Lukka 7
7
Yeesu ghoahaap siida gadiyeeda gheamatta lugooda bea Ruumi
(Mat 8:5-13)
1Iiduw ahiit Yeesu baloaldaannyi sean gasa ghwayiiy buuneeda gawa Gapernaumu. 2Damandida gwanda ngeanyiitta shirikkarajeanda haw mideawa siidaannyi bea gadiyeeda bwariiy muuchchi, nea abeeda ghabwar miyeeda. 3Iiyiiy iitta Yeesu, goojeakta gweargwa Yahuudi headaannyi eemus ghwahidu ghoahaap siidaannyi bea gadiyeeda. 4Hitta heeda Yeesu gemeermeerani nea geyeeshsha, “Siisi gammiisa weattaang'u. 5Aba gideaba siisi ghabwariiy emeedeanya ak gwadeekneasa ghooriida sinnealshachcheewa.” 6Goodeayi Yeesu saawa. Geeyi bwak ama neekkiisa gheeda, goojeakta shirkarajeanda hawfuga duupchi eyeeshsha, “Ng'uttamiida adideawiidi geaw aba gideaba mammisean gideaba gay hinni jeedeaba gheenyu. 7Aba gideaba mammiisean dahidu heedaang'u, ang'iing'i rukuni ng'asheanjagi ak gay ghahaap siideanyu bea gadiyeeda. 8Aniini geawoschi siida mideawa gheambalmeeda ak geaballi shirkara, inyeessa iyeayeeshshi akkalealla, ‘Una,’ gawa; nea nuut iyeayeeshshi, ‘Beenni,’ ghwaan; ak eara siideanyu bea gadiyeeda iyeayeeshshi, ‘Sina gili,’ gwasin.” 9Ghahamng'eanyi Yeesu iiyiiy ng'asheesu hean gwayamsa geaw emeeda gwachchi eattu geashtannyiin, ak gwayeeshsha “Earaba jeeda ng'eanyiida Israeeli mii dadaah siida mideawa masaweega huumwa uurjunu.” 10Iiduw nea gabiikta fukka gwachchi sichcheaktean ghoah, ghwahitta nea ea nihaap siitta bea gadiyeedean.
Yeesu gooduudu balleanda masiinung'weanda
11Iiduw ghang'eat Yeesu gawa mujiineeda suguura Naini, nea goodeayi ginealangaschi ea emeetuw. 12Iiduw nea geneekkiissa ghuutta mujiini, hean geroonnyi sea sareenda eadu muspa balleanji was ghaamwat masiinung'weanda, ak ea balleanda ghus ghaamwat gil nea goodeana emeettuw bea mujiineetta. 13Daa Ng'uttamiida gatmoodida ghabwayda ak gwayeeshsha, “Adiiyyeawudi.” 14Gawa ama neekkiissa ghwoang'ng'waay ghabearanga ak ghamiinaada buuneeda ak gwayeeshsha, “Geeyi ng'eada baleanda.” 15Gwaduudu Siida nimi ak goopteada ak gabalool ak ghwoadaw Yeesu ghaamwat. 16Ghabeal buuneassean; ak geakghambiit Aseetta, nea geeyi, “Nirinna ng'eang'deanya sibaneeda haw! Ak eara Aseetta ea nihidu gabareessa fugaaschi.” 17Gageawiit iittaannyi aba ng'eanyiida Yudeeya ea geng'oojigaaschi.
