Genesis 25
25
Iqmoeq 25
Aqbhaqlaqhaq nee yavq kha lee thaq nail ganl
1Aqbhaqlaqhaq neq, Keiqtullav dai khul nail khaqma teevq gaq gaoq hevq-a nail ngaol.
2Khaqma al gaq neq, Silmaqlanq, Yaolsanq, Meiqdanq, Mildanq, Ilsaqbhal, Sulya, niil juq bhai bhao-a nail ngaol.
3Yolsanq nail yaqyov neq, Seiqbhal dai khi Deiqdanq ngaol. Deiqdanq nee mail yavq kha lee thaq nail yaq juq neq, Aqsulleiq nail jeq-e, Leiqtulseiq nail jeq-e, Leiquqmiq nail jeq-e niil juq ngaol.
4Mildanq nail yaqyov juq neq Eilphaq, Eilpheiq, Haqnol, Aqbhilda dai khi Eillaqdaq, niil ngaq gaq ngaol. Aqyu juq iqsanl mail neq, Keiqtullav nee mail yavq kha lee thaq nail yaq juq pevq nail ngaol.
5Aqbhaqlaqhaq neq, aivq nail jaiqbhoil iqsanl mail Ilcav bhai bivq gil-a nail ngaol.
6Thail hai ngaol-aoq, aivq aqdoevq doevq-u phao kev dai, aivq nail khaqma maniil juq nee mail ya-a nail yaqyov juq bhai gail, kovpavq mao dai bivq khi Ilcav nee mail, eq dee dee nail nlma dov khoiq phao bhi phaol ail-a nail ngaol.
Aqbhaqlaqhaq sil-a nail ganl dai khi duq pheeq-a nail ganl
7Aqbhaqlaqhaq neq, 175 kovq bhee dai, doevq-a nail ngaol.
8Aivq yeel heel nail lavqkhoel nee, aqkovq al la jiav lal khi aivq nail aqn bhee lal-u phao, haoqnao nao saq nail aqhaq gaol khi, aivq nail aqphiq aqbhal juq nee mail jaol lai-a nail ngaol.
9Yaqyov pevq nail Ilcav dai khi Ilsaqmeiqlav neq, aivq bhai Maqpeiqlav khe lovphail khaoqbhaoq bhai bavq duq bhiq-a nail ngaol. Lovphail khaoqbhaoq al neq, Manqleiq aqbhaol bhaol ma doevq nail aqjail khe, Hiltiv nail jeq-e pevq nail Saolhaqlav nail yaqyov Eilphaqloq nail miltsaq bhai jiav nail ngaol.
10Miltsaq al neq, Hiltiv nail jeq-e khe Aqbhaqlaqhaq-i mail ul-a nail miltsaq pevq nail ngaol. Saqlal bhai duq-a nail luqdaol bhai, Aqbhaqlaqhaq bhai duq bhiq-a nail ngaol.
11Aqbhaqlaqhaq sil gaq-al nee ngal-aq, Miqyail aivq nail yaqyov Ilcav bhai geeqlaoq bivq-a nail ngaol. Aq-u phao Ilcav neq, 'Bheiq Laqhil Lol-il' dai khul nail ulcuvq lovduq aqjail bhai jaol nail ngaol.
Ilsaqmeiqlav nee mail yavq kha lee thaq nail yaq juq
12Niil neq, Aqbhaqlaqhaq dai khi Saqlal nail yaqkav Iljiltuv nail yaqmai-aq Haqgaqlal nee mail ya-a nail yaqyov Ilsaqmeiqlav nee mail yavq kha lee thaq nail yaq juq nail ganl gevq-ai thaq nail ngaol.
13Ilsaqmeiqlav nail yaqyov eeq nail nee mail nil nail phao yavq kha lee thaq nail aqmil juq neq, uqbhao aqivq gaq Neiqbhaiqyol, Keiqdaq, Aqdaqbheiqlav, Milbhaqsaq,
14Milsaqma, Dulmaq, Maqsa,
15Haqdaq, Teiqma, Yeiqthul, Naqphilsiv dai khi Keiqdeiqmaq, niil juq ngaol.
16Ilsaqmeiqlav nail yaqyov juq neq jeq-e tsel nvq jeq-e nail aqbhu pevq lal khi, aqyu juq-i mail jaol nail jaolduq bhai iqsanl, aqyu juq nail aqmil-i mail khul bhiq-a nail ngaol.
