Bisalu Ya Bantumwa 20
20
Paulu kwendaka ku Makedonia ye ku Elene
1Bu makelele manaka, Paulu bingaka banlonguki ye bombidilaka bau; bu yandi imene kubika bau mbote, yandi katukaka ye kwendaka ku Makedonia. 1 Tim. 1:3
2Bu yandi imene kuluta mu ndambu yina ye bombidilaka banlonguki mu mambu mingi, yandi kumaka ku Elene. Bis. 19:21
3Yandi vandaka kuna ngonda tatu, bu yandi zolaka kusabuka ku Silia, baYuda silana kusimba yandi, buna yandi banzaka sambu na kuvutuka ye luta mu Makedonia.
4Sopato mwana ya Pilo, mwisi Belea ye Alistalako ye Sekundo bisi Tesalonika, ye Ngayo mwisi Delebe, ye Timoteo ye Tikiko ye Tolofimo bantu ya Asia, bau kwendaka na yandi.
5Kansi bayai kwendaka nantwala ye vingilaka beto mu Toloa.
6Beto sabukaka tuka Filipi nanima na bilumbu ya mampa ya konda funuswa, mu kilumbu ya tanu, beto kwizaka kwa bau mu Toloa, ye beto vandaka kuna bilumbu nsambwadi.
Paulu fulukisaka muntu ya kufwa mu Toloa
7Kilumbu ya ntete ya lumingu, bu beto kutakanaka sambu na kubukuna mampa, Paulu solulaka na bau, yandi kanaka kubika bau kilumbu ya landa, yandi tubaka na bau ti katikati ya mpimpa.
8Minda mingi vandaka na nzo ya zulu sika ya beto kutakanaka.
9Toko mosi nkumbu ya yandi Eutiko, vandaka va madidisi, tulu simbaka yandi ngolo, kansi Paulu vandaka kutuba kaka, sambu na tulu simbaka yandi ngolo, yandi kubwaka va ntoto tuka nzo ya tatu ya zulu, bau bakaka yandi ya kufwa.
10Paulu kulumukaka ye ditulaka va yandi ye zingilaka yandi, kutuba: Sala makelele ve, kadi mwela ya yandi ikele mu yandi.
11Yandi tombokaka diaka, ye bukunaka mampa ye kudiaka ye tubaka na bau ntangu mingi, ti kuma kia, buna yandi kwendaka.
12Bau twalaka toko yina na moyo, ye bau bombwaka mingi.
Bau kwenda ku Mileto
13Kansi beto kwendaka nantwala ye kotaka mu masua, ye sabukaka ku Aso, sambu na beto zolaka kubaka Paulu kuna, kadi yandi songaka mpilayai, ye yandi kibeni zolaka kwenda na makulu.
14Bu yandi kutanaka na beto na Aso, beto bakaka yandi, ye sabukaka ku Mitilene.
15Beto katukaka kuna, ye kilumbu ya landa, beto kumaka mfinama na Kio, ye kilumbu ya landa beto kumaka na Samo, ye kilumbu ya landa beto kumaka ku Mileto.
16Paulu zolaka kusabuka ye kuluta Efeso, na yandi tavingiswa ve mu Asia, kadi yandi tulaka ngolo, kana yandi lenda kukuma ku Yelusalemi kilumbu ya Pentekoti.
Paulu tuba kwa bambuta ya dibundu ya Efeso
17Tuka Mileto, yandi fidisaka nsangu ku Efeso, ye bingaka bambuta ya dibundu.
