Mattayo 22
22
Gissigala ghweelmeeda nyeangiida
(Luk 14:15-24)
1Gabiikta Yeesu gichcha goobalool buuneeda aba galeega nea gwayeeshsha, 2“Sugoochcheandumeeda humng'eeda gawuurji sea sugoochcheanda gasa gageesheesa balleandaannyi, 3hean goojeakta soomjoogaaschi gaguursa fukka sirariin ghapka nyeangiida, amaduw fukka sirariin ghaheawa ghapka. 4Gabiikta gichcha goojeakta soomjoogaaschi suuk ak gwayeeshsha, ‘Ayeeshshiina fuga heetta sirar apkaani aba gideaba, Ang'ulla neanuuschi heewgeasu ea muhooga risheadi nigeawiit ghwahit sean, apkaani nyeangiida.’ 5Ghanyea maduuppa, ghang'eang'eat gaweay, gawa akkaleala madamnyeandaannyi niirja gawa giigeakshoadaannyi, 6nea gea abit ghoang'ng'waay soomjookka ak geesissa ghwarjeeda, ama ng'atta geabwar gameewa. 7Hean ghwanyareas sugoochcheanda ak goojeakta shirikkareadaannyi ghwalas uhuudeaba fukka bara buneedean nea geang'uda mujiineeda nyaawa beasta. 8Ng'atta gwayeeshsha soomjoogaaschi, ‘Nyeangiida nigeawiit ghwahit ama duw fuga heetta sirar ea mudu gwadeaschi. 9Asi ang'eatng'eada aweayeena guyeeda naweadinga ak googuursi fuga oadaayi sean aguursiina ghapka nyeangiida.’ 10Gwaritta soomjookka ak gaweay bearsheeda naweadinga ak gooweamu gilinyoo ghwadaa gea, munyas ea gea miyaas, ea ghwannyiit gheeda rabasta. 11Iiduw gawa sugoochcheanda gah ghwadaa rabastaannyi, ghwadaa siyagi miigookwa hang'weakka nyeangiida; 12ghoanyaash sugoochcheanda nea gwayeeshsha, ‘Siideaduupcheewi, guwundiin jeedeaba gheawi nea mindeawani hang'weakka nyeangiida?’ Geerukusa ak ghwaroat ghuutta. 13Gwayeeshsha Sugoochcheanda fuga gadiyeeda, ‘Arada geattinga ea geeshanga, ak ghoayaachchi ak goojaksi jeeda misaneeda jarooda, aba hoowa gaygooyyeawda nea goowiiri geeshatka aba sawanadeeda.’ 14Aba gideaba gea suguursa aasaang'a, nea gea siloat ea ng'ay.”
Ginyeashteayda girutteayda gwaadi
(Mark 12:13-17; Luk 20:20-26)
15Ng'atta gaweay Farisayajeega ak gabaloola gichchea ghaghasta Yeesu aba ng'asheagaaschi. 16Iiduw goojeakta giinealanga nyaawa headaannyi ea gea Heroode geannyaash nea geeyeeshsha, “Giinealshoochcheanda, Aseasa geanalli gideaba ang'iing'i guwosi siida huumwa, ak gibwadi nii giinnaali buuneeda naweeda Aseetta aba huumeanda, nea ghanyea miduuppi hawunda siida aba gideaba ming'ulli ratooda buuneeda. 17Heappi, rukuneasa aba ang'iing'i gidaaktiini. Ghwadoabiiwi gideaba geattawji Gaysaari gwaadi ghana mwadoabiiwa?” 18Gwajeeng'u Yeesu munyasnachcheekka nyaawa ak gwayeeshsha, “Anda googasayi asimsimean ea fuga ammitu geat? 19Oahimni heappi lappiyeeda ottayiideawi gwaadi.” Gageanu buuneeda ak geattaw shiliingajeanda. 20Ng'atta ghoanyaash Yeesu nea gwayeeshsha, “Gili gawuurji ng'eaha, ak gheawung'su gabeang'a?” 21Geeyeeshsha, “Gaba Gaysaari.” Gwayeeshsha saawa, “Haleanjeeda Gaysaari oattawa Gaysaari, ak gea Aseetta ghoattawji Aseetta.” 22Geeyi bwak ama iiy ng'asheesu ghahamng'eanyi ak gaweay.
