyo ko atwa minyɔlɔ, na abuka mikɛsɛ. Pɛpɛ nongo moto ohɔnɔ bomogbokeja. 5Iyo abekoaka na asakwɛlɛkɛ na matai na bulu na moi, a bisɛmɔ na a meno. 6Yana anɛ yo Yesu bohali, apota ebango, na asumana a boso bonde. 7Abekoa na bopipo bo, Yesu, Mwana oNjambe oBonɔ, mojɔ mosu na wɛ modi bo? Mbi nangɔɔnɔkɔ wɛ a kombe eNjambe bo otadingoja mbi. 8Gina bo, Yesu ama bala na nde bo, Wɛ mwembo mobe, imana ai moto omina. 9Yesu amohɔjɔ bo, Kombe ewɛ nda? Iyo asɔmbeja bo, Kombe embi Lindundu, mojɔ bo, bodi banɛnɛ. 10Angɔɔnɔ Yesu na bopipo bo atayaneja miembo a ngunda emina. 11Bwela bonɛnɛ bongulube bodaka a boyaka, a dɔngɔ dimono. 12Oko boa, miembo mingɔɔnɔ Yesu bo, Loma so ai ngulube bo bokwee a tei ebu. 13Iyo ajima bo bakɔe boa. Miembo mibe mimana, mikwea a tei engulube, na babikoa mbango a mono, basadumba a madiba na bagwa a madiba. Ngulube badaka koto jibae na dea a bwela bomina. 14Banjeli bangulube bacia, batɔndɔ mojɔ momina a ngando na a likota dia lisusu. Oko boa, bato badoa a bokokeleja mojɔ. 15Yana amea bo ai Yesu, banɛ moto omiembo mibe na mobondo a esika emina. Adaka na bisenja; adaka koko na yongi epele, oko yona odaka boso na lindundu limiembo. A mojɔ momina, badaka na bɔ. 16Bato baya banɛ mojɔ babatɔndɔ mojɔ mosusu momoto omiembo tnibe, na ngulube. 17Oko boa babanga bongɔɔnɔ Yesu bo adonge a ngunda ebu. 18Atambaka yo a bwato, moto yona omaka da na miembo mine ami ’ngɔɔnɔ oko Yesu njea a bokɛ na nde. 19Iyo ko aijima. Abala na nde bo, Kɛ a ngando ewɛ, ai bato bawɛ mɛnɛ. Batɔndɔ mojɔ mosusu mokɔi Kumu ai wɛ, na bo aokei wa. 20Oko boa ayana na abanga botɔndɔ a Dekapoli mojɔ monɛnɛ mokɔ Yesu ai yo. Bato basusu bakamoa bou a mojɔ momina.
Mwamwali oYailo
21Yesu alekela koko na bwato, na amea a ngunda etongo. Bato batitana ai yo banɛnɛ mɛnɛ yana adaka yo a mbongu. 22Okina mosuku osinagoge adoa koko, kombe ende Yailo. Yana anɛ yo Yesu, atita na magbunda a boso bonde. 23Amongɔɔnɔ bo, Mwamwali ombi mokɛkɛ atimbaka oko botimba. Doa omobakee mɔmɔ a boseja yogo ende bo ahele. 24Yesu akɛ na nde; bato batongo banɛnɛ badaka bacingi na nde engbanga, na bamombambamejaka. 25Okina mwali omɔci apekaka na ekia bianga domi-na-bibae. 26Iyo adingoa bou a mɔmɔ manganga basengo, na amaja likonja linde lisusu; yogo ende ko eisɔkɔtɔnɔ nongo; ehɛ oko bohɛ. 27Iyo aka mojɔ moYesu, na adoa ngɔngɔ jinde a tei eemumu ebato. Abɛnjɛ kasaka ende na ebɔ, 28mojɔ bo ama bala bo, Nakabɛnjɛ oko bisenja binde na ebɔ, nadi bohela a yogo embi. 29Oko boa ekia ende ekoka bokpa mɛnɛ, na aka a mokuku monde bo yogo ende esia. 30Yesu ko asipoa bo ngulu emana ai yo. Ahekoa bokpa a tei ebato, na ahɔjɔ bo, Obɛnjɛi bisenja bimbi nda? 31Bacingami bande bajɔ na nde bo, Onɛkɛ bo bato bambambejaka wɛ boa na ohɔjɔkɔ bo, Obɛnjɛi bisenja bimbi nda? 32Iyo ko anja isa adi lɔonɛ moto yona omobɛnjɛ. 33Mwali omina ko ajeba bo mojɔ momina mokwa oko ai yo. Oko boa amana na bɔ na mongongoma. Asadumba a boso bonde na amotɔndɔ mojɔ mosusu. 34Yesu ko abala na nde bo, Mwana’mbi, ejimeli ewɛ ehelejai wɛ. Yana na bowi. Hela a monɔngɔ mowɛ.
