Matayo 13
13
1En’in’oho Yesu aofola en’otumba, ko aokisase en’oseleka bona lose. 2Ko eneki bik’ike mene bon’ato osusanaka eneyal’ende, aoyookela en’atu, ko aokisase. Ko bato bahatu baemala en’okili. 3Ko amasumola baoyi bike l’asai, ate, Lenda, bofusi aocoa ofusa beona mpusa. 4Enem’end’ofusa beona bemoi beokwa nk’ena mboka, ko mpulu yoya oyotona beho. 5Ko bemoi beokwa ena bidye bina baufe, bili benetaat’iyo bekongo bike; ko isasanga beho beomela, lacin’oka betaata bekongo bena lingunda; 6ko eneki bina oalaka, beonyelala, ko beofanga, lacina betaata beluo. 7Ko bemoi beokwa ena ntoto ena beenge, ko beenge beomela ko beoyaka beona la nkaka. 8Ko bekina beokwa en’ekongo bena lilemwa, ko beot’emamo, bemoi yok’okam’okama, ko bemoi yoka ntuk’otoa’otoa, ko bemoi ntuk’isaso’isaso. 9Onoyali l’atoi lacina aoke, aongya lilofa.
10Koko bakili baoya, bamosumola, iy’ate, Otenda l’ato l’asai lacina nai? 11Ende aokutola, amasumola, ate, Emofama eneyal’ino lacina beye befisafisa bena lifoka lina loola, koko eho etafama eneyal’iyo. 12Bamoi bangofama eneyal’ende onata, ko angata bike nko mpula; ohonde onofaate, bangokumol’ende nko baho banat’ende. 13Lacin’eho, latenda l’iyo nko l’asai, lacin’oka iyo bambolenda, koko bafene; balofamela, koko bafoke, ko bafanonganya ncina. 14Baoyi banaki Yesaya otendaka bamilama l’iyo; ende ailaki, ate, Bongokeela, ko bofanonganyaki tu;
Bongeneela, ko bofafokolaki tu;
15Lacina botema bon’ato’ane boseki bocilingitano,
Ko batoi’aniyo bayali nko booko,
Ko bamolifa baiso’aniyo,
Batongoyena l’aiso’aniyo,
Batongoyoka l’atoi’aniyo,
Batononganya l’etem’eniyo,
Batongoyokanya, ko emi ntoyiky’iyo.
16Koko baiso’anino bakik’ekiko, lacin’oka baho baena; ko l’atoi’anino, lacin’oka baho baoka. 17Solosolo, lakosumol’ino, basumoli la bato bana mbongi bike balangaki’ale lacina baene bikambwa bin’en’ino, ko batena; ko balangaki lacina baoke baoyi banok’ino, ko batoka. 18Lacin’eho, bolofa ncina ena lisai lina bofusi. 19Enok’oto yoi lina lifoka, ko afanonganya ncina, On’owe aoya, ko amokumola yoi liho linalifusi en’otem’onande. One nk’ende onofusama en’okenge bona mboka. 20Ko ende onofusama ena bidye bina baufe, nk’ende onoka yoi, ko isasanga aotamba liho l’enyanga; 21ohonde afana beluo eneyal’endamene, ko afalingalinga; ko enaya bino la nyoma lacin’ena yoi, aolembwa nkwaho. 22Ko ende onofusama ena ntoto ena beenge nk’ende on’oka yoi, ko bokandokando bon’akambo bana loko lone la longo lona lituka bayaka yoi la nkaka, ko lifote’emamo. 23Ko ende onofusama en’ekongo bena lilemwa nk’ende onoka yoi, ko aononganya, ko aot’emamo solosolo: bamoi baot’emamo yoka bokam’okama, ko bamoi ntuk’otoa’otoa, ko bamoi ntuk’isaso isaso.
