Лука 2
2
Глава 2
Иисус Христос балдадякан
1Таракам тэгэмэр Август Римскай эйдулин төрэӈлин бэилбу таӈадяку овкандатан итум итурин. 2Таракам нонап бэилбу таӈадяк Сирияла, Квириний нунэмэттэкэн бисин. 3Теми эйдучэндюр бисил бэил бэйтэн мэн билэктэкивур таӈадяктаки хөрритэн. 4Иосиф, Давид ӈунмидукун бими, тачин-та-ти-тта Галилейскайдук городдук Назареттук, мэн билэктэкий, Давид городлан, Иудеяла бисилэ, Вифлеемтэки хөррин. 5Ноӈан таӈадяктаки Мариягли хөррин. Мария Иосифнюн мерэндэй гөлдыча бисин, таракам ноӈан осэри бисин. 6Вифлеемду Мария хутэлбэдилрин. 7Ноӈан дюлэгэӈгэй өмнигэй нярудьгай хутэлбэрин. Хөлнирил дюлатан хараӈай бакӈа туркурин, теми, Хулив, булатту чакалриди, хонӈачар иргэчэклэтэн дебэлдывундулэтэн аликла, нэдин.
Явчимӈал, Хэвки мэтумӈэлни-дэ ангелал
8Далила, авландула, явчимӈал явчидиттан. 9Долба ноӈарбутан дэпки Хэвки мэтумӈэн, ангел, ичулрин, Хэвки хэрридун хуталри. Тарав итми, явчимӈал хэӈулритэн. 10Хэвки мэтумӈэн ноӈартакитан гөнин:
– Эдилрэ ӈэлкилрэ! Би хунтэки, эйдуткин-дэ бэилтэки Өрэлдэм Хилбам хилбарам. 11Эрэв инэӈу Давид городлан хун Айчимӈасан, Хунӈисан Христос балдарин! 12Эчин хамагдим: хонӈачар иргэчэклэтэн дебэлдывундулэтэн аликла булатту чакалаттыв Хулив бакчис.
13Өмнэкэн-тэ тарак Хэвки мэтумӈэн анчиндулан хоя няниндула бисил дялни тачин-та-ти-тта ичулритэн, ноӈартан эйдучэндюр Хэвкив эскэдилритэн, гөникэн:
14– Ойлэт Няниндула бисив Хэвкив эскэрэп, төрлэ бисил, Хэвки илраннилни бэил долитан аймулдан бидэн!
15Хэвки мэтумӈэлни няним огэски дэгэлрэкэтэн, явчимӈал мулгаритан:
– Вифлеемтэки хөргэр, як-та тала очаван иттэвур, яв тарак муттэки Хэвки мэтун?
16Ноӈартан Вифлеемтэки хэлиӈэч хөрритэн, тарбач Марияв Иосифнюн бакалдаритан, Хулив-да, хөнӈачар иргэчэклэтэн, дебэлдывундулэтэн аликла дэсчиддыв, иттитэн. 17Тарав Хулив иттидюр, Хэвки Мэтумӈэн гөнчэвэн, мэркэр-дэ долдачавур эйдуткин бэилтэки тэлэӈритэн. 18Эйдучэндюр бэил, тарав тэлэӈу хякаӈчичал, мяӈчиритан. 19Мария тарав долдачай мэргэнды эрэгэр дявуттин, дөӈчирин-да. 20Явчимӈал, Хэвкив эскэникэр, амаски мучуритан, он-ка ноӈарбутан Хэвки мэтурин, яв-ка ноӈартан мэркэсэл иттитэн, долдаритан-да, тарав эйду бичэв өрэлдэритэн.
Иисусу Хэвки Дюлан эмур
21Дяпкан инэӈ елтэнэкэн, Хулив минэсэмкэнитэн, Ноӈман гэрбуритэн Иисус, Мария осэри эдлэн од, ангел гэрбучэдин.
22Ок-ка Моисей Итундулин тэсэдекэтэн инэӈэӈэтэн елтэнин, Мария Иосифнюн Хулив Иерусалимтаки эмуритэн, Хунӈидут ичукэндэвур, 23Хунӈит итундулан дукуччагчинни: кубэчлэ бэйсэглэ нярив хулив, дюлэгэч балдачав, Хунӈидут бөгрэдэтэн, 24унэт Хунӈит итундулин анивум бөннэвур гасум дэгив бөдэвур.
