Luka 5
5
1Aemaläkä Yesu tina la eliya ya Ngenesaleta bato ba ekuke losɔngɔmɛl’Inde la bokamu mbo bokeke Lioi lia Mungu, 2Inde lɔɛnɛ biatɔ imbale ebiswami se nda ngɔngɛ, ani baluwi bakwi se okasoola biɛngɔ. 3Inde lokwa nda watɔ ebomani la Simona la Inde lofel’inde mbo ailieke sumbu watɔ owale, limɔ Inde loyala se ina, Inde loekesa bato ba ekuke ani ayali nda watɔ. 4Asiläk’Inde ndoonga lau, Inde loonga la Simona mbo— Kɛsɛkɛ watɔ nda balia ba olundu owale; taka biɛngɔ nda balia oluwa swi. 5La Simona lomutola lande mbo— Ngɛnɛ, ko la ocho buse ya, kwa eyaluwelik’iso totiole yeka, kongo ko eoka ya lioi liaɛ, itota wɛngɔ nda balia. 6Akeläk’iyo ongoma, iyo losamba bolïlye ofi wa swi ebilindani la wɛngɔ, la wao loakola ndotenyatenya, 7limɔ iyo lota basaɔ bau lioi ebayaläkä nda watɔ ebɔmɔi mbo bayeke oyasung’iyo. Iyo loya, iyo lotumesa biatɔ imbale la swi la yao yasiakoliya. 8Kongo ko ɛnɛ̈kɛ̈ Simona Petelo ongoma, inde lokwa balui se oso wa Yesu, inde mbo— Sekwaka ende’mi, Ngɛnɛ, eoka yende boto obe. 9Eoka inde la ebayalani lande, iyo lotwa liena lia losambo lofi loa swi eloasambäk’iyo, 10imɔ ko la Yakobo la Yoane bana ba Sebedayo ebayalanäkä lau nda botükä, iyo lotwa liena.
Yesu loonga nde la Simona mbo— Owangëke, konda louse waluwa nde bato la liwawi. 11Asuliäk’iyo biatɔ nda ngɔngɛ, iyo lomachaka bitotina, iyo lotutaka Yesu.
Boto wa Baɛndi
12Ayaläkä Yesu nda okenge ɔmɔi, futuku boto wa baɛndi bawau loya; la ɛnɛ̈k’inde wɛnɛ Yesu, inde lotulia bɔmbɔ se konda nyɛlɛ, inde lolɔmbɔkɔlɔ Yesu mbo— Ngɛnɛ, bɔlɛmbɛ, Aɛ kokɔkɔlɔ ndotanesa’mi. 13Yesu lonanola bosamba, Inde lomat’inde, Inde mbo— Ilɛmbi nde ongoma, tanesomoko to. 14Lisasaya baɛndi losokwa end’inde. Yesu loima inde mbo— Okambesëke oto angɔmɔi, nde kɛndɛkɛ okatamba bindo yaɛ ende kanga la faefaka Mungu lifaefi kwa atäkä Mose ekela eoka ya lotaneso loaɛ, kwa ndembe ende bato. 15Kongo ko mboli yande lomelana yoeta eyaoso, la bikuke bifi ya bato loyasɔngɔmɔ end’Inde ndooka Inde la ndouwekesomo ngwo yau.
16Nde Yesu loisamaka nda liɔmbɛlɛ, Inde losombokola omao.