17Ilsaqmeiqlav neq, 137 kovq bhee lal-u phao, haoqnao naosaq nail aqhaq gaol khi, aivq nail aqphiq aqbhal juq nee mail jaol lai-a nail ngaol.
18Ilsaqmeiqlav nee mail yavq kha lee thaq nail yaq juq neq, Iljiltuv nail milkhaoq nee nlma dov khoeq phao jiav nail Aqsulliv nail milkhaoq phao ail nail gailkhaol bhai, Haqwillav nail meenq dai khi Sullav nail meenq gaoltsi bhai jaol-a nail ngaol. Aqyu juq neq, yovqgavq nail aqivq jaqbheq juq nee yaoq phao yaoq, aqdov dov dai, jaol nail juq ngaol.
Eilsaol dai khi Yaqkov bhao doevq lee-a nail ganl
19Niil neq, Aqbhaqlaqhaq nail yaqyov Ilcav nee yavq kha lee thaq nail yaq juq nail ganl gevq-ai thaq nail ngaol.
20Ilcav neq, aqkovq 40 kovq bhee lal-u phao, Paqdanq Aqlanq nail miltsaq khe Aqlaq nail jeq-e Bheiqthuqlav nail yaqmiq, Laqbhanq nail jaqbheq Leiqbhailkavq bhai hevq-a nail ngaol.
21Leiqbhailkavq bhai yaq maq jaol lee nail ngel-i mail, Ilcav neq, Heeqphaq Miqyail bhai, yaq jaol lee nail galduq geeqlaoq hal-a nail ngaol. Heeqphaq Miqyail neq, aivq nail geeqlaoq hal daoq bhai nal daiq khi, Leiqbhailkavq bhai ya bhi ceiv lai-a nail ngaol.
22Aivq nail ovqmav lavqkhoel bhai aol nail yaqbeiv neq, nvq gaq ngel-i mail, aqma nail ovqmav lavqkhoel nee teevq gaq bhai teevq gaq he pheel jaq nail ngaol. Aq-u phao Leiqbhailkavq neq, "Ngaq bhai khul khi mail niail hai pevq nail-aiq" dai, Heeqphaq Miqyail bhai nal daiq bhiq-a nail ngaol.
23Heeqphaq Miqyail Leiqbhailkavq bhai, "Naoq nail ovqmav lavqkhoel bhai tsaol jeq-e nvq jeq-e aol nail ngaol. Naol neq, teevq gaq nee teevq gaq tsai pheel jaq nail tsaol jeq-e nvq jeq-e bhao nail ngaol. Tsaol jeq-e teevq jeq-e neq, al teevq jeq-e nee mail maqtsil, gaq kav jaiq nail ngaol. Aqivq gaq neq, jaqbheq gaq nail yaqkav ya jiovq nail ngaol" dai, ge kovq bhiq-a nail ngaol.
24Leiqbhailkavq neq, yaq bhao nail aqyanq kev lal-u phao, teevq pov tavq-ail, nvq gaq bhao-a nail ngaol.
25Iqmoeq bhao-a nail gaq neq, haqjoil aqnel nel khi aqmevq thul nail ngel-i mail, Eilsaol#25.25 Eilsaol Eilsaol dai, ge nail daoqceevq neq, aqmevq covq nail dai, ge movq nail ngaol. dai mil bhiq-a nail ngaol.
26Nvq gaq teevq gaq bhao-u phao neq, Eilsaol nail aqkhil phaq naol bhai cuv thaiq khi mail bhao dol leevq-a nail ngel-i mail, Yaqkov#25.26 Yaqkov Yaqkov dai ge nail daoq deevq neq, aqkhil phaq naol bhai cuv thaiq nail dai, ge movq nail ngaol dai mil bhiq-a nail ngaol. Yaqyov al nvq gaq bhao-u phao, Ilcav neq, aqkovq 60 kovq bhee yaoq nail ngaol.
Eilsaol uqbhao aqivq gaoq jaq-a nail ganl
27Yaqyov al nvq gaq eeq lal-u phao, Eilsaol neq, haqtsoiq bhai haq the nail phao nia nail gaq pevq lal-a nail ngaol. Yaqkov neq, ilkhaol bhai ivqdao dai, jaol nail gaq pevq nail ngaol.
