Mattayo 24
24
Yeesu gabaloola nyarjeawda gheeda sibatta Aseetta
(Mark 13:1-2; Luk 21:5-6)
1Gwaritteawa Yeesu jeeda gheeda sibatta Aseetta ak ghang'eat gawa, ak gaweay heeda giinealangaaschi ak geehiimsa gissideasta gheetta sibatta Aseettean. 2Ghwasha niny ak gwayeeshsha, “Moong'ulli haleanjeeni seaniin? Aba huumwa geayeeshshineegwa, manda eara lagheaneanagi jea ghoabit aba uhuudeaba niirja jea ea majeeng'ng'adeadu.”
Sawanadeeda ea ghabasta
(Mark 13:3-13; Luk 21:7-19)
3Iiduw nea goopteada Yeesu aba uhuuda gijeeda Maseytuunajeega, gaweesa giinealangaaschi aba heeda funyaat ak geanyasa hichpa geaw ak geannyaash gideaba, “Rukuni ng'asheesu gayghoaw eeju? Amaduw hinnoadaang'u gwanda gwadeagooda jea eadaaha ghana dea mudeanooda damanda?” 4Ghwasha Yeesu nea gwayeeshsha, “Ang'ulla adiiduw gwareenganneegwa sih. 5Aba gideaba gayghwahidu fuga saang'a nea gaygaba nii ayi, ‘Aniini geewoschi Gristo,’ ak gaygwareengani fuga saang'a. 6Gajayiinya iitta ng'uchcheeda ea dea ng'uchcheadinga, ang'ulla adaghoabealeagwa, aba gideaba ng'asheesu mayghwashiy hinnooda, amaduukku mudeanooda ea mighoaw. 7Aba gideaba gaygang'uchchi daroar ea daroar nuut, ak gang'uchchi sugoochcheandumeeda ea sugoocheendumeeda nuut, ak gaygwanda geejeeda ea sawooda ng'eanyiida aba hiji ea hiji: 8suu seaniin ghang'eat ghuutta lajooda. 9Iimuchchu gheeda gajealabeagwa bwadaw eesawaneegwa amaduw geenuuseegwa; gayghwasteagwa Emoojiga sean appadaydeanyu aba gheawungeasu. 10Ak abeeda fuga saang'a gajeeruusa nea goohheakkiida geat nea gwasta geat. 11Amaduw gayghwahidu sibanga saang'a bea ng'uyyeega ak gaygwareengani fuga saang'a. 12Iiduw nea ghoahaada deambiilaneandumeeda buuneeda, hean gaygabiissa ghamwaning'idaada bariinyeega aba jeesinga nyaawa. 13Abeeda siida jea ghamilikghta ea gammudean ada ea siida jea ghwalalaani. 14Gichcha gajeerukkwiida Giijasta Miy bea sugoochcheandumeeda aba ng'eanyissean ghoaw muwwunooda aba emoojiga sean, ama ng'atta abeeda ghwahidu mudeanooda ng'eanyiida.”
