Matayo 13
13
1NDA bokol’oko Yesu aolola lim’ilombe, ko aokit’ase nd’eselo ea lieke. 2Ko bitukuluku bi’ant’auke baotakanel’ende, aokondel’a wato, ko aokit’ase; ko bant’auma baolemala nd’okili. 3Aolasangela baoyi’auke la bisonganya, akela, Bala, woni aocwa oona biofo nsanzela; 4aki’nd’oone bemo beokwa nd’ompempe wa mboka, ko tofulu toy’okoma beko.
5Ko bemo beokwa nda totenela ta bikenje, nko bamoci’auke eko, nkakoyoko beko beomela, eki ntabeata bamoci ba njindo; 6ko aki jefa oala, beonyeela: ko beoenga, eki beko ntabeata bili. 7Ko bemo beokwa nd’etei ea baeke, ko baeke baomela, baofita biofo la nkaka. 8Lolo benkina beokwa nd’amoci ba lobwo, ko beocw’engenge, bemo ng’onkam’onkama, ko bemo nga ntuku botoa’otoa, ko benkina nga ntuk’isat’isato. 9Ole la batoi bandoka, kel’end’okoza.
10Koko bakimi baoya, baolokela, Otefela l’iyo la bisonganya lae? 11Ende aolamba, aolakela, Ekaem’el’inyo wae lea bisisa bia likulaka ja loola, lolo efokaem’el’iyo. 12Bamo bifokaema el’ende oata, ko ifoat’ouke o mpafula; lolo bifofonol’ende ofoate o bako baat’ende. 13Nd’ewela eko, ntefela l’iyo la bisonganya nd’ewela wae baale, lolo bafene; bokoza, lolo bafoke, ko bafokotole ncina. 14Lotelo loki Yesaya lokelama el’iyo, loki wete
Lifoka la ndooka, ko lofaekela nye;
Lifena la njeena ko lofaokotola nye:
15Ele botema wa bant’ane bokaka l’ocilingano,
Ko batoi’akiyo bale loko,
Ko baolif’aiso’akiyo;
Nyango bafene l’aiso’akiyo;
Ko bafoke l’atoi’akiyo,
Ko bafekele l’etema’ekiyo,
Ko bafoututale baoyi’obe;
Ko emi mpaiky’iyo.
16Lolo baiso’akinyo baosakema l’okako, ele bako bena; ko l’atoi’akinyo, ele bako boka. 17Nsosolo emi nsangel’inyo, bateli la banto ba liongi bauke balangaki wae ben’elemo benden’inyo, ko ntabena; ko balangaki wae bok’aoyi bandok’inyo, ko ntaboka. 18Nd’ewela eko, lokoza esonganya ea woni. 19Andok’onto joi ja likulaka, ko afekele, ow’obe aoya, ko aolofonola liko lindonami nd’otema’okande. One wete ondonami nd’ompempe wa mboka. 20Ende ondonami nda totenela ta bikenje wae ondoka joi, ko nkakoyoko aolamba liko l’ekemo; 21lolo aosamba wili el’ende mongo, ko afoteme; ko aya elo la bonyoko nd’eloko ea joi, aolembwa nkako. 22Ko ende ondonami nd’etei ea baeke wae ondoka joi: ko bokakaano w’akambo ba bokili’one la bokakatano wa liaci baofita joi la nkaka, ko afocw’amuka, 23Ko ende ondonami nd’amoci ba lobwo wae ondoka joi, ko aolekela, ko aocw’amuka nsosolo, bamo baocw’amuka ng’onkam’onkama, ko bamo nga ntuku botoa’otoa, ko bankina nga ntuku isat’isato.
24Aolasangela esonganya emo, akela, Likulaka ja loola lisongana la bonto ondonaki biofo bi’olotsi nda lisala likande; 25lolo aki banto okeci, wini’okande aoy’oona bailo nd’etei ea loso, ko aocwa mboka ekande. 26Aki biofo omelaka ko beocw’engenge, bailo baoleny’eko la njoso. 27Ko bakwala ba bomong’ilombe baoy’okela, Nkolo, ntawonaki nde biofo bi’olotsi nda lisala likawe? Bailo baomel’eko lima nko? 28Aola kela, A! wini akelaki ngone. Bakwala baolokela, Olanga nde tocwa otakanya bailo? 29Lolo akela, Lako, nyango atakany’inyo bailo, lofoluola njoso nduola. 30Locika, bamele bolongo elaka nk’emukelo: ko nd’ekeke ea emukelo, njifosangela bamuki, Lotakanya bailo nda joso, lolemba nda biimba, ko locumbe nda tsa: lolo lotakanya njoso nd’efongelo ekami ea toma.
