Malako 16
16
Litɛmwi lia Yesu nda Liwa
1Etaka lise lia osambale (Yenga ya BaYuda) Malia wa Mangandala la Malia nyango wa Yakobo, la otomali ako Salome, iyo losomba tuma twa liɛsɛ mbo baɛkɛ okalɔɔkɛsɛ bolyo wa Yesu. 2Lanɔngɔnɔngɔ la lise lia oso lia Yenga la yombe, iyo loya nda losai. 3Nda mboka iyo loonganaka mbo— ¿Ndai to atoundukolel’iso litalɛ nda ɛɔtɛlɔ ya losai? 4Atichak’iyo losai, iyo lɔɛnɛ oko litalɛ lisoundukolomo, liaaka nde litalɛ lifi fafo. 5Ɔtɔkɔ iyo nda losai iyo lɔɛnɛ isenge oyawati esinda efufu ani ayali se nda faki y’olome, la batomali lotalimwa finɛ. 6Inde loonga lau mbo— Otalimwëke. Otoluka nde Yesu wa Nasaleta oyaolomu nda lieka, nde asoemala liasi; at’imɔ eyamaya. Tɛnɛkɛ elela eyaingesomu Inde. 7Nde kɛndɛkɛ okakambesa baeki bande la Petelo lisanga mbo asotakɛ oso wanu nda Ngalilai, wɛnɛkɛ nde Inde omao kwa aongaka Inde lanu. 8Limɔ batomali lokuswaka nda losai ani bakwaka mangu eoka iyo lonyanga la liyaimweso fafo. Batiaongaka ango lioi la oto angɔmɔi eoka bawangaka nde.… 9(Akuswaka Inde lanɔngɔnɔngɔ la lise lia oso lia Yenga, Inde lɔɛnɛlɛ oso ende Malia wa Mangandala oyakusola Yesu ekusol’inde belimo ibe osambale. Malia lɔkɛ okakambesa ebayalanaka la Yesu oso, ani basowel’Inde la lileli. 11Nde okaka iyo baoi-ba mbo Yesu akoyali liasi la mbo Malia asɔɛnɛ Inde, iyo angoimela.
12La mbisa, Inde lɔɛnɛlɛ la wɛnɛɛli wasi ende bambale bau nda mboka ani batɔkɛ nda bilanga. 13Limɔ iyo loinywa okakambesa ebamɔi ebatikaläkä, kongo ko iyo imɔ angoimela.
14Mbisa lamao Inde lɔɛnɛlɛ ende eba liu la ɔmɔi ani bayaläkä nda mɛsa. La Yesu loima iyo eoka ya fee la betema bewaü eoka batiaimeläkä bato ebɛnɛk’Inde mbisa ya litɛmwi liande. 15Inde loonga lau mbo— Kɛndɛkɛ nda wenda bototina, okataka Mboli Ilau ende bato batotina ebale la liwawi. 16Oyatoimela la atolufiomo, oyo nd’atouwesomo, nde oyaitoimela atofomo se. 17Ndembe ya tokesa bitotutana la ebatoimela, biko, batokusola belimo ibe nda lina liami; batoonga baoi bayai; batoilaka njɔ; 18ango bemwa lisäkä iyo angowa; batotalia besamba yau ende eba kambo, limɔ iyo kosäsa sasosaso.
19Ongoma, mbisa ani Ngɛnɛ Yesu asoongana lau, Inde loilomo nda Use, Inde loyala se nda faki ya olome ya Mungu. Nde iyo loilaka kɛndɔ okataka Mboli nda fangi bitotina, la Ngɛnɛ lokelanaka lau likuwa la Inde lokɔkɔmɛsɛ Mboli ko la ndembe eyatutakanaka.)
Currently Selected:
Malako 16: NTKE58
Highlight
Share
Copy
Want to have your highlights saved across all your devices? Sign up or sign in
Le Nouveau Testament in Kele (Lokele) © British and Foreign Bible Society, 1958, 2019.
