Yoane 9
9
Boto oyaotomökö la botuku, loliolomo baiso
1Etäkä Yesu nda mboka, Inde lɔɛnɛ boto oyaäkä la botuku konda baotelo bande, 2la baeki bande lofel’Inde mbo— ¿Labi, ndai yakeläkä obe, kwa botoyo kwa ebaot’inde, mbo aotomökö la botuku? 3Yesu lomutola mbo— Ati ango inde angɛnɛ, ango ebaoti inde lokela bobe kangä mbo ebikakeleke Mungu yɛnɛlɛkɛ end’inde. 4Lole loami ndokela yao ya Inde oyatomäkä’mi ani löwa lokoyali; akayeke lilima lia bocho, boto angokɔkɔlɔ ndokela likuwa. 5Akoyali’mi nda wenda, yende löwa loa wenda.
6Aongäk’Inde ongoma, Inde lotwɛlɛ sɔi nda nyɛlɛ ndokela baïti, Inde lolɔɔkɔ inde baïti nda baiso. 7Yesu loonga lande mbo— Kɛndɛkɛ okasoola bindo yaɛ nda lyaa liko Siloa (litina mbo Oyatomomu), inde lɔkɛ to inde losoola bindo, inde losokwa omao ani akɔɛnɛ liasi.
8Bayalani lande la bato ebɛnɛ̈k’inde oso mbo Ewa shomba, iyo lofelana mbo— ¿Ati ona oyayalakäkä se nda mboka shomba yeka? 9Bamɔi mbo— Ale ko inde. Basi mbo— Mba, nde akwelu nde bɔfɔnɔ wande. Nde boto angɛnɛ loonga mbo— Imi-yo. 10Limɔ iyo lofel’inde mbo— Baiso baɛ to baliolomu nde moni? 11Inde lomutola lau mbo— Boto oyatangomu mbo Yesu lokela baïti, Inde lolɔɔkɔ bao nda baiso bami, Inde loonga lami mbo— Kɛndɛkɛ nda Siloa, soolaka bindo omao; imi lɔkɛ to, la asoolaka’mi, imi lɔɛnɛ liasi. 12Limɔ iyo lofel’inde mbo ¿Boto ona ale to anima? Inde mbo— Itiluwe.
13Iyo loesha oyayaliki oso la botuku ende BaFalusi. 14Lise lina eliakeläkä Yesu baiti, la elialioläk’Inde baiso bande, liaäkä elia Yenga. 15Eokao BaFalusi imɔ lofel’inde liasi ani ɛnɛsɔmɔ̈kɔ̈ inde. Inde loonga to lau mbo— Inde lota baïti nda baiso bami, imi losoola bao la kwani itɔɛnɛ. 16Bamɔi ba BaFalusi to loonga mbo— Ona ako Yesu ati wa Mungu, eoka atilitese lise lia Yenga. Nde basi bamɔi mbo— Boto oyatokelaka obe nd’atokɔkɔlɔ ndokela ndembe ya ilombo ya bɔfɔnɔ-bo? Ongoma iyo batisangane kuko. 17Eokao iyo lofelaka ewa botuku liasi mbo— ¿Aɛ angɛnɛ nd’atoonga iye loasɔ loande, eoka alioliki nde ebaɛ baiso? Inde mbo— Ende Bɔtɔndɔli.
