Yoane 14
14
Yesu ale Mboka la Wewe la Loiko loasu
1Omachëke mbo botema botatemeke; lendeloko Mungu la lendeloko imɔ ko Imi. 2Nda ndakɔ ya Sango wami biyaelo wike biyali; etiyale nde ongoma, ani isokambesa nd’ino, eoka itɔkɛ okatonjel’ino elela. 3Yɛkɛ okatonjel’ino elela, yelainwaka ndoyɔs’ino olo eyami, mbo olo atoyala Imi, ino koyala imɔ ko omao. Ino oluwi nde olo atɔkɛ lami la oluwi imɔ ko mboka.
5Tomasa loonga lande mbo— Ngɛnɛ, totiluwe olo atɔkɛ laɛ, totoluwa to mboka la moni? 6Yesu loonga lande mbo— Imi yende Mboka la Wewe la Loiko, angwɛnɛ boto wɔkɛ ende Sango, sakolo ngo ko ɛkɛ ko lami. 7Boluwa Imi, ani ino koluwa imɔ ko Sango wami; ko kwani osoluw’Inde, osɔɛnɛ Inde.
8Filipo loonga lande mbo— Ngɛnɛ, ɛnɛsɛkɛ to iso Sango limɔ betema bitoa se. 9Yesu lomutola lande mbo— ¿Kwani asoumwa Imi amamwito lanu ko mbile yumwa, mbo aɛ Filipo otiluwe’mi? Oyasɔɛnɛ’mi asɔɛnɛ imɔ ko Sango; ¿Monito aɛ otofela mbo ɛnɛsɛkɛ iso Sango? 10¿Oitoimela mbo Imi yende la Sango la mbo Sango ale imɔ lami? Baölo ebatoonga’mi eonga lanu, itionge lanu l’isosha shami angɛnɛ, nde Sango oyayali lami, Inde nd’atokelaka bekeeli yande. 11Imelaka to Imi mbo Imi yende la Sango la Sango imɔ lami; ango ko l’eoka ya bekeeli angɛnɛ ebitokelaka’mi. 12Wewe, wewe itoonga lanu mbo— Oyatolendelo Imi, ko bekeeli ebitokelaka’mi, inde kokelaka imɔ ko yao, la inde kokela imɔ ko bekeeli yolongela yao, eoka ikokɛndɛ ende Sango. 13La bitotina ebikafelek’ino ko la lina liami, Imi kokela ngo ko yao, mbo Sango ataliomoko tala ko la Wana. 14Bofela’mi yeka ko la lina liami, Imi nd’atokela yao.
15Bosama’mi, ambo bolitesaka nde bikela yami, 16limɔ Imi nd’atofela Sango, la Inde efaefak’ino wasi oyatoyala Boongeli#Boongeli angoko Bosungi. wanu woyalaka lanu layalaya 17ako Bolimo wa wewe; eba wenda batikɔkɔlɛ ndofomo Bolimo-bo, eoka baitoɛnɛ Inde la baitoluwa Inde, nde ino nd’aluwi Inde, eoka Inde ayali lanu la eyalaka lanu.
18Iitomach’ino kwa bana ba booi, yeyaka nde end’ino. 19Ko mbile sinyo kongo, limɔ wenda botiɛnɛkɛ imɔ Imi, nde ino wɛnɛkɛ nde Imi; eoka Imi yende la liwawi, ino imɔ boyalaka nde la liwawi. 20La lise-ao, ino boluwaka mbo Imi yende la Sango, la mbo ino wende lami la Imi imɔ lanu. 21Inde oyalitesi nde bikela yami, ambo inde ona oyatosama Imi, oyatosama’mi esamomoko nde la Sango wami; yesamaka inde la yɛnɛnɛkɛ Imi angɛnɛ end’inde fololo.
