Bisalu Ya Bantumwa 4
4
Petelo ye Yoane tulwa mu boloko
1Bu bau ikele kutuba kwa bantu, banganga ye bakuluntu ya tempelo ye basaduki kwizaka kwa bau,
2bau vandaka na makasi sambu na bau longaka bantu, ye samunaka na mfulukulu ya bafwa ikele mu Yesu.
3Bau simbaka bau na maboko ye tulaka bau mu boloko ti kilumbu ya kulanda; kadi nkokila imene kubwa. Bis. 5:18
4Mingi ya kuwaka mambu yina kwikilaka, ntalu ya babakala vandaka, mafunda tanu.
Bau funduswaka ye kangulwaka
5Yo vandaka mpilayai, mu kilumbu ya landa, bakuluntu ya bau ye bambuta ya bantu ye bansoniki kutakanaka mu Yelusalemi,
6ye Anasi nganga ya nene ye Kayafa ye Yoane ye Alesandelo ye bau yonso ya ikele bampangi ya nganga ya nene vandaka kuna.
7Bu bau tulaka bau nantwala na bau, bau yuvulaka bau: Mu ngolo nki ye mu nkumbu nki beno imene kusala mambu yai ?
8Buna Petelo fuluka na Mpeve Yanlongo, tubaka kwa bau: Beno bakuluntu ya bantu ye bambuta!
9Kana beno ikele kusosa mambu ya beto kilumbu yai, sambu na mambu ya mbote ya salwaka kwa muntu ya vandaka na maladi, ye nki belulaka yandi,
10bika beno yonso ye bantu yonso ya Isaeli zaba, muntu yai ikele kutelema awa nantwala na beno na ngolo yonso mu nkumbu ya Yesu Klisto ya Nazaleti ya beno komaka va kulunsi, ya Nzambi fulukisaka tuka bafwa. Bis. 3:6, 15
11Yandi ikele ditadi ya beno bantungi imene kubuya, yandi salwaka ditadi ya ntu ya fuma. Nk. 118:22; Yes. 28:16; Mat. 21:42; Mal. 12:10; Luk. 20:17; Lom. 9:33; 1 Pet. 2:6
12Mpulusu ikele mu yankaka ve, kadi nkumbu yankaka ikele ve nansi ya zulu, ya peswa nakati na bantu ya fwiti kuvulusa beto. Mat. 1:21; Yoa. 3:16; Bis. 5:31; 10:43
Bau buyaka bantumwa kulonga mu nkumbu ya Yesu
13Bu bau monaka kikesa ya Petelo ye Yoane, ye bau zabaka na bau ikele bantu ya longuka ve, ye ya konda ngangu, bau yitukaka ye zabaka na bau vandaka na Yesu.
14Bu bau monaka muntu ya belulaka ikele kutelema sikamosi na bau, bau lendaka ve kutuba mambu sambu na yo. Bis. 3:8
15Bu bau imene kusikidikisaka bau kukatuka nakati na bamfundisi, bau tubanaka mu kinsweki,
16bau tubaka: Beto tasala nki kwa bantu yai ? Kadi yo imene kumonika kwa yonso ya vanda mu Yelusalemi na kidimbu ya luta nene imene kusalwa mu bau, ye beto lenda kubuya yo ve.
17Bika beto tuba ndinga ya makasi kwa bau, na bau tatuba kwa muntu diaka ve mu nkumbu yai, na mambu yai tamwangana diaka ve nakati bantu. Bis. 5:28, 40
18Bau bingaka bau ye kanikinaka bau kutuba tafioti ve keti kulonga mu nkumbu ya Yesu.
19Petelo ye Yoane vutulaka ye tubaka kwa bau: Yo ikele mbote na meso ya Nzambi kuwa beno keti kuwa Nzambi, beno zenga yo, Bis. 5:29
20kadi beto lenda ve kubuya kutuba mambu ya beto monaka ye kuwaka. 1 Yoa. 1:1
21Bu bau imene kutuba ndinga ya makasi yankaka kwa bau, bau bikaka bau kwenda, sambu na bau monaka mambu ve kubula bau, sambu na bantu, kadi bantu yonso kembisaka Nzambi sambu na mambu ya salwaka.
22Kadi muntu yai ya salwa kidimbu yai ya beluka lutaka mvu makumi iya.
Petelo ye Yoane vutukaka kwa bantumwa yankaka
23Bu bau bikaka bau, bau kwizaka kwa bantu ya bau, ye songaka bau mambu yonso ya bambuta banganga ye bambuta ya bantu tubaak kwa bau.
24Bu bau kuwaka yo, bau tulaka ndinga ya bau sikamosi kwa Nzambi, ye tubaka: Mfumu, nge ya salaka zulu ye ntoto ye mbu ye bima yonso mu yau; Yes. 37:16; Yel. 32:17
25nge tubaka mu Mpeve Yanlongo mu munoko ya sielo ya nge Davidi, tata ya beto: Sambu na nki bapaien vandaka na makasi ye bantu banzaka mambu mpamba ? Nk. 2:1
26Bantinu ya ntoto telemaka na ndonga ye bakuluntu yonso kutakanaka sikamosi kutelemina Mfumu ye Klisto ya yandi.