31Koko aolasangela esonganya emo, akela, Likulaka ja loola lile ngole wofo wa sinapi, boki bont’omo okolaka, ko aolona nda lisala likande; 32wofo bone bolekola biofo beuma l’isisi nsosolo; lolo aki boko osekwa, bolekola njunda l’onene, ko bokita botamba mongo, ko tofulu t’aliko tokotama nda bitafi bia botamb’oko.
33Aolasangela esonganya emoci, akela, Likulaka ja loola lile ngole nyango ea mampa eki bomoto okolaka, ko aolisa nda farine euke nga kilos isato, elaka nko nyango ea mampa eosangana la farine euma.
34Yesu aosangel’anto b’etukuluku baoyi’ane bauma la bisonganya; ko aotefela l’iyo nda bisonganya kika, 35wae joi liki boteli otelaka jiele, aokela,
Njifobumbol’omwa bokami la bisonganya;
Njifotefel’aoyi bakisi lim’iango ya bokili.
36Aki Yesu ofalanganyak’anto b’etukuluku, aolotswa nd’ilombe; ko bakimi’akande baoy’el’ende, bakela, Otosangele ncina e’esonganya ea bailo ba lisala. 37Aolakela, Ondona biofo bi’olotsi wete Bona ow’onto; 38ko lisala lile benanga beuma; ko biofo bi’olotsi bele bana ba likulaka; koko bailo bale bana ba ow’obe, 39ko wini ondonaki bako wae Satana; koko emukelo ele nsukela ea ekeke; ko bamuki bale wae bikima bia loola. 40Nsukela ea ekeke ifoyalema eleng’ele bailo batakai, ko balongola nda tsa. 41Bona ow’onto ifotoma bikima bikande bia loola, ko iyo bifotakanya baoyi bakunumwez’anto bauma ko l’iy’akel’obe lima likulaka likande, 42ko bifausa nd’itenela ya tsa, lilelo ja mpisali la nkesanya e’aino ifoyal’eko. 43Lim’ako ba liongi bifongesa nda likulaka j’Ise ekiyo ngole jefa. Ole la batoi bandoka, kel’end’okoza.
44Lenkina likulaka ja loola lile ngole jumba lindisama nda lisala; liki bont’omo otanaka, ko aolisa liko; ko aocwa l’osalangano otekya baumba baat’ende bauma, ko aosomba lisala liko.
45Lenkina likulaka ja loola lile ngole bosombi ow’aoka ondasa perles y’olotsi; 46ko aki’nd’otanaka perle emoko ea wiko w’onene, aocwa otekya baumba baat’ende bauma, ko aosomba perle eko.
47Lenkina likulaka ja loola lile ngole botai bondusama nda lieke, ko botakanya nse ya bilenge la bilenge; 48aki boko oyole to, baobela nd’okili; ko baokit’ase, baotakanya nse y’olotsi nda bioko, lolonde baoboka nse y’obe. 49Ifoyalema eleng’eko nda nsukela ea ekeke; bikima bia loola bifoy’okafola bant’obe lim’ele banto ba liongi. 50Ko bifusa bant’obe nd’ecumbelo ea tsa; lilelo ja mpisali la nkesanya e’aino ifoyal’eko.
51Yesu aolakela, Lokotola nde baoyi’ane bauma? Iyo baolokela, Onde, Nkolo. 52Koko aolakela, Nd’ewela eko, wengi bokoci ow’enkanda olakema nda likulaka ja loola, ale ngole bonto ole bomong’ilombe, ondoza baumba b’aeyoko ko la ba kalakala lima liaci likande.
53Aki Yesu osizaka bisonganya bine, aoliman’eko. 54Ko aki’nd’okite nd’ese ekande mongo, aolalaka nda sunagoga; iyo baokamwa, bakela, One aata wanya bone la belemo bi’ofilo lima nko? 55One afa bona owa charpentier? Lina ja nyango ekae lifa Malia? ko baina b’akune’akae bafa Yakobo, la Yosefa, la Simona la Yuda? 56Ko bankana’akae baf’el’iso? One aata baoyi’ane bauma lima nko? 57Ko iy’auma baololemwa. Lolo Yesu aolakela, Boteli ntasambaka lokumo, imola nko nd’ese ekae mongo, la nd’ilombe ikae mongo. 58Ende ntakambaki belemo bi’ofilo beuke eko, nd’ewela ea bosamba w’imeezo bokiyo.
