Mattayo 18
18
Siida haweewa sean ng'eaha?
(Mark 9:33-37; Luk 9:46-48)
1Damandida gaweay Giinealanga heeda Yeesu ak ghoanyaash gideaba “Siida haweewa sean ng'eaha aba jeeda sugoochcheandumeeda humng'eeda?” 2Gaguursa niny jeepta ak ghwanung'u ghaminaada aba dageascheeda nyaawa, 3ak gwayi, “Aba huumwa geayeeshshineegwa, imwoayami geat ea awuurjeewana diibiga, ea majaghannyi aweayeena jeeda sugoochcheandumeeda humng'eeda. 4Siida wassean aatgeaw ngeanyi ea gawuurji jeebi, siisi siida haw gil aba jeeda sugoochcheandumeeda humng'eeda. 5Nea siida wassean jea ghamwas jeabwagi uurji nii aba gheawungeasu, abeeda ghamwasan aniini.”
Simsimda eadu ring'eeda
(Mark 9:42-48; Luk 17:1-2)
6“Siida wassean jea ghwanung' gwasin ring'eeda jeabwagi aba jeedeaba diibisu manang'i mwasaniin, ghang'wana gwachchi geerassa gheatta lagheaneeda haw bea ng'ealdeayda ak geejaksa bugusta basooda. 7Eamuy daang'u ng'eanyiida aba simsimda eattu ring'eeda! Aba gideaba simsimda gammiisa hinnooda, abeeda eamuy dea siida jea ghwanung' ghwahidu simsimda! 8Iinung' geattindaang'u adiinya ghanea geashtaang'u, laja ak gijakti asheagiidana geaw; ghang'wana ginyasi eaweega nea gibea badeeda, mwasamwa gideaba gindeawi geattin iyyeenya ea geeshan iyyeenya ak geejakseey jeeda beasta manda mudeanooda. 9Ama nung' gheang'daang'u sina ring'eeda giloatti, ak gijakti asheagiidana geaw; ghang'wana gideaba ginyasi eaweega nea gibea ghaang'agi, mwasamwa gideaba gindeawi gheanyan iyyeenya, ak geejakseey jeeda beasta maloonghajeega.”
Galeega gisilleanda roat
(Luk 15:3-7)
10Ang'ulla! Adiiduw goofoolli earagi aba jeedeaba suu manang'iin, asi geayeeshshineegwa aba humng'eeda malaykajeega nyaawa iissa gang'ula galeegasean gheamamda Bwaabwa mida humng'eeda. [ 11Aba gideaba Balleanda Siida ghwoan gwalealu gidaghayi roat.] 12Heappi gawurjiin? Siida imideawa gisil bughala, ak ghwaroat agi, maygwanung'usa heeda giikka asseedam ea damwashshageashiin uhuuda gijeeda ak gawa gagasa diitta gwachchi roadiini? 13Amaduw nea ghwanyas, aba huumwa geayeeshshineegwa, gaygang'weeliisa nii muuchchi ea ghwalaabwa hoowa giikka asseedam ea damwashshageash maroottean. 14Aso nii mii gidagassida Ghweandeang'wa mida humng'eeda gideaba gayghwaroat jeabwagi aba jeedeaba suu manang'iin.
Iyadiiyseey oorjeeda giyeang'wa
15“Iyadiiyseey oorjeeda giyeang'wa, guweesi ak gireekusi nea goobeayi geat. Iimwas gooleeyseey iitta abeeda ea ninyasi oorjeeda giyeang'wa. 16Ama heawa gooleeyseey iit gideayeawi siyagi ghaneah fii iyyeenya sea ang'iing'i, aba gideaba ng'asheanda wassean iirugu ammadeeda mushoodi assiyyeenya ghanea samwagu abeeda ng'asheega gaygamajeekcheewiidi. 17Ama mealeysiniit saawa, abeeda girukusi ganiisa; ama mealeysiiniit ganiisa, abeeda ginung' ghoaw aba headaang'u siida Emoojiga ea dea ang'ng'waannyi gwaadi.”