18Nde BaYuda batiaimeläkä mbo ayaläkä la botuku la mbo ɛnɛsɔmɔkɔ̈ liasi, kond’atäk’iyo ebaot’inde lioi, ako oyaɛnɛsɔmɔ̈kɔ̈ liasi, 19iyo lofela iyo mbo— ¿Oyo ende to wana wanu oyatoong’ino mbo aotomökö la botuku? ¿Asɔɛnɛ to kwani la moni? 20Ebaot’inde lomutola mbo— Toluwi nde mbo ende wana wasu la mbo aotomökö nde la botuku, 21nde totiluwe ani asɔɛnɛ inde oko liasi, la iso angɛnɛ totiluwe oyaliolik’inde baiso; felak’inde angɛnɛ, ende otowange, atoaolel’inde angɛnɛ. 22Ebaot’inde loonga ongoma eoka bawangakäkä BaYuda, eoka BaYuda lotwana kuko mbo boto eaola mbo Yesu ende Masiya, ambo ona kosokolomo nda ɛsɔngɔmɛlɔ. 23Liao to lile litina eliongiki ebaot’inde mbo— Ale otowange, felak’inde angɛnɛ.
24Eokao iyo lota oyaäkä la botuku, lita lia ambale, iyo loonga lande mbo— Ongaka ko wewe wa Mungu, eoka iso nd’aluwi mbo eboto-yo atokelaka bobe. 25Boto loonga to mbo— Eya boto oyatokelaka obe, im’itiluwe, loasɔ lɔmɔi eloluwi nde imi, loko mbo yaäkä la botuku, nde kwani isɔɛnɛ. 26Iyo lofela inde mbo— ¿Akeeliki nd’aɛ moni? ¿Alioliki nde baiso baɛ l’iye? 27Inde lomutoel’iyo mbo— Ikambesiki nd’ino, nde otiokeke; ¿Olɛmbi nde ndoka liasi moni? Mbo ino imɔ nd’alɛmbi oyala baeki bande? 28Limɔ iyo lomɔl’inde, iyo mbo— Aɛ wende boeki wa boto ona, nde iso nd’ayali baeki ba Mɔsɛ. 29Iso nd’aluwi mbo Mungu aongäkä la Mɔsɛ, kongo ko loasɔ loa oyo-boto-yo totiluwe ango olo asokwäkä lande. 30Boto lomutola lau mbo— Loasɔ lomwaalomo to loko mbo ino angoluwa olo asokwaka lande, l’ani alioli nde baiso bami! 31Toluwi nde mbo Mungu angolaila ebatokelaka bobe; nde boto esemolak’Inde, ekelaka lisangi liande, ambo Mungu kolail’inde ona. 32Ko layalaya lotiaokomökö mbo boto nd’alioläkä baiso ba boto oyaotomu la botuku. 33Aenaka mbo boto ona ayäkä ende Mungu, ani Inde angokɔkɔlɔ okela yeka.
34BaFalusi lomutoel’inde mbo— Ko la obe aɛ nd’aotomökö fɛɛ! ¿Aɛ nd’atoekes’iso? Limɔ iyo losokol’inde nda ɛsɔngɔmɛlɔ.
35Okäkä Yesu mbo basosokol’inde la oshäkä Yesu oosh’inde, Yesu loonga lande mbo— ¿Osolendelo to Wana wa Mungu? 36Boto ona loonga mbo— ¿Bwana, ale to ndai mbo ilendeloko Inde? 37Yesu loonga lande mbo— Osɔɛnɛ Inde la akoonga imɔ laɛ kwani, Inde kongo. 38Inde mbo— Bwana, isoimela. Inde lotulamela Yesu se.
39Limɔ Yesu loonga mbo— Imi nd’asoya nda wenda-bo ndoyaataka wao, mbo ebatiɛnɛ, bɛnɛkɛ, la mbo ebatɔɛnɛ bakinjweke eba botuku. 40Okäkä BaFalusi bamɔi ebayaläkä lande ebaoi-ba, iyo loonga lande mbo— ¿Iso imɔ twende eba botuku? 41Yesu lomutola lau mbo— Wayala nde la botuku, ani otiyaleke bato ba obe, nde kwaani atoong’ino mbo, Totɔɛnɛ; ambo ino okoyali bato ba obe.
Currently Selected:
Yoane 9: NTKE58
Highlight
Share
Copy
Want to have your highlights saved across all your devices? Sign up or sign in
Le Nouveau Testament in Kele (Lokele) © British and Foreign Bible Society, 1958, 2019.