Malako 16
16
Litɛmwi lia Yesu nda Liwa
1Etaka lise lia osambale (Yenga ya BaYuda) Malia wa Mangandala la Malia nyango wa Yakobo, la otomali ako Salome, iyo losomba tuma twa liɛsɛ mbo baɛkɛ okalɔɔkɛsɛ bolyo wa Yesu. 2Lanɔngɔnɔngɔ la lise lia oso lia Yenga la yombe, iyo loya nda losai. 3Nda mboka iyo loonganaka mbo— ¿Ndai to atoundukolel’iso litalɛ nda ɛɔtɛlɔ ya losai? 4Atichak’iyo losai, iyo lɔɛnɛ oko litalɛ lisoundukolomo, liaaka nde litalɛ lifi fafo. 5Ɔtɔkɔ iyo nda losai iyo lɔɛnɛ isenge oyawati esinda efufu ani ayali se nda faki y’olome, la batomali lotalimwa finɛ. 6Inde loonga lau mbo— Otalimwëke. Otoluka nde Yesu wa Nasaleta oyaolomu nda lieka, nde asoemala liasi; at’imɔ eyamaya. Tɛnɛkɛ elela eyaingesomu Inde. 7Nde kɛndɛkɛ okakambesa baeki bande la Petelo lisanga mbo asotakɛ oso wanu nda Ngalilai, wɛnɛkɛ nde Inde omao kwa aongaka Inde lanu. 8Limɔ batomali lokuswaka nda losai ani bakwaka mangu eoka iyo lonyanga la liyaimweso fafo. Batiaongaka ango lioi la oto angɔmɔi eoka bawangaka nde.… 9(Akuswaka Inde lanɔngɔnɔngɔ la lise lia oso lia Yenga, Inde lɔɛnɛlɛ oso ende Malia wa Mangandala oyakusola Yesu ekusol’inde belimo ibe osambale. Malia lɔkɛ okakambesa ebayalanaka la Yesu oso, ani basowel’Inde la lileli. 11Nde okaka iyo baoi-ba mbo Yesu akoyali liasi la mbo Malia asɔɛnɛ Inde, iyo angoimela.
12La mbisa, Inde lɔɛnɛlɛ la wɛnɛɛli wasi ende bambale bau nda mboka ani batɔkɛ nda bilanga. 13Limɔ iyo loinywa okakambesa ebamɔi ebatikaläkä, kongo ko iyo imɔ angoimela.
14Mbisa lamao Inde lɔɛnɛlɛ ende eba liu la ɔmɔi ani bayaläkä nda mɛsa. La Yesu loima iyo eoka ya fee la betema bewaü eoka batiaimeläkä bato ebɛnɛk’Inde mbisa ya litɛmwi liande. 15Inde loonga lau mbo— Kɛndɛkɛ nda wenda bototina, okataka Mboli Ilau ende bato batotina ebale la liwawi. 16Oyatoimela la atolufiomo, oyo nd’atouwesomo, nde oyaitoimela atofomo se. 17Ndembe ya tokesa bitotutana la ebatoimela, biko, batokusola belimo ibe nda lina liami; batoonga baoi bayai; batoilaka njɔ; 18ango bemwa lisäkä iyo angowa; batotalia besamba yau ende eba kambo, limɔ iyo kosäsa sasosaso.
19Ongoma, mbisa ani Ngɛnɛ Yesu asoongana lau, Inde loilomo nda Use, Inde loyala se nda faki ya olome ya Mungu. Nde iyo loilaka kɛndɔ okataka Mboli nda fangi bitotina, la Ngɛnɛ lokelanaka lau likuwa la Inde lokɔkɔmɛsɛ Mboli ko la ndembe eyatutakanaka.)
Currently Selected:
:
Highlight
Share
Copy
Want to have your highlights saved across all your devices? Sign up or sign in
Le Nouveau Testament in Kele (Lokele) © British and Foreign Bible Society, 1958, 2019.