Matayo 23
23
1Nkwaho Yesu aotenda l’ato bik’ike ko l’akili’anande, 2ate, Batengi ban’ekanda la Bafalusi baokisase ena nkici ena Mose; 3lacin’eho, baoyi bahatu banakosumol’iyo, bomonya baho, ko bokamba; ohonde botakambake yoka bosambo bonakamb’iyo bikambwa, lacin’oka iyo batenda koko bafakambe. 4Bakakela belito mene beneseki efafo ena ntola, ko batadya beho en’asoko ban’ato, koko iyoamene bafalange lilidya beho nko l’io iniyo imoko. 5Iyo bakamb’ikambw’iniyo bihitu nko lacina baenya eneyali bato; baofudya bokolo bona ndembi inalot’iyo ndota, ko baila beseleka ben’ekolo en’ekoto’eniyo; 6ko balanga bisanga binileki’olotsi ena bilambedya, ko la nkici inay’oso ena sunagoga; 7ko balanga baesame beeso ena bidye bina bisombe, ko balanga baelelame l’ato, Labi, Labi. 8Koko ino, botalangake bato bakotang’ino Labi, lacin’oka onoyali Bolaki’onino nk’omoko, nko Masiya, ko inatu boyali bifili. 9Ko botatangake boto onoyali ena loko bafango’onino, lacin’oka onoyali Bafango’onino nk’omoko, nk’Ende onoyali ena loola. 10Ko botatangamake banyangetuke, lacin’oka onoyali Nyangetuke enino nk’omoko, nko Masiya. 11Ende onoleki eneyal’ino angoyala bosali’onino. 12Ko onongoyofefa, angokoiyama; koko onongoyofima, ende angiledyama.
13Bino eneyal’ino, batengi ban’ekanda l’afalusi! Ino besimo! lacin’ino bokombel’ato lifoka lina loola: inoamene bofatua, ko bofeky’iy’anasokotua, batongoyatua. 14(Bino eneyal’ino, batengi ban’ekanda l’afalusi, ino besimo! lacin’ino bokumol’ayato beweli betumb’eniyo, ko boonda beondo ben’etali l’okotua bona mpoci; lacin’eho, ino bongokoiyama l’ekwelo ena likambo eneleki.)
15Bino eneyal’ino batengi ban’ekanda l’afalusi, ino besimo I lacin’ino bolingamela lose l’okwa ko la loko lacina boate bokili’omoko; ko enem’end’oyalama bokili, ino bil’ende bon’ona Ngena onokolek’ino beleka befe.
16Bino eneyal’ino, balonji banodyak’aiso, banila, in’ate, Yomb’oto ateha l’otumba bona Yakomba, afana likambo; koko nde yomb’oto ateha la wolo bonoyali en’otumba bona Yakomba, eteho enande eciki, akambake. 17Ino tolemeleme la banodyak’aiso! la wolo, la botumba bona Yakomba bonekya wolo’oho en’oeka, onoleki oka nai? 18Ko ino bila, Mbo, yomb’oto ateha la mesa ena mbeka, afana likambo; koko nde yombo boto ateha la nganji enambi ena mesa eho, eteho enande eciki, akambake. 19Ino tolemeleme la banodyak’aiso! la nganji, la mesa enekya nganji eho en’oeka, eneleki eka nai? 20Ende onoteha la mesa ena mbeka, aoteha l’eho ko la toma tonatoambi meho tohatotu. 21Ko ende onoteha l’otumba bona Yakomba, aoteha l’oho ko la Bomene onotonga meho. 22Ko ende onoteha la loola, aoteha la leko ina Yakomba ko la Bomene onokisase meho.
23Bino eneyal’ino Batengi ban’ekanda l’afalusi, ino besimo! lacin’oka ino bolekya nganji ina minti la anise la kumini, koko bomocika baoyi ban’asangya banaleki, nk’etendelo en’akambo la cilili, ko l’isei, ko l’imeedyo; akoli eneyal’ino bokambeela baoyi’ane, ko botacikake bakina nkoho. 24Ino balonji banodyaki baiso, in’anasengola icingocingo, koko bomela ngamela!
25Bino eneyal’ino, batengi ban’ekanda l’afalusi, ino besimo! lacin’oka ino bosonga mbiolo ena nkofo la salani, koko ena ntundulu baolola l’opomo ko la mposa inifafekyame. 26E Bofalusi onody’aiso, en’oso songa ena ntundulu ena nkofo la salani, lacina bayalame soto ena mbiolo nkoho.
27Bino eneyal’ino, batengi ban’ekanda l’afalusi, ino besimo! lacin’oka ino boyali yoka bekeci bena beduo benokyama mpembe, benenya bokoka mene ena mbiolo, koko ena ntundulu beolola la biuha bin’ato banawaki ko la nsefo ehatu. 28Ino nkoho benya eneyali bato yoka bato bana mbongi, koko betem’enino beolola la mpoci la bowe.