Yoane 9
9
Boto oyaotomökö la botuku, loliolomo baiso
1Etäkä Yesu nda mboka, Inde lɔɛnɛ boto oyaäkä la botuku konda baotelo bande, 2la baeki bande lofel’Inde mbo— ¿Labi, ndai yakeläkä obe, kwa botoyo kwa ebaot’inde, mbo aotomökö la botuku? 3Yesu lomutola mbo— Ati ango inde angɛnɛ, ango ebaoti inde lokela bobe kangä mbo ebikakeleke Mungu yɛnɛlɛkɛ end’inde. 4Lole loami ndokela yao ya Inde oyatomäkä’mi ani löwa lokoyali; akayeke lilima lia bocho, boto angokɔkɔlɔ ndokela likuwa. 5Akoyali’mi nda wenda, yende löwa loa wenda.
6Aongäk’Inde ongoma, Inde lotwɛlɛ sɔi nda nyɛlɛ ndokela baïti, Inde lolɔɔkɔ inde baïti nda baiso. 7Yesu loonga lande mbo— Kɛndɛkɛ okasoola bindo yaɛ nda lyaa liko Siloa (litina mbo Oyatomomu), inde lɔkɛ to inde losoola bindo, inde losokwa omao ani akɔɛnɛ liasi.
8Bayalani lande la bato ebɛnɛ̈k’inde oso mbo Ewa shomba, iyo lofelana mbo— ¿Ati ona oyayalakäkä se nda mboka shomba yeka? 9Bamɔi mbo— Ale ko inde. Basi mbo— Mba, nde akwelu nde bɔfɔnɔ wande. Nde boto angɛnɛ loonga mbo— Imi-yo. 10Limɔ iyo lofel’inde mbo— Baiso baɛ to baliolomu nde moni? 11Inde lomutola lau mbo— Boto oyatangomu mbo Yesu lokela baïti, Inde lolɔɔkɔ bao nda baiso bami, Inde loonga lami mbo— Kɛndɛkɛ nda Siloa, soolaka bindo omao; imi lɔkɛ to, la asoolaka’mi, imi lɔɛnɛ liasi. 12Limɔ iyo lofel’inde mbo ¿Boto ona ale to anima? Inde mbo— Itiluwe.
13Iyo loesha oyayaliki oso la botuku ende BaFalusi. 14Lise lina eliakeläkä Yesu baiti, la elialioläk’Inde baiso bande, liaäkä elia Yenga. 15Eokao BaFalusi imɔ lofel’inde liasi ani ɛnɛsɔmɔ̈kɔ̈ inde. Inde loonga to lau mbo— Inde lota baïti nda baiso bami, imi losoola bao la kwani itɔɛnɛ. 16Bamɔi ba BaFalusi to loonga mbo— Ona ako Yesu ati wa Mungu, eoka atilitese lise lia Yenga. Nde basi bamɔi mbo— Boto oyatokelaka obe nd’atokɔkɔlɔ ndokela ndembe ya ilombo ya bɔfɔnɔ-bo? Ongoma iyo batisangane kuko. 17Eokao iyo lofelaka ewa botuku liasi mbo— ¿Aɛ angɛnɛ nd’atoonga iye loasɔ loande, eoka alioliki nde ebaɛ baiso? Inde mbo— Ende Bɔtɔndɔli.