Sawanadeeda haw
(Mark 13:14-23; Luk 21:20-24)
15“Asi iyoadaayi gidamuy jea gweadu nyariida, ghayi rugu sibaneeda suguura Daniyeeli nea niminaada aba heeda ghaydit (dea assoamwa adanala), 16abeeda fuga mida ng'eanyiida Yudeeya dasalsiina giijeega; 17nea siida mida badayda bulaliida ea adaghwararang'aan gageanu haleanjeeda mida jeedeaba gheannyi; 18nea deamida madamnyeanda ea adagabiigu bwadaw ghamwagha hang'daannyi. 19Eamuy dea gheamadiga mideawa diibiga ea gea areer diibiga aba damani! 20Amwaasha Aseetta eamoosaldani eaweetta gooroogeeda ghanea eaweetta Sabattoohi 21Aba gideaba damani gaygwanda sawanadeeda haw manda deadeenna aba deaghayi sisna ng'eanyiida ea ghoaw ghamneawa, ak ea maygudu abiikta adaah sawanadeeda uurji nii earahay. 22Nea ghwanyawa askwearjoojusu dagheeda ea meannuwaasa ghwanyawa ea maygwanda sichchea ghwalalaan; iiduw geelagu askwearjoojusu appadahuukka fukghayi sibay ealoat. 23Asi eaweechcheanji iyeeshshineegwa sih ‘Gristo gwanda hiji!’ ghana ‘Gwanda hoowa!’ Adoamwaschi. 24Aba gideaba gayghwahidu Gristohajeega ng'uyyeega ea sibanga ng'uyyeega. Ak gayghoahiimu gwadeagwajeega hees deamdeameadi jea ghoammu gahutteawi fuga ghayi bay ealoat. 25Ang'ulla nigeawiit dareekuseegwa ammwadi. 26Asi iyeeshshineegwa, ‘Adaaha diida gwanda dareapcheada, ea adiiduw gooritti;’ ghana iisiyi, ‘Gwanda jeeda gheeda,’ ea adoamwaschi. 27Aba gideaba gawuurji dadamandeetta abwaay heeda ghayeawa ea gagul heeda biyearean nii abeeda gichchea gawuurji hinnooda Balleanda Siida. 28Heeda wassean mida gumeeda heeda jea gabattiisa geat madoonyakka.”
Hinnooda Balleanda Siida
(Mark 13:24-27; Luk 21:25-28)
29“Iimuchchu nea ning'atta sawanadeedida bea askwearjoojigigeaniin, gajeenung' gamisaniit gheang'da aseetta, nea sheeda ea maygooboong'u, nea miinga mida humng'eeda gaygoobittu, nea uurda humng'eeda gajeettumduum; 30ng'atta gajeadaah gwadeagooda Balleanda Siida aba humng'eeda, abeeda emoojiga sean bea muunda ng'eanyiida gayguuttu heareega idaah Balleanda Siida nea ghwaan aba badayda shamooghuutka humng'eeda nea gwandeawa uurda ea gigheambiitta haw; 31ak gaygoojeakta malaykajeegaaschi ghaghuut muuchchi durumbeatti ak gaygaweay gooweamu fugaaschi loat aba murdajeega assang'wan bea ng'eanyiida, ghang'eada murdeeda humng'eeda meatkweeni ea gagul meatkweetta.
Gidanaal fih shaboogheechcheanda
(Mark 13:28-31; Luk 21:29-33)
32“Ajeeng'ni ng'asheesu eagali shaboogheechcheandean: ifirfiir damealgaschi ak gwardu seenga, goojeeng'u gideaba damanda domeelda ninekkiit. 33Gwasnu eara agooga iyoadaayi ng'asheesu seaniin nean ghwahidu ghoanalli gideaba ninekkiissa gidaghuut. 34Aba huumwa gaydarukuneegwa gideaba mayghwanawda seaygeani nea miighwahidu suu seaniin. 35Humng'eeda ea ng'eanyiida gayghang'atta, amaduukku ng'asheegeasu ea mayghang'atta eara hay.”
Manda siida nal askwearjeanda ghana damanda
(Mark 13:32-37; Luk 17:26-30, 34-36)
36“Dukku iitta askwearjeandida ghana damandida manda siida nal eaweetta jea gawaseewa eara malaykajeega humng'eeda ghana Balleanda geaghus Bwaabwa nea gaba geaw. 37Aba gideaba gaygawuurji gidaghayi bea damanda Nuuhu, nii gichchea gawuurji hinnooda Balleanda Siida gil. 38Aba gideaba damandida ghayi miighwahinna roopta hawiin abeeda buuneeda iissa gweagiischi nea gwaleeshi, gageeshi nea geaghi, ea eayi bwak ea gawa Nuuhu jeeda maleambooda, 39nea majeeng'na ea ghwahidu roopta duw ak gwaduulu buuneessean, nii abeeda gichchea gawuurji hinnooda Balleanda Siida gil. 40Damandida gaygwanda fih iyyeenya madamnyeanda gajeegeanda agi ak geenung'usa heeda niirja. 41Gadeem iyyeenya gajeahitta nea gang'ealshi, ak gajeegeanda agi ak geenung'usa heeda niirja. 42Asi oang'ng'wearni aba gideaba mwoanali eaweetta jea ghwahinna Ng'uttamideang'wa. 43Asi anala ng'asheanji gideaba inyeeda ghwanyawa ghwanal siida bea gheeda damanda eaweeda jea ghwahinna mareanghweanda, gayghoang'wearu nea ghanyea mayghwanung'waada enyarja gheannyi. 44Gwasnu eara agooga asissina geat, aba gideaba Balleanda Siida gayghwahidu damanda morarsiini.”