27Kadi kieleka mu mbanza yai Elode ye Pontio Pilatu ye bapaien ye bantu ya Isaeli kutakanaka sikamosi kutelemina Yesu, Sielo ya nge ya nlongo, ya nge sitaka,
28kusala mambu yonso ya diboko ya nge, ye lukanu ya nge songaka na yo tavanda mpilayai.
29Ntangu yai, Mfumu, tala ndinga ya makasi ya bau, ye pesa beto bampika ya nge kikesa yonso kutuba mambu ya nge. 1 Kol. 7:22
30Bu nge tula diboko ya nge kubelula, bika bidimbu ye nyitukulu salwa mu nkumbu ya Yesu sielo ya nge ya nlongo.
31Bu bau imene kulomba, sika ya bau kutakanaka nikukaka ngolo, ye bau yonso fulukaka na Mpeve Yanlongo, bau tubaka mambu ya Nzambi mu kikesa.
Kitezo ya dibundu ya ntete vandaka
32Kibuka ya bau ya kwikilaka vandaka na ntima mosi ye mwela mosi, ye muntu mosi tubaka ve na bima ya yandi ikele bima ya yandi mosi, kansi bima yonso vandaka ya bau yonso. Yoa. 17:21; Bis. 2:44; Ngal. 3:28; Fili. 1:27; 2:2, 20
33Bantumwa songaka kitemo ya mfulukulu ya Mfumu Yesu Klisto mu ngolo mingi, ye nlemvo mingi vandaka na bau yonso.
34Mpe nakati na bau muntu mosi vandaka ve ya konda bima; kadi bau yonso ya vandaka na ntoto ye banzo tekaka yau, ye twalaka ntalu ya bima ya tekwaka,
35bau tulaka yau na makulu ya bantumwa, ye bau kabaka yau kwa muntu na muntu bonso vandaka nsatu ya yandi. Bis. 2:45
36Yosefi ya bantumwa pesaka nkumbu Banaba, na tendula ikele yai: Mwana ya bombodolo, yandi ikele muntu ya Levi ya kikanda mwisi Kipelo,
37yandi vandaka na dilanga ye tekaka yo, ye twalaka mbongo ya yo, ye tulaka yo na makulu ya bantumwa.
Currently Selected:
Bisalu Ya Bantumwa 4: NTK50
Highlight
Share
Copy
Want to have your highlights saved across all your devices? Sign up or sign in
Nouveau Testament en Kikwango © BAliiance Biblique de la RD Congo, 1950.
Bisalu Ya Bantumwa 4
4
Petelo ye Yoane tulwa mu boloko
1Bu bau ikele kutuba kwa bantu, banganga ye bakuluntu ya tempelo ye basaduki kwizaka kwa bau,
2bau vandaka na makasi sambu na bau longaka bantu, ye samunaka na mfulukulu ya bafwa ikele mu Yesu.
3Bau simbaka bau na maboko ye tulaka bau mu boloko ti kilumbu ya kulanda; kadi nkokila imene kubwa. Bis. 5:18
4Mingi ya kuwaka mambu yina kwikilaka, ntalu ya babakala vandaka, mafunda tanu.
Bau funduswaka ye kangulwaka
5Yo vandaka mpilayai, mu kilumbu ya landa, bakuluntu ya bau ye bambuta ya bantu ye bansoniki kutakanaka mu Yelusalemi,
6ye Anasi nganga ya nene ye Kayafa ye Yoane ye Alesandelo ye bau yonso ya ikele bampangi ya nganga ya nene vandaka kuna.
7Bu bau tulaka bau nantwala na bau, bau yuvulaka bau: Mu ngolo nki ye mu nkumbu nki beno imene kusala mambu yai ?
8Buna Petelo fuluka na Mpeve Yanlongo, tubaka kwa bau: Beno bakuluntu ya bantu ye bambuta!
9Kana beno ikele kusosa mambu ya beto kilumbu yai, sambu na mambu ya mbote ya salwaka kwa muntu ya vandaka na maladi, ye nki belulaka yandi,
10bika beno yonso ye bantu yonso ya Isaeli zaba, muntu yai ikele kutelema awa nantwala na beno na ngolo yonso mu nkumbu ya Yesu Klisto ya Nazaleti ya beno komaka va kulunsi, ya Nzambi fulukisaka tuka bafwa. Bis. 3:6, 15
11Yandi ikele ditadi ya beno bantungi imene kubuya, yandi salwaka ditadi ya ntu ya fuma. Nk. 118:22; Yes. 28:16; Mat. 21:42; Mal. 12:10; Luk. 20:17; Lom. 9:33; 1 Pet. 2:6
12Mpulusu ikele mu yankaka ve, kadi nkumbu yankaka ikele ve nansi ya zulu, ya peswa nakati na bantu ya fwiti kuvulusa beto. Mat. 1:21; Yoa. 3:16; Bis. 5:31; 10:43
Bau buyaka bantumwa kulonga mu nkumbu ya Yesu
13Bu bau monaka kikesa ya Petelo ye Yoane, ye bau zabaka na bau ikele bantu ya longuka ve, ye ya konda ngangu, bau yitukaka ye zabaka na bau vandaka na Yesu.
