Yoane 15
15
Kingana ya nti ya vinia
1Mono ikele nti ya vinia kieleka, ye Tata ya mono ikele musadi ya yo.
2Konso vala mu mono ya buta mabundu ve, yandi katula yo, ye konso vala ya buta mabundu yandi vedisa yo, na yo lenda kuluta kubuta mabundu.
3Ntangu yai beno ikele ya vedila sambu na mambu ya mono tubaka kwa beno. Yoa. 13:10
4Vanda mu mono ye mono mu beno. Bonso vala lenda ve kubuta mabundu yo kibeni, kaka kana yo vanda mu nti ya vinia, mpilayai beno mpe lenda ve, bu beno vanda mu mono ve.
5Mono ikele nti ya vinia, beno ikele mavala: Yandi ya vanda mu mono, ye mono mu yandi, yandi buta mabundu mingi, kadi kana beno ikele mu mono ve, beno lenda kusala kima ve.
6Kana muntu vanda mu mono ve, buna yandi taloswa bonso vala, ye tayuma, ye bau kutikisa yau, ye losa yau mu tiya ye yau yokwa. Mat. 7:19
7Kana beno vanda mu mono ye mambu ya mono vanda mu beno, lomba konsokima ya beno zola ye yo tasalwa kwa beno. Yoa. 14:13; 16:23, 26; 1 Yoa. 3:22
8Mu yai Tata ya mono kembiswa na beno buta mabundu mingi, ye beno tavanda banlonguki ya mono. Mat. 5:16; 1 Pet. 2:12
Zola ya kieleka
9Bonso Tata imene kuzola mono, mono mpe imene kuzola beno. Vanda mu zola ya mono.
10Kana beno lunda nsikudukusu ya mono, beno tavanda mu zola ya mono, bonso mono lundaka nsikudukusu ya Tata ya mono ye vanda mu zola ya yandi. Yoa. 14:15
11Mambu yai mono tubaka kwa beno, na kiese ya mono lenda kuvanda mu beno, ya kiese ya beno lenda kulunga. Yoa. 17:13
12Yai ikele nsikudukusu ya mono, na beno tazolana, bonso mono imene kuzola beno. Yoa. 13:14, 34; Ef. 5:2; 1 Tes. 4:9; 1 Yoa. 3:11, 16; 4:21
13Zola ikele na muntu ve ya luta yai, na muntu pesa moyo ya yandi sambu na banduku ya yandi. 1 Yoa. 3:16
Yesu ikele nduku ya banlonguki ya yandi
14Beno ikele banduku ya mono, kana beno sala mambu ya mono sikidikisa beno. Yoa. 8:31
15Mono binga beno bampika diaka ve, kadi mpika zaba ve yina ya Mfumu ya yandi sala. Kansi mono binga beno banduku, sambu na mambu yonso ya mono kuwaka ya Tata, mono zaisaka beno yau.
16Beno solaka mono ve, kansi mono solaka beno; Mono sikidikisa beno, na beno takwenda ye buta mabundu, na mabundu ya beno tavanda; na konsokima ya beno lomba kwa Tata mu nkumbu ya mono, yandi tapesa beno yo. Mat. 28:19; Yoa. 14:13
17Mambu yai mono sikidikisa beno, na beno lenda kuzolana. Yoa. 13:14
Nzi tavanda na banlonguki ya Yesu makasi
18Kana nsi ikele na beno makasi, beno zaba, bau vandaka na mono makasi ntete. Yoa. 7:7
19Kana beno ikele ya nsi, nsi tazola ya yandi, kansi sambu na beno ikele ya nsi ve, kansi mono solaka beno mu nsi, sambu na yai nsi kuwila beno makasi. 1 Yoa. 4:5
20Bambuka mambu ya mono tubaka kwa beno: Mpika luta mfumu ya yandi nene ve. Kana bau zoma mono, bau tazoma beno mpe. Kana bau lunda mambu ya mono, bau talunda mambu ya beno mpe.
21Kansi mambu yai yonso bau tasala kwa beno sambu na nkumbu ya mono, sambu na bau zaba ve yandi ya fidisaka mono. Mat. 24:9; Yoa. 16:3
22Kana mono kwizaka ve ye tubaka kwa bau, bau imene kuvanda na masumu ve; kansi ntangu yai bau ikele na sika ve na kusweka masumu ya bau. Yoa. 9:41
23Yandi ya ikele na mono makasi, ikele na Tata ya mono makasi mpe.
24Kana mono imene kusala ve bisalu nakati ya bau na muntu yankaka salaka ve, bau ikele na masumu ve, kansi ntangu yai bau imene kumona mono, ye kuvanda na makasi kwa mono ye kwa Tata ya mono.
25Kansi mambu yai imene kwiza, na mambu lenda kumaniswa, ya sonama mu nsiku ya bau: Bau vandaka na mono makasi mpamba.
26Bu Nsadisi imene kwiza, yandi tatuba kitemo sambu na mono, ikele yandi ya mono tafidisa kwa beno tuka Tata, ikele Mpeve ya kieleka ya katuka na Tata. Luk. 24:49; Yoa. 14:16, 26; 16:7
27Kansi beno mpe tatuba kitemo, sambu na beno imene kuvanda na mono tuka mu luyantiku. Bis. 1:21; 5:32
Currently Selected:
Yoane 15: NTK50
Highlight
Share
Copy
Want to have your highlights saved across all your devices? Sign up or sign in
Nouveau Testament en Kikwango © BAliiance Biblique de la RD Congo, 1950.