Soomjeanda doabiiwaat ea dea mii doabiiwaat
(Luk 12:41-48)
45Nii gajea anasihi was soomjeanda doabiiwaat mideawa weaghumeeda, iin siidaannyi haw uhuudeaba gheannyi ak ghoadaw buuneeda daghwarda aba damandaannyi? 46Ghang'wana soomjeandida ama hidu Siidaannyi hawiin ghwahitta nea gwasinda ng'asheega gidaghayi surukusiindean. 47Aba huumwa, gaydayeeshshineegwa, gaygageanu ak ghwayiin haghweeda halanjeadannyi sean. 48Amadukku soomjeandida muyiin iyeeshsha geaw aba jeadaannyi nishing'da Siideanyu hawiin, 49amahit gabiissa ghabwar soomjooga ama ng'atta gweagiischi nea gwaleeshi sea leeydean, 50gayghwahidu Siidaannyi haw bea soomjeandideani eaweetta mararsiina ea damanda mwanala. 51Ak gayghwaaga ghorjooda, ak ghwanung' gwandeayi sea fuga ammittu geat; abeeda gaygwanda shookka ea giwiirrooda geeshatka.
Currently Selected:
Mattayo 24: DTGANT09
Highlight
Share
Copy
Want to have your highlights saved across all your devices? Sign up or sign in
Datooga New Testament © Bible Society of Tanzania, 2009.
Mattayo 24
24
Yeesu gabaloola nyarjeawda gheeda sibatta Aseetta
(Mark 13:1-2; Luk 21:5-6)
1Gwaritteawa Yeesu jeeda gheeda sibatta Aseetta ak ghang'eat gawa, ak gaweay heeda giinealangaaschi ak geehiimsa gissideasta gheetta sibatta Aseettean. 2Ghwasha niny ak gwayeeshsha, “Moong'ulli haleanjeeni seaniin? Aba huumwa geayeeshshineegwa, manda eara lagheaneanagi jea ghoabit aba uhuudeaba niirja jea ea majeeng'ng'adeadu.”
Sawanadeeda ea ghabasta
(Mark 13:3-13; Luk 21:7-19)
3Iiduw nea goopteada Yeesu aba uhuuda gijeeda Maseytuunajeega, gaweesa giinealangaaschi aba heeda funyaat ak geanyasa hichpa geaw ak geannyaash gideaba, “Rukuni ng'asheesu gayghoaw eeju? Amaduw hinnoadaang'u gwanda gwadeagooda jea eadaaha ghana dea mudeanooda damanda?” 4Ghwasha Yeesu nea gwayeeshsha, “Ang'ulla adiiduw gwareenganneegwa sih. 5Aba gideaba gayghwahidu fuga saang'a nea gaygaba nii ayi, ‘Aniini geewoschi Gristo,’ ak gaygwareengani fuga saang'a. 6Gajayiinya iitta ng'uchcheeda ea dea ng'uchcheadinga, ang'ulla adaghoabealeagwa, aba gideaba ng'asheesu mayghwashiy hinnooda, amaduukku mudeanooda ea mighoaw. 7Aba gideaba gaygang'uchchi daroar ea daroar nuut, ak gang'uchchi sugoochcheandumeeda ea sugoocheendumeeda nuut, ak gaygwanda geejeeda ea sawooda ng'eanyiida aba hiji ea hiji: 8suu seaniin ghang'eat ghuutta lajooda. 9Iimuchchu gheeda gajealabeagwa bwadaw eesawaneegwa amaduw geenuuseegwa; gayghwasteagwa Emoojiga sean appadaydeanyu aba gheawungeasu. 10Ak abeeda fuga saang'a gajeeruusa nea goohheakkiida geat nea gwasta geat. 11Amaduw gayghwahidu sibanga saang'a bea ng'uyyeega ak gaygwareengani fuga saang'a. 12Iiduw nea ghoahaada deambiilaneandumeeda buuneeda, hean gaygabiissa ghamwaning'idaada bariinyeega aba jeesinga nyaawa. 13Abeeda siida jea ghamilikghta ea gammudean ada ea siida jea ghwalalaani. 14Gichcha gajeerukkwiida Giijasta Miy bea sugoochcheandumeeda aba ng'eanyissean ghoaw muwwunooda aba emoojiga sean, ama ng'atta abeeda ghwahidu mudeanooda ng'eanyiida.”
