Luka 12
12
Yesu longa banlonguki sambu na kutuba kitemo mbote
1Mu ntangu yina bantu mafunda kumi kutakanaka, bau diatanaka, buna yandi yantikaka kutuba kwa banlonguki ya yandi: Ntete, dikeba sambu na lufunusu ya bafalisi ya ikele luvunu. Mal. 8:15
2Kima ikele ve ya fukwa ya konda kumonika, ye ya kinsweki ya konda kuzabana. Mat. 10:26; Mal. 4:22; Luk. 8:17
3Mpilayai mambu yonso ya beno tuba mu ntombe, yo takuwakana mu mwini, ye yonso ya beno tuba mu dikutu mu nzo ya kinsweki, tasamunwa va banludi.
4Mono tuba kwa beno, banduku ya mono: Tita ve bau ya ikele kufwa nitu, ye nanima bau ikele na kima yankaka ve ya bau lenda kusala. 1 Pet. 3:14
5Kansi mono luengisa beno yandi ya beno fwiti kutita: Tita yandi ya ikele na ngolo kutula beno mu bilungi bu yandi imene kufwa beno, E, mono tuba kwa beno: Tita yandi.
6Bau ikele kuteka ve bandeke fioti tanu na makuta zole ? Mosi ya bau tavila ve na luse ya Nzambi.
7Kansi nsuki ya ntu ya beno ikele ya tangwa mpe. Vanda na boma ve; beno luta bandeke mingi mu ntalu. 2 Sam. 14:11; Luk. 9:36; Bis. 27:34
8Mono mpe ikele kutuba kwa beno: Konso muntu ya ndima mono nantwala ya bantu, Mwana ya muntu tandima yandi mpe nantwala ya banjo ya Nzambi. Mal. 8:28; Luk. 9:26; Nzai. 3:5
9Konso muntu ya buya mono nantwala ya bantu, mono mpe tabuya yandi nantwala ya banjo ya Nzambi.
10Konsonani ya tubila Mwana ya muntu ndinga mbi, yandi tavidiswa, kansi konsonani ya tuba mbi sambu na Mpeve Yanlongo, yandi tavidiswa ve. Mal. 3:28; Eb. 6:4; 10:26; 1 Yoa. 5:16
11Ye bu bau twala beno mu banzo ya sambilu, ye kwa bankuluntu, ye kwa bankwa ngolo, beno vanda na mabanza ve, mpila nki beno fwiti kuvutula keti nki beno fwiti kutuba; Mat. 10:18; Mal. 3:11; Luk. 21:14
12kadi Mpeve Yanlongo talonga beno mambu ya beno fwiti kutu Nlongi, bu nge tuba yai, nge ikele ba mu lokula yina.
Yesu kanikina zola ya mbongo
13Mosi ya kibuka tubaka kwa yandi: Nlongi, tuba kwa mpangi ya mono na yandi kaba difwa na mono.
14Kansi yandi tubaka kwa yandi: Nge muntu, nani tulaka mono mfundisi keti mukabi ya bima ya beno ?
15Yandi tubaka kwa bau: Beno tomatala, ye dikeba na zola ya mbongo, kadi moyo ya muntu ikele ve sambu na bima mingi ya ikele na yandi.
16Yandi tubaka kingana kwa bau; kutuba: Bilanga ya muntu mvwama yelaka bima mingi.
17Yandi banzaka mu ntima ya yandi, kutuba: Mono tasala nki, kadi mono ikele na sika ve ya mono fwiti kuyonzika mabundu ya mono ?
18Yandi tubaka: Mono tasala mpilayai, mono tapasula lundulu ya mono, ye tunga yanene, ye muna mono tayonzika nkeni ya ble ya mono yonso, ye bima mbote ya mono.
