Luka 18
18
1Ko amasumola ekolanya la ncin’eka akoli eneyal’iyo baonde bisike bihitu ko bafalembwa; 2ate, Ntenji en’akambo ayaaki en’onyang’omoi; ende ataanga Yakomba, ko atakanel’oto tu. 3Ko boyoto on’oweli ayaaki en’onyang’oho; ko aoya eneyal’ende ma-ma, ate, Ontendele likambo en’atenyi’anami l’ookyi’owe’onami. 4Koko en’oso atalanga; ohonde ena mbusa aila en’otem’onande, ate, Kanga mpaange Yakomba, ko mpakanel’oto, 5nde lacin’oka boweli’one ansengenya, nongotendel’ende likambo, atondembya la njaka ma-ma. 6Ko Nkolo aila, ate, Bokaka yoi linatenda ntenji onofana mbongi. 7Ko Yakomba afatendela nde banaki’nd’osonaka likambo? nk’iyo banotatanela l’ane l’oco, ko amaokamel’isei ina locinji mene? 8Lakosumol’ino, angatendel’akambo isasanga. Ohonde enengi Bon’on’oto oya, angosungya nde imeedyo ena loko?
9Ko aokolanyedya iy’anayofef’iyoamene bato bana mbongi ko batembola bato’amoi ekolanya ene: 10ate, Bato’afe baotua en’otumba bona Yakomba ayonda, omoi Bofalusi, ko okina bosusanyi bona mpuci. 11Bofalusi aemala nko njemala, ko aonda, ate, Yakomba, lakokang’e lokango lacin’oka emi mpakoli l’ato’akina: bakumoli, banafana mbongi, bato bana likele, ko mpakoli l’osusanyi’one bona mpuci; 12lakila toma en’eyeng’emoko bekila befe; lalekya liondo limoko lina cu baondo jo bana toma tonatoat’emi tohatotu. 13Koko bosusanyi’ona mpuci aemala en’osana, atalanga mbenola nko le baiso ena loola, koko aofomela ntolo enande, ko aila, ate, Yakomba, onjokamel’emi, boto’on’owe, isei. 14Lakosumol’ino, onutwaki en’ol’onande la boyengo nk’oto’one, efa Bofalusi; lacina boto l’oto onoyiledy’endamene, angosonjama; ko boto l’oto onoyosonj’endamene, angiledyama.
15Ko bato baoy’eneyal’ende la bikeke biniyo, lacina atadya bakasa eneyal’iyo; koko eneki bakili oenaka yoi liho, bamafela. 16Koko Yesu amaelela eneyal’ende, aila, ate, Bacike, bikeke bayake eneyal’emi, botafekyake; lacina bana lifoka lina Yakomba bayali yoka bosamb’onoyal’iyo. 17Solosolo, lakosumol’ino, boto l’oto onofatambe lifoka lina Yakomba yok’ekeke afayatua meho tu.
18Koko boto’omoi ona lifoka amufola, ate, Bolaki’on’olotsi, nkambake yoi lika nai lacina nsangole liiko lonelofakale? 19Yesu amokutwela, ate, Ontang’emi bolotsi lacina nai? on’ise bolotsi nk’omoko kei, nko Yakomba. 20Omeya basangya: Tatatake likele, Tayakake boto, Tiyake, Tafotake boto likambo, Fika bafango’one la nyango ene. 21Aila, ate, Momonya baoyi’ane bahatu nko l’olenge’onami. 22Eneki Yesu ookaka baoyi’aho, aila, ate, Oinda nko yoi limoko: coak’oyotekya toma tonatoat’e tohatotu, ko kafela bato biinda, ko ongata lituka ena loola; ko yaka onkile. 23Koko eneki’nd’ookaka baoyi’aho, aoka lokeseli bike, lacin’oka ayaaki ntuki mene ena toma. 24Yesu amolenda, ko aila, ate, Etuelo ena batuki bana toma ena lifoka lina Yakomba eyali locili mene. 25La ngamela ntianya bokole bona ntonga, la ntuki ena toma ntuaka ena lifoka lina Yakomba, onoleki locili nk’etuelo ena ntuki. 26Ko iy’anokaka baila, iy’ate, Onosokoikyama oka nai? 27Koko ende ate, Baoyi banafakambisa bato, Yakomba akambisa baho. 28Ko Petelo aila, ate, Lenda, iso tumbelaki bel’eniso ko tokokilaki. 29Ko amasumola, ate, Solosolo, lakosumol’ino, efan’oto onumbelaki botumba, l’afango la nyango, l’atoolo l’akune, l’ooli, l’ana, lacin’ena lifoka lina Yakomba, 30onofatambaki bike bona ndeka mene en’esik’ene, ko en’esike enengoya angotamba liiko lonelofakale.