28Ilcav neq, Eilsaol-i mail the khi ya leevq nail haqtsoiq jaiqyaq nail haqjoil bhai jaq kheel-ai bhiq nail ngel-i mail, Eilsaol bhai gaiq-a nail ngaol. Thail hai ngaol-aoq Leiqbhailkavq neq, Yaqkov bhai gaiq-a nail ngaol.
29Teevq n kev lal-u phao, Yaqkov neq, neepeiv nl jaq lao thaq nail bhai Eilsaol neq, haq the lai khi mail kovq lee thaq nail ngaol. Aivq neq, aoq moevq dee dee nail bhaq da nee,
30Yaqkov bhai ge bhiq-a nail: "Ngal aoq moevq dee dee-il, neepeiv aqnel thoil ngaq bhai bhi jaq lavq-o" dai, hal bhiq-a nail ngaol. Al heel ngel-i mail, aivq bhai Eiqdonq#25.30 Eiqdonq Eiqdonq dai, ge nail daoqceevq neq, aqnel dai ge movq nail ngaol dai khul nail ngaol.
31Aq-u phao Yaqkov neq, "Naoq nail uqbhao aqivq bivq lavq haq neq, jaltsoiq niil bivq nail ngaol" dai, ge kovq bhiq-a nail ngaol.
32Eilsaol ge nail: "Ngal aoq moevq nail sil lee yaoq nail ngaol. Uqbhao aqivq neq, ngaq nail galduq khul nail ganl tsoiq nail-aiq. Uqbhao aqivq bhai, naol oil yaoq" dai, ge kovq bhiq-a nail ngaol.
33Yaqkov ge nail: "Naoq nail uqbhao aqivq bivq naol dai, iqmoeq khanq yaoq" dai, ge bhiq-a nail ngaol. Eilsaol neq, khanq khi aivq nail uqbhao aqivq Yaqkov bhai bivq-a nail ngaol.
34Aq-u phao, Yaqkov neq, khaqmul dai khi, neepeiv jaltsoiq aivq bhai bivq khi bhi jaq-a nail ngaol. Eilsaol jaq gaq-u phao, thul phaol khi dov ail-a nail ngaol. Thoil bhaq da nee, aivq neq, aivq nail uqbhao aqivq bhai hel daiq theq-a nail phaq pevq nail ngaol.
Currently Selected:
Genesis 25: aeu
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Genesis 25
25
Iqmoeq 25
Aqbhaqlaqhaq nee yavq kha lee thaq nail ganl
1Aqbhaqlaqhaq neq, Keiqtullav dai khul nail khaqma teevq gaq gaoq hevq-a nail ngaol.
2Khaqma al gaq neq, Silmaqlanq, Yaolsanq, Meiqdanq, Mildanq, Ilsaqbhal, Sulya, niil juq bhai bhao-a nail ngaol.
3Yolsanq nail yaqyov neq, Seiqbhal dai khi Deiqdanq ngaol. Deiqdanq nee mail yavq kha lee thaq nail yaq juq neq, Aqsulleiq nail jeq-e, Leiqtulseiq nail jeq-e, Leiquqmiq nail jeq-e niil juq ngaol.
4Mildanq nail yaqyov juq neq Eilphaq, Eilpheiq, Haqnol, Aqbhilda dai khi Eillaqdaq, niil ngaq gaq ngaol. Aqyu juq iqsanl mail neq, Keiqtullav nee mail yavq kha lee thaq nail yaq juq pevq nail ngaol.
5Aqbhaqlaqhaq neq, aivq nail jaiqbhoil iqsanl mail Ilcav bhai bivq gil-a nail ngaol.
6Thail hai ngaol-aoq, aivq aqdoevq doevq-u phao kev dai, aivq nail khaqma maniil juq nee mail ya-a nail yaqyov juq bhai gail, kovpavq mao dai bivq khi Ilcav nee mail, eq dee dee nail nlma dov khoiq phao bhi phaol ail-a nail ngaol.
Aqbhaqlaqhaq sil-a nail ganl dai khi duq pheeq-a nail ganl
7Aqbhaqlaqhaq neq, 175 kovq bhee dai, doevq-a nail ngaol.
8Aivq yeel heel nail lavqkhoel nee, aqkovq al la jiav lal khi aivq nail aqn bhee lal-u phao, haoqnao nao saq nail aqhaq gaol khi, aivq nail aqphiq aqbhal juq nee mail jaol lai-a nail ngaol.