19Ye mono tatuba kwa mwela ya mono: Mwela, nge ikele na bima mingi ya mbote ya lundwa mvu mingi; vundisa, kudia, kunwa, vanda na kiese. Mpovi 11:9; 1 Kol. 15:32; Yak. 5:5
20Kansi Nzambi tubaka kwa yandi: Nge muntu ya buzoba, mpimpa yai, mwela ya nge tabingwa na nge, ye bima ya nge imene kuyidika tavanda ya nani ? Yobi 20:22; Nk. 39:6; Yel. 17:11
21Mpilayai ikele yandi ya dilundila bima, kansi ya ikele na kimvwama ve kwa Nzambi. 1 Tim. 6:17
22Ye yandi tubaka kwa banlonguki ya yandi: Sambu na yai, mono tuba kwa beno, vanda na mabanza ve sambu na mwela ya beno, nki beno takudia, ye sambu na nitu ya beno, nki beno tavwata. Mat. 6:25; Fili. 4:6; Eb. 13:15; 1 Pet. 5:7
23Moyo ikele kuluta madia, ye nitu luta mvwatu.
24Tala, bambemba, bau ikele kukuna ve ye yonzika ve; bau ikele na lundulu ve keti nzo ve; ye Nzambi ikele kudikila bau; beno luta bandeke mu ntalu. Nk. 147:9; Yobi 39:3; Mat. 10:31
25Buna nani nakati ya beno na mabanza ya yandi lenda kuyika kwa ntela ya yandi centimetre makumi tanu ?
26Kana beno lenda ve kusala mambu yai ya fioti, sambu na nki beno ikele na mabanza sambu na yankaka ?
27Tala bintuntu ya nseke, mpilamosi yau ikele kukula, yau ikele kusala ve, yau ikele kutunga bwanda ve, kansi mono tuba kwa beno: Solomo mu nkembo ya yandi yonso vwatiswaka ve bonso mosi ya yau.
28Kana Nzambi vwatisa matiti ya nseke mpilayai ya ikele bubu, kansi mbazi ikele kuloswa mu foloni, buna beno bantu ya lukwikilu fioti; yandi taluta kuvwatisa beno.
29Ye beno mpe sosa ve ya beno takudia, ye ya beno takunwa, beno tula ntembe ve mu ntima;
30kadi bapaien mu nsi ikele kusosa yina yonso, kansi Tata ya beno zaba ya beno ikele na yau nsatu.
31Kansi sosa kimfumu ya yandi, buna beno tapeswa bima yai. Nk. 37:24
32Tita ve, kibuka fioti ya mameme; kadi yo ikele nzolakani ya Tata ya beno kupesa beno kimfumu.
33Teka yina ya ikele na beno, pesa makabu ya nkenda; disadila ngoto ya mbongo ya lenda kununa ve, ku lundulu mu mazulu ya mvu ya mvu, kuna mwivi kwiza mfinama ve, ye banyama bivisa ve. Mat. 6:19; Luk. 6:9; Bis. 2:45; 1 Tim. 6:9, 11
34Kadi sika ya lundulu ya beno ikele, kuna tavanda ntima ya beno mpe.
Yesu longa banlonguki ya yandi kwiza ya yandi ya zole
35Bika tuketo ya beno kangwa, ye mwinda ya beno lema. Ef. 6:14; 1 Pet. 1:13
36Beno vanda mpilamosi bantu ya ikele kuvingila mfumu ya bau, bu yandi vutuka tuka makwela, na bau lenda kukangudila yandi nswalu, bu yandi kwiza kunkuta.
37Kiese ikele na bampika yina, bu mfumu ya bau kwiza, yandi kuta bau tomatala. Kieleka mono tuba kwa beno: Yandi takanga luketo ya yandi ye vandisa bau na mesa ye takwiza kusadila bau.
38Kana yandi kuma mu nkengila ya zole keti ya tatu ye takuta bau kusala mpilayina, kiese ikele na bau. Mat. 24:42
39Beno zaba yai, kana mfumu ya nzo zaba lokula yina ya kwiza mwivi, yandi tavanda kukeba ye bika nzo ya yandi timwa ve.