31Koko aotamba ba-jo l’afe eneyal’ende, ko amasumola, ate, Lenda, tocoa ena Yelusalema, ko baoyi bahatu banatengamaki l’asumoli lacin’ena Bon’on’oto bangilama. 32Lacin’oka angolekyama eneyali Befenda, ko iyo bangonyeela, ko bangiila bowe, ko bangutel’endensoi; 33ko bangofoma mpomi, ko bangoyaka; ko en’ina bon’esaso angetwa lakina en’ewedi. 34Ko iyo batanonganya ncina en’aoyi’ane tu, ko etendelo ene eofisama eneyal’iyo, batafokola ncina en’aoyi banaki’nd’otendaka.
35Koko eneki’nd’oolamaka la Yeliko, boto’omoi onodyak’aiso aokisase en’okenge bona mboka, ayalombe toma. 36Ende aoka bik’ike bon’ato bayete, ko aufola ncina. 37Ko bamosumol’oka Yesu ona Nazaleta ayete. 38Ko aololua, ate, Yesu, Bon’ona Dawidi, onjokamel’isei. 39Ko iy’anetaki en’oso bamofela, acike lofoso; koko ende aokusa yelela mbelela mene, ate, Bon’ona Dawidi, onjokamel’isei. 40Ko Yesu aemala, amatoma bayi l’ende eneyal’ende; ko eneki’nd’oolamaka, amufola, ate, 41Ekambwa enalang’e nkilel’e eka nai? Ate, Nkolo, lalanga njene lakina. 42Ko Yesu amosumola, ate, Enaka! imeedyo ine imokiikya. 43Ko isasanga aena, amokila, ko aokumya Yakomba. Ko eneki bato bahatu oenaka yoi liho, baokumya nko Yakomba.
Currently Selected:
Luka 18: BBY62
Highlight
Share
Copy
Want to have your highlights saved across all your devices? Sign up or sign in
Bokanda Bona Yakomba Bon’ototo © Alliance Biblique de la R. D. Congo, 1962
Luka 18
18
1Ko amasumola ekolanya la ncin’eka akoli eneyal’iyo baonde bisike bihitu ko bafalembwa; 2ate, Ntenji en’akambo ayaaki en’onyang’omoi; ende ataanga Yakomba, ko atakanel’oto tu. 3Ko boyoto on’oweli ayaaki en’onyang’oho; ko aoya eneyal’ende ma-ma, ate, Ontendele likambo en’atenyi’anami l’ookyi’owe’onami. 4Koko en’oso atalanga; ohonde ena mbusa aila en’otem’onande, ate, Kanga mpaange Yakomba, ko mpakanel’oto, 5nde lacin’oka boweli’one ansengenya, nongotendel’ende likambo, atondembya la njaka ma-ma. 6Ko Nkolo aila, ate, Bokaka yoi linatenda ntenji onofana mbongi. 7Ko Yakomba afatendela nde banaki’nd’osonaka likambo? nk’iyo banotatanela l’ane l’oco, ko amaokamel’isei ina locinji mene? 8Lakosumol’ino, angatendel’akambo isasanga. Ohonde enengi Bon’on’oto oya, angosungya nde imeedyo ena loko?
9Ko aokolanyedya iy’anayofef’iyoamene bato bana mbongi ko batembola bato’amoi ekolanya ene: 10ate, Bato’afe baotua en’otumba bona Yakomba ayonda, omoi Bofalusi, ko okina bosusanyi bona mpuci. 11Bofalusi aemala nko njemala, ko aonda, ate, Yakomba, lakokang’e lokango lacin’oka emi mpakoli l’ato’akina: bakumoli, banafana mbongi, bato bana likele, ko mpakoli l’osusanyi’one bona mpuci; 12lakila toma en’eyeng’emoko bekila befe; lalekya liondo limoko lina cu baondo jo bana toma tonatoat’emi tohatotu. 13Koko bosusanyi’ona mpuci aemala en’osana, atalanga mbenola nko le baiso ena loola, koko aofomela ntolo enande, ko aila, ate, Yakomba, onjokamel’emi, boto’on’owe, isei. 14Lakosumol’ino, onutwaki en’ol’onande la boyengo nk’oto’one, efa Bofalusi; lacina boto l’oto onoyiledy’endamene, angosonjama; ko boto l’oto onoyosonj’endamene, angiledyama.