Yoane 15
15
Kingana ya nti ya vinia
1Mono ikele nti ya vinia kieleka, ye Tata ya mono ikele musadi ya yo.
2Konso vala mu mono ya buta mabundu ve, yandi katula yo, ye konso vala ya buta mabundu yandi vedisa yo, na yo lenda kuluta kubuta mabundu.
3Ntangu yai beno ikele ya vedila sambu na mambu ya mono tubaka kwa beno. Yoa. 13:10
4Vanda mu mono ye mono mu beno. Bonso vala lenda ve kubuta mabundu yo kibeni, kaka kana yo vanda mu nti ya vinia, mpilayai beno mpe lenda ve, bu beno vanda mu mono ve.
5Mono ikele nti ya vinia, beno ikele mavala: Yandi ya vanda mu mono, ye mono mu yandi, yandi buta mabundu mingi, kadi kana beno ikele mu mono ve, beno lenda kusala kima ve.
6Kana muntu vanda mu mono ve, buna yandi taloswa bonso vala, ye tayuma, ye bau kutikisa yau, ye losa yau mu tiya ye yau yokwa. Mat. 7:19
7Kana beno vanda mu mono ye mambu ya mono vanda mu beno, lomba konsokima ya beno zola ye yo tasalwa kwa beno. Yoa. 14:13; 16:23, 26; 1 Yoa. 3:22
8Mu yai Tata ya mono kembiswa na beno buta mabundu mingi, ye beno tavanda banlonguki ya mono. Mat. 5:16; 1 Pet. 2:12
Zola ya kieleka
9Bonso Tata imene kuzola mono, mono mpe imene kuzola beno. Vanda mu zola ya mono.
10Kana beno lunda nsikudukusu ya mono, beno tavanda mu zola ya mono, bonso mono lundaka nsikudukusu ya Tata ya mono ye vanda mu zola ya yandi. Yoa. 14:15
11Mambu yai mono tubaka kwa beno, na kiese ya mono lenda kuvanda mu beno, ya kiese ya beno lenda kulunga. Yoa. 17:13
12Yai ikele nsikudukusu ya mono, na beno tazolana, bonso mono imene kuzola beno. Yoa. 13:14, 34; Ef. 5:2; 1 Tes. 4:9; 1 Yoa. 3:11, 16; 4:21
13Zola ikele na muntu ve ya luta yai, na muntu pesa moyo ya yandi sambu na banduku ya yandi. 1 Yoa. 3:16
Yesu ikele nduku ya banlonguki ya yandi
14Beno ikele banduku ya mono, kana beno sala mambu ya mono sikidikisa beno. Yoa. 8:31
15Mono binga beno bampika diaka ve, kadi mpika zaba ve yina ya Mfumu ya yandi sala. Kansi mono binga beno banduku, sambu na mambu yonso ya mono kuwaka ya Tata, mono zaisaka beno yau.
16Beno solaka mono ve, kansi mono solaka beno; Mono sikidikisa beno, na beno takwenda ye buta mabundu, na mabundu ya beno tavanda; na konsokima ya beno lomba kwa Tata mu nkumbu ya mono, yandi tapesa beno yo. Mat. 28:19; Yoa. 14:13
17Mambu yai mono sikidikisa beno, na beno lenda kuzolana. Yoa. 13:14
Nzi tavanda na banlonguki ya Yesu makasi
18Kana nsi ikele na beno makasi, beno zaba, bau vandaka na mono makasi ntete. Yoa. 7:7
19Kana beno ikele ya nsi, nsi tazola ya yandi, kansi sambu na beno ikele ya nsi ve, kansi mono solaka beno mu nsi, sambu na yai nsi kuwila beno makasi. 1 Yoa. 4:5
20Bambuka mambu ya mono tubaka kwa beno: Mpika luta mfumu ya yandi nene ve. Kana bau zoma mono, bau tazoma beno mpe. Kana bau lunda mambu ya mono, bau talunda mambu ya beno mpe.
21Kansi mambu yai yonso bau tasala kwa beno sambu na nkumbu ya mono, sambu na bau zaba ve yandi ya fidisaka mono. Mat. 24:9; Yoa. 16:3
22Kana mono kwizaka ve ye tubaka kwa bau, bau imene kuvanda na masumu ve; kansi ntangu yai bau ikele na sika ve na kusweka masumu ya bau. Yoa. 9:41
23Yandi ya ikele na mono makasi, ikele na Tata ya mono makasi mpe.
24Kana mono imene kusala ve bisalu nakati ya bau na muntu yankaka salaka ve, bau ikele na masumu ve, kansi ntangu yai bau imene kumona mono, ye kuvanda na makasi kwa mono ye kwa Tata ya mono.
25Kansi mambu yai imene kwiza, na mambu lenda kumaniswa, ya sonama mu nsiku ya bau: Bau vandaka na mono makasi mpamba.
26Bu Nsadisi imene kwiza, yandi tatuba kitemo sambu na mono, ikele yandi ya mono tafidisa kwa beno tuka Tata, ikele Mpeve ya kieleka ya katuka na Tata. Luk. 24:49; Yoa. 14:16, 26; 16:7
27Kansi beno mpe tatuba kitemo, sambu na beno imene kuvanda na mono tuka mu luyantiku. Bis. 1:21; 5:32
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nouveau Testament en Kikwango © BAliiance Biblique de la RD Congo, 1950.