24Ko amasumola lisai limoi, ate, Lifoka lina loola yakolana l’oto onofusaki beona ben’olotsi ena lisala linande. 25Koko enem’ato ototaka, bookyi’owe’onande aoya oyofusa tolenge ena ntoto ena bopunga, ko aocoa mboka enande. 26Eneki beona omelaka, ko beot’emamo, tolenge toenya nkoho. 27Ko baombo bana mene’otumba baoya, Mbo, Nyangetuke, otafusa nde beona ben’olotsi ena lisala line? Iya tolenge tomela meho bosamb’oya? 28Amasumola, ate, Bookyi’owe amila yoi line. Baombo bamufola, iy’ate, Olanga nde tocu osusanya tolenge? 29Ate, Efana; lacina, enasusany’ino tolenge, botokula bepunga nkoho 30Bacike bamele laanda yengoko esike en’enukwelo; ko en’esike en’enukwelo nongosumola banukoli, emite, Bosusanya tolenge en’oso, bokakela ena beolo, ko botumba toho ena nkoi; koko bosusanya bepunga en’otumb’onami bon’emonyedyo.
31Ko amasumola lisai limoi, ate, Lifoka lina loola liyali yoka boona bona sinapi bonoki boto’omoi otambaka, ko aofusa ena lisala linande. 32Boona bone boleki beona behetu l’isalisali solosolo; koko eneyafule boho, boleki befusi behetu bokolo, ko boyalama bote mene, ko mpulu ina liko yoya omotama ena bitange bina bote’oho.
33Ko amasumola lisai limoi, ate, Lifoka lina loola liyali yoka nyango ena mampa eneki boyoto’omoi otambaka, ko aofisa ena farine bike, nko litres ntuk’isaso l’otoa, yengoko farine ehatu eosangwa la nyango eho.
34Yesu aosumola bato’aho bik’ike baoyi’ane bahatu nko l’asai; aotenda l’iyo nk’en’asai kei, 35lacina yoi linaliki bosumoli otendaka yilame, ate,
Nongomumola bonyu’onami l’asai;
Nongotend’aoyi banafisi nk’ena limatsako lina loko.
36Eneki Yesu otongolaka bato’aho bik’ike, aotua en’otumba; ko bakili’anande baoy’eneyal’ende, iy’ate, Otosakitwele ncina ena lisai lina tolenge tona lisala. 37Ko amasumola, ate, Onofusa beona ben’olotsi nko Bon’on’oto; 38lisala nko benyanga behetu; beona ben’olotsi nko ban’ana lifoka, koko tolenge nko ban’ana On’owe; 39ko bookyi’owe onofusaki toho nko Satana; koko enukelo nko nsimbo en’esike; ko banukoli bayali nko bikima bina loola. 40Yoka bosamb’onasusanyama tolenge, ko totumbama la nkoi, esimbelo en’esike engoyala nk’oho. 41Bon’on’oto angotoma bikima binande bina loola, ko iyo bangosusanya baoyi bahatu banakumb’ato ko l’iy’an’il’owe ena lifoka linande, 42ko bangafusa en’etumbelo ena nkoi: meho engata nko bilelo bina mposoli la nkenyanya en’aino. 43Nkwaho bana mbongi bangololoma ena lifoka lin’afango’oniyo yoka bosamb’onoyali bina. Ende onoyali l’atoi lacina aoke, aongya lilofa.
44Lakina lifoka lina loola liyali yoka lituka linalifusi ena lisala. Boto’omoi aosungya liho, koko aofisa lakina, ko aocoa l’ekiko, ko aotekya toma tonatoat’ende tohatotu, ko aosomba lisala liho.
45Lakina, lifoka lina loola liyali yoka bosombi’ona baongwa onokemba perles ina ndoci. 46Ko enasungy’ende perle emoko eneseki’otuya, aocoa otekya toma tonatoat’ende tohatotu, ko aosomba perle eho.