14Bu bau monaka muntu ya belulaka ikele kutelema sikamosi na bau, bau lendaka ve kutuba mambu sambu na yo. Bis. 3:8
15Bu bau imene kusikidikisaka bau kukatuka nakati na bamfundisi, bau tubanaka mu kinsweki,
16bau tubaka: Beto tasala nki kwa bantu yai ? Kadi yo imene kumonika kwa yonso ya vanda mu Yelusalemi na kidimbu ya luta nene imene kusalwa mu bau, ye beto lenda kubuya yo ve.
17Bika beto tuba ndinga ya makasi kwa bau, na bau tatuba kwa muntu diaka ve mu nkumbu yai, na mambu yai tamwangana diaka ve nakati bantu. Bis. 5:28, 40
18Bau bingaka bau ye kanikinaka bau kutuba tafioti ve keti kulonga mu nkumbu ya Yesu.
19Petelo ye Yoane vutulaka ye tubaka kwa bau: Yo ikele mbote na meso ya Nzambi kuwa beno keti kuwa Nzambi, beno zenga yo, Bis. 5:29
20kadi beto lenda ve kubuya kutuba mambu ya beto monaka ye kuwaka. 1 Yoa. 1:1
21Bu bau imene kutuba ndinga ya makasi yankaka kwa bau, bau bikaka bau kwenda, sambu na bau monaka mambu ve kubula bau, sambu na bantu, kadi bantu yonso kembisaka Nzambi sambu na mambu ya salwaka.
22Kadi muntu yai ya salwa kidimbu yai ya beluka lutaka mvu makumi iya.
Petelo ye Yoane vutukaka kwa bantumwa yankaka
23Bu bau bikaka bau, bau kwizaka kwa bantu ya bau, ye songaka bau mambu yonso ya bambuta banganga ye bambuta ya bantu tubaak kwa bau.
24Bu bau kuwaka yo, bau tulaka ndinga ya bau sikamosi kwa Nzambi, ye tubaka: Mfumu, nge ya salaka zulu ye ntoto ye mbu ye bima yonso mu yau; Yes. 37:16; Yel. 32:17
25nge tubaka mu Mpeve Yanlongo mu munoko ya sielo ya nge Davidi, tata ya beto: Sambu na nki bapaien vandaka na makasi ye bantu banzaka mambu mpamba ? Nk. 2:1
26Bantinu ya ntoto telemaka na ndonga ye bakuluntu yonso kutakanaka sikamosi kutelemina Mfumu ye Klisto ya yandi.
27Kadi kieleka mu mbanza yai Elode ye Pontio Pilatu ye bapaien ye bantu ya Isaeli kutakanaka sikamosi kutelemina Yesu, Sielo ya nge ya nlongo, ya nge sitaka,
28kusala mambu yonso ya diboko ya nge, ye lukanu ya nge songaka na yo tavanda mpilayai.
29Ntangu yai, Mfumu, tala ndinga ya makasi ya bau, ye pesa beto bampika ya nge kikesa yonso kutuba mambu ya nge. 1 Kol. 7:22
30Bu nge tula diboko ya nge kubelula, bika bidimbu ye nyitukulu salwa mu nkumbu ya Yesu sielo ya nge ya nlongo.
31Bu bau imene kulomba, sika ya bau kutakanaka nikukaka ngolo, ye bau yonso fulukaka na Mpeve Yanlongo, bau tubaka mambu ya Nzambi mu kikesa.
Kitezo ya dibundu ya ntete vandaka
32Kibuka ya bau ya kwikilaka vandaka na ntima mosi ye mwela mosi, ye muntu mosi tubaka ve na bima ya yandi ikele bima ya yandi mosi, kansi bima yonso vandaka ya bau yonso. Yoa. 17:21; Bis. 2:44; Ngal. 3:28; Fili. 1:27; 2:2, 20
33Bantumwa songaka kitemo ya mfulukulu ya Mfumu Yesu Klisto mu ngolo mingi, ye nlemvo mingi vandaka na bau yonso.
34Mpe nakati na bau muntu mosi vandaka ve ya konda bima; kadi bau yonso ya vandaka na ntoto ye banzo tekaka yau, ye twalaka ntalu ya bima ya tekwaka,
35bau tulaka yau na makulu ya bantumwa, ye bau kabaka yau kwa muntu na muntu bonso vandaka nsatu ya yandi. Bis. 2:45
36Yosefi ya bantumwa pesaka nkumbu Banaba, na tendula ikele yai: Mwana ya bombodolo, yandi ikele muntu ya Levi ya kikanda mwisi Kipelo,
37yandi vandaka na dilanga ye tekaka yo, ye twalaka mbongo ya yo, ye tulaka yo na makulu ya bantumwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nouveau Testament en Kikwango © BAliiance Biblique de la RD Congo, 1950.