18Nde BaYuda batiaimeläkä mbo ayaläkä la botuku la mbo ɛnɛsɔmɔkɔ̈ liasi, kond’atäk’iyo ebaot’inde lioi, ako oyaɛnɛsɔmɔ̈kɔ̈ liasi, 19iyo lofela iyo mbo— ¿Oyo ende to wana wanu oyatoong’ino mbo aotomökö la botuku? ¿Asɔɛnɛ to kwani la moni? 20Ebaot’inde lomutola mbo— Toluwi nde mbo ende wana wasu la mbo aotomökö nde la botuku, 21nde totiluwe ani asɔɛnɛ inde oko liasi, la iso angɛnɛ totiluwe oyaliolik’inde baiso; felak’inde angɛnɛ, ende otowange, atoaolel’inde angɛnɛ. 22Ebaot’inde loonga ongoma eoka bawangakäkä BaYuda, eoka BaYuda lotwana kuko mbo boto eaola mbo Yesu ende Masiya, ambo ona kosokolomo nda ɛsɔngɔmɛlɔ. 23Liao to lile litina eliongiki ebaot’inde mbo— Ale otowange, felak’inde angɛnɛ.
24Eokao iyo lota oyaäkä la botuku, lita lia ambale, iyo loonga lande mbo— Ongaka ko wewe wa Mungu, eoka iso nd’aluwi mbo eboto-yo atokelaka bobe. 25Boto loonga to mbo— Eya boto oyatokelaka obe, im’itiluwe, loasɔ lɔmɔi eloluwi nde imi, loko mbo yaäkä la botuku, nde kwani isɔɛnɛ. 26Iyo lofela inde mbo— ¿Akeeliki nd’aɛ moni? ¿Alioliki nde baiso baɛ l’iye? 27Inde lomutoel’iyo mbo— Ikambesiki nd’ino, nde otiokeke; ¿Olɛmbi nde ndoka liasi moni? Mbo ino imɔ nd’alɛmbi oyala baeki bande? 28Limɔ iyo lomɔl’inde, iyo mbo— Aɛ wende boeki wa boto ona, nde iso nd’ayali baeki ba Mɔsɛ. 29Iso nd’aluwi mbo Mungu aongäkä la Mɔsɛ, kongo ko loasɔ loa oyo-boto-yo totiluwe ango olo asokwäkä lande. 30Boto lomutola lau mbo— Loasɔ lomwaalomo to loko mbo ino angoluwa olo asokwaka lande, l’ani alioli nde baiso bami! 31Toluwi nde mbo Mungu angolaila ebatokelaka bobe; nde boto esemolak’Inde, ekelaka lisangi liande, ambo Mungu kolail’inde ona. 32Ko layalaya lotiaokomökö mbo boto nd’alioläkä baiso ba boto oyaotomu la botuku. 33Aenaka mbo boto ona ayäkä ende Mungu, ani Inde angokɔkɔlɔ okela yeka.
34BaFalusi lomutoel’inde mbo— Ko la obe aɛ nd’aotomökö fɛɛ! ¿Aɛ nd’atoekes’iso? Limɔ iyo losokol’inde nda ɛsɔngɔmɛlɔ.
35Okäkä Yesu mbo basosokol’inde la oshäkä Yesu oosh’inde, Yesu loonga lande mbo— ¿Osolendelo to Wana wa Mungu? 36Boto ona loonga mbo— ¿Bwana, ale to ndai mbo ilendeloko Inde? 37Yesu loonga lande mbo— Osɔɛnɛ Inde la akoonga imɔ laɛ kwani, Inde kongo. 38Inde mbo— Bwana, isoimela. Inde lotulamela Yesu se.
39Limɔ Yesu loonga mbo— Imi nd’asoya nda wenda-bo ndoyaataka wao, mbo ebatiɛnɛ, bɛnɛkɛ, la mbo ebatɔɛnɛ bakinjweke eba botuku. 40Okäkä BaFalusi bamɔi ebayaläkä lande ebaoi-ba, iyo loonga lande mbo— ¿Iso imɔ twende eba botuku? 41Yesu lomutola lau mbo— Wayala nde la botuku, ani otiyaleke bato ba obe, nde kwaani atoong’ino mbo, Totɔɛnɛ; ambo ino okoyali bato ba obe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Le Nouveau Testament in Kele (Lokele) © British and Foreign Bible Society, 1958, 2019.