Ginyeashteayda dunnooda miyeeda
(Mark 12:18-27; Luk 20:27-40)
23Eaweettida gaweay heeda Yeesu Fiisu suguura Sadukkayajeega eena manda duunnooda ak ghoanyaash, 24nea gwayeeshsha, “Giinealshoochcheanda, ghayi gwayi Muusa, ‘Siida iimeah, nea mwoabuuda diibiga, gayghaghi masiing'eandida ittannyiin oorjeeda ghaamwat, ak gwanyaksa oorjeeda ghaamwat diibiga. 25Asi aba hiji bea ghaheanyean gwanda oorju ispwa bea ghaamwadagi; gageeshshi dea madeeda ak ghami nea miighwanyas diibiga ak gwanung'usa gatmoadannyi oorjeeda ghaamwat.’ 26Gwasnu earaba oorjeedeaba iyyeenya, ea oorjeedeaba samwagu, ea ghwahitta ispeennyaawa. 27Aba huydeandeaba sea eara gatmootta ghami. 28Aba jeeda duunnooda gay ghoaw gatmoodeabeang'a aba fiisu as ispwaan? Aba gideaba nindeayi sean.”
29Ghwasha Yeesu nea gwayeeshsha saawa, “Agooga ghoaramwaschi aba gideaba mwoanali Ng'ooruutka ghana uurda Aseetta. 30Aba gideaba eaweetta siduttuuna majeegeeshshi nea mwajeaghi aba gideaba gaygawuurji malaykajeega humng'eeda. 31Ama duukku iitta dunnooda miyeeda, ea miyoassoamwana gidaghayi rukuneegwa Aseetta, ghayi gwayeeshshineegwa, 32‘Aniini geewoschi Aseetta Abrahaamu, ea Aseetta Isakka, ea Aseetta Yakkobo?’ Asi niny mii Aseetta fuga nimeewa gil, niny Aseetta fuga majeekcheewi.” 33Iiduw nea gwayiing'shi emeeda ghahamng'eanyi aba ginealshoadaannyi.
Digheanda haw
(Mark 12:28-34; Luk 10:25-28)
34Iimuchchu gheeda nea ghwayiiy Farisayajeega gideaba nirat ghuusiga Sadukkayajeega, ghabwat geat ak gabalool. 35Ghoanyaash diinagiida nea gwasim. 36“Ginealshoochcheanda, digheanda haw aba jeeda deaweeda anneeda?” 37Gwayeeshsha niny, “Bwariinya Ng'uttamiida was Aseattaang'u aba guroroadaang'u sean, ea aba jeadaang'u sean, ea aba fughareadaang'u sean. 38Nii digheanda hawi ak gabiissa ea dea madeeda gil. 39Deaba iyyeenya gawuurji sea nii, bwariiyda siida ischeayeewi gidubwariiydi geaw. 40Aba digheannyeeksu assiyyeenyean gwadiyeewa deaweedajeega sean ea sibanga.”
Ginyeashteayda iitta Gristo
(Mark 12:35-37; Luk 20:41-44)
41Iiduw nea ghabwatgeat Farisayajeega ghoanyaash Yeesu nea gwayeeshsha, 42“Iing'ullayi Gristo ea ng'eaha? Heappi ghoanung' ghoaw balleandeabeang'a?” Ak gwayeeshsha Saawa, “Balleanda Dawdihi.” 43Ak gwayeeshsha saawa, “Abeada ghwasaan iiduw inyas gwayeeshsha Dawdi aba Gurorooda, Ng'uttamiida, nea gwayi,
44‘Ng'uttamiida gwayeeshsha Ng'uttamiideanyu,
apteada aba meatkweedeanyu bea geattinda dugwa,
bwak ea dayiin weajoadigaagu jeeda baneaguukka geashangaagu?’
45Abeeda Dawdi iiguura Ng'uttamiida, abeeda ghoammu ghoawdaan ballaandaannyi?” 46Aba hiji ghwaroat siida jea gwarukusa ng'asheanda. Ghang'eada eaweettida ghwaroat sichchea ghoanyaash gichcha ng'asheanda.
Currently Selected:
Mattayo 22: DTGANT09
Highlight
Share
Copy
Want to have your highlights saved across all your devices? Sign up or sign in
Datooga New Testament © Bible Society of Tanzania, 2009.
