Хосталыышкын 1
1
Иаковтуң өг-бүлези – Египетте
1Өг-бүлезин эдертип алгаш, Иаков-биле кады Египетче кирип келген израильчилерниң – Иаковтуң оолдарының – аттары бо-дур: 2Рувим, Симеон, Левий болгаш Иуда; 3Иссахар, Завулон болгаш Вениамин; 4Дан болгаш Неффалим, Гад болгаш Асир#Э. д. 35:23-26. 5Иаковтуң дорт салгакчылары болур улустуң саны чеден#1:5 Өске бурунгу сөзүглелде «чеден беш» деп бижээн. кижи турган. (А Иосиф ынчан Египетке чурттап турган.)#Э. д. 46:27 6Ооң соонда Иосиф-даа, ооң акы-дуңмалары-даа база ол салгалдың бүгү улузу-даа өлгүлеп калган. 7А израиль чон аажок өзүп-көвүдеп, күш кирип, имилеме апаргаш, египет черни дола берген.
Израиль чоннуң дарлалга таварышканы
8А Египетти ол аразында Иосифти билбес чаа хаан чагыра берген#Аж.-ч. 7:18. 9Ол бодунуң чонунга: «Дыңнаңар, израиль чон бистен хөй болгаш күштүг апарган-дыр! 10Олар моон ыңай өзүп-көвүдевес кылдыр, бир-ле кажар аргадан тып көрээли. Оон башка дайын үнер болза, израильчилер дайзыннарывыска каттыжып, биске удур тура халышкаш, чуртувустан чоруй баарлар» – дээн. 11Ынчангаш египетчилер аар-берге ажыл-биле израильчилерниң чилчиин үзер ажыл башкарыкчыларын тургузуп кааннар#Э. д. 15:13. Израиль чон фараонга курлавырлар шыгжаар хоорайларны – Питом биле Раамсести тудуп берген#Э. д. 47:11. 12Израильчилерниң чилчиин үскен тудум, олар улам өзүп-көвүдеп, тарап-нептерээр болган, ынчангаш египетчилерниң коргары база чииртимнеп көөрү дам барган. 13Оларның израильчилерни дарлаары дендеп, аар-берге ажылдарны албадап кылдыртып-ла турганнар. 14Египетчилер израильчилерге дой, тууйбу-биле аар-берге ажылдар база шөлдерге янзы-бүрү ажылдар кылдыртып, ол чоннуң амыдыралын ырма сынчыг кылыпканнар. Шак ынчаар олар израильчилерни янзы-бүрү аар-берге ажылдар кылырынче каржызы-биле албадап турганнар.
Бургандан коргар тудугжу херээженнер
15Еврей херээженнер божудар ийи кадай турган. Оларның бирээзин Шифра, өскезин Фуа деп адаар чүве-дир. Египеттиң хааны оларга: 16«Еврей херээженнерни божудуп тура, кандыг төл-дүр, көрүңер: оол уруг төрүттүнер болза, өлүрүп каар силер, а кыс уруг болза – дириг арткай аан» – деп айтыышкын берген. 17Ынчалза-даа тудугжу кадайлар Бургандан коргар турган болгаш, Египеттиң хаанының дужааганын ёзугаар кылбайн, чаа төрүттүнген оолдарны диригге арттырып турганнар. 18Египеттиң хааны тудугжу кадайларны кый деп алгаш: «Чүге ынчап тур силер? Чүге чаа төрүттүнген еврей оолдарны диригге арттырып тур силер?» – деп айтырган.
19Кадайлар фараонга: «Еврей херээженнерниң кадыкшылы египетчилерге бодаарга, быжыг-дыр: божудар дээш чеде бээривис бетинде-ле, божуп-чиигеп алган боор-дур» – деп харыылаан. 20Ол дээш Бурган тудугжу кадайларга буянын хайырлап турган, а чон өзүп-көвүдеп, күш кирип орган. 21Тудугжу кадайлар Бургандан коргар боорга, Ол оларга хөй үре-салгалды хайырлаан.
22Фараон ынчан бодунуң бүгү чонунга мынча деп дужааган: «Еврейлерниң чаа төрүттүнген оол бүрүзүн хемче октап туруңар, а кыс уругларын диригге арттырыңар!»