25Таракам Иерусалимна бэй Симеон гэрбэди бисин, ноӈан айгарари, хэррин-дэ бисин, ноӈан алачиддин, ок-та Израиль Айӈай бакчин. Хиргэбэн Хиран ноӈандулан бисин. 26Хиргэбэн Хиран ноӈман таимканин, эннэвэн көкэр, Хунӈит Хинмачаван эдлэй иттэ. 27Хиргэбэнь Хирань милтэрэмкэмчэ, Симеон Хэвки Дюлан эмрин. Мария Иосифнюн Хулив Иисусу эмурэкэтэн, Ноӈман Итундули нектэвур, 28Симеон Иисусу ӈаллай гадин, Хэвкитки өрэлдэникэн гөнин:
29– Иткачимӈа! Тек мину, Мэн кэлмэги, Мэн гөнчэгчими, аич дялач тиӈэнри, 30мэн ясалди Хин Айчимус иттэку, 31тарав чэлэдун ӈунмирду Хин иткачавус, 32ӈэрим ач хэвкигчэлбу ӈэрилукэндэн Израиль ӈунминси хэрривэн.
33Иосиф Мариянюн мяӈчиритан, Симеон Ноӈман гөнивэн. 34Тарбач Симеон аич-та бидэтэн төрэснин, Ноӈан энинтэкин Мариятки гөнин:
– Эду дэстириду Куӈаду хоял бэил Израилла аччаду одир, хан-да огэрэбдир, хөнтэл-эси налдаматчир. 35Хин-дэ ханиньси отлэвдин, – таракам хоял бэил мявундулатан мулгантан бичэ аӈабдин.
36Тала унэт Анна, Асир ӈунмидукун, Фануил хунадин, таимкачимӈа, хагды атыкан, надам анӈану-ткан мерэӈчичэ, 37тадук атыкан окан навун бисин, ноӈан дяпканмяр дыгэн анӈанаӈан бисин. Анна Хэвки Дюдукун ок-та авуски-да эч хөргэрэр, ноӈан таду эрэгэр нэӈэддин, улрэв, олрав-да эч дептэ. 38Таракам ноӈан ноӈартакитан дагамриди, Хунӈивут эскэрин, эйдуткин-дэ, Иерусалим дэлмигэн алаттылтаки, Иисусу тэлэӈрин. 39Иосиф Мариянюн, Хунӈит итундулин некэннэвур мудакридюр, дюткивур, мэр городлавур Галилеяла бисилэ, Назаретла мучуритан. 40Куӈа иссуддин, эӈилбэддин, мэргэч оникан, Хэвкиду-дэ Ноӈан илрамрин.
Нярикан Иисус Христос Хэвки Дюлан биддэн
41Анӈинтан, Пасха одакан, Иисус энтылни Иерусалимтаки хөрроттэ. 42Иисус мян дӫр анӈанаӈан одакан, ноӈартан, эрэглэ неккэрэгрэгчюмур, хэбдекэдеклэ ӈэнритэн. 43Хэбдекэдек муднакан, энтылни дюткивур мучуритан, Иисус-нян Иерусалимна эмэптин. Энтылни тарав эмэптивэн эчилтэн хар, 44хөнтэлнюн бэилнюн мучуридин гэрбэттитэн. Иосиф Мариянюн, мучудякатан өмэн инэӈ елтэнэкэн, Иисус аччаван мэддитэн, дялбур долитан Ноӈман гэлэтэдилритэн. 45Туркуридюр Ноӈман бакӈа, Иерусалимна мучуритан, тала Ноӈман гэлэтэдилритэн. 46Илилатан-такан инэӈнэ Куӈав Хэвки Дюлан бакритан. Иисус хупкучимӈэл долатан тэгэттин, ноӈарбутан долчиникан, улгэмэм-дэ улгиминикэн. 47Эйду тала бисил, Ноӈман долчиччал, мяӈчиритан, Куӈа мэргэч, баргучилан-да бисивэн. 48Энтылни мянитан, Ноӈман тала итми.
– Хули! Ядай Хи тачимур муну неккөччинри, муну мэргэчукэнэнри? Бу амнюнси хевулру, Хину эрэли гэлэтми, – энинни Ноӈман улгэмрин.
49– Ядавур ху Мину гэлэтэс? – Ноӈан улгэмрин. – Эв ху эчилсэн хар, Би элэ, мэн Амми Дюлан, биннэву?
50Энтылни эчилтэн унур, яв-да Иисус ноӈартакитан гөнчэвэн. 51Иисус ноӈарнюнтан Назаретла мучурин, эрэгэр энтылби долдари бисин. Мария гору тарав бичэв дӫӈчирин, мэргэндулэй дявуттин. 52Иисус иссуддин, иссудникэн унэт ойлин мэргэбэддин. Хэвки, бэил-дэ Ноӈман унэт энтэкэе аяваладдитан.