Fuga ajeagu Yohaaneeda Abattiisachchi
(Mat 11:2-19)
18Gweassa Ginealanga Yohaana iitteaba ng'asheesu seaniin. 19Hean gaguursa Yohaana ginealangaaschi iyyeenya ak gojeakta heeda Ng'uttamiida ghoanyaash gideaba, “Ang'iing'i guwosi siida ghayi jea ghwaani ghana jea eammuukghuna nuut?” 20Gaweay ama hiitta heeda geeyeeshsha, “Goajakneasa Yohaaneeda Abattiisachchi nea gwayi, ‘Ang'iing'i guwosi siitta ghayi jea ghwahiduuni ghana jea eammuukghuna nuut?’” 21Ak aba damandida ghoahaap fuga saang'a miyeani ea gea bearji meangeenda, ak eara fuga ng'oowwi aniimmu ghoang'wearda. 22Ghwasha nea gwayeeshsha, “Aweayeena ak goorukusi Yohaana ng'asheesu oayinyiin ea gea oadaayi, Fuga ng'oowwi niimmu ghoang'wearda, fuga badoojiga gaweelweel, fuga udamusuura siimmiidu, fuga miinyi niyiing'shi, muschcheekka siittuuttu, gea barbari geerukusa Giijasta Miy. 23Ghang'wana siitta mwamwachmwajaniin.” 24Iiduw nea gabiikta fuga gwachchi ajeagu Yohaana ghang'eat goobalool emeeda aba badayda Yohaana nea gwayeeshsha, “Gwachchi goweayi ong'ng'wearsiina naaha aba dareapcheeda, mudayeanda ayuuk jeammeeda? 25Abeeda gooweayi adaaha naaha? Siida akkwaa hang'weakka bumbuni miyaasi? Ang'ulla, gideaba buuneeda mideawa hang'weaka miyaas ak ghwaak miyeenooda gwanda gealga sugoodiga. 26Abeeda gooweayi adaaha naaha? Sibaneeda? Huumwa gil, geayeeshshineegwa, ahaweawa eara sibaneeda. 27Nii siida ghayi sibean eergu aba jeeda ng'ooruutka gil gideaba,
‘Ng'ulla, geajeagu giijasoochcheandeanyu ghwaan madeadaang'u,
jea gwasin naweadaang'u aba madeadaang'u.’
Aba 28Asi geayeeshshineegwa aba jeeda diibiga jih gadeemga manda dea haweewa Yohaana; ak eara gwasa siida mwanang' muuchchi aba jeeda sugoochcheandumeeda Aseetta ahaweewa niny.” 29(Iiduw nea ghwayiiy fukka ng'asheesu sea fuga ang'ng'oonyi gwadiin geamwas dobiiwnatta Aseetta aba gideaba fiisu fuga ghayi sippattiisan aba gibattiisanda Yohaana; 30nea Farisayajeega ea diinagoojiga ghaheawa ng'asheega gasa Aseetta bea badahuukka nyawa, aba gideaba ghaheawa goobattiisan niny.) 31“Gaydagala naaha fiisu bea jeachcheeng'suun, suuh fuga urjiini? 32Gawurji diibiiga abiitbiit aba jeanaadi ak gaguurriisa geat nea gwayi,
‘Gealaschi igeambooda ak amoang'wasi;
geennyahushshi ak ea mooyyeawdani.’
33Aba gideaba Yohaaneeda Abattiischchi ghwahidu ak ea mwaaga mukkatte nea mwali difaayeeda ak gooyeennyi, ‘Gwandeawa meangeenda.’ 34Ghwahidu Balleanda Siida ak gweagiischi nea gwaleeshi; ak gooyeennyi, ‘Ang'ulla, gitteaw ea leyeanda, fugaaschi gea ang'ng'oonyi gwaadi gil ea fuga ring'eega!’ 35Nea weaghuumeeda ea nidaajiit gideaba ea doabiiwnatta aba heeda diibigaaschi sean.”
