Mariko 15
15
Yesu emuliro wa Pilato
1Bwabere bwasondikya abahereri bakulu haguma na bakulu na basaki, nabo omwibugiro abosi mobaya embita; moba boha Yesu mobamutwalira Pilato. 2Pilato mwamubulya ati, Uri Mwami wabaYuda kwehi? Naye mwamusubirya ati, Wamabuga. 3Abahereri bakulu mobamuhandikirira emyatsi mingi. 4Pilato mwamubulya kandi ati, Suwite ekyerisubya kwehi? Langira ngoko bamakuhandikirira emyatsi mingi. 5Nikwa Yesu mwataswasubya kindi, kyaleka Pilato iniasweka.
6Nikwa oko kiro kinene ekyo agenda akaboholerabo owo muliki muguma oyo bariamusaba. 7Omukati-kati kabandu ababambirana bita abandi omwibambirana eryo habya omundu womuliki muguma oyo wahulawa mo Baraba. 8Endeko moyasa moyatsuka eribulya Pilato akole ngoko akanakolerabo. 9Naye mwasubiryabo ati, Mukasonda inababoholera oMwami wabaYuda kwehi? 10Kusangwa aminya abahereri bakulu bamuhotera busana neritsura. 11Nikwa abahereri bakulu mobatsotsererya endeko bati aboholerebo Baraba. 12Neryo Pilato mwaswabulyabo ati, Ngandikolaki nomundu oyo muka hula mo Mwami wa baYuda kwehi? 13Mobabirikira kutsibu kandi bati, Abambawe! 14Pilato mwabuga nabo ati, Busana naki, amakola ebibi byahi kwehi? Nikwa mobabugira iguma kwilaba bati, Umubambe. 15Nikwa Pilato erisonda eritse mesya bandu, mwaboholerabo Baraba; abere abiswirya Yesu emikoba, mwamuhabo ati abambawe.
Embita ya mahwa
16Abasoda mobamutwala omo muhana weribugiro; moba birikira omulondo gosi wabasoda erihindana. 17Mobamwa mbalya olukimba lwomunyama, mobaluka akakira kemisaki saki mobamwambalyako. 18Mobatsuka erimubukya bati, Tukakukeraya, oMwami wabaYuda! 19Mobamuswirya nolu seke oko mutwe, mobamutwira kwa matandi, mobamukukamira erimusikya. 20Omugulu bamabimusiningulira, mobamulusya kwo lukimba lwomunyama, mobaswamwambalya esyongimba siwe, mobamutwala eriyabambwa.
Eribamba Yesu
21Mobatsimba omugendi, ye Simoni weKurene, iniakalwa ehandi, ise wAlesanduro na Rufu, mobamuhekya omusalaba. 22Mobamuleta ahakahulawa mo Golgota (eribindula riti aha mahanga). 23Neryo mobamuha ebinyu ibinatulungene na manemane; nikwa mwatapulyabyo. 24Kandi mobamubamba, mobagaba esyongimba siwe omukati-kati kabo, ibakagusa ekura nga sibye syandi. 25Mobamubamba oko ndambi yesisatu. 26Namasako werimuhandikirira owabya endata kwiye abya iniakabuga ati, oMwami wa baYuda. 27Na haguma naye mobabamba abanyeyi babiri, muguma oko luhande lwamali wuwe nogundi oko malembe wuwe. 28Neryo amasako mwa bererera awakabuga ati, Aganzawa haguma na bakola nabi. 29Nabalaba mobamutsuma, neritengatengania emitwe yabo, bati, Sihaho! Uwe wangasambula ehekalu iwaswahimbayo oko biro bisatu, 30uyilamaye, ukime ulwe oko musalaba! 31Na bahereri bakulu haguma nabasaki mobamusekererya, abandi nabandi, bati, Alamaya abandi; siatatoka eriyilamya. 32Mu leke Kristo, oMwami wa Israeli, akimi alwe oko musalaba linolino, tulebaye twikiriraye. Nibya abambawa haguma naye mobamutsuma.