Boto wa Lonyango
17Loaäkä nde lise limɔi, aekesäk’Inde bato, mbo BaFalusi la Baekesi ba bikela bayaläkä se tina, ebasokwäkä nda bekenge bitotina ya Ngalilai la Yudea la Yelusaleme la bofoka wa Mungu loyala la Yesu mbo uweseke bato. 18Futuku, batolome bamɔi loeshel’Inde boto oyaingesomu nda tange la loo loa lonyango; iyo loluka mboka yɔɔtɛs’inde nda ndakɔ mbo basɛlɛk’inde se oso wa baiso ba Yesu. 19Atiɛnɛ̈kɛ̈ bato mboka yɔtɛs’inde eoka ya bokamu, iyo lolila olikolo lia losambo, iyo losulol’inde se nda tange ko la lifola nda losambo, inde loaa se, sisi yau, oso wa baiso ba Yesu. 20Ɛnɛkɛ Yesu liimeli liau, Inde loonga lande mbo— Boto, njasɔ ibe yaɛ bisomɛsɛlɔmɔ. 21Nde Batikasa la BaFalusi loakola ndofelana la fee, mbo— ¿Ndai-yo oyasosɛɔlɔ Mungu? ¿Ndai atokɔkɔlɔ ndomɛsɛlɛ njasɔ ibe, sakolo ngo ko Mungu angɛnɛ? 22Nde aluwäkä Yesu baenyeli bau ba fee, Inde lomutoela iyo mbo—, ¿Monito osota fee nda betema yanu? 23¿Loni losoeta la bɔlɛmbu, kwa ndoonga mbo— Njasɔ ibe yaɛ bisomɛsɛlɔmɔ, kwa ndoonga mbo— Emalaka la tangwaka? 24Kongo ko, mbo boluwesomoko mbo Wana wa boto ale l’isosha shomɛsɛlɛ njasɔ ibe ono se, Inde loonga la ewa lonyango mbo— Imi mbo— Emalaka, ilaka tange yaɛ, kɛndɛkɛ nda ndakɔ yaɛ. 25Lisasaya inde loemala oso wau, inde loila tange eyaingaelak’inde, inde lotangwa nda ndakɔ yande, ani atoinela Mungu la limɛngɔ. 26La iyo yaatotina lomwaala, iyo loinela Mungu ko la bɔwa, iyo mbo— Tosɔɛnɛ to tolombo louse.
Lotomo-lioi loa Lewi
27Mbisa ya loasɔ-lo, Yesu lokuswa nda ndakɔ; limɔ Inde loɛnɛ oto ɔmɔi, bɔsɔmbɛsi ako Lewi, ani ayaläkä se nda ɛsɔnjɛlɔ ya bosombi, la Inde loonga lande mbo— Tutaka’mi. 28Lewi lomacha eyande bitotina, inde loemala, inde lotuta Yesu. 29La Lewi lokeela Yesu elambɔ efi nda ndakɔ yande, la ekuke efi ya bɛsombɛsi la basi imɔ loyala se ndola bieka amamwito lau. 30Nde Batikasa la BaFalusi bau loimaimela baeki bande, mbo— ¿Monito botola la botomwa amamwito la bato babe? 31Yesu lomutoel’iyo mbo— Ebale la bosasu baitolüka bonganga, kangä eba kambo. 32Itiye ndoyata eba liengani lioi, kangä bato ba njasɔ ibe mbo bakalanganeke.
33Nde iyo loonga lande mbo— Baeki ba Yoane batokilakaka bieka la batosombokolaka, la baeki ba BaFalusi ko ongoma, kongo ko baeki baɛ batolakaka la batomwakaka. 34Nde Yesu loonga lau mbo— ¿Atoyalaka tolesani amamwito la oyatosɔngɔ, otokɔkɔlɔ nde ndokufesa iyo mbo batala bieka? 35Nde bacho beyaka nde ani bɔsɔngi atɔɔnɔkɔlɔmɔ end’iyo, limɔ ko nda lise lina iyo kokila bieka.
36Yesu lokambes’iyo imɔ ko bombila, mbo— Boto aitowamba esinda ya liɔmbɔ la yaki ya esinda eyai; ekela ongoma, ani eyeyai etosalyaka la imɔ yaki eyesekwi nda eyeyai angosangan’imɔ la eya liɔmbɔ.
37Boto aitoangola bänä bayai nda biuku ebisoumwa eoka mbo bänä bataacha biuku limɔ bänä batowɛlɛkɛmɛ se la biuku imɔ kowa. 38Nde bänä bayai batowɛlɔmɔ nda biuku biyai. Boto oyasomwa bänä ba lilaka, angooka yɛmɛ yomwaka ebayai, eoka atoonga mbo— Eba oso bako lilaka basolonga l’olau.
Currently Selected:
Luka 5: NTKE58
Highlight
Share
Copy
Want to have your highlights saved across all your devices? Sign up or sign in
Le Nouveau Testament in Kele (Lokele) © British and Foreign Bible Society, 1958, 2019.