29Bino eneyal’ino, batengi ban’ekanda l’afalusi, ino besimo! lacin’oka bofaka bekeci ben’asumoli ko boongya nketa ina bato bana mbongi nko bokoka, 30ko bila, Mbo, yomb’iso tomoyala meho ena bisike biniki bafango’aniso oyalaka, tumbe totaambana l’iyo en’eutsedyo en’akila ban’asumoli. 31La baoyi’aho ino bimedya oka inoamene boyali ban’aniy’anayakaki basumoli. 32Ino bokokya lelelo lona bafango’anino. 33Ino njua! Ino ban’ana nkonga! bongolotisa ekoiyelo ena likambo ena Ngena bosamb’oya? 34Lacin’eho, lenda, lakotomel’ino basumoli, ko l’ato ban’omwu, ko l’atengi ban’ekanda. Bongoyaka bamoi’aniyo, ko bongaka bamoi ena bikulusu; bongofoma bamoi’aniyo mpomi ena basunagoga banino, ko bongaitanya en’onyanga l’onyanga; 35lacina likambo lina bakila ban’ato bana mbongi bahatu banutsaki ena loko liyele nk’eneyal’ino: matsa l’akila bana Ebele ona mbongi, yengoko bakila bana Zekalaya bon’ona Belekaya, onok’in’oyakaka en’atenyi bana botumba bona Yakomba la mesa ena mbeka. 36Solosolo lakosumol’ino, baoyi’ane bahatu bangokwela bato ban’eotwelo ene.
37Yelusalema, Yelusalema, onoyaka basumoli ko onofusel’iy’anatomama eneyal’e baufe: nsokolanga mama lacina nsusanya ban’ane yoka bosamb’onasusanya nkoko ban’anande en’ase bana bafafu’anande, koko ino botalanga. 38Noka, botumb’onino bociki eneyal’ino nko l’olengelenge; 39lacin’emi lakosumol’ino, bofanjenaki lakina yengoko eneng’in’oila, Onoyayi ena lina lina Yawe aosakelama bosako.
Currently Selected:
Matayo 23: BBY62
Highlight
Share
Copy
Want to have your highlights saved across all your devices? Sign up or sign in
Bokanda Bona Yakomba Bon’ototo © Alliance Biblique de la R. D. Congo, 1962
Matayo 23
23
1Nkwaho Yesu aotenda l’ato bik’ike ko l’akili’anande, 2ate, Batengi ban’ekanda la Bafalusi baokisase ena nkici ena Mose; 3lacin’eho, baoyi bahatu banakosumol’iyo, bomonya baho, ko bokamba; ohonde botakambake yoka bosambo bonakamb’iyo bikambwa, lacin’oka iyo batenda koko bafakambe. 4Bakakela belito mene beneseki efafo ena ntola, ko batadya beho en’asoko ban’ato, koko iyoamene bafalange lilidya beho nko l’io iniyo imoko. 5Iyo bakamb’ikambw’iniyo bihitu nko lacina baenya eneyali bato; baofudya bokolo bona ndembi inalot’iyo ndota, ko baila beseleka ben’ekolo en’ekoto’eniyo; 6ko balanga bisanga binileki’olotsi ena bilambedya, ko la nkici inay’oso ena sunagoga; 7ko balanga baesame beeso ena bidye bina bisombe, ko balanga baelelame l’ato, Labi, Labi. 8Koko ino, botalangake bato bakotang’ino Labi, lacin’oka onoyali Bolaki’onino nk’omoko, nko Masiya, ko inatu boyali bifili. 9Ko botatangake boto onoyali ena loko bafango’onino, lacin’oka onoyali Bafango’onino nk’omoko, nk’Ende onoyali ena loola. 10Ko botatangamake banyangetuke, lacin’oka onoyali Nyangetuke enino nk’omoko, nko Masiya. 11Ende onoleki eneyal’ino angoyala bosali’onino. 12Ko onongoyofefa, angokoiyama; koko onongoyofima, ende angiledyama.
13Bino eneyal’ino, batengi ban’ekanda l’afalusi! Ino besimo! lacin’ino bokombel’ato lifoka lina loola: inoamene bofatua, ko bofeky’iy’anasokotua, batongoyatua. 14(Bino eneyal’ino, batengi ban’ekanda l’afalusi, ino besimo! lacin’ino bokumol’ayato beweli betumb’eniyo, ko boonda beondo ben’etali l’okotua bona mpoci; lacin’eho, ino bongokoiyama l’ekwelo ena likambo eneleki.)
