Malako 11
11
Yesu loiya nda Yelusaleme
1Iyaka iyo tina la Yelusaleme nda Betefange la Betania, ebile nda mboka ya löngo loa Elaya, Yesu lotoma baeki bande bambale oso wande, 2Inde loonga lau mbo— Kɛndɛkɛ nda okenge ebole oso wanu nda mboka la atoiya ino nda liko lia wao, lisasaya otoosha efembeli ya punda ekandomu; boto akayali kɔni nda bɔkɔngɔ wa yao. 3Faikolaka yao, eshaka yao lono. Boto eonga lanu mbo— ¿Monito osokela ani? ino koonga mbo Ngɛnɛ asoeno yao, la atoinola yao ono lisasaya. 4Iyo lɔkɛ, iyo loosha efembeli ya punda ekandomu nda bome wa ndakɔ lousa nda mboka, la iyo lofaikola yao. 5Bamɔi ebemalaka omao loonga lau mbo— ¿Iye eyetokel’ino ofaikola punda? 6Baeki loonga lau kwa aongi Yesu lau la bato lomachel’iyo. 7Iyo loesha efembeli ya punda ende Yesu, baeki lotalia bisinda yau nda bɔkɔngɔ wa yao; la Yesu loyala se nda yao. 8Bato wike lofalola bisinda yau se nda mboka, la basi lota bafifa ba tosandu se nda mboka ebatenik’iyo nda bilanga. 9La ebaetelaka oso l’ebatutaka mbisa, iyo lowɛlɛ lielo mbo—
Hosana,
Limɛngɔ la olau end’Inde oyasoya nda lina lia Ngɛnɛ,
10Limɛngɔ la olau nda yakakaelo ya Dawidi, sango wasu,
Hosana nda elela ya tala.
11Ongoma Yesu lɔɔtɔ Yelusaleme, nda Ndakɔ ya Mungu, la aɛlɛlɛkɛ bitotina, limɔ eoka buse bosoila litele, Inde losekwa okakɛ nda Betania amamwito la baeki liu la bambale.
12Lɛlɛngɔ asokwaka iyo nda Betania, Yesu looka isiye, 13la esika Inde lɔɛnɛ bokumo ebole la kasa, Inde loya oyɛnɛ kwa mbo atoosha tuma nda wao. Nde iyaka Inde nda wao, Inde loosha ko kasa ko kasa, eoka eula ya tuma etitayaka kɔni. 14Yesu loonga la bokumo mbo— Boto angola imɔ tuma twaɛ liasi. Baeki bande looka lioi-li.
Lotaneso loa balele ba Tempelo
15Iyaka iyo nda Yelusaleme, Yesu lɔɔtɔ nda Ndakɔ ya Mungu, la Inde loakola ndokusola bato ebatoungesa la ebatosomba; Inde loukokola baonga ba bafetekwani ba bieto la kangala ya ebaungesaka bikuku. 16Inde atiamachaka boto angomwito oeta Ndakɔ ani atoli ɛɛngɔ. 17Inde loekes’iyo, inde mbo— ¿Lotisɔnɔmɔ nda lokasa mbo Ndakɔ yami etotangomo Ndakɔ ya lisomboli ya bato ba yese bitoti? Kongo ko ino nd’asokela la yao, ko lisɛkɔ lia eba biya. 18Okaka iyo loasɔ-lo, kanga bieti la batikasa loluka loasɔ mbo bolek’Inde, eoka bawangaka Inde ani batotina lomwaala liekesi liande. 19Lise la lise, ani atoila buse litele, iyo losekwaka nda okenge.