Oluholo lwa Yesu
33Neryo eritungi ryabere ryahika, mohabya omwirimya omo kihugo kyosi erihika oko ndambi yomwenda. 34Noko endambi yomwenda Yesu mwabuga nomulenge munene, ati, Eloi, Eloi, lama, sabaktani kwehi? eribindula ambu, Mungu wage, Mungu wage, busana naki ukanyisiganaya kwehi? 35Nabandi boko babya bahangeneho mobowa ekyo mobabuga bati, Lebaya akabirikira Elia. 36Omuguma mwatibita mu surya esiki omo sifongo, mwahirayo oko luseke mwamuhayo eripulya ati, Tulinde tulebaye kwElia akandiasa erimuhanula. 37Neryo Yesu mwabuga nomulenge munene, mwalusya ekirimu kiwe. 38Nolukimba lwehekalu molwatulwa mo bihande bibiri eritsuka endata erihika ahisi. 39Nomugulu murongani wabasoda, oyo wabya imene embere siwe alangira atya kwamalusya ekirimu kiwe, mwabuga ati, Kwenene omundu oyu alwe mugala woMungu!
40Kandi habya abakali babya hali hake ibak, atungerera, ukubo habya Maria Magdalene, na Maria nyinya wa Yakobo omulere na Yose, na Salome, 41Abamukwama nerimukolera; omugulu abya eGalilaya nabandi bakali bangi abahetukira naye eYerusalema.
Eritabwa ryaYesu
42Bwabere bwabya igologolo, kusangwa kyabya ekiro ky Erikokotya, kye kiro ekikabya embere yesabatu, 43Yosefu weArimatea, omundu ukengirwe omwibugiro, oyo wabya akalindirira obwami bwoMungu, mwasikya omutima mwaya eyiri Pilato, mwabulya ati, ahabawe omubiri wa Yesu. 44Neryo Pilato naye mwasweka kwabirihola kundu; mwa birikira omurongani wabasoda, mwamubulya nga hanamahwa ndambi abirihola. 45Abere aminyisibwa nomurongani wa basoda kwabirihola, mwaha Yosefu omubiri. 46Naye mwagula olukimba lomusohe, mwamuhanula, mwamuringira omo luki mba lomusohe, mwamuhira omwisinda eyabiribatswa omwi bwe; kandi mwakumbagarirya eribwe oko lukyo lweyisinda. 47Na Maria Magdalene na Maria nyinya wa Yose mobalebya aha mahirwa.
Currently Selected:
Mariko 15: NTN62
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.
Mariko 15
15
Yesu emuliro wa Pilato
1Bwabere bwasondikya abahereri bakulu haguma na bakulu na basaki, nabo omwibugiro abosi mobaya embita; moba boha Yesu mobamutwalira Pilato. 2Pilato mwamubulya ati, Uri Mwami wabaYuda kwehi? Naye mwamusubirya ati, Wamabuga. 3Abahereri bakulu mobamuhandikirira emyatsi mingi. 4Pilato mwamubulya kandi ati, Suwite ekyerisubya kwehi? Langira ngoko bamakuhandikirira emyatsi mingi. 5Nikwa Yesu mwataswasubya kindi, kyaleka Pilato iniasweka.
6Nikwa oko kiro kinene ekyo agenda akaboholerabo owo muliki muguma oyo bariamusaba. 7Omukati-kati kabandu ababambirana bita abandi omwibambirana eryo habya omundu womuliki muguma oyo wahulawa mo Baraba. 8Endeko moyasa moyatsuka eribulya Pilato akole ngoko akanakolerabo. 9Naye mwasubiryabo ati, Mukasonda inababoholera oMwami wabaYuda kwehi? 10Kusangwa aminya abahereri bakulu bamuhotera busana neritsura. 11Nikwa abahereri bakulu mobatsotsererya endeko bati aboholerebo Baraba. 12Neryo Pilato mwaswabulyabo ati, Ngandikolaki nomundu oyo muka hula mo Mwami wa baYuda kwehi? 13Mobabirikira kutsibu kandi bati, Abambawe! 14Pilato mwabuga nabo ati, Busana naki, amakola ebibi byahi kwehi? Nikwa mobabugira iguma kwilaba bati, Umubambe. 15Nikwa Pilato erisonda eritse mesya bandu, mwaboholerabo Baraba; abere abiswirya Yesu emikoba, mwamuhabo ati abambawe.