40Beno mpe vanda ya yidika kadi Mwana ya muntu takwiza mu lokula ya beno banza ve. Mal. 13:33; Luk. 21:34
41Petelo tubaka kwa yandi: Mfumu, nge imene kutuba kingana yai kwa beto keti kwa bau yonso ?
42Mfumu tubaka: Buna nani ikele nkebi ya kwikama ye ya ngangu ya mfumu tapesa luyalu ya bantu ya nzo ya yandi sambu na kupesa madia ya bau mu ntangu ya lunga ? Mat. 24:45; 1 Kol. 4:2
43Kiese ikele na mpika yai bu mfumu ya yandi vutuka, yandi kuta yandi kusala mpilayai.
44Kieleka mono tuba kwa beno: Yandi tayadisa yandi va bima yonso ya ikele na yandi.
45Kansi kana mpika yai tuba mu ntima ya yandi: Mfumu ya mono ikele kuvingila na kwiza, ye yandi yantika kubula basielo ya babakala ye ya bankento ye kudia ye kunwa ye kukolwa.
46Buna mfumu ya mpika yina takwiza kilumbu ya yandi vingila ve, ye lokula ya yandi zaba ve, ye tabula yandi ngolo ye tapesa yandi ndambu sika mosi na bantu ya konda lukwikilu.
47Kansi mpika yina ya zaba luzolo ya mfumu ya yandi, ye yandi yidikaka ve, ye salaka luzolo ya yandi ve; yandi tabula yandi kubula mingi;
48kansi yandi ya zaba ve, kansi yandi salaka mambu ya lunga kubulwa tabulwa fioti, sambu na kwa konsonani ya peswa mingi, bau talomba yandi mingi, ye kwa konsonani ya bantu imene kupesa bima mingi, kwa yandi bau talomba ya luta.
Yesu tuba sambu na mpasi ya takwiza
49Mono kwizaka kufidisa tiya va ntoto, mono zola nki, kana yo imene kwikwa ? Mat. 10:34
50Mono ikele na mbotika ya mono tabotikwa, mono ikele na mambu ya ngolo ti yo kumana. Mat. 20:22
51Beno banza mono kwiza kupesa yenge va ntoto ? Mono tuba kwa beno: Ve, kansi kabana.
52Tuka ntangu yai bantu tanu tavanda mu nzo mosi ya kabana; tatu kwa zole ye zole kwa tatu.
53Bau takabana, tata kwa mwana bakala, ye mwana bakala kwa tata, ngudi kwa mwana nkento ye mwana nkento kwa ngudi, bukilo nkento kwa nkento ya mwana ya yandi, ye nkento ya mwana kwa bukila nkento.
54Yandi tubaka mpe kwa bibuka: Bu beno mona tuti tomboka na ndambu ya weste, nswalu beno ikele kutuba: Mvula tanoka; ye yo tavanda mpilayai. Mat. 16:2
55Ye bu beno mona mupepe ya sude veva, beno tuba: Mbangazi tavanda, ye yo tavanda mpilayai.
56Beno bantu ya luvunu, beno zaba kutendula luse ya ntoto ye zulu, kansi mpila nki beno ikele kutendula ve ntangu yai ?
57Sambu na nki beno kibeni ikele kuzenga ve mfundusu ya lunungu ? Mat. 5:25
58Kadi bu nge ikele kwenda na mbeni ya nge kwa nkuluntu, na nzila nge tameka mingi na kubikwa kwa yandi, kana ve, yandi tabenda nge kwa mfundisi: ye mfundisi tayekula nge kwa polisi, ye polisi talosa nge mu boloko.
59Mono tuba kwa nge: Muna nge tabasika ve, ti nge futa yonso, ta dikuta mosi bika ve.
Currently Selected:
Luka 12: NTK50
Highlight
Share
Copy
Want to have your highlights saved across all your devices? Sign up or sign in
Nouveau Testament en Kikwango © BAliiance Biblique de la RD Congo, 1950.