Currently Selected:
Matayo 13: NTMN58
Highlight
Share
Copy
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.
Matayo 13
13
1NDA bokol’oko Yesu aolola lim’ilombe, ko aokit’ase nd’eselo ea lieke. 2Ko bitukuluku bi’ant’auke baotakanel’ende, aokondel’a wato, ko aokit’ase; ko bant’auma baolemala nd’okili. 3Aolasangela baoyi’auke la bisonganya, akela, Bala, woni aocwa oona biofo nsanzela; 4aki’nd’oone bemo beokwa nd’ompempe wa mboka, ko tofulu toy’okoma beko.
5Ko bemo beokwa nda totenela ta bikenje, nko bamoci’auke eko, nkakoyoko beko beomela, eki ntabeata bamoci ba njindo; 6ko aki jefa oala, beonyeela: ko beoenga, eki beko ntabeata bili. 7Ko bemo beokwa nd’etei ea baeke, ko baeke baomela, baofita biofo la nkaka. 8Lolo benkina beokwa nd’amoci ba lobwo, ko beocw’engenge, bemo ng’onkam’onkama, ko bemo nga ntuku botoa’otoa, ko benkina nga ntuk’isat’isato. 9Ole la batoi bandoka, kel’end’okoza.
10Koko bakimi baoya, baolokela, Otefela l’iyo la bisonganya lae? 11Ende aolamba, aolakela, Ekaem’el’inyo wae lea bisisa bia likulaka ja loola, lolo efokaem’el’iyo. 12Bamo bifokaema el’ende oata, ko ifoat’ouke o mpafula; lolo bifofonol’ende ofoate o bako baat’ende. 13Nd’ewela eko, ntefela l’iyo la bisonganya nd’ewela wae baale, lolo bafene; bokoza, lolo bafoke, ko bafokotole ncina. 14Lotelo loki Yesaya lokelama el’iyo, loki wete
Lifoka la ndooka, ko lofaekela nye;
Lifena la njeena ko lofaokotola nye:
15Ele botema wa bant’ane bokaka l’ocilingano,
Ko batoi’akiyo bale loko,
Ko baolif’aiso’akiyo;
Nyango bafene l’aiso’akiyo;
Ko bafoke l’atoi’akiyo,
Ko bafekele l’etema’ekiyo,
Ko bafoututale baoyi’obe;
Ko emi mpaiky’iyo.
16Lolo baiso’akinyo baosakema l’okako, ele bako bena; ko l’atoi’akinyo, ele bako boka. 17Nsosolo emi nsangel’inyo, bateli la banto ba liongi bauke balangaki wae ben’elemo benden’inyo, ko ntabena; ko balangaki wae bok’aoyi bandok’inyo, ko ntaboka. 18Nd’ewela eko, lokoza esonganya ea woni. 19Andok’onto joi ja likulaka, ko afekele, ow’obe aoya, ko aolofonola liko lindonami nd’otema’okande. One wete ondonami nd’ompempe wa mboka. 20Ende ondonami nda totenela ta bikenje wae ondoka joi, ko nkakoyoko aolamba liko l’ekemo; 21lolo aosamba wili el’ende mongo, ko afoteme; ko aya elo la bonyoko nd’eloko ea joi, aolembwa nkako. 22Ko ende ondonami nd’etei ea baeke wae ondoka joi: ko bokakaano w’akambo ba bokili’one la bokakatano wa liaci baofita joi la nkaka, ko afocw’amuka, 23Ko ende ondonami nd’amoci ba lobwo wae ondoka joi, ko aolekela, ko aocw’amuka nsosolo, bamo baocw’amuka ng’onkam’onkama, ko bamo nga ntuku botoa’otoa, ko bankina nga ntuku isat’isato.
24Aolasangela esonganya emo, akela, Likulaka ja loola lisongana la bonto ondonaki biofo bi’olotsi nda lisala likande; 25lolo aki banto okeci, wini’okande aoy’oona bailo nd’etei ea loso, ko aocwa mboka ekande. 26Aki biofo omelaka ko beocw’engenge, bailo baoleny’eko la njoso. 27Ko bakwala ba bomong’ilombe baoy’okela, Nkolo, ntawonaki nde biofo bi’olotsi nda lisala likawe? Bailo baomel’eko lima nko? 28Aola kela, A! wini akelaki ngone. Bakwala baolokela, Olanga nde tocwa otakanya bailo? 29Lolo akela, Lako, nyango atakany’inyo bailo, lofoluola njoso nduola. 30Locika, bamele bolongo elaka nk’emukelo: ko nd’ekeke ea emukelo, njifosangela bamuki, Lotakanya bailo nda joso, lolemba nda biimba, ko locumbe nda tsa: lolo lotakanya njoso nd’efongelo ekami ea toma.