18Bu bau kwizaka kwa yandi, yandi tubaka kwa bau: Beno zaba bonso mono vandaka na beno ntangu yonso, tuka kilumbu ya ntete ya mono kwizaka ku Asia, Bis. 19:10
19mono sadilaka Mfumu mu dikulumusa yonso, ye mu mansanga, ye mpasi ya moniswaka mono, sambu na baYuda silaka kusimba mono;
20bonso mono titaka ve kusonga beno mambu yonso ya lenda kusadisa beno, ye longaka beno mu kinsweki ve na nzo ku nzo,
21mono songaka kitemo kwa baYuda ye kwa baElena, mpindulu mabanza kwa Nzambi, ye lukwikilu mu Mfumu ya beto Yesu Klisto. Bis. 14:1; 3:19; 8:22; Mal. 1:15; Luk. 24:47
22Ntangu yai, tala, mpeve ikele kukanga mono kwenda ku Yelusalemi, ye mono zaba ve mambu ya takubwila mono kuna,
23kansi yai kaka, na Mpeve Yanlongo ikele kusonga kitemo kwa mono, mu bambanza yonso, tuvambu ye mpasi ikele kuvingila mono. Bis. 21:33
24Kansi mono banza ve moyo ya mono ikele ntalu kwa mono kibeni, na mono lenda kumanisa kisalu ya mono, ye kisielo ya mono bakaka na Mfumu Yesu, kutuba kitemo ya nsamu mbote ya nlemvo ya Nzambi. Bis. 21:13; 2 Kol. 5:20; Ngal. 1:1; Fili. 2:17; 2 Tim. 4:6; Tit. 1:3
25Ntangu yai, tala, mono zaba beno yonso ya mono tambulaka nakati na beno kusamuna kimfumu ya Nzambi, beno tamona luse ya mono diaka ve.
26Sambu na yai, mono tuba kitemo kwa beno kilumbu yai, mono ikele ya vedila tuka menga ya bantu yonso,
27kadi mono titaka fioti ve kusamuna kwa beno lukanu yonso ya Nzambi.
28Beno ditomatala beno kibeni ye kibuka yamvimba ya mameme, ya Mpeve Yanlongo imene kutula beno minkengi, kuvanda bamvungi ya dibundu ya Mfumu, ya yandi sumbaka na menga ya yandi kibeni. Nk. 74:2; Kolo. 1:14; 1 Tim. 3:1; 4:16; 1 Pet. 5:2; Ef. 1:7
29Mono zaba, kana mono imene kwenda, bambizi ya makasi takota nakati na beno, bau tamonisa mpasi kwa kibuka ya mameme. Mat. 7:15; 2 Pet. 2:1
30Nakati na beno kibeni bantu tatelema ye tuba mambu ya mbi kubenda banlonguki kulanda bau. 1 Yoa. 2:19
31Sambu na yai beno tomatala, ye bambuka, na kitezo ya mvu tatu mono bikaka ve kulonga beno muntu na muntu mu mpimpa ye ntangu na mansanga.
32Ntangu yai mono pesa beno kwa Nzambi ye kwa mambu ya nlemvo ya yandi, yandi lenda kutunga ye kupesa beno difwa sikamosi na bau yonso ya nlongo.
33Mono zolaka ve palata keti wola keti mvwatu ya muntu mosi. 1 Kol. 9:12; 2 Kol. 11:9; 12:13
34Beno kibeni zaba, na maboko yai sadilaka nsatu ya mono kibeni ye ya bau ya vandaka na mono. Bis. 18:3; 1 Kol. 4:12; 1 Tes. 2:9; 2 Tes. 3:8
35Mu mambu yonso mono pesaka beno kitezo, mu kisalu ya beno, beno fwiti kusadisa bau ya lebakana, ye bambuka mambu ya Mfumu Yesu, ya yandi kibeni tubaka: Kiese mingi kwa bau ya pesa, kansi fioti kwa bau ya baka.
36Bu yandi imene kutuba mpilayai, yandi fukamaka ye lombaka sikamosi na bau yonso.
37Bau yonso dilaka mingi, ye zingilaka va laka ya Paulu ye fibaka yandi,
38bau vandaka na ntantu ya luta sambu na mambu ya yandi tubaka, bau tamona luse ya yandi diaka ve. Bu sindika yandi ku masua.
Currently Selected:
Bisalu Ya Bantumwa 20: NTK50
Highlight
Share
Copy
Want to have your highlights saved across all your devices? Sign up or sign in
Nouveau Testament en Kikwango © BAliiance Biblique de la RD Congo, 1950.