Luka 12
12
Yesu longa banlonguki sambu na kutuba kitemo mbote
1Mu ntangu yina bantu mafunda kumi kutakanaka, bau diatanaka, buna yandi yantikaka kutuba kwa banlonguki ya yandi: Ntete, dikeba sambu na lufunusu ya bafalisi ya ikele luvunu. Mal. 8:15
2Kima ikele ve ya fukwa ya konda kumonika, ye ya kinsweki ya konda kuzabana. Mat. 10:26; Mal. 4:22; Luk. 8:17
3Mpilayai mambu yonso ya beno tuba mu ntombe, yo takuwakana mu mwini, ye yonso ya beno tuba mu dikutu mu nzo ya kinsweki, tasamunwa va banludi.
4Mono tuba kwa beno, banduku ya mono: Tita ve bau ya ikele kufwa nitu, ye nanima bau ikele na kima yankaka ve ya bau lenda kusala. 1 Pet. 3:14
5Kansi mono luengisa beno yandi ya beno fwiti kutita: Tita yandi ya ikele na ngolo kutula beno mu bilungi bu yandi imene kufwa beno, E, mono tuba kwa beno: Tita yandi.
6Bau ikele kuteka ve bandeke fioti tanu na makuta zole ? Mosi ya bau tavila ve na luse ya Nzambi.
7Kansi nsuki ya ntu ya beno ikele ya tangwa mpe. Vanda na boma ve; beno luta bandeke mingi mu ntalu. 2 Sam. 14:11; Luk. 9:36; Bis. 27:34
8Mono mpe ikele kutuba kwa beno: Konso muntu ya ndima mono nantwala ya bantu, Mwana ya muntu tandima yandi mpe nantwala ya banjo ya Nzambi. Mal. 8:28; Luk. 9:26; Nzai. 3:5
9Konso muntu ya buya mono nantwala ya bantu, mono mpe tabuya yandi nantwala ya banjo ya Nzambi.
10Konsonani ya tubila Mwana ya muntu ndinga mbi, yandi tavidiswa, kansi konsonani ya tuba mbi sambu na Mpeve Yanlongo, yandi tavidiswa ve. Mal. 3:28; Eb. 6:4; 10:26; 1 Yoa. 5:16
11Ye bu bau twala beno mu banzo ya sambilu, ye kwa bankuluntu, ye kwa bankwa ngolo, beno vanda na mabanza ve, mpila nki beno fwiti kuvutula keti nki beno fwiti kutuba; Mat. 10:18; Mal. 3:11; Luk. 21:14
12kadi Mpeve Yanlongo talonga beno mambu ya beno fwiti kutu Nlongi, bu nge tuba yai, nge ikele ba mu lokula yina.
Yesu kanikina zola ya mbongo
13Mosi ya kibuka tubaka kwa yandi: Nlongi, tuba kwa mpangi ya mono na yandi kaba difwa na mono.
14Kansi yandi tubaka kwa yandi: Nge muntu, nani tulaka mono mfundisi keti mukabi ya bima ya beno ?
15Yandi tubaka kwa bau: Beno tomatala, ye dikeba na zola ya mbongo, kadi moyo ya muntu ikele ve sambu na bima mingi ya ikele na yandi.
16Yandi tubaka kingana kwa bau; kutuba: Bilanga ya muntu mvwama yelaka bima mingi.
17Yandi banzaka mu ntima ya yandi, kutuba: Mono tasala nki, kadi mono ikele na sika ve ya mono fwiti kuyonzika mabundu ya mono ?
18Yandi tubaka: Mono tasala mpilayai, mono tapasula lundulu ya mono, ye tunga yanene, ye muna mono tayonzika nkeni ya ble ya mono yonso, ye bima mbote ya mono.