Mattayo 22
22
Gissigala ghweelmeeda nyeangiida
(Luk 14:15-24)
1Gabiikta Yeesu gichcha goobalool buuneeda aba galeega nea gwayeeshsha, 2“Sugoochcheandumeeda humng'eeda gawuurji sea sugoochcheanda gasa gageesheesa balleandaannyi, 3hean goojeakta soomjoogaaschi gaguursa fukka sirariin ghapka nyeangiida, amaduw fukka sirariin ghaheawa ghapka. 4Gabiikta gichcha goojeakta soomjoogaaschi suuk ak gwayeeshsha, ‘Ayeeshshiina fuga heetta sirar apkaani aba gideaba, Ang'ulla neanuuschi heewgeasu ea muhooga risheadi nigeawiit ghwahit sean, apkaani nyeangiida.’ 5Ghanyea maduuppa, ghang'eang'eat gaweay, gawa akkaleala madamnyeandaannyi niirja gawa giigeakshoadaannyi, 6nea gea abit ghoang'ng'waay soomjookka ak geesissa ghwarjeeda, ama ng'atta geabwar gameewa. 7Hean ghwanyareas sugoochcheanda ak goojeakta shirikkareadaannyi ghwalas uhuudeaba fukka bara buneedean nea geang'uda mujiineeda nyaawa beasta. 8Ng'atta gwayeeshsha soomjoogaaschi, ‘Nyeangiida nigeawiit ghwahit ama duw fuga heetta sirar ea mudu gwadeaschi. 9Asi ang'eatng'eada aweayeena guyeeda naweadinga ak googuursi fuga oadaayi sean aguursiina ghapka nyeangiida.’ 10Gwaritta soomjookka ak gaweay bearsheeda naweadinga ak gooweamu gilinyoo ghwadaa gea, munyas ea gea miyaas, ea ghwannyiit gheeda rabasta. 11Iiduw gawa sugoochcheanda gah ghwadaa rabastaannyi, ghwadaa siyagi miigookwa hang'weakka nyeangiida; 12ghoanyaash sugoochcheanda nea gwayeeshsha, ‘Siideaduupcheewi, guwundiin jeedeaba gheawi nea mindeawani hang'weakka nyeangiida?’ Geerukusa ak ghwaroat ghuutta. 13Gwayeeshsha Sugoochcheanda fuga gadiyeeda, ‘Arada geattinga ea geeshanga, ak ghoayaachchi ak goojaksi jeeda misaneeda jarooda, aba hoowa gaygooyyeawda nea goowiiri geeshatka aba sawanadeeda.’ 14Aba gideaba gea suguursa aasaang'a, nea gea siloat ea ng'ay.”
Ginyeashteayda girutteayda gwaadi
(Mark 12:13-17; Luk 20:20-26)
15Ng'atta gaweay Farisayajeega ak gabaloola gichchea ghaghasta Yeesu aba ng'asheagaaschi. 16Iiduw goojeakta giinealanga nyaawa headaannyi ea gea Heroode geannyaash nea geeyeeshsha, “Giinealshoochcheanda, Aseasa geanalli gideaba ang'iing'i guwosi siida huumwa, ak gibwadi nii giinnaali buuneeda naweeda Aseetta aba huumeanda, nea ghanyea miduuppi hawunda siida aba gideaba ming'ulli ratooda buuneeda. 17Heappi, rukuneasa aba ang'iing'i gidaaktiini. Ghwadoabiiwi gideaba geattawji Gaysaari gwaadi ghana mwadoabiiwa?” 18Gwajeeng'u Yeesu munyasnachcheekka nyaawa ak gwayeeshsha, “Anda googasayi asimsimean ea fuga ammitu geat? 19Oahimni heappi lappiyeeda ottayiideawi gwaadi.” Gageanu buuneeda ak geattaw shiliingajeanda. 20Ng'atta ghoanyaash Yeesu nea gwayeeshsha, “Gili gawuurji ng'eaha, ak gheawung'su gabeang'a?” 21Geeyeeshsha, “Gaba Gaysaari.” Gwayeeshsha saawa, “Haleanjeeda Gaysaari oattawa Gaysaari, ak gea Aseetta ghoattawji Aseetta.” 22Geeyi bwak ama iiy ng'asheesu ghahamng'eanyi ak gaweay.