22Yudasi-inga ewa Keliote-lofela Inde mbo— ¿Ngɛnɛ, loyi nde moni mbo wɛnɛnɛkɛ Aɛ angɛnɛ end’iso fololo, inga to ende eba wenda? 23Yesu lomutola lande mbo— Boto esamaka nde Imi, ani elitesaka lioi liami limɔ Sango wami esamaka nde inde la iso toyaka nde end’inde la tosɛlɛkɛ inde kwa eyaelo yasu. 24Oyatisame Imi, aitolitesa baoi bami; nde lioi elitokak’ino liti liami kangä elia Sango oyatomakä’mi.
25Isoonga ebaoi-ba lanu ani ikoyali lanu. 26Nde Boongeli ako Bolimo Botanu oyakatomeke Sango otomel’ino ko la lina liami, Inde nd’atoekekes’ino bitotina la eenyelesak’ino bitotina eyakambesak’ino Imi angɛnɛ. 27Isotikel’ino lilatemi, isofaef’ino eliami lilatemi; nde itifaef’ino kwa akafeke wenda of’ino. Omachëke mbo botema botatemeke, ofëfëke la bɔwa. 28Osooka kwa aongiki’mi lanu mbo isɔkɛ la yeinwa end’ino liasi; eyambo wasamaka Imi, ani wokaka limɛngɔ eoka isɔkɛ ende Sango; eoka Sango alongeli nde Imi. 29Isotakambes’ino oso ani lokayi, mbo akayeke loao, wimeleke nde Imi. 30Itiaong’imɔ lanu baoi wike, eoka Bokakalesi wa wenda-bo atoya, nde ati lami la loasɔ ango lɔmɔi; 31kongo ko itokelaka ngo kwa atelaka Sango otela’mi bikela mbo wenda boluweke mbo isosamaka Sango. Emalaka to, totangweke!
Currently Selected:
Yoane 14: NTKE58
Highlight
Share
Copy
Want to have your highlights saved across all your devices? Sign up or sign in
Le Nouveau Testament in Kele (Lokele) © British and Foreign Bible Society, 1958, 2019.
Yoane 14
14
Yesu ale Mboka la Wewe la Loiko loasu
1Omachëke mbo botema botatemeke; lendeloko Mungu la lendeloko imɔ ko Imi. 2Nda ndakɔ ya Sango wami biyaelo wike biyali; etiyale nde ongoma, ani isokambesa nd’ino, eoka itɔkɛ okatonjel’ino elela. 3Yɛkɛ okatonjel’ino elela, yelainwaka ndoyɔs’ino olo eyami, mbo olo atoyala Imi, ino koyala imɔ ko omao. Ino oluwi nde olo atɔkɛ lami la oluwi imɔ ko mboka.
5Tomasa loonga lande mbo— Ngɛnɛ, totiluwe olo atɔkɛ laɛ, totoluwa to mboka la moni? 6Yesu loonga lande mbo— Imi yende Mboka la Wewe la Loiko, angwɛnɛ boto wɔkɛ ende Sango, sakolo ngo ko ɛkɛ ko lami. 7Boluwa Imi, ani ino koluwa imɔ ko Sango wami; ko kwani osoluw’Inde, osɔɛnɛ Inde.
8Filipo loonga lande mbo— Ngɛnɛ, ɛnɛsɛkɛ to iso Sango limɔ betema bitoa se. 9Yesu lomutola lande mbo— ¿Kwani asoumwa Imi amamwito lanu ko mbile yumwa, mbo aɛ Filipo otiluwe’mi? Oyasɔɛnɛ’mi asɔɛnɛ imɔ ko Sango; ¿Monito aɛ otofela mbo ɛnɛsɛkɛ iso Sango? 10¿Oitoimela mbo Imi yende la Sango la mbo Sango ale imɔ lami? Baölo ebatoonga’mi eonga lanu, itionge lanu l’isosha shami angɛnɛ, nde Sango oyayali lami, Inde nd’atokelaka bekeeli yande. 11Imelaka to Imi mbo Imi yende la Sango la Sango imɔ lami; ango ko l’eoka ya bekeeli angɛnɛ ebitokelaka’mi. 12Wewe, wewe itoonga lanu mbo— Oyatolendelo Imi, ko bekeeli ebitokelaka’mi, inde kokelaka imɔ ko yao, la inde kokela imɔ ko bekeeli yolongela yao, eoka ikokɛndɛ ende Sango. 13La bitotina ebikafelek’ino ko la lina liami, Imi kokela ngo ko yao, mbo Sango ataliomoko tala ko la Wana. 14Bofela’mi yeka ko la lina liami, Imi nd’atokela yao.