15Ko bato baoy’eneyal’ende la bikeke biniyo, lacina atadya bakasa eneyal’iyo; koko eneki bakili oenaka yoi liho, bamafela. 16Koko Yesu amaelela eneyal’ende, aila, ate, Bacike, bikeke bayake eneyal’emi, botafekyake; lacina bana lifoka lina Yakomba bayali yoka bosamb’onoyal’iyo. 17Solosolo, lakosumol’ino, boto l’oto onofatambe lifoka lina Yakomba yok’ekeke afayatua meho tu.
18Koko boto’omoi ona lifoka amufola, ate, Bolaki’on’olotsi, nkambake yoi lika nai lacina nsangole liiko lonelofakale? 19Yesu amokutwela, ate, Ontang’emi bolotsi lacina nai? on’ise bolotsi nk’omoko kei, nko Yakomba. 20Omeya basangya: Tatatake likele, Tayakake boto, Tiyake, Tafotake boto likambo, Fika bafango’one la nyango ene. 21Aila, ate, Momonya baoyi’ane bahatu nko l’olenge’onami. 22Eneki Yesu ookaka baoyi’aho, aila, ate, Oinda nko yoi limoko: coak’oyotekya toma tonatoat’e tohatotu, ko kafela bato biinda, ko ongata lituka ena loola; ko yaka onkile. 23Koko eneki’nd’ookaka baoyi’aho, aoka lokeseli bike, lacin’oka ayaaki ntuki mene ena toma. 24Yesu amolenda, ko aila, ate, Etuelo ena batuki bana toma ena lifoka lina Yakomba eyali locili mene. 25La ngamela ntianya bokole bona ntonga, la ntuki ena toma ntuaka ena lifoka lina Yakomba, onoleki locili nk’etuelo ena ntuki. 26Ko iy’anokaka baila, iy’ate, Onosokoikyama oka nai? 27Koko ende ate, Baoyi banafakambisa bato, Yakomba akambisa baho. 28Ko Petelo aila, ate, Lenda, iso tumbelaki bel’eniso ko tokokilaki. 29Ko amasumola, ate, Solosolo, lakosumol’ino, efan’oto onumbelaki botumba, l’afango la nyango, l’atoolo l’akune, l’ooli, l’ana, lacin’ena lifoka lina Yakomba, 30onofatambaki bike bona ndeka mene en’esik’ene, ko en’esike enengoya angotamba liiko lonelofakale.
31Koko aotamba ba-jo l’afe eneyal’ende, ko amasumola, ate, Lenda, tocoa ena Yelusalema, ko baoyi bahatu banatengamaki l’asumoli lacin’ena Bon’on’oto bangilama. 32Lacin’oka angolekyama eneyali Befenda, ko iyo bangonyeela, ko bangiila bowe, ko bangutel’endensoi; 33ko bangofoma mpomi, ko bangoyaka; ko en’ina bon’esaso angetwa lakina en’ewedi. 34Ko iyo batanonganya ncina en’aoyi’ane tu, ko etendelo ene eofisama eneyal’iyo, batafokola ncina en’aoyi banaki’nd’otendaka.
35Koko eneki’nd’oolamaka la Yeliko, boto’omoi onodyak’aiso aokisase en’okenge bona mboka, ayalombe toma. 36Ende aoka bik’ike bon’ato bayete, ko aufola ncina. 37Ko bamosumol’oka Yesu ona Nazaleta ayete. 38Ko aololua, ate, Yesu, Bon’ona Dawidi, onjokamel’isei. 39Ko iy’anetaki en’oso bamofela, acike lofoso; koko ende aokusa yelela mbelela mene, ate, Bon’ona Dawidi, onjokamel’isei. 40Ko Yesu aemala, amatoma bayi l’ende eneyal’ende; ko eneki’nd’oolamaka, amufola, ate, 41Ekambwa enalang’e nkilel’e eka nai? Ate, Nkolo, lalanga njene lakina. 42Ko Yesu amosumola, ate, Enaka! imeedyo ine imokiikya. 43Ko isasanga aena, amokila, ko aokumya Yakomba. Ko eneki bato bahatu oenaka yoi liho, baokumya nko Yakomba.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bokanda Bona Yakomba Bon’ototo © Alliance Biblique de la R. D. Congo, 1962