Ginyeashteayda dunnooda miyeeda
(Mark 12:18-27; Luk 20:27-40)
23Eaweettida gaweay heeda Yeesu Fiisu suguura Sadukkayajeega eena manda duunnooda ak ghoanyaash, 24nea gwayeeshsha, “Giinealshoochcheanda, ghayi gwayi Muusa, ‘Siida iimeah, nea mwoabuuda diibiga, gayghaghi masiing'eandida ittannyiin oorjeeda ghaamwat, ak gwanyaksa oorjeeda ghaamwat diibiga. 25Asi aba hiji bea ghaheanyean gwanda oorju ispwa bea ghaamwadagi; gageeshshi dea madeeda ak ghami nea miighwanyas diibiga ak gwanung'usa gatmoadannyi oorjeeda ghaamwat.’ 26Gwasnu earaba oorjeedeaba iyyeenya, ea oorjeedeaba samwagu, ea ghwahitta ispeennyaawa. 27Aba huydeandeaba sea eara gatmootta ghami. 28Aba jeeda duunnooda gay ghoaw gatmoodeabeang'a aba fiisu as ispwaan? Aba gideaba nindeayi sean.”
29Ghwasha Yeesu nea gwayeeshsha saawa, “Agooga ghoaramwaschi aba gideaba mwoanali Ng'ooruutka ghana uurda Aseetta. 30Aba gideaba eaweetta siduttuuna majeegeeshshi nea mwajeaghi aba gideaba gaygawuurji malaykajeega humng'eeda. 31Ama duukku iitta dunnooda miyeeda, ea miyoassoamwana gidaghayi rukuneegwa Aseetta, ghayi gwayeeshshineegwa, 32‘Aniini geewoschi Aseetta Abrahaamu, ea Aseetta Isakka, ea Aseetta Yakkobo?’ Asi niny mii Aseetta fuga nimeewa gil, niny Aseetta fuga majeekcheewi.” 33Iiduw nea gwayiing'shi emeeda ghahamng'eanyi aba ginealshoadaannyi.
Digheanda haw
(Mark 12:28-34; Luk 10:25-28)
34Iimuchchu gheeda nea ghwayiiy Farisayajeega gideaba nirat ghuusiga Sadukkayajeega, ghabwat geat ak gabalool. 35Ghoanyaash diinagiida nea gwasim. 36“Ginealshoochcheanda, digheanda haw aba jeeda deaweeda anneeda?” 37Gwayeeshsha niny, “Bwariinya Ng'uttamiida was Aseattaang'u aba guroroadaang'u sean, ea aba jeadaang'u sean, ea aba fughareadaang'u sean. 38Nii digheanda hawi ak gabiissa ea dea madeeda gil. 39Deaba iyyeenya gawuurji sea nii, bwariiyda siida ischeayeewi gidubwariiydi geaw. 40Aba digheannyeeksu assiyyeenyean gwadiyeewa deaweedajeega sean ea sibanga.”
Ginyeashteayda iitta Gristo
(Mark 12:35-37; Luk 20:41-44)
41Iiduw nea ghabwatgeat Farisayajeega ghoanyaash Yeesu nea gwayeeshsha, 42“Iing'ullayi Gristo ea ng'eaha? Heappi ghoanung' ghoaw balleandeabeang'a?” Ak gwayeeshsha Saawa, “Balleanda Dawdihi.” 43Ak gwayeeshsha saawa, “Abeada ghwasaan iiduw inyas gwayeeshsha Dawdi aba Gurorooda, Ng'uttamiida, nea gwayi,
44‘Ng'uttamiida gwayeeshsha Ng'uttamiideanyu,
apteada aba meatkweedeanyu bea geattinda dugwa,
bwak ea dayiin weajoadigaagu jeeda baneaguukka geashangaagu?’
45Abeeda Dawdi iiguura Ng'uttamiida, abeeda ghoammu ghoawdaan ballaandaannyi?” 46Aba hiji ghwaroat siida jea gwarukusa ng'asheanda. Ghang'eada eaweettida ghwaroat sichchea ghoanyaash gichcha ng'asheanda.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Datooga New Testament © Bible Society of Tanzania, 2009.