35Yana abalaka yo, bato bandako emosuku osinagoge bamea na mwako bo, Mwana’wɛ agwi. Yɛ bonɔngeja Mokoja. 36Yesu ko, aka yo mojɔ momina, abala na mosuku osinagoge bo, Yɛ bobanga; jima oko bojima. 37Yesu ajima bo Pɛtɛlo na Yakobo na Yoane mwanange eYakobo bakɛe na nde, pɛpɛ moto otongo. 38Yana amea bo a ndako emosuku osinagoge, Yesu anɛ oko wokowoko pɛ, na bato banɛnɛ baya bayeaka na balɛbɛkɛ. 39Akwea yo a tei, abahɔjɔ bo, Mojɔ modi bo? Oyeakani mojɔ moye? Mwamwali agwiti, ahwɛkɛ oko hiɔ pɛ. 40Ibo ko bamosɛkɛ oko bosɛkɛ. Oko boa abameja basusu sokolu. Abea sango na nango, na baya badaka na nde mɛnɛ, na akwea a ekenge endako edaka mwana. 41Amopea ebɔ, na abala na nde bo, Talita kumi. Gina emina edi, Mwamwali, mbi nabalaka na wɛ; angɔ. 42Mwamwali angɔ bokpa mɛnɛ, na adala, mojɔ bo adaka na bianga domi-na-bibae. Ibo bakamoa na bokamoa bonɛnɛ. 43Iyo ko abaleha na bopipo bo batajebeja bato mojɔ momina. Apa koko monɔkɔ bo bapɛ mwamwali dia diboyaka.
Currently Selected:
Malako 5: NTNG61
Highlight
Share
Copy
Want to have your highlights saved across all your devices? Sign up or sign in
Alliance Biblique de la R. D. Congo
Malako 5
5
Moto Akela a Mwembo Mobe
1Bamea a dɔngɔ ditongo dilibale, a ngunda eBaGelasa. 2Ama yo duboa a bwato, okina momi ami songana oko na nde. Iyo amana a bisɛmɔ, na adaka na mwembo mobe. 3Moto omina ahwɛkɛ oko a bisɛmɔ pɛ. Baihɔnɔ bomodeja bogo, nongo na minyɔlɔ. 4Bamosa mikɛsɛ, na bamokanda na minyɔlɔ bihole hinɛnɛ. Iyo ko atwa minyɔlɔ, na abuka mikɛsɛ. Pɛpɛ nongo moto ohɔnɔ bomogbokeja. 5Iyo abekoaka na asakwɛlɛkɛ na matai na bulu na moi, a bisɛmɔ na a meno. 6Yana anɛ yo Yesu bohali, apota ebango, na asumana a boso bonde. 7Abekoa na bopipo bo, Yesu, Mwana oNjambe oBonɔ, mojɔ mosu na wɛ modi bo? Mbi nangɔɔnɔkɔ wɛ a kombe eNjambe bo otadingoja mbi. 8Gina bo, Yesu ama bala na nde bo, Wɛ mwembo mobe, imana ai moto omina. 9Yesu amohɔjɔ bo, Kombe ewɛ nda? Iyo asɔmbeja bo, Kombe embi Lindundu, mojɔ bo, bodi banɛnɛ. 10Angɔɔnɔ Yesu na bopipo bo atayaneja miembo a ngunda emina. 11Bwela bonɛnɛ bongulube bodaka a boyaka, a dɔngɔ dimono. 12Oko boa, miembo mingɔɔnɔ Yesu bo, Loma so ai ngulube bo bokwee a tei ebu. 13Iyo ajima bo bakɔe boa. Miembo mibe mimana, mikwea a tei engulube, na babikoa mbango a mono, basadumba a madiba na bagwa a madiba. Ngulube badaka koto jibae na dea a bwela bomina. 14Banjeli bangulube bacia, batɔndɔ mojɔ momina a ngando na a likota dia lisusu. Oko boa, bato badoa a bokokeleja mojɔ. 15Yana amea bo ai Yesu, banɛ moto omiembo mibe na mobondo a esika emina. Adaka na bisenja; adaka koko na yongi epele, oko yona odaka boso na lindundu limiembo. A mojɔ momina, badaka na bɔ. 16Bato baya banɛ mojɔ babatɔndɔ mojɔ mosusu momoto omiembo tnibe, na ngulube. 17Oko boa babanga bongɔɔnɔ Yesu bo adonge a ngunda ebu. 18Atambaka yo a bwato, moto yona omaka da na miembo mine ami ’ngɔɔnɔ oko Yesu njea a bokɛ na nde. 19Iyo ko aijima. Abala na nde bo, Kɛ a ngando ewɛ, ai bato bawɛ mɛnɛ. Batɔndɔ mojɔ mosusu mokɔi Kumu ai wɛ, na bo aokei wa. 20Oko boa ayana na abanga botɔndɔ a Dekapoli mojɔ monɛnɛ mokɔ Yesu ai yo. Bato basusu bakamoa bou a mojɔ momina.