Currently Selected:
Хосталыышкын 1: TUV
Highlight
Share
Copy
Want to have your highlights saved across all your devices? Sign up or sign in
© Институт перевода Библии, Москва, 2011
Хосталыышкын 1
1
Иаковтуң өг-бүлези – Египетте
1Өг-бүлезин эдертип алгаш, Иаков-биле кады Египетче кирип келген израильчилерниң – Иаковтуң оолдарының – аттары бо-дур: 2Рувим, Симеон, Левий болгаш Иуда; 3Иссахар, Завулон болгаш Вениамин; 4Дан болгаш Неффалим, Гад болгаш Асир#Э. д. 35:23-26. 5Иаковтуң дорт салгакчылары болур улустуң саны чеден#1:5 Өске бурунгу сөзүглелде «чеден беш» деп бижээн. кижи турган. (А Иосиф ынчан Египетке чурттап турган.)#Э. д. 46:27 6Ооң соонда Иосиф-даа, ооң акы-дуңмалары-даа база ол салгалдың бүгү улузу-даа өлгүлеп калган. 7А израиль чон аажок өзүп-көвүдеп, күш кирип, имилеме апаргаш, египет черни дола берген.
Израиль чоннуң дарлалга таварышканы
8А Египетти ол аразында Иосифти билбес чаа хаан чагыра берген#Аж.-ч. 7:18. 9Ол бодунуң чонунга: «Дыңнаңар, израиль чон бистен хөй болгаш күштүг апарган-дыр! 10Олар моон ыңай өзүп-көвүдевес кылдыр, бир-ле кажар аргадан тып көрээли. Оон башка дайын үнер болза, израильчилер дайзыннарывыска каттыжып, биске удур тура халышкаш, чуртувустан чоруй баарлар» – дээн. 11Ынчангаш египетчилер аар-берге ажыл-биле израильчилерниң чилчиин үзер ажыл башкарыкчыларын тургузуп кааннар#Э. д. 15:13. Израиль чон фараонга курлавырлар шыгжаар хоорайларны – Питом биле Раамсести тудуп берген#Э. д. 47:11. 12Израильчилерниң чилчиин үскен тудум, олар улам өзүп-көвүдеп, тарап-нептерээр болган, ынчангаш египетчилерниң коргары база чииртимнеп көөрү дам барган. 13Оларның израильчилерни дарлаары дендеп, аар-берге ажылдарны албадап кылдыртып-ла турганнар. 14Египетчилер израильчилерге дой, тууйбу-биле аар-берге ажылдар база шөлдерге янзы-бүрү ажылдар кылдыртып, ол чоннуң амыдыралын ырма сынчыг кылыпканнар. Шак ынчаар олар израильчилерни янзы-бүрү аар-берге ажылдар кылырынче каржызы-биле албадап турганнар.
Бургандан коргар тудугжу херээженнер
15Еврей херээженнер божудар ийи кадай турган. Оларның бирээзин Шифра, өскезин Фуа деп адаар чүве-дир. Египеттиң хааны оларга: 16«Еврей херээженнерни божудуп тура, кандыг төл-дүр, көрүңер: оол уруг төрүттүнер болза, өлүрүп каар силер, а кыс уруг болза – дириг арткай аан» – деп айтыышкын берген. 17Ынчалза-даа тудугжу кадайлар Бургандан коргар турган болгаш, Египеттиң хаанының дужааганын ёзугаар кылбайн, чаа төрүттүнген оолдарны диригге арттырып турганнар. 18Египеттиң хааны тудугжу кадайларны кый деп алгаш: «Чүге ынчап тур силер? Чүге чаа төрүттүнген еврей оолдарны диригге арттырып тур силер?» – деп айтырган.
19Кадайлар фараонга: «Еврей херээженнерниң кадыкшылы египетчилерге бодаарга, быжыг-дыр: божудар дээш чеде бээривис бетинде-ле, божуп-чиигеп алган боор-дур» – деп харыылаан. 20Ол дээш Бурган тудугжу кадайларга буянын хайырлап турган, а чон өзүп-көвүдеп, күш кирип орган. 21Тудугжу кадайлар Бургандан коргар боорга, Ол оларга хөй үре-салгалды хайырлаан.
22Фараон ынчан бодунуң бүгү чонунга мынча деп дужааган: «Еврейлерниң чаа төрүттүнген оол бүрүзүн хемче октап туруңар, а кыс уругларын диригге арттырыңар!»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, Москва, 2011