Heeheeweega ea gidaydeayda gheatta
18“Aba huumwa, geayeeshshineegwa, gida wassean oarachchi aba hiji bea ng'eanyiidean abeeda gajeasirat aba hoowa bea humng'eedean, nea gidoottinnyi aba hiji bea ng'eanyiidean gajeasiittin aba hoowa bea humng'eedean. 19Geayeeshshineegwa gichcha, aba jeedeang'wa ineajeesa fii iyyeenya ng'ashaan aba hiji bea badayda ng'eanyiidean ak ghamwaash Aseetta, gayghoadaw Bwaabwa mida humng'eeda. 20Aba gideaba heeda wassean roonnyeesa fii iyyeenya ghana samwagu aba gheawungeasu, abeeda earaniini gaydanda jeannyaawa.”
Galeega soomjeanda mandeawana samsiinda
21Iiduw gawa Betro heeda ak ghoanyaash nea gwayeeshsha, “Ng'uttamiida, heappi oorjeeda giyeanya iyadiiysean gaydasamsa niba hada? Niba ispwa?” 22Gwayeeshsha Yeesu niny, “Meayeeshshineey niba ispwa, eara laadam ea damanamughuush niba ispwa. 23Aba dascheani sugoochcheandumeeda humng'eeda gawuurji sea sugoochchanjagi gasa gwayiida haleanjeeda sea soomjoogaaschi.”
24“Hean ang'eat ittooda haleanjeeda, deagheatta geeyeadu headannyi siisi mideewa sileemba lappiyeeda suguura dalantaji sagalamnyooji damanamughuush; 25siisi abeeda mandeawana eara gichchea ghoadaydawa sileetta; iiduw gwayeeshsha siitta haw was sugoochcheandean, ashaayda niny ea gatmoadaannyi ea diibigaaschi ea halanjeadannyi sean mideawa, ak geattaydaawa sileetta. 26Ghwalamda Soomjeandida ak gwatkuy aba madeadannyi ak gwayeeshsha, ‘Ng'uttamiida, aaniyean nyoo ghannyi riyeeng'da ak gaydawalu sileadaang'u sean.’ 27Iiduw ghabwayda sugoochcheanda soomjeandida ak gwasamsa sileetta. 28Gawa soomjeandida ak gwaroonnyi sea siyagi was soomjeanda eajisu mideaydooscheesa gadiyeeda biissa gwandeawa sileadaannyi lappiyaji bughala suguura dinaari. Gang'eessa ak ghoong'ng'waay ak ghoagheat nea gwayeeshsha, ‘Goona sileedeanyu.’ 29Gwatkuy aba madeadaannyi siitta eawoschu mideaydooschi aba gadiyeedean ak gamus nea gwayeeshsha, ‘Eaniyean nyoo ghannyi riyeeng'da ak gaydawalu sileadaang'u.’ 30Ghaheawa ak gwajaksa ghealooniga ea eaghus ea nuwalu sileetta. 31Iiduw nea ghwadaa soomjooga mideaydooschi ng'asheanji gwanyareesi muuchchi, ak gaweay gwarukusa siida bea gadiyeeda iitteaba ng'asheesu sean siin siididean. 32Ng'atta gaguursa siidida bea gadiyeedean ak gwayeeshsha, ‘Ea soomjeanda muy! Gwachchi ang'iing'i gimuschean gideaba aaniyean nyoo ghannyi bassean ak geasamseey siileetta sean ittaang'uun; 33ama ang'iing'i mammisseey gideaba gaybwayda soomjeanda indeaydooscheesi gadiyeeda gawuurji gidagwachchi easamsiindaneeyi?’ 34Ghwanyareas Siitta haw bea gadiyeedean muuchchi ak ghwanung' eayaat eesawan ea eaghus eaniwalu sileetta seaniin. 35Asi gwasunu eara Bwaabwa mida humng'eeda gaygwahinduneegwa eara agooga iimaba siisi samsa oorjeeda geannyaawa aba jeadaannyi sean.”
Currently Selected:
Mattayo 18: DTGANT09
Highlight
Share
Copy
Want to have your highlights saved across all your devices? Sign up or sign in
Datooga New Testament © Bible Society of Tanzania, 2009.
