Malako 2
2
Yesu belula nkwa mianzi
1Yandi kotaka diaka mu Kapenaumi nanima bilumbu ndambu, bantu kuwaka yandi ikele mu nzo. Mat. 9:1; Luk. 5:17
2Bantu mingi kutakanaka na sika nanganda ya mwelo, sika lungaka ve sambu na bau yonso. Yandi samunaka mambu ya Nzambi kwa bau.
3Bau kwizaka kutwala kwa yandi nkwa mianzi, ya natwaka na bantu iya.
4Bu bau lendaka ve kutwala yandi kwa Yesu sambu na kibuka, bau kangulaka nludi ya nzo sika yandi vandaka, bu bau imene kusala dibulu, bau kulumunaka mbeto, va yo lalaka nkwa mianzi.
5Bu Yesu monaka lukwikilu ya bau, yandi tubaka kwa nkwa mianzi: Mwana, masumu ya nge imene kuvidiswa.
6Bansoniki yankaka vandaka muna, bau banzaka mu ntima ya bau:
7Sambu na nki muntu yai tuba mpilayai ? Yandi ikele kutuba mbi. Nani lenda kuvidisa masumu, kansi Nzambi kaka ? Yes. 43:25
8Nswalu bu Yesu zabaka mu mpeve ya yandi, bau vandaka kubanza mambu yina mu ntima ya bau, yandi tubaka kwa bau: Sambu na nki beno ikele kubanza mambu yai mu ntima ya beno ?
9Nki ikele mpasi ve kutuba kwa nkwa mianzi: Masumu ya nge vidiswa, keti kutuba: Telema, baka mbeto ya nge, kwenda ?
10Kansi na beno lenda kuzaba, Mwana ya muntu ikele na ngolo awa va ntoto kuvidisa masumu, —yandi tuba kwa nkwa mianzi:
11Mono tuba kwa nge: Telema, baka mbeto ya nge, kwenda ku nzo ya nge.
12Yandi telemaka nswalu, ye bakaka mbeto ya yandi, ye basikaka nantwala na bau yonso; sambu na yai, bantu yonso yitukaka, bau kembilaka Nzambi, kutuba: Beto imene kumona mambu mpilayai ntete ve.
Yesu binga Matai
13Yandi kwendaka diaka ku mukidi ya mbu, ye kibuka yonso kwizaka kwa yandi, yandi longaka bau. Mat. 9:9; Luk. 5:27
14Bu yandi lutaka, yandi monaka Levi, mwana ya Alafai, yandi vandaka na sika ya futisa mpaku, ye tubaka kwa yandi: Landa mono, ye yandi telemaka ye landaka yandi.
15Yo vandaka, bu yandi vandaka na meza mu nzo ya yandi, bafutisi mingi ye bankwa masumu vandaka na meza sikamosi na Yesu ye banlonguki ya yandi; kadi bau vandaka mingi, ye bau landaka yandi.
16Bansoniki ye bafalisi, bu bau monaka yandi ikele kudia sikamosi na bafutisi ye bankwa masumu, bau tubaka kwa banlonguki ya yandi: Mpila nki yandi ikele kudia ye kunwa na bafutisi ye bankwa masumu ?
17Bu Yesu kuwaka mambu yai, yandi tubaka kwa bau: Bau ya ikele na ngolo ikele na nsatu ve ya munganga, kansi bau ya ikele na maladi. Mono kwizaka ve kubinga balunungu, kansi bankwa masumu. 1 Tim. 1:15
Yesu longa bau mutindu ya kubuya media
18Banlonguki ya Yoane ye ya bafalisi vandaka kubuya madia. Bau kwizaka ye tubaka kwa yandi: Sambu na nki banlonguki ya Yoane ye banlonguki ya bafalisi ikele kubuya madia, kansi banlonguki ya nge ikele kubuya madia ve ? Mat. 9:14; Luk. 5:33
19Yesu tubaka kwa bau: Banduku ya toko ya makwela lenda kubuya madia bu toko ya makwela ikele na bau ? Bilumbu ya bau ikele na toko ya makwela bau lenda ve kubuya madia.
20Kansi bilumbu ikele kwiza bu toko ya makwela takatulwa na bau, nanima bau tabuya madia mu bilumbu yina.