Yeesu gwanda gheeh Simoneeda was Farisayajeanda
36Gaguursa siyagi bea Farisaayu goombuuchchi niny, gawa gheawi bea Farisaayuun ak goopteada gweagiischi. 37Hean iiy gatmoomba riing'a mida mujiineedida, gideaba gwanda gheeda Farisayajeanda gweagiischi, gweadu gideeshteayda nyiit nagheeda ng'andit, 38hean ghamiinaada appwadaw aba murdeeda geeshangaaschi ak gooyeawda, ea goobitpissa dabeakkaaschi geeshanga ak gobuus aba buudeagaaschi uhuudaannyi ak ghwasam geeshanga nea ghwayeasha nagheedida. 39Daa siitta was Farisayajeandida guursean gissin goottemshi nea gwayi, “Inyeeda siisi gwachchi ea sibaneeda gil, gwachchi gayghwanal gatmoani waasiin giduurji aba gideaba gaba ring'a.” 40Ghwasha Yeesu ak gwayeeshsha niny, “Simon, gwanda ng'asheanji jea darukuneey.” Ghwasha niny ak gwayeeshsha, “Naaha gil, Ginealshoochcheanda?” 41“Siyagi ghayi gwandeawa fii iyyeenya mideawa sileadaannyi; akkalealla gwandeawa sileemba dinaaraji bughalaji muut, nea niirja gwandeawa haradam ea damanamuughuush. 42Iiduw nea niraay gidaydeayda, gwasamsa fiisu seaniin. Asi ghamneawa aba jeedeaba fiisu dea jea ghabwariiy muuchchi anneeda?” 43Ghwasha Simon nea gwayeeshsha, “Ghaaghanyi gajea siitteani sisamsiina gasaang'aani.” Gwayeeshsha niny, “Asi nirgu huumwa.” 44Gwayamsa geaw Yeesu gatmoodida ak gwayeeshsha Simon, “Gung'ulayi gatmooni? Ghawunnyi gheang'u, ak ea miigoona beega jea deahuuna geeshangeasu, nea niny ghwanung' gobitpissa dabeakkaaschi geeshangeasu ak gobuus buudeegaaschi. 45Ang'iing'i mii samwaan nea niny dea naahinni hiji ea miighwanung'waada samitta geeshangeasu. 46Miyeashana uhuudeanyu nagheeda nea niny ea niyeasha geeshangeasu nagheeda. 47Asi gaydayeeshshineey, ring'eegaaschi saang'a sisamsa, aba gideaba ghabwariiy muuchchi, nea dea sisamsa gilimwanang' gayghabwariiy gilimwanang'.” 48Ak gwayeeshsha niny, “Sisamsa ring'eegaagu.” 49Iyiiy fukkeanji agiischiin mideayi sea ninyiin gaba nii eeshsha geaw, “Siisi ng'eaha jea gwasamsa riing'eemba nuudiin?” 50Ak gwayeeshsha gatmoodida, “Nighuunyi masaweagaagu; una nea gibeahi hoyyoo.”
Currently Selected:
Lukka 7: DTGANT09
Highlight
Share
Copy
Want to have your highlights saved across all your devices? Sign up or sign in
Datooga New Testament © Bible Society of Tanzania, 2009.
Lukka 7
7
Yeesu ghoahaap siida gadiyeeda gheamatta lugooda bea Ruumi
(Mat 8:5-13)
1Iiduw ahiit Yeesu baloaldaannyi sean gasa ghwayiiy buuneeda gawa Gapernaumu. 2Damandida gwanda ngeanyiitta shirikkarajeanda haw mideawa siidaannyi bea gadiyeeda bwariiy muuchchi, nea abeeda ghabwar miyeeda. 3Iiyiiy iitta Yeesu, goojeakta gweargwa Yahuudi headaannyi eemus ghwahidu ghoahaap siidaannyi bea gadiyeeda. 4Hitta heeda Yeesu gemeermeerani nea geyeeshsha, “Siisi gammiisa weattaang'u. 5Aba gideaba siisi ghabwariiy emeedeanya ak gwadeekneasa ghooriida sinnealshachcheewa.” 6Goodeayi Yeesu saawa. Geeyi bwak ama neekkiisa gheeda, goojeakta shirkarajeanda hawfuga duupchi eyeeshsha, “Ng'uttamiida adideawiidi geaw aba gideaba mammisean gideaba gay hinni jeedeaba gheenyu. 7Aba gideaba mammiisean dahidu heedaang'u, ang'iing'i rukuni ng'asheanjagi ak gay ghahaap siideanyu bea gadiyeeda. 8Aniini geawoschi siida mideawa gheambalmeeda ak geaballi shirkara, inyeessa iyeayeeshshi akkalealla, ‘Una,’ gawa; nea nuut iyeayeeshshi, ‘Beenni,’ ghwaan; ak eara siideanyu bea gadiyeeda iyeayeeshshi, ‘Sina gili,’ gwasin.” 9Ghahamng'eanyi Yeesu iiyiiy ng'asheesu hean gwayamsa geaw emeeda gwachchi eattu geashtannyiin, ak gwayeeshsha “Earaba jeeda ng'eanyiida Israeeli mii dadaah siida mideawa masaweega huumwa uurjunu.” 10Iiduw nea gabiikta fukka gwachchi sichcheaktean ghoah, ghwahitta nea ea nihaap siitta bea gadiyeedean.