20Limɔ lanɔngɔ, etaka iyo nda mboka iyo lɔɛnɛ bokumo ani bosobɛɛlɛ ko la biili. 21Petelo loenyela loasɔ loa wao, inde loonga lande mbo— Boekesi, tɛnɛ bokumo ebotutunyiki Aɛ, wao bosobɛɛlɛ. 22Yesu lomutola, Inde loonga lau mbo— Lendeloko Mungu. 23Wewe, isoonga lanu mbo boto eonga la löngo-lo mbo— Ilomoko la umbolomoko tubu nda balia, ani atite fee nda otema wande, nde asoimela mbo elosoong’inde lotoya wewe, lotoya nde end’inde. 24Eokao itoonga lanu mbo, loao elotolɔmbɔkɔl’ino la elotofelak’ino, imelaka mbo osɔɔlɔ loao la loao koyel’ino. 25Atoemala ino ndosombola, boyala la oto loasɔ, tamɛsɛlɛk’inde, mbo Sango wanu imɔ oyale nda Use, amɛsɛlɛkɛ ino njasɔ ibe yanu.
27Iyaka iyo liasi nda Yelusaleme, Yesu lɔkɛndɛkɛndɛ nda Ndakɔ ya Mungu, la kanga ebieti la batikasa la biange loya ende Inde; 28iyo loonga lande mbo— ¿Otokelaka njasɔ-bi la sini isosha? ¿Ndai afak’Aɛ isosha-si shokela yao? 29Yesu loonga lau mbo— Itofel’ino lofelo lɔmɔi, tamutoelaka’mi la itokambes’ino isosha esitokelaka lami njasɔ-bi; 30¿Lilufi lia Yoane liaka nde elia Use kwa elia bato? Mutoelaka’mi. 31Iyo angɛnɛ lotafelakana, mbo— Eyambo toonga mbo liaka elia Use, limɔ Inde koonga lasu mbo ¿Eokao, monito otiaimelak’inde? 32nde toonga mbo, elia bato… bawangäkä windi wa bato eoka batotina bimelaka mbo Yoane aaka bɔtɔndɔli wewe. 33la iyo lomutoela Yesu mbo— Totilüwe. 34La Yesu loonga lau mbo— La imi imɔ angokambes’ino isosha esitokela’mi la njasɔ-bi.
Currently Selected:
Malako 11: NTKE58
Highlight
Share
Copy
Want to have your highlights saved across all your devices? Sign up or sign in
Le Nouveau Testament in Kele (Lokele) © British and Foreign Bible Society, 1958, 2019.
Malako 11
11
Yesu loiya nda Yelusaleme
1Iyaka iyo tina la Yelusaleme nda Betefange la Betania, ebile nda mboka ya löngo loa Elaya, Yesu lotoma baeki bande bambale oso wande, 2Inde loonga lau mbo— Kɛndɛkɛ nda okenge ebole oso wanu nda mboka la atoiya ino nda liko lia wao, lisasaya otoosha efembeli ya punda ekandomu; boto akayali kɔni nda bɔkɔngɔ wa yao. 3Faikolaka yao, eshaka yao lono. Boto eonga lanu mbo— ¿Monito osokela ani? ino koonga mbo Ngɛnɛ asoeno yao, la atoinola yao ono lisasaya. 4Iyo lɔkɛ, iyo loosha efembeli ya punda ekandomu nda bome wa ndakɔ lousa nda mboka, la iyo lofaikola yao. 5Bamɔi ebemalaka omao loonga lau mbo— ¿Iye eyetokel’ino ofaikola punda? 6Baeki loonga lau kwa aongi Yesu lau la bato lomachel’iyo. 7Iyo loesha efembeli ya punda ende Yesu, baeki lotalia bisinda yau nda bɔkɔngɔ wa yao; la Yesu loyala se nda yao. 8Bato wike lofalola bisinda yau se nda mboka, la basi lota bafifa ba tosandu se nda mboka ebatenik’iyo nda bilanga. 9La ebaetelaka oso l’ebatutaka mbisa, iyo lowɛlɛ lielo mbo—
Hosana,
Limɛngɔ la olau end’Inde oyasoya nda lina lia Ngɛnɛ,
10Limɛngɔ la olau nda yakakaelo ya Dawidi, sango wasu,
Hosana nda elela ya tala.
11Ongoma Yesu lɔɔtɔ Yelusaleme, nda Ndakɔ ya Mungu, la aɛlɛlɛkɛ bitotina, limɔ eoka buse bosoila litele, Inde losekwa okakɛ nda Betania amamwito la baeki liu la bambale.