Currently Selected:
Лука 2: eve
Highlight
Share
Copy
Want to have your highlights saved across all your devices? Sign up or sign in
© Библияв тулмачин Институт
Москва, 2001
ISBN 5-93943-008-2
ISBN 91-89122-50-X
Лука 2
2
Глава 2
Иисус Христос балдадякан
1Таракам тэгэмэр Август Римскай эйдулин төрэӈлин бэилбу таӈадяку овкандатан итум итурин. 2Таракам нонап бэилбу таӈадяк Сирияла, Квириний нунэмэттэкэн бисин. 3Теми эйдучэндюр бисил бэил бэйтэн мэн билэктэкивур таӈадяктаки хөрритэн. 4Иосиф, Давид ӈунмидукун бими, тачин-та-ти-тта Галилейскайдук городдук Назареттук, мэн билэктэкий, Давид городлан, Иудеяла бисилэ, Вифлеемтэки хөррин. 5Ноӈан таӈадяктаки Мариягли хөррин. Мария Иосифнюн мерэндэй гөлдыча бисин, таракам ноӈан осэри бисин. 6Вифлеемду Мария хутэлбэдилрин. 7Ноӈан дюлэгэӈгэй өмнигэй нярудьгай хутэлбэрин. Хөлнирил дюлатан хараӈай бакӈа туркурин, теми, Хулив, булатту чакалриди, хонӈачар иргэчэклэтэн дебэлдывундулэтэн аликла, нэдин.
Явчимӈал, Хэвки мэтумӈэлни-дэ ангелал
8Далила, авландула, явчимӈал явчидиттан. 9Долба ноӈарбутан дэпки Хэвки мэтумӈэн, ангел, ичулрин, Хэвки хэрридун хуталри. Тарав итми, явчимӈал хэӈулритэн. 10Хэвки мэтумӈэн ноӈартакитан гөнин:
– Эдилрэ ӈэлкилрэ! Би хунтэки, эйдуткин-дэ бэилтэки Өрэлдэм Хилбам хилбарам. 11Эрэв инэӈу Давид городлан хун Айчимӈасан, Хунӈисан Христос балдарин! 12Эчин хамагдим: хонӈачар иргэчэклэтэн дебэлдывундулэтэн аликла булатту чакалаттыв Хулив бакчис.
13Өмнэкэн-тэ тарак Хэвки мэтумӈэн анчиндулан хоя няниндула бисил дялни тачин-та-ти-тта ичулритэн, ноӈартан эйдучэндюр Хэвкив эскэдилритэн, гөникэн:
14– Ойлэт Няниндула бисив Хэвкив эскэрэп, төрлэ бисил, Хэвки илраннилни бэил долитан аймулдан бидэн!
15Хэвки мэтумӈэлни няним огэски дэгэлрэкэтэн, явчимӈал мулгаритан:
– Вифлеемтэки хөргэр, як-та тала очаван иттэвур, яв тарак муттэки Хэвки мэтун?
16Ноӈартан Вифлеемтэки хэлиӈэч хөрритэн, тарбач Марияв Иосифнюн бакалдаритан, Хулив-да, хөнӈачар иргэчэклэтэн, дебэлдывундулэтэн аликла дэсчиддыв, иттитэн. 17Тарав Хулив иттидюр, Хэвки Мэтумӈэн гөнчэвэн, мэркэр-дэ долдачавур эйдуткин бэилтэки тэлэӈритэн. 18Эйдучэндюр бэил, тарав тэлэӈу хякаӈчичал, мяӈчиритан. 19Мария тарав долдачай мэргэнды эрэгэр дявуттин, дөӈчирин-да. 20Явчимӈал, Хэвкив эскэникэр, амаски мучуритан, он-ка ноӈарбутан Хэвки мэтурин, яв-ка ноӈартан мэркэсэл иттитэн, долдаритан-да, тарав эйду бичэв өрэлдэритэн.
Иисусу Хэвки Дюлан эмур
21Дяпкан инэӈ елтэнэкэн, Хулив минэсэмкэнитэн, Ноӈман гэрбуритэн Иисус, Мария осэри эдлэн од, ангел гэрбучэдин.
22Ок-ка Моисей Итундулин тэсэдекэтэн инэӈэӈэтэн елтэнин, Мария Иосифнюн Хулив Иерусалимтаки эмуритэн, Хунӈидут ичукэндэвур, 23Хунӈит итундулан дукуччагчинни: кубэчлэ бэйсэглэ нярив хулив, дюлэгэч балдачав, Хунӈидут бөгрэдэтэн, 24унэт Хунӈит итундулин анивум бөннэвур гасум дэгив бөдэвур.