Luka 5
5
1Aemaläkä Yesu tina la eliya ya Ngenesaleta bato ba ekuke losɔngɔmɛl’Inde la bokamu mbo bokeke Lioi lia Mungu, 2Inde lɔɛnɛ biatɔ imbale ebiswami se nda ngɔngɛ, ani baluwi bakwi se okasoola biɛngɔ. 3Inde lokwa nda watɔ ebomani la Simona la Inde lofel’inde mbo ailieke sumbu watɔ owale, limɔ Inde loyala se ina, Inde loekesa bato ba ekuke ani ayali nda watɔ. 4Asiläk’Inde ndoonga lau, Inde loonga la Simona mbo— Kɛsɛkɛ watɔ nda balia ba olundu owale; taka biɛngɔ nda balia oluwa swi. 5La Simona lomutola lande mbo— Ngɛnɛ, ko la ocho buse ya, kwa eyaluwelik’iso totiole yeka, kongo ko eoka ya lioi liaɛ, itota wɛngɔ nda balia. 6Akeläk’iyo ongoma, iyo losamba bolïlye ofi wa swi ebilindani la wɛngɔ, la wao loakola ndotenyatenya, 7limɔ iyo lota basaɔ bau lioi ebayaläkä nda watɔ ebɔmɔi mbo bayeke oyasung’iyo. Iyo loya, iyo lotumesa biatɔ imbale la swi la yao yasiakoliya. 8Kongo ko ɛnɛ̈kɛ̈ Simona Petelo ongoma, inde lokwa balui se oso wa Yesu, inde mbo— Sekwaka ende’mi, Ngɛnɛ, eoka yende boto obe. 9Eoka inde la ebayalani lande, iyo lotwa liena lia losambo lofi loa swi eloasambäk’iyo, 10imɔ ko la Yakobo la Yoane bana ba Sebedayo ebayalanäkä lau nda botükä, iyo lotwa liena.
Yesu loonga nde la Simona mbo— Owangëke, konda louse waluwa nde bato la liwawi. 11Asuliäk’iyo biatɔ nda ngɔngɛ, iyo lomachaka bitotina, iyo lotutaka Yesu.
Boto wa Baɛndi
12Ayaläkä Yesu nda okenge ɔmɔi, futuku boto wa baɛndi bawau loya; la ɛnɛ̈k’inde wɛnɛ Yesu, inde lotulia bɔmbɔ se konda nyɛlɛ, inde lolɔmbɔkɔlɔ Yesu mbo— Ngɛnɛ, bɔlɛmbɛ, Aɛ kokɔkɔlɔ ndotanesa’mi. 13Yesu lonanola bosamba, Inde lomat’inde, Inde mbo— Ilɛmbi nde ongoma, tanesomoko to. 14Lisasaya baɛndi losokwa end’inde. Yesu loima inde mbo— Okambesëke oto angɔmɔi, nde kɛndɛkɛ okatamba bindo yaɛ ende kanga la faefaka Mungu lifaefi kwa atäkä Mose ekela eoka ya lotaneso loaɛ, kwa ndembe ende bato. 15Kongo ko mboli yande lomelana yoeta eyaoso, la bikuke bifi ya bato loyasɔngɔmɔ end’Inde ndooka Inde la ndouwekesomo ngwo yau.
16Nde Yesu loisamaka nda liɔmbɛlɛ, Inde losombokola omao.