12Lɛlɛngɔ asokwaka iyo nda Betania, Yesu looka isiye, 13la esika Inde lɔɛnɛ bokumo ebole la kasa, Inde loya oyɛnɛ kwa mbo atoosha tuma nda wao. Nde iyaka Inde nda wao, Inde loosha ko kasa ko kasa, eoka eula ya tuma etitayaka kɔni. 14Yesu loonga la bokumo mbo— Boto angola imɔ tuma twaɛ liasi. Baeki bande looka lioi-li.
Lotaneso loa balele ba Tempelo
15Iyaka iyo nda Yelusaleme, Yesu lɔɔtɔ nda Ndakɔ ya Mungu, la Inde loakola ndokusola bato ebatoungesa la ebatosomba; Inde loukokola baonga ba bafetekwani ba bieto la kangala ya ebaungesaka bikuku. 16Inde atiamachaka boto angomwito oeta Ndakɔ ani atoli ɛɛngɔ. 17Inde loekes’iyo, inde mbo— ¿Lotisɔnɔmɔ nda lokasa mbo Ndakɔ yami etotangomo Ndakɔ ya lisomboli ya bato ba yese bitoti? Kongo ko ino nd’asokela la yao, ko lisɛkɔ lia eba biya. 18Okaka iyo loasɔ-lo, kanga bieti la batikasa loluka loasɔ mbo bolek’Inde, eoka bawangaka Inde ani batotina lomwaala liekesi liande. 19Lise la lise, ani atoila buse litele, iyo losekwaka nda okenge.
20Limɔ lanɔngɔ, etaka iyo nda mboka iyo lɔɛnɛ bokumo ani bosobɛɛlɛ ko la biili. 21Petelo loenyela loasɔ loa wao, inde loonga lande mbo— Boekesi, tɛnɛ bokumo ebotutunyiki Aɛ, wao bosobɛɛlɛ. 22Yesu lomutola, Inde loonga lau mbo— Lendeloko Mungu. 23Wewe, isoonga lanu mbo boto eonga la löngo-lo mbo— Ilomoko la umbolomoko tubu nda balia, ani atite fee nda otema wande, nde asoimela mbo elosoong’inde lotoya wewe, lotoya nde end’inde. 24Eokao itoonga lanu mbo, loao elotolɔmbɔkɔl’ino la elotofelak’ino, imelaka mbo osɔɔlɔ loao la loao koyel’ino. 25Atoemala ino ndosombola, boyala la oto loasɔ, tamɛsɛlɛk’inde, mbo Sango wanu imɔ oyale nda Use, amɛsɛlɛkɛ ino njasɔ ibe yanu.
27Iyaka iyo liasi nda Yelusaleme, Yesu lɔkɛndɛkɛndɛ nda Ndakɔ ya Mungu, la kanga ebieti la batikasa la biange loya ende Inde; 28iyo loonga lande mbo— ¿Otokelaka njasɔ-bi la sini isosha? ¿Ndai afak’Aɛ isosha-si shokela yao? 29Yesu loonga lau mbo— Itofel’ino lofelo lɔmɔi, tamutoelaka’mi la itokambes’ino isosha esitokelaka lami njasɔ-bi; 30¿Lilufi lia Yoane liaka nde elia Use kwa elia bato? Mutoelaka’mi. 31Iyo angɛnɛ lotafelakana, mbo— Eyambo toonga mbo liaka elia Use, limɔ Inde koonga lasu mbo ¿Eokao, monito otiaimelak’inde? 32nde toonga mbo, elia bato… bawangäkä windi wa bato eoka batotina bimelaka mbo Yoane aaka bɔtɔndɔli wewe. 33la iyo lomutoela Yesu mbo— Totilüwe. 34La Yesu loonga lau mbo— La imi imɔ angokambes’ino isosha esitokela’mi la njasɔ-bi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Le Nouveau Testament in Kele (Lokele) © British and Foreign Bible Society, 1958, 2019.