47Lakina lifoka lina loola liyali yoka lisangi linalifusama ena lose, ko yasusanya nse y’ekotua l’ekotua. 48Enelola liho nko to, baosuma en’okili; ko baokisase, ko baosusanya nse y’olotsi ena tofondo, koko baoka nse y’owe. 49Engoyala nk’osamb’oho en’esimbelo en’esike; bikima bina loola bangoya okambwanya bato ban’owe la bato bana mbongi. 50Ko bangofusa ban’owe en’etumbelo ena nkoi: meho engata nko bilelo bina mposoli la nkenyanya en’aino.
51Yesu amaufola, ate, Bomononganya nde baoyi’ane bahatu? Iy’ate, O, Nkolo. 52Koko amasumola, ate, Lacin’eho, botengi l’otengi bon’ekanda onolakama en’aoyi bana lifoka lina loola, ayali yoka boto onoyali mene’otumba, onofodya ena lituka linande toma tomoi tona tototo ko la tomoi tonatokindaki.
53Eneki Yesu okadyaka basai bane, aumaki meho. 54Ko eneki’nd’oyelaka en onyanga bonandamene, amalaka ena sunagoga. Ko iyo baofefa, Mbo, boto’one amolata bomwu bone la bikambwa bine bina mpefa meya? 55Afayali nde bon’ona charpentier? Lina lina nyango enande lifayali nde Malia? Yakobo la Yosefa la Simona la Yuda, bafayali nde bakune’anande? 56Ko bambangela’anande, bafayali nk’enek’iso, iyatu? One amolata baoyi’ane bahatu meya? 57Ko iyatu bamooka nko bowe. Koko Yesu amasumola, ate, Bosumoli afinde lokumo, yengoko en’onyang’onandamene, l’en’otumb’onandamene. 58Koko ende atakamb’ikambwa bina mpefa bike meho, lacin’ena biinda boniyo bon’imeedyo.
Currently Selected:
Matayo 13: BBY62
Highlight
Share
Copy
Want to have your highlights saved across all your devices? Sign up or sign in
Bokanda Bona Yakomba Bon’ototo © Alliance Biblique de la R. D. Congo, 1962
Matayo 13
13
1En’in’oho Yesu aofola en’otumba, ko aokisase en’oseleka bona lose. 2Ko eneki bik’ike mene bon’ato osusanaka eneyal’ende, aoyookela en’atu, ko aokisase. Ko bato bahatu baemala en’okili. 3Ko amasumola baoyi bike l’asai, ate, Lenda, bofusi aocoa ofusa beona mpusa. 4Enem’end’ofusa beona bemoi beokwa nk’ena mboka, ko mpulu yoya oyotona beho. 5Ko bemoi beokwa ena bidye bina baufe, bili benetaat’iyo bekongo bike; ko isasanga beho beomela, lacin’oka betaata bekongo bena lingunda; 6ko eneki bina oalaka, beonyelala, ko beofanga, lacina betaata beluo. 7Ko bemoi beokwa ena ntoto ena beenge, ko beenge beomela ko beoyaka beona la nkaka. 8Ko bekina beokwa en’ekongo bena lilemwa, ko beot’emamo, bemoi yok’okam’okama, ko bemoi yoka ntuk’otoa’otoa, ko bemoi ntuk’isaso’isaso. 9Onoyali l’atoi lacina aoke, aongya lilofa.
10Koko bakili baoya, bamosumola, iy’ate, Otenda l’ato l’asai lacina nai? 11Ende aokutola, amasumola, ate, Emofama eneyal’ino lacina beye befisafisa bena lifoka lina loola, koko eho etafama eneyal’iyo. 12Bamoi bangofama eneyal’ende onata, ko angata bike nko mpula; ohonde onofaate, bangokumol’ende nko baho banat’ende. 13Lacin’eho, latenda l’iyo nko l’asai, lacin’oka iyo bambolenda, koko bafene; balofamela, koko bafoke, ko bafanonganya ncina. 14Baoyi banaki Yesaya otendaka bamilama l’iyo; ende ailaki, ate, Bongokeela, ko bofanonganyaki tu;
Bongeneela, ko bofafokolaki tu;
15Lacina botema bon’ato’ane boseki bocilingitano,
Ko batoi’aniyo bayali nko booko,
Ko bamolifa baiso’aniyo,
Batongoyena l’aiso’aniyo,
Batongoyoka l’atoi’aniyo,
Batononganya l’etem’eniyo,
Batongoyokanya, ko emi ntoyiky’iyo.