Sawanadeeda haw
(Mark 13:14-23; Luk 21:20-24)
15“Asi iyoadaayi gidamuy jea gweadu nyariida, ghayi rugu sibaneeda suguura Daniyeeli nea niminaada aba heeda ghaydit (dea assoamwa adanala), 16abeeda fuga mida ng'eanyiida Yudeeya dasalsiina giijeega; 17nea siida mida badayda bulaliida ea adaghwararang'aan gageanu haleanjeeda mida jeedeaba gheannyi; 18nea deamida madamnyeanda ea adagabiigu bwadaw ghamwagha hang'daannyi. 19Eamuy dea gheamadiga mideawa diibiga ea gea areer diibiga aba damani! 20Amwaasha Aseetta eamoosaldani eaweetta gooroogeeda ghanea eaweetta Sabattoohi 21Aba gideaba damani gaygwanda sawanadeeda haw manda deadeenna aba deaghayi sisna ng'eanyiida ea ghoaw ghamneawa, ak ea maygudu abiikta adaah sawanadeeda uurji nii earahay. 22Nea ghwanyawa askwearjoojusu dagheeda ea meannuwaasa ghwanyawa ea maygwanda sichchea ghwalalaan; iiduw geelagu askwearjoojusu appadahuukka fukghayi sibay ealoat. 23Asi eaweechcheanji iyeeshshineegwa sih ‘Gristo gwanda hiji!’ ghana ‘Gwanda hoowa!’ Adoamwaschi. 24Aba gideaba gayghwahidu Gristohajeega ng'uyyeega ea sibanga ng'uyyeega. Ak gayghoahiimu gwadeagwajeega hees deamdeameadi jea ghoammu gahutteawi fuga ghayi bay ealoat. 25Ang'ulla nigeawiit dareekuseegwa ammwadi. 26Asi iyeeshshineegwa, ‘Adaaha diida gwanda dareapcheada, ea adiiduw gooritti;’ ghana iisiyi, ‘Gwanda jeeda gheeda,’ ea adoamwaschi. 27Aba gideaba gawuurji dadamandeetta abwaay heeda ghayeawa ea gagul heeda biyearean nii abeeda gichchea gawuurji hinnooda Balleanda Siida. 28Heeda wassean mida gumeeda heeda jea gabattiisa geat madoonyakka.”
Hinnooda Balleanda Siida
(Mark 13:24-27; Luk 21:25-28)
29“Iimuchchu nea ning'atta sawanadeedida bea askwearjoojigigeaniin, gajeenung' gamisaniit gheang'da aseetta, nea sheeda ea maygooboong'u, nea miinga mida humng'eeda gaygoobittu, nea uurda humng'eeda gajeettumduum; 30ng'atta gajeadaah gwadeagooda Balleanda Siida aba humng'eeda, abeeda emoojiga sean bea muunda ng'eanyiida gayguuttu heareega idaah Balleanda Siida nea ghwaan aba badayda shamooghuutka humng'eeda nea gwandeawa uurda ea gigheambiitta haw; 31ak gaygoojeakta malaykajeegaaschi ghaghuut muuchchi durumbeatti ak gaygaweay gooweamu fugaaschi loat aba murdajeega assang'wan bea ng'eanyiida, ghang'eada murdeeda humng'eeda meatkweeni ea gagul meatkweetta.