Mattayo 18
18
Siida haweewa sean ng'eaha?
(Mark 9:33-37; Luk 9:46-48)
1Damandida gaweay Giinealanga heeda Yeesu ak ghoanyaash gideaba “Siida haweewa sean ng'eaha aba jeeda sugoochcheandumeeda humng'eeda?” 2Gaguursa niny jeepta ak ghwanung'u ghaminaada aba dageascheeda nyaawa, 3ak gwayi, “Aba huumwa geayeeshshineegwa, imwoayami geat ea awuurjeewana diibiga, ea majaghannyi aweayeena jeeda sugoochcheandumeeda humng'eeda. 4Siida wassean aatgeaw ngeanyi ea gawuurji jeebi, siisi siida haw gil aba jeeda sugoochcheandumeeda humng'eeda. 5Nea siida wassean jea ghamwas jeabwagi uurji nii aba gheawungeasu, abeeda ghamwasan aniini.”
Simsimda eadu ring'eeda
(Mark 9:42-48; Luk 17:1-2)
6“Siida wassean jea ghwanung' gwasin ring'eeda jeabwagi aba jeedeaba diibisu manang'i mwasaniin, ghang'wana gwachchi geerassa gheatta lagheaneeda haw bea ng'ealdeayda ak geejaksa bugusta basooda. 7Eamuy daang'u ng'eanyiida aba simsimda eattu ring'eeda! Aba gideaba simsimda gammiisa hinnooda, abeeda eamuy dea siida jea ghwanung' ghwahidu simsimda! 8Iinung' geattindaang'u adiinya ghanea geashtaang'u, laja ak gijakti asheagiidana geaw; ghang'wana ginyasi eaweega nea gibea badeeda, mwasamwa gideaba gindeawi geattin iyyeenya ea geeshan iyyeenya ak geejakseey jeeda beasta manda mudeanooda. 9Ama nung' gheang'daang'u sina ring'eeda giloatti, ak gijakti asheagiidana geaw; ghang'wana gideaba ginyasi eaweega nea gibea ghaang'agi, mwasamwa gideaba gindeawi gheanyan iyyeenya, ak geejakseey jeeda beasta maloonghajeega.”
Galeega gisilleanda roat
(Luk 15:3-7)
10Ang'ulla! Adiiduw goofoolli earagi aba jeedeaba suu manang'iin, asi geayeeshshineegwa aba humng'eeda malaykajeega nyaawa iissa gang'ula galeegasean gheamamda Bwaabwa mida humng'eeda. [ 11Aba gideaba Balleanda Siida ghwoan gwalealu gidaghayi roat.] 12Heappi gawurjiin? Siida imideawa gisil bughala, ak ghwaroat agi, maygwanung'usa heeda giikka asseedam ea damwashshageashiin uhuuda gijeeda ak gawa gagasa diitta gwachchi roadiini? 13Amaduw nea ghwanyas, aba huumwa geayeeshshineegwa, gaygang'weeliisa nii muuchchi ea ghwalaabwa hoowa giikka asseedam ea damwashshageash maroottean. 14Aso nii mii gidagassida Ghweandeang'wa mida humng'eeda gideaba gayghwaroat jeabwagi aba jeedeaba suu manang'iin.
Iyadiiyseey oorjeeda giyeang'wa
15“Iyadiiyseey oorjeeda giyeang'wa, guweesi ak gireekusi nea goobeayi geat. Iimwas gooleeyseey iitta abeeda ea ninyasi oorjeeda giyeang'wa. 16Ama heawa gooleeyseey iit gideayeawi siyagi ghaneah fii iyyeenya sea ang'iing'i, aba gideaba ng'asheanda wassean iirugu ammadeeda mushoodi assiyyeenya ghanea samwagu abeeda ng'asheega gaygamajeekcheewiidi. 17Ama mealeysiniit saawa, abeeda girukusi ganiisa; ama mealeysiiniit ganiisa, abeeda ginung' ghoaw aba headaang'u siida Emoojiga ea dea ang'ng'waannyi gwaadi.”