19Ye mono tatuba kwa mwela ya mono: Mwela, nge ikele na bima mingi ya mbote ya lundwa mvu mingi; vundisa, kudia, kunwa, vanda na kiese. Mpovi 11:9; 1 Kol. 15:32; Yak. 5:5
20Kansi Nzambi tubaka kwa yandi: Nge muntu ya buzoba, mpimpa yai, mwela ya nge tabingwa na nge, ye bima ya nge imene kuyidika tavanda ya nani ? Yobi 20:22; Nk. 39:6; Yel. 17:11
21Mpilayai ikele yandi ya dilundila bima, kansi ya ikele na kimvwama ve kwa Nzambi. 1 Tim. 6:17
22Ye yandi tubaka kwa banlonguki ya yandi: Sambu na yai, mono tuba kwa beno, vanda na mabanza ve sambu na mwela ya beno, nki beno takudia, ye sambu na nitu ya beno, nki beno tavwata. Mat. 6:25; Fili. 4:6; Eb. 13:15; 1 Pet. 5:7
23Moyo ikele kuluta madia, ye nitu luta mvwatu.
24Tala, bambemba, bau ikele kukuna ve ye yonzika ve; bau ikele na lundulu ve keti nzo ve; ye Nzambi ikele kudikila bau; beno luta bandeke mu ntalu. Nk. 147:9; Yobi 39:3; Mat. 10:31
25Buna nani nakati ya beno na mabanza ya yandi lenda kuyika kwa ntela ya yandi centimetre makumi tanu ?
26Kana beno lenda ve kusala mambu yai ya fioti, sambu na nki beno ikele na mabanza sambu na yankaka ?
27Tala bintuntu ya nseke, mpilamosi yau ikele kukula, yau ikele kusala ve, yau ikele kutunga bwanda ve, kansi mono tuba kwa beno: Solomo mu nkembo ya yandi yonso vwatiswaka ve bonso mosi ya yau.
28Kana Nzambi vwatisa matiti ya nseke mpilayai ya ikele bubu, kansi mbazi ikele kuloswa mu foloni, buna beno bantu ya lukwikilu fioti; yandi taluta kuvwatisa beno.
29Ye beno mpe sosa ve ya beno takudia, ye ya beno takunwa, beno tula ntembe ve mu ntima;
30kadi bapaien mu nsi ikele kusosa yina yonso, kansi Tata ya beno zaba ya beno ikele na yau nsatu.
31Kansi sosa kimfumu ya yandi, buna beno tapeswa bima yai. Nk. 37:24
32Tita ve, kibuka fioti ya mameme; kadi yo ikele nzolakani ya Tata ya beno kupesa beno kimfumu.
33Teka yina ya ikele na beno, pesa makabu ya nkenda; disadila ngoto ya mbongo ya lenda kununa ve, ku lundulu mu mazulu ya mvu ya mvu, kuna mwivi kwiza mfinama ve, ye banyama bivisa ve. Mat. 6:19; Luk. 6:9; Bis. 2:45; 1 Tim. 6:9, 11
34Kadi sika ya lundulu ya beno ikele, kuna tavanda ntima ya beno mpe.
Yesu longa banlonguki ya yandi kwiza ya yandi ya zole
35Bika tuketo ya beno kangwa, ye mwinda ya beno lema. Ef. 6:14; 1 Pet. 1:13
36Beno vanda mpilamosi bantu ya ikele kuvingila mfumu ya bau, bu yandi vutuka tuka makwela, na bau lenda kukangudila yandi nswalu, bu yandi kwiza kunkuta.
37Kiese ikele na bampika yina, bu mfumu ya bau kwiza, yandi kuta bau tomatala. Kieleka mono tuba kwa beno: Yandi takanga luketo ya yandi ye vandisa bau na mesa ye takwiza kusadila bau.
38Kana yandi kuma mu nkengila ya zole keti ya tatu ye takuta bau kusala mpilayina, kiese ikele na bau. Mat. 24:42
39Beno zaba yai, kana mfumu ya nzo zaba lokula yina ya kwiza mwivi, yandi tavanda kukeba ye bika nzo ya yandi timwa ve.