Kingana ya kazaku ye makuba
21Muntu ikele kutula ve kitini ya lele yampa va mvwatu ya nkulu; kana mpilayai kitini yampa ya tonda kukanga dibulu tapasula nlele ya nkulu ye dibulu taluta nene.
22Muntu ikele kutula ve, vinia yampa mu makuba ya nkulu ya nkanda ya mbizi; kana mpilayai vinia yampa tapasula makuba, ye vinia ye makuba tavila, kansi bau tula vinia yampa mu makuba yampa,
Yesu ikele mfumu ya kilumbu ya luvundu
23Yo vandaka, yandi lutaka mu bilanga ya nkeni ya ble mu kilumbu ya luvundu; bu bau lutaka, banlonguki ya yandi yantikaka kubaka nkeni ya ble. Mat. 12:1; Luk. 6:1
24Bafalisi tubaka kwa yandi: Tala, sambu na nki bau ikele kusala na kilumbu ya luvundu ya nsiku pesa nzila ve ?
25Yandi tubaka kwa bau: Beno imene kutanga ve ta mbala mosi, mambu ya Davidi salaka bu yandi kondaka kima, ye yandi vandaka na nzala, yandi ye bau ya vandaka na yandi ? 1 Sam. 21:6
26Mpila nki yandi kotaka mu nzo ya Nzambi mu bilumbu ya Abiatali nganga ya nene, ye yandi kudiaka mampa ya kutala, ya nsiku pesa nzila ve muntu kudia, kansi banganga kaka, ye yandi pesaka kwa bau ya vandaka na yandi mpe. 2 Mose 29:32
27Yandi tubaka kwa bau: Kilumbu ya luvundu salwaka ve sambu na muntu, kansi muntu salwaka sambu na kilumbu ya luvundu ve.
28Mpilayai Mwana ya muntu ikele Mfumu ya kilumbu ya luvundu mpe.
Currently Selected:
Malako 2: NTK50
Highlight
Share
Copy
Want to have your highlights saved across all your devices? Sign up or sign in
Nouveau Testament en Kikwango © BAliiance Biblique de la RD Congo, 1950.
Malako 2
2
Yesu belula nkwa mianzi
1Yandi kotaka diaka mu Kapenaumi nanima bilumbu ndambu, bantu kuwaka yandi ikele mu nzo. Mat. 9:1; Luk. 5:17
2Bantu mingi kutakanaka na sika nanganda ya mwelo, sika lungaka ve sambu na bau yonso. Yandi samunaka mambu ya Nzambi kwa bau.
3Bau kwizaka kutwala kwa yandi nkwa mianzi, ya natwaka na bantu iya.
4Bu bau lendaka ve kutwala yandi kwa Yesu sambu na kibuka, bau kangulaka nludi ya nzo sika yandi vandaka, bu bau imene kusala dibulu, bau kulumunaka mbeto, va yo lalaka nkwa mianzi.
5Bu Yesu monaka lukwikilu ya bau, yandi tubaka kwa nkwa mianzi: Mwana, masumu ya nge imene kuvidiswa.
6Bansoniki yankaka vandaka muna, bau banzaka mu ntima ya bau:
7Sambu na nki muntu yai tuba mpilayai ? Yandi ikele kutuba mbi. Nani lenda kuvidisa masumu, kansi Nzambi kaka ? Yes. 43:25
8Nswalu bu Yesu zabaka mu mpeve ya yandi, bau vandaka kubanza mambu yina mu ntima ya bau, yandi tubaka kwa bau: Sambu na nki beno ikele kubanza mambu yai mu ntima ya beno ?
9Nki ikele mpasi ve kutuba kwa nkwa mianzi: Masumu ya nge vidiswa, keti kutuba: Telema, baka mbeto ya nge, kwenda ?
10Kansi na beno lenda kuzaba, Mwana ya muntu ikele na ngolo awa va ntoto kuvidisa masumu, —yandi tuba kwa nkwa mianzi:
11Mono tuba kwa nge: Telema, baka mbeto ya nge, kwenda ku nzo ya nge.