Heeheeweega ea gidaydeayda gheatta
18“Aba huumwa, geayeeshshineegwa, gida wassean oarachchi aba hiji bea ng'eanyiidean abeeda gajeasirat aba hoowa bea humng'eedean, nea gidoottinnyi aba hiji bea ng'eanyiidean gajeasiittin aba hoowa bea humng'eedean. 19Geayeeshshineegwa gichcha, aba jeedeang'wa ineajeesa fii iyyeenya ng'ashaan aba hiji bea badayda ng'eanyiidean ak ghamwaash Aseetta, gayghoadaw Bwaabwa mida humng'eeda. 20Aba gideaba heeda wassean roonnyeesa fii iyyeenya ghana samwagu aba gheawungeasu, abeeda earaniini gaydanda jeannyaawa.”
Galeega soomjeanda mandeawana samsiinda
21Iiduw gawa Betro heeda ak ghoanyaash nea gwayeeshsha, “Ng'uttamiida, heappi oorjeeda giyeanya iyadiiysean gaydasamsa niba hada? Niba ispwa?” 22Gwayeeshsha Yeesu niny, “Meayeeshshineey niba ispwa, eara laadam ea damanamughuush niba ispwa. 23Aba dascheani sugoochcheandumeeda humng'eeda gawuurji sea sugoochchanjagi gasa gwayiida haleanjeeda sea soomjoogaaschi.”
24“Hean ang'eat ittooda haleanjeeda, deagheatta geeyeadu headannyi siisi mideewa sileemba lappiyeeda suguura dalantaji sagalamnyooji damanamughuush; 25siisi abeeda mandeawana eara gichchea ghoadaydawa sileetta; iiduw gwayeeshsha siitta haw was sugoochcheandean, ashaayda niny ea gatmoadaannyi ea diibigaaschi ea halanjeadannyi sean mideawa, ak geattaydaawa sileetta. 26Ghwalamda Soomjeandida ak gwatkuy aba madeadannyi ak gwayeeshsha, ‘Ng'uttamiida, aaniyean nyoo ghannyi riyeeng'da ak gaydawalu sileadaang'u sean.’ 27Iiduw ghabwayda sugoochcheanda soomjeandida ak gwasamsa sileetta. 28Gawa soomjeandida ak gwaroonnyi sea siyagi was soomjeanda eajisu mideaydooscheesa gadiyeeda biissa gwandeawa sileadaannyi lappiyaji bughala suguura dinaari. Gang'eessa ak ghoong'ng'waay ak ghoagheat nea gwayeeshsha, ‘Goona sileedeanyu.’ 29Gwatkuy aba madeadaannyi siitta eawoschu mideaydooschi aba gadiyeedean ak gamus nea gwayeeshsha, ‘Eaniyean nyoo ghannyi riyeeng'da ak gaydawalu sileadaang'u.’ 30Ghaheawa ak gwajaksa ghealooniga ea eaghus ea nuwalu sileetta. 31Iiduw nea ghwadaa soomjooga mideaydooschi ng'asheanji gwanyareesi muuchchi, ak gaweay gwarukusa siida bea gadiyeeda iitteaba ng'asheesu sean siin siididean. 32Ng'atta gaguursa siidida bea gadiyeedean ak gwayeeshsha, ‘Ea soomjeanda muy! Gwachchi ang'iing'i gimuschean gideaba aaniyean nyoo ghannyi bassean ak geasamseey siileetta sean ittaang'uun; 33ama ang'iing'i mammisseey gideaba gaybwayda soomjeanda indeaydooscheesi gadiyeeda gawuurji gidagwachchi easamsiindaneeyi?’ 34Ghwanyareas Siitta haw bea gadiyeedean muuchchi ak ghwanung' eayaat eesawan ea eaghus eaniwalu sileetta seaniin. 35Asi gwasunu eara Bwaabwa mida humng'eeda gaygwahinduneegwa eara agooga iimaba siisi samsa oorjeeda geannyaawa aba jeadaannyi sean.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Datooga New Testament © Bible Society of Tanzania, 2009.