40Beno mpe vanda ya yidika kadi Mwana ya muntu takwiza mu lokula ya beno banza ve. Mal. 13:33; Luk. 21:34
41Petelo tubaka kwa yandi: Mfumu, nge imene kutuba kingana yai kwa beto keti kwa bau yonso ?
42Mfumu tubaka: Buna nani ikele nkebi ya kwikama ye ya ngangu ya mfumu tapesa luyalu ya bantu ya nzo ya yandi sambu na kupesa madia ya bau mu ntangu ya lunga ? Mat. 24:45; 1 Kol. 4:2
43Kiese ikele na mpika yai bu mfumu ya yandi vutuka, yandi kuta yandi kusala mpilayai.
44Kieleka mono tuba kwa beno: Yandi tayadisa yandi va bima yonso ya ikele na yandi.
45Kansi kana mpika yai tuba mu ntima ya yandi: Mfumu ya mono ikele kuvingila na kwiza, ye yandi yantika kubula basielo ya babakala ye ya bankento ye kudia ye kunwa ye kukolwa.
46Buna mfumu ya mpika yina takwiza kilumbu ya yandi vingila ve, ye lokula ya yandi zaba ve, ye tabula yandi ngolo ye tapesa yandi ndambu sika mosi na bantu ya konda lukwikilu.
47Kansi mpika yina ya zaba luzolo ya mfumu ya yandi, ye yandi yidikaka ve, ye salaka luzolo ya yandi ve; yandi tabula yandi kubula mingi;
48kansi yandi ya zaba ve, kansi yandi salaka mambu ya lunga kubulwa tabulwa fioti, sambu na kwa konsonani ya peswa mingi, bau talomba yandi mingi, ye kwa konsonani ya bantu imene kupesa bima mingi, kwa yandi bau talomba ya luta.
Yesu tuba sambu na mpasi ya takwiza
49Mono kwizaka kufidisa tiya va ntoto, mono zola nki, kana yo imene kwikwa ? Mat. 10:34
50Mono ikele na mbotika ya mono tabotikwa, mono ikele na mambu ya ngolo ti yo kumana. Mat. 20:22
51Beno banza mono kwiza kupesa yenge va ntoto ? Mono tuba kwa beno: Ve, kansi kabana.
52Tuka ntangu yai bantu tanu tavanda mu nzo mosi ya kabana; tatu kwa zole ye zole kwa tatu.
53Bau takabana, tata kwa mwana bakala, ye mwana bakala kwa tata, ngudi kwa mwana nkento ye mwana nkento kwa ngudi, bukilo nkento kwa nkento ya mwana ya yandi, ye nkento ya mwana kwa bukila nkento.
54Yandi tubaka mpe kwa bibuka: Bu beno mona tuti tomboka na ndambu ya weste, nswalu beno ikele kutuba: Mvula tanoka; ye yo tavanda mpilayai. Mat. 16:2
55Ye bu beno mona mupepe ya sude veva, beno tuba: Mbangazi tavanda, ye yo tavanda mpilayai.
56Beno bantu ya luvunu, beno zaba kutendula luse ya ntoto ye zulu, kansi mpila nki beno ikele kutendula ve ntangu yai ?
57Sambu na nki beno kibeni ikele kuzenga ve mfundusu ya lunungu ? Mat. 5:25
58Kadi bu nge ikele kwenda na mbeni ya nge kwa nkuluntu, na nzila nge tameka mingi na kubikwa kwa yandi, kana ve, yandi tabenda nge kwa mfundisi: ye mfundisi tayekula nge kwa polisi, ye polisi talosa nge mu boloko.
59Mono tuba kwa nge: Muna nge tabasika ve, ti nge futa yonso, ta dikuta mosi bika ve.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nouveau Testament en Kikwango © BAliiance Biblique de la RD Congo, 1950.