9Yaqyov pevq nail Ilcav dai khi Ilsaqmeiqlav neq, aivq bhai Maqpeiqlav khe lovphail khaoqbhaoq bhai bavq duq bhiq-a nail ngaol. Lovphail khaoqbhaoq al neq, Manqleiq aqbhaol bhaol ma doevq nail aqjail khe, Hiltiv nail jeq-e pevq nail Saolhaqlav nail yaqyov Eilphaqloq nail miltsaq bhai jiav nail ngaol.
10Miltsaq al neq, Hiltiv nail jeq-e khe Aqbhaqlaqhaq-i mail ul-a nail miltsaq pevq nail ngaol. Saqlal bhai duq-a nail luqdaol bhai, Aqbhaqlaqhaq bhai duq bhiq-a nail ngaol.
11Aqbhaqlaqhaq sil gaq-al nee ngal-aq, Miqyail aivq nail yaqyov Ilcav bhai geeqlaoq bivq-a nail ngaol. Aq-u phao Ilcav neq, 'Bheiq Laqhil Lol-il' dai khul nail ulcuvq lovduq aqjail bhai jaol nail ngaol.
Ilsaqmeiqlav nee mail yavq kha lee thaq nail yaq juq
12Niil neq, Aqbhaqlaqhaq dai khi Saqlal nail yaqkav Iljiltuv nail yaqmai-aq Haqgaqlal nee mail ya-a nail yaqyov Ilsaqmeiqlav nee mail yavq kha lee thaq nail yaq juq nail ganl gevq-ai thaq nail ngaol.
13Ilsaqmeiqlav nail yaqyov eeq nail nee mail nil nail phao yavq kha lee thaq nail aqmil juq neq, uqbhao aqivq gaq Neiqbhaiqyol, Keiqdaq, Aqdaqbheiqlav, Milbhaqsaq,
14Milsaqma, Dulmaq, Maqsa,
15Haqdaq, Teiqma, Yeiqthul, Naqphilsiv dai khi Keiqdeiqmaq, niil juq ngaol.
16Ilsaqmeiqlav nail yaqyov juq neq jeq-e tsel nvq jeq-e nail aqbhu pevq lal khi, aqyu juq-i mail jaol nail jaolduq bhai iqsanl, aqyu juq nail aqmil-i mail khul bhiq-a nail ngaol.
17Ilsaqmeiqlav neq, 137 kovq bhee lal-u phao, haoqnao naosaq nail aqhaq gaol khi, aivq nail aqphiq aqbhal juq nee mail jaol lai-a nail ngaol.
18Ilsaqmeiqlav nee mail yavq kha lee thaq nail yaq juq neq, Iljiltuv nail milkhaoq nee nlma dov khoeq phao jiav nail Aqsulliv nail milkhaoq phao ail nail gailkhaol bhai, Haqwillav nail meenq dai khi Sullav nail meenq gaoltsi bhai jaol-a nail ngaol. Aqyu juq neq, yovqgavq nail aqivq jaqbheq juq nee yaoq phao yaoq, aqdov dov dai, jaol nail juq ngaol.
Eilsaol dai khi Yaqkov bhao doevq lee-a nail ganl
19Niil neq, Aqbhaqlaqhaq nail yaqyov Ilcav nee yavq kha lee thaq nail yaq juq nail ganl gevq-ai thaq nail ngaol.
20Ilcav neq, aqkovq 40 kovq bhee lal-u phao, Paqdanq Aqlanq nail miltsaq khe Aqlaq nail jeq-e Bheiqthuqlav nail yaqmiq, Laqbhanq nail jaqbheq Leiqbhailkavq bhai hevq-a nail ngaol.
21Leiqbhailkavq bhai yaq maq jaol lee nail ngel-i mail, Ilcav neq, Heeqphaq Miqyail bhai, yaq jaol lee nail galduq geeqlaoq hal-a nail ngaol. Heeqphaq Miqyail neq, aivq nail geeqlaoq hal daoq bhai nal daiq khi, Leiqbhailkavq bhai ya bhi ceiv lai-a nail ngaol.
22Aivq nail ovqmav lavqkhoel bhai aol nail yaqbeiv neq, nvq gaq ngel-i mail, aqma nail ovqmav lavqkhoel nee teevq gaq bhai teevq gaq he pheel jaq nail ngaol. Aq-u phao Leiqbhailkavq neq, "Ngaq bhai khul khi mail niail hai pevq nail-aiq" dai, Heeqphaq Miqyail bhai nal daiq bhiq-a nail ngaol.