Yeesu gooduudu balleanda masiinung'weanda
11Iiduw ghang'eat Yeesu gawa mujiineeda suguura Naini, nea goodeayi ginealangaschi ea emeetuw. 12Iiduw nea geneekkiissa ghuutta mujiini, hean geroonnyi sea sareenda eadu muspa balleanji was ghaamwat masiinung'weanda, ak ea balleanda ghus ghaamwat gil nea goodeana emeettuw bea mujiineetta. 13Daa Ng'uttamiida gatmoodida ghabwayda ak gwayeeshsha, “Adiiyyeawudi.” 14Gawa ama neekkiissa ghwoang'ng'waay ghabearanga ak ghamiinaada buuneeda ak gwayeeshsha, “Geeyi ng'eada baleanda.” 15Gwaduudu Siida nimi ak goopteada ak gabalool ak ghwoadaw Yeesu ghaamwat. 16Ghabeal buuneassean; ak geakghambiit Aseetta, nea geeyi, “Nirinna ng'eang'deanya sibaneeda haw! Ak eara Aseetta ea nihidu gabareessa fugaaschi.” 17Gageawiit iittaannyi aba ng'eanyiida Yudeeya ea geng'oojigaaschi.
Fuga ajeagu Yohaaneeda Abattiisachchi
(Mat 11:2-19)
18Gweassa Ginealanga Yohaana iitteaba ng'asheesu seaniin. 19Hean gaguursa Yohaana ginealangaaschi iyyeenya ak gojeakta heeda Ng'uttamiida ghoanyaash gideaba, “Ang'iing'i guwosi siida ghayi jea ghwaani ghana jea eammuukghuna nuut?” 20Gaweay ama hiitta heeda geeyeeshsha, “Goajakneasa Yohaaneeda Abattiisachchi nea gwayi, ‘Ang'iing'i guwosi siitta ghayi jea ghwahiduuni ghana jea eammuukghuna nuut?’” 21Ak aba damandida ghoahaap fuga saang'a miyeani ea gea bearji meangeenda, ak eara fuga ng'oowwi aniimmu ghoang'wearda. 22Ghwasha nea gwayeeshsha, “Aweayeena ak goorukusi Yohaana ng'asheesu oayinyiin ea gea oadaayi, Fuga ng'oowwi niimmu ghoang'wearda, fuga badoojiga gaweelweel, fuga udamusuura siimmiidu, fuga miinyi niyiing'shi, muschcheekka siittuuttu, gea barbari geerukusa Giijasta Miy. 23Ghang'wana siitta mwamwachmwajaniin.” 24Iiduw nea gabiikta fuga gwachchi ajeagu Yohaana ghang'eat goobalool emeeda aba badayda Yohaana nea gwayeeshsha, “Gwachchi goweayi ong'ng'wearsiina naaha aba dareapcheeda, mudayeanda ayuuk jeammeeda? 25Abeeda gooweayi adaaha naaha? Siida akkwaa hang'weakka bumbuni miyaasi? Ang'ulla, gideaba buuneeda mideawa hang'weaka miyaas ak ghwaak miyeenooda gwanda gealga sugoodiga. 26Abeeda gooweayi adaaha naaha? Sibaneeda? Huumwa gil, geayeeshshineegwa, ahaweawa eara sibaneeda. 27Nii siida ghayi sibean eergu aba jeeda ng'ooruutka gil gideaba,
‘Ng'ulla, geajeagu giijasoochcheandeanyu ghwaan madeadaang'u,
jea gwasin naweadaang'u aba madeadaang'u.’