15Bino eneyal’ino batengi ban’ekanda l’afalusi, ino besimo I lacin’ino bolingamela lose l’okwa ko la loko lacina boate bokili’omoko; ko enem’end’oyalama bokili, ino bil’ende bon’ona Ngena onokolek’ino beleka befe.
16Bino eneyal’ino, balonji banodyak’aiso, banila, in’ate, Yomb’oto ateha l’otumba bona Yakomba, afana likambo; koko nde yomb’oto ateha la wolo bonoyali en’otumba bona Yakomba, eteho enande eciki, akambake. 17Ino tolemeleme la banodyak’aiso! la wolo, la botumba bona Yakomba bonekya wolo’oho en’oeka, onoleki oka nai? 18Ko ino bila, Mbo, yomb’oto ateha la mesa ena mbeka, afana likambo; koko nde yombo boto ateha la nganji enambi ena mesa eho, eteho enande eciki, akambake. 19Ino tolemeleme la banodyak’aiso! la nganji, la mesa enekya nganji eho en’oeka, eneleki eka nai? 20Ende onoteha la mesa ena mbeka, aoteha l’eho ko la toma tonatoambi meho tohatotu. 21Ko ende onoteha l’otumba bona Yakomba, aoteha l’oho ko la Bomene onotonga meho. 22Ko ende onoteha la loola, aoteha la leko ina Yakomba ko la Bomene onokisase meho.
23Bino eneyal’ino Batengi ban’ekanda l’afalusi, ino besimo! lacin’oka ino bolekya nganji ina minti la anise la kumini, koko bomocika baoyi ban’asangya banaleki, nk’etendelo en’akambo la cilili, ko l’isei, ko l’imeedyo; akoli eneyal’ino bokambeela baoyi’ane, ko botacikake bakina nkoho. 24Ino balonji banodyaki baiso, in’anasengola icingocingo, koko bomela ngamela!
25Bino eneyal’ino, batengi ban’ekanda l’afalusi, ino besimo! lacin’oka ino bosonga mbiolo ena nkofo la salani, koko ena ntundulu baolola l’opomo ko la mposa inifafekyame. 26E Bofalusi onody’aiso, en’oso songa ena ntundulu ena nkofo la salani, lacina bayalame soto ena mbiolo nkoho.
27Bino eneyal’ino, batengi ban’ekanda l’afalusi, ino besimo! lacin’oka ino boyali yoka bekeci bena beduo benokyama mpembe, benenya bokoka mene ena mbiolo, koko ena ntundulu beolola la biuha bin’ato banawaki ko la nsefo ehatu. 28Ino nkoho benya eneyali bato yoka bato bana mbongi, koko betem’enino beolola la mpoci la bowe.
29Bino eneyal’ino, batengi ban’ekanda l’afalusi, ino besimo! lacin’oka bofaka bekeci ben’asumoli ko boongya nketa ina bato bana mbongi nko bokoka, 30ko bila, Mbo, yomb’iso tomoyala meho ena bisike biniki bafango’aniso oyalaka, tumbe totaambana l’iyo en’eutsedyo en’akila ban’asumoli. 31La baoyi’aho ino bimedya oka inoamene boyali ban’aniy’anayakaki basumoli. 32Ino bokokya lelelo lona bafango’anino. 33Ino njua! Ino ban’ana nkonga! bongolotisa ekoiyelo ena likambo ena Ngena bosamb’oya? 34Lacin’eho, lenda, lakotomel’ino basumoli, ko l’ato ban’omwu, ko l’atengi ban’ekanda. Bongoyaka bamoi’aniyo, ko bongaka bamoi ena bikulusu; bongofoma bamoi’aniyo mpomi ena basunagoga banino, ko bongaitanya en’onyanga l’onyanga; 35lacina likambo lina bakila ban’ato bana mbongi bahatu banutsaki ena loko liyele nk’eneyal’ino: matsa l’akila bana Ebele ona mbongi, yengoko bakila bana Zekalaya bon’ona Belekaya, onok’in’oyakaka en’atenyi bana botumba bona Yakomba la mesa ena mbeka. 36Solosolo lakosumol’ino, baoyi’ane bahatu bangokwela bato ban’eotwelo ene.
37Yelusalema, Yelusalema, onoyaka basumoli ko onofusel’iy’anatomama eneyal’e baufe: nsokolanga mama lacina nsusanya ban’ane yoka bosamb’onasusanya nkoko ban’anande en’ase bana bafafu’anande, koko ino botalanga. 38Noka, botumb’onino bociki eneyal’ino nko l’olengelenge; 39lacin’emi lakosumol’ino, bofanjenaki lakina yengoko eneng’in’oila, Onoyayi ena lina lina Yawe aosakelama bosako.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bokanda Bona Yakomba Bon’ototo © Alliance Biblique de la R. D. Congo, 1962