16Koko baiso’anino bakik’ekiko, lacin’oka baho baena; ko l’atoi’anino, lacin’oka baho baoka. 17Solosolo, lakosumol’ino, basumoli la bato bana mbongi bike balangaki’ale lacina baene bikambwa bin’en’ino, ko batena; ko balangaki lacina baoke baoyi banok’ino, ko batoka. 18Lacin’eho, bolofa ncina ena lisai lina bofusi. 19Enok’oto yoi lina lifoka, ko afanonganya ncina, On’owe aoya, ko amokumola yoi liho linalifusi en’otem’onande. One nk’ende onofusama en’okenge bona mboka. 20Ko ende onofusama ena bidye bina baufe, nk’ende onoka yoi, ko isasanga aotamba liho l’enyanga; 21ohonde afana beluo eneyal’endamene, ko afalingalinga; ko enaya bino la nyoma lacin’ena yoi, aolembwa nkwaho. 22Ko ende onofusama ena ntoto ena beenge nk’ende on’oka yoi, ko bokandokando bon’akambo bana loko lone la longo lona lituka bayaka yoi la nkaka, ko lifote’emamo. 23Ko ende onofusama en’ekongo bena lilemwa nk’ende onoka yoi, ko aononganya, ko aot’emamo solosolo: bamoi baot’emamo yoka bokam’okama, ko bamoi ntuk’otoa’otoa, ko bamoi ntuk’isaso isaso.
24Ko amasumola lisai limoi, ate, Lifoka lina loola yakolana l’oto onofusaki beona ben’olotsi ena lisala linande. 25Koko enem’ato ototaka, bookyi’owe’onande aoya oyofusa tolenge ena ntoto ena bopunga, ko aocoa mboka enande. 26Eneki beona omelaka, ko beot’emamo, tolenge toenya nkoho. 27Ko baombo bana mene’otumba baoya, Mbo, Nyangetuke, otafusa nde beona ben’olotsi ena lisala line? Iya tolenge tomela meho bosamb’oya? 28Amasumola, ate, Bookyi’owe amila yoi line. Baombo bamufola, iy’ate, Olanga nde tocu osusanya tolenge? 29Ate, Efana; lacina, enasusany’ino tolenge, botokula bepunga nkoho 30Bacike bamele laanda yengoko esike en’enukwelo; ko en’esike en’enukwelo nongosumola banukoli, emite, Bosusanya tolenge en’oso, bokakela ena beolo, ko botumba toho ena nkoi; koko bosusanya bepunga en’otumb’onami bon’emonyedyo.
31Ko amasumola lisai limoi, ate, Lifoka lina loola liyali yoka boona bona sinapi bonoki boto’omoi otambaka, ko aofusa ena lisala linande. 32Boona bone boleki beona behetu l’isalisali solosolo; koko eneyafule boho, boleki befusi behetu bokolo, ko boyalama bote mene, ko mpulu ina liko yoya omotama ena bitange bina bote’oho.
33Ko amasumola lisai limoi, ate, Lifoka lina loola liyali yoka nyango ena mampa eneki boyoto’omoi otambaka, ko aofisa ena farine bike, nko litres ntuk’isaso l’otoa, yengoko farine ehatu eosangwa la nyango eho.
34Yesu aosumola bato’aho bik’ike baoyi’ane bahatu nko l’asai; aotenda l’iyo nk’en’asai kei, 35lacina yoi linaliki bosumoli otendaka yilame, ate,
Nongomumola bonyu’onami l’asai;
Nongotend’aoyi banafisi nk’ena limatsako lina loko.