Bisalu Ya Bantumwa 20
20
Paulu kwendaka ku Makedonia ye ku Elene
1Bu makelele manaka, Paulu bingaka banlonguki ye bombidilaka bau; bu yandi imene kubika bau mbote, yandi katukaka ye kwendaka ku Makedonia. 1 Tim. 1:3
2Bu yandi imene kuluta mu ndambu yina ye bombidilaka banlonguki mu mambu mingi, yandi kumaka ku Elene. Bis. 19:21
3Yandi vandaka kuna ngonda tatu, bu yandi zolaka kusabuka ku Silia, baYuda silana kusimba yandi, buna yandi banzaka sambu na kuvutuka ye luta mu Makedonia.
4Sopato mwana ya Pilo, mwisi Belea ye Alistalako ye Sekundo bisi Tesalonika, ye Ngayo mwisi Delebe, ye Timoteo ye Tikiko ye Tolofimo bantu ya Asia, bau kwendaka na yandi.
5Kansi bayai kwendaka nantwala ye vingilaka beto mu Toloa.
6Beto sabukaka tuka Filipi nanima na bilumbu ya mampa ya konda funuswa, mu kilumbu ya tanu, beto kwizaka kwa bau mu Toloa, ye beto vandaka kuna bilumbu nsambwadi.
Paulu fulukisaka muntu ya kufwa mu Toloa
7Kilumbu ya ntete ya lumingu, bu beto kutakanaka sambu na kubukuna mampa, Paulu solulaka na bau, yandi kanaka kubika bau kilumbu ya landa, yandi tubaka na bau ti katikati ya mpimpa.
8Minda mingi vandaka na nzo ya zulu sika ya beto kutakanaka.
9Toko mosi nkumbu ya yandi Eutiko, vandaka va madidisi, tulu simbaka yandi ngolo, kansi Paulu vandaka kutuba kaka, sambu na tulu simbaka yandi ngolo, yandi kubwaka va ntoto tuka nzo ya tatu ya zulu, bau bakaka yandi ya kufwa.
10Paulu kulumukaka ye ditulaka va yandi ye zingilaka yandi, kutuba: Sala makelele ve, kadi mwela ya yandi ikele mu yandi.
11Yandi tombokaka diaka, ye bukunaka mampa ye kudiaka ye tubaka na bau ntangu mingi, ti kuma kia, buna yandi kwendaka.
12Bau twalaka toko yina na moyo, ye bau bombwaka mingi.
Bau kwenda ku Mileto
13Kansi beto kwendaka nantwala ye kotaka mu masua, ye sabukaka ku Aso, sambu na beto zolaka kubaka Paulu kuna, kadi yandi songaka mpilayai, ye yandi kibeni zolaka kwenda na makulu.
14Bu yandi kutanaka na beto na Aso, beto bakaka yandi, ye sabukaka ku Mitilene.
15Beto katukaka kuna, ye kilumbu ya landa, beto kumaka mfinama na Kio, ye kilumbu ya landa beto kumaka na Samo, ye kilumbu ya landa beto kumaka ku Mileto.
16Paulu zolaka kusabuka ye kuluta Efeso, na yandi tavingiswa ve mu Asia, kadi yandi tulaka ngolo, kana yandi lenda kukuma ku Yelusalemi kilumbu ya Pentekoti.
Paulu tuba kwa bambuta ya dibundu ya Efeso
17Tuka Mileto, yandi fidisaka nsangu ku Efeso, ye bingaka bambuta ya dibundu.