15Bosama’mi, ambo bolitesaka nde bikela yami, 16limɔ Imi nd’atofela Sango, la Inde efaefak’ino wasi oyatoyala Boongeli#Boongeli angoko Bosungi. wanu woyalaka lanu layalaya 17ako Bolimo wa wewe; eba wenda batikɔkɔlɛ ndofomo Bolimo-bo, eoka baitoɛnɛ Inde la baitoluwa Inde, nde ino nd’aluwi Inde, eoka Inde ayali lanu la eyalaka lanu.
18Iitomach’ino kwa bana ba booi, yeyaka nde end’ino. 19Ko mbile sinyo kongo, limɔ wenda botiɛnɛkɛ imɔ Imi, nde ino wɛnɛkɛ nde Imi; eoka Imi yende la liwawi, ino imɔ boyalaka nde la liwawi. 20La lise-ao, ino boluwaka mbo Imi yende la Sango, la mbo ino wende lami la Imi imɔ lanu. 21Inde oyalitesi nde bikela yami, ambo inde ona oyatosama Imi, oyatosama’mi esamomoko nde la Sango wami; yesamaka inde la yɛnɛnɛkɛ Imi angɛnɛ end’inde fololo.
22Yudasi-inga ewa Keliote-lofela Inde mbo— ¿Ngɛnɛ, loyi nde moni mbo wɛnɛnɛkɛ Aɛ angɛnɛ end’iso fololo, inga to ende eba wenda? 23Yesu lomutola lande mbo— Boto esamaka nde Imi, ani elitesaka lioi liami limɔ Sango wami esamaka nde inde la iso toyaka nde end’inde la tosɛlɛkɛ inde kwa eyaelo yasu. 24Oyatisame Imi, aitolitesa baoi bami; nde lioi elitokak’ino liti liami kangä elia Sango oyatomakä’mi.
25Isoonga ebaoi-ba lanu ani ikoyali lanu. 26Nde Boongeli ako Bolimo Botanu oyakatomeke Sango otomel’ino ko la lina liami, Inde nd’atoekekes’ino bitotina la eenyelesak’ino bitotina eyakambesak’ino Imi angɛnɛ. 27Isotikel’ino lilatemi, isofaef’ino eliami lilatemi; nde itifaef’ino kwa akafeke wenda of’ino. Omachëke mbo botema botatemeke, ofëfëke la bɔwa. 28Osooka kwa aongiki’mi lanu mbo isɔkɛ la yeinwa end’ino liasi; eyambo wasamaka Imi, ani wokaka limɛngɔ eoka isɔkɛ ende Sango; eoka Sango alongeli nde Imi. 29Isotakambes’ino oso ani lokayi, mbo akayeke loao, wimeleke nde Imi. 30Itiaong’imɔ lanu baoi wike, eoka Bokakalesi wa wenda-bo atoya, nde ati lami la loasɔ ango lɔmɔi; 31kongo ko itokelaka ngo kwa atelaka Sango otela’mi bikela mbo wenda boluweke mbo isosamaka Sango. Emalaka to, totangweke!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Le Nouveau Testament in Kele (Lokele) © British and Foreign Bible Society, 1958, 2019.