Boto wa Lonyango
17Loaäkä nde lise limɔi, aekesäk’Inde bato, mbo BaFalusi la Baekesi ba bikela bayaläkä se tina, ebasokwäkä nda bekenge bitotina ya Ngalilai la Yudea la Yelusaleme la bofoka wa Mungu loyala la Yesu mbo uweseke bato. 18Futuku, batolome bamɔi loeshel’Inde boto oyaingesomu nda tange la loo loa lonyango; iyo loluka mboka yɔɔtɛs’inde nda ndakɔ mbo basɛlɛk’inde se oso wa baiso ba Yesu. 19Atiɛnɛ̈kɛ̈ bato mboka yɔtɛs’inde eoka ya bokamu, iyo lolila olikolo lia losambo, iyo losulol’inde se nda tange ko la lifola nda losambo, inde loaa se, sisi yau, oso wa baiso ba Yesu. 20Ɛnɛkɛ Yesu liimeli liau, Inde loonga lande mbo— Boto, njasɔ ibe yaɛ bisomɛsɛlɔmɔ. 21Nde Batikasa la BaFalusi loakola ndofelana la fee, mbo— ¿Ndai-yo oyasosɛɔlɔ Mungu? ¿Ndai atokɔkɔlɔ ndomɛsɛlɛ njasɔ ibe, sakolo ngo ko Mungu angɛnɛ? 22Nde aluwäkä Yesu baenyeli bau ba fee, Inde lomutoela iyo mbo—, ¿Monito osota fee nda betema yanu? 23¿Loni losoeta la bɔlɛmbu, kwa ndoonga mbo— Njasɔ ibe yaɛ bisomɛsɛlɔmɔ, kwa ndoonga mbo— Emalaka la tangwaka? 24Kongo ko, mbo boluwesomoko mbo Wana wa boto ale l’isosha shomɛsɛlɛ njasɔ ibe ono se, Inde loonga la ewa lonyango mbo— Imi mbo— Emalaka, ilaka tange yaɛ, kɛndɛkɛ nda ndakɔ yaɛ. 25Lisasaya inde loemala oso wau, inde loila tange eyaingaelak’inde, inde lotangwa nda ndakɔ yande, ani atoinela Mungu la limɛngɔ. 26La iyo yaatotina lomwaala, iyo loinela Mungu ko la bɔwa, iyo mbo— Tosɔɛnɛ to tolombo louse.
Lotomo-lioi loa Lewi
27Mbisa ya loasɔ-lo, Yesu lokuswa nda ndakɔ; limɔ Inde loɛnɛ oto ɔmɔi, bɔsɔmbɛsi ako Lewi, ani ayaläkä se nda ɛsɔnjɛlɔ ya bosombi, la Inde loonga lande mbo— Tutaka’mi. 28Lewi lomacha eyande bitotina, inde loemala, inde lotuta Yesu. 29La Lewi lokeela Yesu elambɔ efi nda ndakɔ yande, la ekuke efi ya bɛsombɛsi la basi imɔ loyala se ndola bieka amamwito lau. 30Nde Batikasa la BaFalusi bau loimaimela baeki bande, mbo— ¿Monito botola la botomwa amamwito la bato babe? 31Yesu lomutoel’iyo mbo— Ebale la bosasu baitolüka bonganga, kangä eba kambo. 32Itiye ndoyata eba liengani lioi, kangä bato ba njasɔ ibe mbo bakalanganeke.
33Nde iyo loonga lande mbo— Baeki ba Yoane batokilakaka bieka la batosombokolaka, la baeki ba BaFalusi ko ongoma, kongo ko baeki baɛ batolakaka la batomwakaka. 34Nde Yesu loonga lau mbo— ¿Atoyalaka tolesani amamwito la oyatosɔngɔ, otokɔkɔlɔ nde ndokufesa iyo mbo batala bieka? 35Nde bacho beyaka nde ani bɔsɔngi atɔɔnɔkɔlɔmɔ end’iyo, limɔ ko nda lise lina iyo kokila bieka.
36Yesu lokambes’iyo imɔ ko bombila, mbo— Boto aitowamba esinda ya liɔmbɔ la yaki ya esinda eyai; ekela ongoma, ani eyeyai etosalyaka la imɔ yaki eyesekwi nda eyeyai angosangan’imɔ la eya liɔmbɔ.
37Boto aitoangola bänä bayai nda biuku ebisoumwa eoka mbo bänä bataacha biuku limɔ bänä batowɛlɛkɛmɛ se la biuku imɔ kowa. 38Nde bänä bayai batowɛlɔmɔ nda biuku biyai. Boto oyasomwa bänä ba lilaka, angooka yɛmɛ yomwaka ebayai, eoka atoonga mbo— Eba oso bako lilaka basolonga l’olau.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Le Nouveau Testament in Kele (Lokele) © British and Foreign Bible Society, 1958, 2019.