Aba 28Asi geayeeshshineegwa aba jeeda diibiga jih gadeemga manda dea haweewa Yohaana; ak eara gwasa siida mwanang' muuchchi aba jeeda sugoochcheandumeeda Aseetta ahaweewa niny.” 29(Iiduw nea ghwayiiy fukka ng'asheesu sea fuga ang'ng'oonyi gwadiin geamwas dobiiwnatta Aseetta aba gideaba fiisu fuga ghayi sippattiisan aba gibattiisanda Yohaana; 30nea Farisayajeega ea diinagoojiga ghaheawa ng'asheega gasa Aseetta bea badahuukka nyawa, aba gideaba ghaheawa goobattiisan niny.) 31“Gaydagala naaha fiisu bea jeachcheeng'suun, suuh fuga urjiini? 32Gawurji diibiiga abiitbiit aba jeanaadi ak gaguurriisa geat nea gwayi,
‘Gealaschi igeambooda ak amoang'wasi;
geennyahushshi ak ea mooyyeawdani.’
33Aba gideaba Yohaaneeda Abattiischchi ghwahidu ak ea mwaaga mukkatte nea mwali difaayeeda ak gooyeennyi, ‘Gwandeawa meangeenda.’ 34Ghwahidu Balleanda Siida ak gweagiischi nea gwaleeshi; ak gooyeennyi, ‘Ang'ulla, gitteaw ea leyeanda, fugaaschi gea ang'ng'oonyi gwaadi gil ea fuga ring'eega!’ 35Nea weaghuumeeda ea nidaajiit gideaba ea doabiiwnatta aba heeda diibigaaschi sean.”
Yeesu gwanda gheeh Simoneeda was Farisayajeanda
36Gaguursa siyagi bea Farisaayu goombuuchchi niny, gawa gheawi bea Farisaayuun ak goopteada gweagiischi. 37Hean iiy gatmoomba riing'a mida mujiineedida, gideaba gwanda gheeda Farisayajeanda gweagiischi, gweadu gideeshteayda nyiit nagheeda ng'andit, 38hean ghamiinaada appwadaw aba murdeeda geeshangaaschi ak gooyeawda, ea goobitpissa dabeakkaaschi geeshanga ak gobuus aba buudeagaaschi uhuudaannyi ak ghwasam geeshanga nea ghwayeasha nagheedida. 39Daa siitta was Farisayajeandida guursean gissin goottemshi nea gwayi, “Inyeeda siisi gwachchi ea sibaneeda gil, gwachchi gayghwanal gatmoani waasiin giduurji aba gideaba gaba ring'a.” 40Ghwasha Yeesu ak gwayeeshsha niny, “Simon, gwanda ng'asheanji jea darukuneey.” Ghwasha niny ak gwayeeshsha, “Naaha gil, Ginealshoochcheanda?” 41“Siyagi ghayi gwandeawa fii iyyeenya mideawa sileadaannyi; akkalealla gwandeawa sileemba dinaaraji bughalaji muut, nea niirja gwandeawa haradam ea damanamuughuush. 42Iiduw nea niraay gidaydeayda, gwasamsa fiisu seaniin. Asi ghamneawa aba jeedeaba fiisu dea jea ghabwariiy muuchchi anneeda?” 43Ghwasha Simon nea gwayeeshsha, “Ghaaghanyi gajea siitteani sisamsiina gasaang'aani.” Gwayeeshsha niny, “Asi nirgu huumwa.” 44Gwayamsa geaw Yeesu gatmoodida ak gwayeeshsha Simon, “Gung'ulayi gatmooni? Ghawunnyi gheang'u, ak ea miigoona beega jea deahuuna geeshangeasu, nea niny ghwanung' gobitpissa dabeakkaaschi geeshangeasu ak gobuus buudeegaaschi. 45Ang'iing'i mii samwaan nea niny dea naahinni hiji ea miighwanung'waada samitta geeshangeasu. 46Miyeashana uhuudeanyu nagheeda nea niny ea niyeasha geeshangeasu nagheeda. 47Asi gaydayeeshshineey, ring'eegaaschi saang'a sisamsa, aba gideaba ghabwariiy muuchchi, nea dea sisamsa gilimwanang' gayghabwariiy gilimwanang'.” 48Ak gwayeeshsha niny, “Sisamsa ring'eegaagu.” 49Iyiiy fukkeanji agiischiin mideayi sea ninyiin gaba nii eeshsha geaw, “Siisi ng'eaha jea gwasamsa riing'eemba nuudiin?” 50Ak gwayeeshsha gatmoodida, “Nighuunyi masaweagaagu; una nea gibeahi hoyyoo.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Datooga New Testament © Bible Society of Tanzania, 2009.