Gidanaal fih shaboogheechcheanda
(Mark 13:28-31; Luk 21:29-33)
32“Ajeeng'ni ng'asheesu eagali shaboogheechcheandean: ifirfiir damealgaschi ak gwardu seenga, goojeeng'u gideaba damanda domeelda ninekkiit. 33Gwasnu eara agooga iyoadaayi ng'asheesu seaniin nean ghwahidu ghoanalli gideaba ninekkiissa gidaghuut. 34Aba huumwa gaydarukuneegwa gideaba mayghwanawda seaygeani nea miighwahidu suu seaniin. 35Humng'eeda ea ng'eanyiida gayghang'atta, amaduukku ng'asheegeasu ea mayghang'atta eara hay.”
Manda siida nal askwearjeanda ghana damanda
(Mark 13:32-37; Luk 17:26-30, 34-36)
36“Dukku iitta askwearjeandida ghana damandida manda siida nal eaweetta jea gawaseewa eara malaykajeega humng'eeda ghana Balleanda geaghus Bwaabwa nea gaba geaw. 37Aba gideaba gaygawuurji gidaghayi bea damanda Nuuhu, nii gichchea gawuurji hinnooda Balleanda Siida gil. 38Aba gideaba damandida ghayi miighwahinna roopta hawiin abeeda buuneeda iissa gweagiischi nea gwaleeshi, gageeshi nea geaghi, ea eayi bwak ea gawa Nuuhu jeeda maleambooda, 39nea majeeng'na ea ghwahidu roopta duw ak gwaduulu buuneessean, nii abeeda gichchea gawuurji hinnooda Balleanda Siida gil. 40Damandida gaygwanda fih iyyeenya madamnyeanda gajeegeanda agi ak geenung'usa heeda niirja. 41Gadeem iyyeenya gajeahitta nea gang'ealshi, ak gajeegeanda agi ak geenung'usa heeda niirja. 42Asi oang'ng'wearni aba gideaba mwoanali eaweetta jea ghwahinna Ng'uttamideang'wa. 43Asi anala ng'asheanji gideaba inyeeda ghwanyawa ghwanal siida bea gheeda damanda eaweeda jea ghwahinna mareanghweanda, gayghoang'wearu nea ghanyea mayghwanung'waada enyarja gheannyi. 44Gwasnu eara agooga asissina geat, aba gideaba Balleanda Siida gayghwahidu damanda morarsiini.”
Soomjeanda doabiiwaat ea dea mii doabiiwaat
(Luk 12:41-48)
45Nii gajea anasihi was soomjeanda doabiiwaat mideawa weaghumeeda, iin siidaannyi haw uhuudeaba gheannyi ak ghoadaw buuneeda daghwarda aba damandaannyi? 46Ghang'wana soomjeandida ama hidu Siidaannyi hawiin ghwahitta nea gwasinda ng'asheega gidaghayi surukusiindean. 47Aba huumwa, gaydayeeshshineegwa, gaygageanu ak ghwayiin haghweeda halanjeadannyi sean. 48Amadukku soomjeandida muyiin iyeeshsha geaw aba jeadaannyi nishing'da Siideanyu hawiin, 49amahit gabiissa ghabwar soomjooga ama ng'atta gweagiischi nea gwaleeshi sea leeydean, 50gayghwahidu Siidaannyi haw bea soomjeandideani eaweetta mararsiina ea damanda mwanala. 51Ak gayghwaaga ghorjooda, ak ghwanung' gwandeayi sea fuga ammittu geat; abeeda gaygwanda shookka ea giwiirrooda geeshatka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Datooga New Testament © Bible Society of Tanzania, 2009.