23Heeqphaq Miqyail Leiqbhailkavq bhai, "Naoq nail ovqmav lavqkhoel bhai tsaol jeq-e nvq jeq-e aol nail ngaol. Naol neq, teevq gaq nee teevq gaq tsai pheel jaq nail tsaol jeq-e nvq jeq-e bhao nail ngaol. Tsaol jeq-e teevq jeq-e neq, al teevq jeq-e nee mail maqtsil, gaq kav jaiq nail ngaol. Aqivq gaq neq, jaqbheq gaq nail yaqkav ya jiovq nail ngaol" dai, ge kovq bhiq-a nail ngaol.
24Leiqbhailkavq neq, yaq bhao nail aqyanq kev lal-u phao, teevq pov tavq-ail, nvq gaq bhao-a nail ngaol.
25Iqmoeq bhao-a nail gaq neq, haqjoil aqnel nel khi aqmevq thul nail ngel-i mail, Eilsaol#25.25 Eilsaol Eilsaol dai, ge nail daoqceevq neq, aqmevq covq nail dai, ge movq nail ngaol. dai mil bhiq-a nail ngaol.
26Nvq gaq teevq gaq bhao-u phao neq, Eilsaol nail aqkhil phaq naol bhai cuv thaiq khi mail bhao dol leevq-a nail ngel-i mail, Yaqkov#25.26 Yaqkov Yaqkov dai ge nail daoq deevq neq, aqkhil phaq naol bhai cuv thaiq nail dai, ge movq nail ngaol dai mil bhiq-a nail ngaol. Yaqyov al nvq gaq bhao-u phao, Ilcav neq, aqkovq 60 kovq bhee yaoq nail ngaol.
Eilsaol uqbhao aqivq gaoq jaq-a nail ganl
27Yaqyov al nvq gaq eeq lal-u phao, Eilsaol neq, haqtsoiq bhai haq the nail phao nia nail gaq pevq lal-a nail ngaol. Yaqkov neq, ilkhaol bhai ivqdao dai, jaol nail gaq pevq nail ngaol.
28Ilcav neq, Eilsaol-i mail the khi ya leevq nail haqtsoiq jaiqyaq nail haqjoil bhai jaq kheel-ai bhiq nail ngel-i mail, Eilsaol bhai gaiq-a nail ngaol. Thail hai ngaol-aoq Leiqbhailkavq neq, Yaqkov bhai gaiq-a nail ngaol.
29Teevq n kev lal-u phao, Yaqkov neq, neepeiv nl jaq lao thaq nail bhai Eilsaol neq, haq the lai khi mail kovq lee thaq nail ngaol. Aivq neq, aoq moevq dee dee nail bhaq da nee,
30Yaqkov bhai ge bhiq-a nail: "Ngal aoq moevq dee dee-il, neepeiv aqnel thoil ngaq bhai bhi jaq lavq-o" dai, hal bhiq-a nail ngaol. Al heel ngel-i mail, aivq bhai Eiqdonq#25.30 Eiqdonq Eiqdonq dai, ge nail daoqceevq neq, aqnel dai ge movq nail ngaol dai khul nail ngaol.
31Aq-u phao Yaqkov neq, "Naoq nail uqbhao aqivq bivq lavq haq neq, jaltsoiq niil bivq nail ngaol" dai, ge kovq bhiq-a nail ngaol.
32Eilsaol ge nail: "Ngal aoq moevq nail sil lee yaoq nail ngaol. Uqbhao aqivq neq, ngaq nail galduq khul nail ganl tsoiq nail-aiq. Uqbhao aqivq bhai, naol oil yaoq" dai, ge kovq bhiq-a nail ngaol.
33Yaqkov ge nail: "Naoq nail uqbhao aqivq bivq naol dai, iqmoeq khanq yaoq" dai, ge bhiq-a nail ngaol. Eilsaol neq, khanq khi aivq nail uqbhao aqivq Yaqkov bhai bivq-a nail ngaol.
34Aq-u phao, Yaqkov neq, khaqmul dai khi, neepeiv jaltsoiq aivq bhai bivq khi bhi jaq-a nail ngaol. Eilsaol jaq gaq-u phao, thul phaol khi dov ail-a nail ngaol. Thoil bhaq da nee, aivq neq, aivq nail uqbhao aqivq bhai hel daiq theq-a nail phaq pevq nail ngaol.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.