Mwamwali oYailo
21Yesu alekela koko na bwato, na amea a ngunda etongo. Bato batitana ai yo banɛnɛ mɛnɛ yana adaka yo a mbongu. 22Okina mosuku osinagoge adoa koko, kombe ende Yailo. Yana anɛ yo Yesu, atita na magbunda a boso bonde. 23Amongɔɔnɔ bo, Mwamwali ombi mokɛkɛ atimbaka oko botimba. Doa omobakee mɔmɔ a boseja yogo ende bo ahele. 24Yesu akɛ na nde; bato batongo banɛnɛ badaka bacingi na nde engbanga, na bamombambamejaka. 25Okina mwali omɔci apekaka na ekia bianga domi-na-bibae. 26Iyo adingoa bou a mɔmɔ manganga basengo, na amaja likonja linde lisusu; yogo ende ko eisɔkɔtɔnɔ nongo; ehɛ oko bohɛ. 27Iyo aka mojɔ moYesu, na adoa ngɔngɔ jinde a tei eemumu ebato. Abɛnjɛ kasaka ende na ebɔ, 28mojɔ bo ama bala bo, Nakabɛnjɛ oko bisenja binde na ebɔ, nadi bohela a yogo embi. 29Oko boa ekia ende ekoka bokpa mɛnɛ, na aka a mokuku monde bo yogo ende esia. 30Yesu ko asipoa bo ngulu emana ai yo. Ahekoa bokpa a tei ebato, na ahɔjɔ bo, Obɛnjɛi bisenja bimbi nda? 31Bacingami bande bajɔ na nde bo, Onɛkɛ bo bato bambambejaka wɛ boa na ohɔjɔkɔ bo, Obɛnjɛi bisenja bimbi nda? 32Iyo ko anja isa adi lɔonɛ moto yona omobɛnjɛ. 33Mwali omina ko ajeba bo mojɔ momina mokwa oko ai yo. Oko boa amana na bɔ na mongongoma. Asadumba a boso bonde na amotɔndɔ mojɔ mosusu. 34Yesu ko abala na nde bo, Mwana’mbi, ejimeli ewɛ ehelejai wɛ. Yana na bowi. Hela a monɔngɔ mowɛ.
35Yana abalaka yo, bato bandako emosuku osinagoge bamea na mwako bo, Mwana’wɛ agwi. Yɛ bonɔngeja Mokoja. 36Yesu ko, aka yo mojɔ momina, abala na mosuku osinagoge bo, Yɛ bobanga; jima oko bojima. 37Yesu ajima bo Pɛtɛlo na Yakobo na Yoane mwanange eYakobo bakɛe na nde, pɛpɛ moto otongo. 38Yana amea bo a ndako emosuku osinagoge, Yesu anɛ oko wokowoko pɛ, na bato banɛnɛ baya bayeaka na balɛbɛkɛ. 39Akwea yo a tei, abahɔjɔ bo, Mojɔ modi bo? Oyeakani mojɔ moye? Mwamwali agwiti, ahwɛkɛ oko hiɔ pɛ. 40Ibo ko bamosɛkɛ oko bosɛkɛ. Oko boa abameja basusu sokolu. Abea sango na nango, na baya badaka na nde mɛnɛ, na akwea a ekenge endako edaka mwana. 41Amopea ebɔ, na abala na nde bo, Talita kumi. Gina emina edi, Mwamwali, mbi nabalaka na wɛ; angɔ. 42Mwamwali angɔ bokpa mɛnɛ, na adala, mojɔ bo adaka na bianga domi-na-bibae. Ibo bakamoa na bokamoa bonɛnɛ. 43Iyo ko abaleha na bopipo bo batajebeja bato mojɔ momina. Apa koko monɔkɔ bo bapɛ mwamwali dia diboyaka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alliance Biblique de la R. D. Congo