25Таракам Иерусалимна бэй Симеон гэрбэди бисин, ноӈан айгарари, хэррин-дэ бисин, ноӈан алачиддин, ок-та Израиль Айӈай бакчин. Хиргэбэн Хиран ноӈандулан бисин. 26Хиргэбэн Хиран ноӈман таимканин, эннэвэн көкэр, Хунӈит Хинмачаван эдлэй иттэ. 27Хиргэбэнь Хирань милтэрэмкэмчэ, Симеон Хэвки Дюлан эмрин. Мария Иосифнюн Хулив Иисусу эмурэкэтэн, Ноӈман Итундули нектэвур, 28Симеон Иисусу ӈаллай гадин, Хэвкитки өрэлдэникэн гөнин:
29– Иткачимӈа! Тек мину, Мэн кэлмэги, Мэн гөнчэгчими, аич дялач тиӈэнри, 30мэн ясалди Хин Айчимус иттэку, 31тарав чэлэдун ӈунмирду Хин иткачавус, 32ӈэрим ач хэвкигчэлбу ӈэрилукэндэн Израиль ӈунминси хэрривэн.
33Иосиф Мариянюн мяӈчиритан, Симеон Ноӈман гөнивэн. 34Тарбач Симеон аич-та бидэтэн төрэснин, Ноӈан энинтэкин Мариятки гөнин:
– Эду дэстириду Куӈаду хоял бэил Израилла аччаду одир, хан-да огэрэбдир, хөнтэл-эси налдаматчир. 35Хин-дэ ханиньси отлэвдин, – таракам хоял бэил мявундулатан мулгантан бичэ аӈабдин.
36Тала унэт Анна, Асир ӈунмидукун, Фануил хунадин, таимкачимӈа, хагды атыкан, надам анӈану-ткан мерэӈчичэ, 37тадук атыкан окан навун бисин, ноӈан дяпканмяр дыгэн анӈанаӈан бисин. Анна Хэвки Дюдукун ок-та авуски-да эч хөргэрэр, ноӈан таду эрэгэр нэӈэддин, улрэв, олрав-да эч дептэ. 38Таракам ноӈан ноӈартакитан дагамриди, Хунӈивут эскэрин, эйдуткин-дэ, Иерусалим дэлмигэн алаттылтаки, Иисусу тэлэӈрин. 39Иосиф Мариянюн, Хунӈит итундулин некэннэвур мудакридюр, дюткивур, мэр городлавур Галилеяла бисилэ, Назаретла мучуритан. 40Куӈа иссуддин, эӈилбэддин, мэргэч оникан, Хэвкиду-дэ Ноӈан илрамрин.
Нярикан Иисус Христос Хэвки Дюлан биддэн
41Анӈинтан, Пасха одакан, Иисус энтылни Иерусалимтаки хөрроттэ. 42Иисус мян дӫр анӈанаӈан одакан, ноӈартан, эрэглэ неккэрэгрэгчюмур, хэбдекэдеклэ ӈэнритэн. 43Хэбдекэдек муднакан, энтылни дюткивур мучуритан, Иисус-нян Иерусалимна эмэптин. Энтылни тарав эмэптивэн эчилтэн хар, 44хөнтэлнюн бэилнюн мучуридин гэрбэттитэн. Иосиф Мариянюн, мучудякатан өмэн инэӈ елтэнэкэн, Иисус аччаван мэддитэн, дялбур долитан Ноӈман гэлэтэдилритэн. 45Туркуридюр Ноӈман бакӈа, Иерусалимна мучуритан, тала Ноӈман гэлэтэдилритэн. 46Илилатан-такан инэӈнэ Куӈав Хэвки Дюлан бакритан. Иисус хупкучимӈэл долатан тэгэттин, ноӈарбутан долчиникан, улгэмэм-дэ улгиминикэн. 47Эйду тала бисил, Ноӈман долчиччал, мяӈчиритан, Куӈа мэргэч, баргучилан-да бисивэн. 48Энтылни мянитан, Ноӈман тала итми.
– Хули! Ядай Хи тачимур муну неккөччинри, муну мэргэчукэнэнри? Бу амнюнси хевулру, Хину эрэли гэлэтми, – энинни Ноӈман улгэмрин.
49– Ядавур ху Мину гэлэтэс? – Ноӈан улгэмрин. – Эв ху эчилсэн хар, Би элэ, мэн Амми Дюлан, биннэву?
50Энтылни эчилтэн унур, яв-да Иисус ноӈартакитан гөнчэвэн. 51Иисус ноӈарнюнтан Назаретла мучурин, эрэгэр энтылби долдари бисин. Мария гору тарав бичэв дӫӈчирин, мэргэндулэй дявуттин. 52Иисус иссуддин, иссудникэн унэт ойлин мэргэбэддин. Хэвки, бэил-дэ Ноӈман унэт энтэкэе аяваладдитан.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библияв тулмачин Институт
Москва, 2001
ISBN 5-93943-008-2
ISBN 91-89122-50-X