31Koko aolasangela esonganya emo, akela, Likulaka ja loola lile ngole wofo wa sinapi, boki bont’omo okolaka, ko aolona nda lisala likande; 32wofo bone bolekola biofo beuma l’isisi nsosolo; lolo aki boko osekwa, bolekola njunda l’onene, ko bokita botamba mongo, ko tofulu t’aliko tokotama nda bitafi bia botamb’oko.
33Aolasangela esonganya emoci, akela, Likulaka ja loola lile ngole nyango ea mampa eki bomoto okolaka, ko aolisa nda farine euke nga kilos isato, elaka nko nyango ea mampa eosangana la farine euma.
34Yesu aosangel’anto b’etukuluku baoyi’ane bauma la bisonganya; ko aotefela l’iyo nda bisonganya kika, 35wae joi liki boteli otelaka jiele, aokela,
Njifobumbol’omwa bokami la bisonganya;
Njifotefel’aoyi bakisi lim’iango ya bokili.
36Aki Yesu ofalanganyak’anto b’etukuluku, aolotswa nd’ilombe; ko bakimi’akande baoy’el’ende, bakela, Otosangele ncina e’esonganya ea bailo ba lisala. 37Aolakela, Ondona biofo bi’olotsi wete Bona ow’onto; 38ko lisala lile benanga beuma; ko biofo bi’olotsi bele bana ba likulaka; koko bailo bale bana ba ow’obe, 39ko wini ondonaki bako wae Satana; koko emukelo ele nsukela ea ekeke; ko bamuki bale wae bikima bia loola. 40Nsukela ea ekeke ifoyalema eleng’ele bailo batakai, ko balongola nda tsa. 41Bona ow’onto ifotoma bikima bikande bia loola, ko iyo bifotakanya baoyi bakunumwez’anto bauma ko l’iy’akel’obe lima likulaka likande, 42ko bifausa nd’itenela ya tsa, lilelo ja mpisali la nkesanya e’aino ifoyal’eko. 43Lim’ako ba liongi bifongesa nda likulaka j’Ise ekiyo ngole jefa. Ole la batoi bandoka, kel’end’okoza.
44Lenkina likulaka ja loola lile ngole jumba lindisama nda lisala; liki bont’omo otanaka, ko aolisa liko; ko aocwa l’osalangano otekya baumba baat’ende bauma, ko aosomba lisala liko.
45Lenkina likulaka ja loola lile ngole bosombi ow’aoka ondasa perles y’olotsi; 46ko aki’nd’otanaka perle emoko ea wiko w’onene, aocwa otekya baumba baat’ende bauma, ko aosomba perle eko.
47Lenkina likulaka ja loola lile ngole botai bondusama nda lieke, ko botakanya nse ya bilenge la bilenge; 48aki boko oyole to, baobela nd’okili; ko baokit’ase, baotakanya nse y’olotsi nda bioko, lolonde baoboka nse y’obe. 49Ifoyalema eleng’eko nda nsukela ea ekeke; bikima bia loola bifoy’okafola bant’obe lim’ele banto ba liongi. 50Ko bifusa bant’obe nd’ecumbelo ea tsa; lilelo ja mpisali la nkesanya e’aino ifoyal’eko.
51Yesu aolakela, Lokotola nde baoyi’ane bauma? Iyo baolokela, Onde, Nkolo. 52Koko aolakela, Nd’ewela eko, wengi bokoci ow’enkanda olakema nda likulaka ja loola, ale ngole bonto ole bomong’ilombe, ondoza baumba b’aeyoko ko la ba kalakala lima liaci likande.
53Aki Yesu osizaka bisonganya bine, aoliman’eko. 54Ko aki’nd’okite nd’ese ekande mongo, aolalaka nda sunagoga; iyo baokamwa, bakela, One aata wanya bone la belemo bi’ofilo lima nko? 55One afa bona owa charpentier? Lina ja nyango ekae lifa Malia? ko baina b’akune’akae bafa Yakobo, la Yosefa, la Simona la Yuda? 56Ko bankana’akae baf’el’iso? One aata baoyi’ane bauma lima nko? 57Ko iy’auma baololemwa. Lolo Yesu aolakela, Boteli ntasambaka lokumo, imola nko nd’ese ekae mongo, la nd’ilombe ikae mongo. 58Ende ntakambaki belemo bi’ofilo beuke eko, nd’ewela ea bosamba w’imeezo bokiyo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.