18Bu bau kwizaka kwa yandi, yandi tubaka kwa bau: Beno zaba bonso mono vandaka na beno ntangu yonso, tuka kilumbu ya ntete ya mono kwizaka ku Asia, Bis. 19:10
19mono sadilaka Mfumu mu dikulumusa yonso, ye mu mansanga, ye mpasi ya moniswaka mono, sambu na baYuda silaka kusimba mono;
20bonso mono titaka ve kusonga beno mambu yonso ya lenda kusadisa beno, ye longaka beno mu kinsweki ve na nzo ku nzo,
21mono songaka kitemo kwa baYuda ye kwa baElena, mpindulu mabanza kwa Nzambi, ye lukwikilu mu Mfumu ya beto Yesu Klisto. Bis. 14:1; 3:19; 8:22; Mal. 1:15; Luk. 24:47
22Ntangu yai, tala, mpeve ikele kukanga mono kwenda ku Yelusalemi, ye mono zaba ve mambu ya takubwila mono kuna,
23kansi yai kaka, na Mpeve Yanlongo ikele kusonga kitemo kwa mono, mu bambanza yonso, tuvambu ye mpasi ikele kuvingila mono. Bis. 21:33
24Kansi mono banza ve moyo ya mono ikele ntalu kwa mono kibeni, na mono lenda kumanisa kisalu ya mono, ye kisielo ya mono bakaka na Mfumu Yesu, kutuba kitemo ya nsamu mbote ya nlemvo ya Nzambi. Bis. 21:13; 2 Kol. 5:20; Ngal. 1:1; Fili. 2:17; 2 Tim. 4:6; Tit. 1:3
25Ntangu yai, tala, mono zaba beno yonso ya mono tambulaka nakati na beno kusamuna kimfumu ya Nzambi, beno tamona luse ya mono diaka ve.
26Sambu na yai, mono tuba kitemo kwa beno kilumbu yai, mono ikele ya vedila tuka menga ya bantu yonso,
27kadi mono titaka fioti ve kusamuna kwa beno lukanu yonso ya Nzambi.
28Beno ditomatala beno kibeni ye kibuka yamvimba ya mameme, ya Mpeve Yanlongo imene kutula beno minkengi, kuvanda bamvungi ya dibundu ya Mfumu, ya yandi sumbaka na menga ya yandi kibeni. Nk. 74:2; Kolo. 1:14; 1 Tim. 3:1; 4:16; 1 Pet. 5:2; Ef. 1:7
29Mono zaba, kana mono imene kwenda, bambizi ya makasi takota nakati na beno, bau tamonisa mpasi kwa kibuka ya mameme. Mat. 7:15; 2 Pet. 2:1
30Nakati na beno kibeni bantu tatelema ye tuba mambu ya mbi kubenda banlonguki kulanda bau. 1 Yoa. 2:19
31Sambu na yai beno tomatala, ye bambuka, na kitezo ya mvu tatu mono bikaka ve kulonga beno muntu na muntu mu mpimpa ye ntangu na mansanga.
32Ntangu yai mono pesa beno kwa Nzambi ye kwa mambu ya nlemvo ya yandi, yandi lenda kutunga ye kupesa beno difwa sikamosi na bau yonso ya nlongo.
33Mono zolaka ve palata keti wola keti mvwatu ya muntu mosi. 1 Kol. 9:12; 2 Kol. 11:9; 12:13
34Beno kibeni zaba, na maboko yai sadilaka nsatu ya mono kibeni ye ya bau ya vandaka na mono. Bis. 18:3; 1 Kol. 4:12; 1 Tes. 2:9; 2 Tes. 3:8
35Mu mambu yonso mono pesaka beno kitezo, mu kisalu ya beno, beno fwiti kusadisa bau ya lebakana, ye bambuka mambu ya Mfumu Yesu, ya yandi kibeni tubaka: Kiese mingi kwa bau ya pesa, kansi fioti kwa bau ya baka.
36Bu yandi imene kutuba mpilayai, yandi fukamaka ye lombaka sikamosi na bau yonso.
37Bau yonso dilaka mingi, ye zingilaka va laka ya Paulu ye fibaka yandi,
38bau vandaka na ntantu ya luta sambu na mambu ya yandi tubaka, bau tamona luse ya yandi diaka ve. Bu sindika yandi ku masua.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nouveau Testament en Kikwango © BAliiance Biblique de la RD Congo, 1950.