12Yandi telemaka nswalu, ye bakaka mbeto ya yandi, ye basikaka nantwala na bau yonso; sambu na yai, bantu yonso yitukaka, bau kembilaka Nzambi, kutuba: Beto imene kumona mambu mpilayai ntete ve.
Yesu binga Matai
13Yandi kwendaka diaka ku mukidi ya mbu, ye kibuka yonso kwizaka kwa yandi, yandi longaka bau. Mat. 9:9; Luk. 5:27
14Bu yandi lutaka, yandi monaka Levi, mwana ya Alafai, yandi vandaka na sika ya futisa mpaku, ye tubaka kwa yandi: Landa mono, ye yandi telemaka ye landaka yandi.
15Yo vandaka, bu yandi vandaka na meza mu nzo ya yandi, bafutisi mingi ye bankwa masumu vandaka na meza sikamosi na Yesu ye banlonguki ya yandi; kadi bau vandaka mingi, ye bau landaka yandi.
16Bansoniki ye bafalisi, bu bau monaka yandi ikele kudia sikamosi na bafutisi ye bankwa masumu, bau tubaka kwa banlonguki ya yandi: Mpila nki yandi ikele kudia ye kunwa na bafutisi ye bankwa masumu ?
17Bu Yesu kuwaka mambu yai, yandi tubaka kwa bau: Bau ya ikele na ngolo ikele na nsatu ve ya munganga, kansi bau ya ikele na maladi. Mono kwizaka ve kubinga balunungu, kansi bankwa masumu. 1 Tim. 1:15
Yesu longa bau mutindu ya kubuya media
18Banlonguki ya Yoane ye ya bafalisi vandaka kubuya madia. Bau kwizaka ye tubaka kwa yandi: Sambu na nki banlonguki ya Yoane ye banlonguki ya bafalisi ikele kubuya madia, kansi banlonguki ya nge ikele kubuya madia ve ? Mat. 9:14; Luk. 5:33
19Yesu tubaka kwa bau: Banduku ya toko ya makwela lenda kubuya madia bu toko ya makwela ikele na bau ? Bilumbu ya bau ikele na toko ya makwela bau lenda ve kubuya madia.
20Kansi bilumbu ikele kwiza bu toko ya makwela takatulwa na bau, nanima bau tabuya madia mu bilumbu yina.
Kingana ya kazaku ye makuba
21Muntu ikele kutula ve kitini ya lele yampa va mvwatu ya nkulu; kana mpilayai kitini yampa ya tonda kukanga dibulu tapasula nlele ya nkulu ye dibulu taluta nene.
22Muntu ikele kutula ve, vinia yampa mu makuba ya nkulu ya nkanda ya mbizi; kana mpilayai vinia yampa tapasula makuba, ye vinia ye makuba tavila, kansi bau tula vinia yampa mu makuba yampa,
Yesu ikele mfumu ya kilumbu ya luvundu
23Yo vandaka, yandi lutaka mu bilanga ya nkeni ya ble mu kilumbu ya luvundu; bu bau lutaka, banlonguki ya yandi yantikaka kubaka nkeni ya ble. Mat. 12:1; Luk. 6:1
24Bafalisi tubaka kwa yandi: Tala, sambu na nki bau ikele kusala na kilumbu ya luvundu ya nsiku pesa nzila ve ?
25Yandi tubaka kwa bau: Beno imene kutanga ve ta mbala mosi, mambu ya Davidi salaka bu yandi kondaka kima, ye yandi vandaka na nzala, yandi ye bau ya vandaka na yandi ? 1 Sam. 21:6
26Mpila nki yandi kotaka mu nzo ya Nzambi mu bilumbu ya Abiatali nganga ya nene, ye yandi kudiaka mampa ya kutala, ya nsiku pesa nzila ve muntu kudia, kansi banganga kaka, ye yandi pesaka kwa bau ya vandaka na yandi mpe. 2 Mose 29:32
27Yandi tubaka kwa bau: Kilumbu ya luvundu salwaka ve sambu na muntu, kansi muntu salwaka sambu na kilumbu ya luvundu ve.
28Mpilayai Mwana ya muntu ikele Mfumu ya kilumbu ya luvundu mpe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nouveau Testament en Kikwango © BAliiance Biblique de la RD Congo, 1950.