36Eneki Yesu otongolaka bato’aho bik’ike, aotua en’otumba; ko bakili’anande baoy’eneyal’ende, iy’ate, Otosakitwele ncina ena lisai lina tolenge tona lisala. 37Ko amasumola, ate, Onofusa beona ben’olotsi nko Bon’on’oto; 38lisala nko benyanga behetu; beona ben’olotsi nko ban’ana lifoka, koko tolenge nko ban’ana On’owe; 39ko bookyi’owe onofusaki toho nko Satana; koko enukelo nko nsimbo en’esike; ko banukoli bayali nko bikima bina loola. 40Yoka bosamb’onasusanyama tolenge, ko totumbama la nkoi, esimbelo en’esike engoyala nk’oho. 41Bon’on’oto angotoma bikima binande bina loola, ko iyo bangosusanya baoyi bahatu banakumb’ato ko l’iy’an’il’owe ena lifoka linande, 42ko bangafusa en’etumbelo ena nkoi: meho engata nko bilelo bina mposoli la nkenyanya en’aino. 43Nkwaho bana mbongi bangololoma ena lifoka lin’afango’oniyo yoka bosamb’onoyali bina. Ende onoyali l’atoi lacina aoke, aongya lilofa.
44Lakina lifoka lina loola liyali yoka lituka linalifusi ena lisala. Boto’omoi aosungya liho, koko aofisa lakina, ko aocoa l’ekiko, ko aotekya toma tonatoat’ende tohatotu, ko aosomba lisala liho.
45Lakina, lifoka lina loola liyali yoka bosombi’ona baongwa onokemba perles ina ndoci. 46Ko enasungy’ende perle emoko eneseki’otuya, aocoa otekya toma tonatoat’ende tohatotu, ko aosomba perle eho.
47Lakina lifoka lina loola liyali yoka lisangi linalifusama ena lose, ko yasusanya nse y’ekotua l’ekotua. 48Enelola liho nko to, baosuma en’okili; ko baokisase, ko baosusanya nse y’olotsi ena tofondo, koko baoka nse y’owe. 49Engoyala nk’osamb’oho en’esimbelo en’esike; bikima bina loola bangoya okambwanya bato ban’owe la bato bana mbongi. 50Ko bangofusa ban’owe en’etumbelo ena nkoi: meho engata nko bilelo bina mposoli la nkenyanya en’aino.
51Yesu amaufola, ate, Bomononganya nde baoyi’ane bahatu? Iy’ate, O, Nkolo. 52Koko amasumola, ate, Lacin’eho, botengi l’otengi bon’ekanda onolakama en’aoyi bana lifoka lina loola, ayali yoka boto onoyali mene’otumba, onofodya ena lituka linande toma tomoi tona tototo ko la tomoi tonatokindaki.
53Eneki Yesu okadyaka basai bane, aumaki meho. 54Ko eneki’nd’oyelaka en onyanga bonandamene, amalaka ena sunagoga. Ko iyo baofefa, Mbo, boto’one amolata bomwu bone la bikambwa bine bina mpefa meya? 55Afayali nde bon’ona charpentier? Lina lina nyango enande lifayali nde Malia? Yakobo la Yosefa la Simona la Yuda, bafayali nde bakune’anande? 56Ko bambangela’anande, bafayali nk’enek’iso, iyatu? One amolata baoyi’ane bahatu meya? 57Ko iyatu bamooka nko bowe. Koko Yesu amasumola, ate, Bosumoli afinde lokumo, yengoko en’onyang’onandamene, l’en’otumb’onandamene. 58Koko ende atakamb’ikambwa bina mpefa bike meho, lacin’ena biinda boniyo bon’imeedyo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bokanda Bona Yakomba Bon’ototo © Alliance Biblique de la R. D. Congo, 1962