Embita ya mahwa
16Abasoda mobamutwala omo muhana weribugiro; moba birikira omulondo gosi wabasoda erihindana. 17Mobamwa mbalya olukimba lwomunyama, mobaluka akakira kemisaki saki mobamwambalyako. 18Mobatsuka erimubukya bati, Tukakukeraya, oMwami wabaYuda! 19Mobamuswirya nolu seke oko mutwe, mobamutwira kwa matandi, mobamukukamira erimusikya. 20Omugulu bamabimusiningulira, mobamulusya kwo lukimba lwomunyama, mobaswamwambalya esyongimba siwe, mobamutwala eriyabambwa.
Eribamba Yesu
21Mobatsimba omugendi, ye Simoni weKurene, iniakalwa ehandi, ise wAlesanduro na Rufu, mobamuhekya omusalaba. 22Mobamuleta ahakahulawa mo Golgota (eribindula riti aha mahanga). 23Neryo mobamuha ebinyu ibinatulungene na manemane; nikwa mwatapulyabyo. 24Kandi mobamubamba, mobagaba esyongimba siwe omukati-kati kabo, ibakagusa ekura nga sibye syandi. 25Mobamubamba oko ndambi yesisatu. 26Namasako werimuhandikirira owabya endata kwiye abya iniakabuga ati, oMwami wa baYuda. 27Na haguma naye mobabamba abanyeyi babiri, muguma oko luhande lwamali wuwe nogundi oko malembe wuwe. 28Neryo amasako mwa bererera awakabuga ati, Aganzawa haguma na bakola nabi. 29Nabalaba mobamutsuma, neritengatengania emitwe yabo, bati, Sihaho! Uwe wangasambula ehekalu iwaswahimbayo oko biro bisatu, 30uyilamaye, ukime ulwe oko musalaba! 31Na bahereri bakulu haguma nabasaki mobamusekererya, abandi nabandi, bati, Alamaya abandi; siatatoka eriyilamya. 32Mu leke Kristo, oMwami wa Israeli, akimi alwe oko musalaba linolino, tulebaye twikiriraye. Nibya abambawa haguma naye mobamutsuma.
Oluholo lwa Yesu
33Neryo eritungi ryabere ryahika, mohabya omwirimya omo kihugo kyosi erihika oko ndambi yomwenda. 34Noko endambi yomwenda Yesu mwabuga nomulenge munene, ati, Eloi, Eloi, lama, sabaktani kwehi? eribindula ambu, Mungu wage, Mungu wage, busana naki ukanyisiganaya kwehi? 35Nabandi boko babya bahangeneho mobowa ekyo mobabuga bati, Lebaya akabirikira Elia. 36Omuguma mwatibita mu surya esiki omo sifongo, mwahirayo oko luseke mwamuhayo eripulya ati, Tulinde tulebaye kwElia akandiasa erimuhanula. 37Neryo Yesu mwabuga nomulenge munene, mwalusya ekirimu kiwe. 38Nolukimba lwehekalu molwatulwa mo bihande bibiri eritsuka endata erihika ahisi. 39Nomugulu murongani wabasoda, oyo wabya imene embere siwe alangira atya kwamalusya ekirimu kiwe, mwabuga ati, Kwenene omundu oyu alwe mugala woMungu!
40Kandi habya abakali babya hali hake ibak, atungerera, ukubo habya Maria Magdalene, na Maria nyinya wa Yakobo omulere na Yose, na Salome, 41Abamukwama nerimukolera; omugulu abya eGalilaya nabandi bakali bangi abahetukira naye eYerusalema.
Eritabwa ryaYesu
42Bwabere bwabya igologolo, kusangwa kyabya ekiro ky Erikokotya, kye kiro ekikabya embere yesabatu, 43Yosefu weArimatea, omundu ukengirwe omwibugiro, oyo wabya akalindirira obwami bwoMungu, mwasikya omutima mwaya eyiri Pilato, mwabulya ati, ahabawe omubiri wa Yesu. 44Neryo Pilato naye mwasweka kwabirihola kundu; mwa birikira omurongani wabasoda, mwamubulya nga hanamahwa ndambi abirihola. 45Abere aminyisibwa nomurongani wa basoda kwabirihola, mwaha Yosefu omubiri. 46Naye mwagula olukimba lomusohe, mwamuhanula, mwamuringira omo luki mba lomusohe, mwamuhira omwisinda eyabiribatswa omwi bwe; kandi mwakumbagarirya eribwe oko lukyo lweyisinda. 47Na Maria Magdalene na Maria nyinya wa Yose mobalebya aha mahirwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.