Хосталыышкын 17
17
Сугнуң хаядан агып үнгени
1Бүгү израиль ниитилел ээн кургаг Син ховузундан Дээрги-Чаяакчының айыткан аайы-биле көжүп чоруткаш, Рефидим дээр черге турлагжып алган, а ында улус ижер суг чок болган#Сан. 33:12, 14. 2Чон ынчан Моисей-биле алгыжып: «Биске ижер сугдан бериңер!» – деп турган#Сан. 20:3-5.
Моисей: «Чүге мээң-биле алгыжып тур силер? Чүге Дээрги-Чаяакчыны шенеп тур силер?» – деп айтырган.
3Улус ол черге суг ижиксээш, Моисейже хорадап: «Сен бисти Египеттен чүге үндүре бердиң? Бисти, ажы-төлүвүстү, мал-маганывысты суксадып өлүрер дээш бе?» – деп хыйланып турган.
4Моисей Дээрги-Чаяакчыдан дуза дилеп: «Бо чонну канчаар мен? Ам бичии боор болза, мени даштар-биле соп каар деп бардылар#Сан. 14:10» – деп кыйгырган.
5Дээрги-Чаяакчы Моисейге мынча деп харыылаан: «Чоннуң мурнунче эрте бер, Израильдиң чамдык баштыңнарын эдертип ал. Нил хемниң суун соп турган даянгыыжыңны база тудуп алгаш, эрте бер. 6Оон Мен аңаа – Хорив дагда хая кырынга – сээң мурнуңга туруп алыр мен. Сен ынчан ол хаяны кагарыңга, оортан суг ага бээр, чон ол сугну ижип алыр». Израиль баштыңнар көрүп турда, Моисей ынчалдыр кылган#Сан. 20:7-11. 7Ол демги черге «Масса-Мерива»#17:7 Масса-Мерива – еврей дылдан очулдурарга, «Шенелде» биле «Алгыш-кырыш» дээн (Сан. 20:13 көр). деп атты тывыскан. Израиль чон алгыш-кырыш үндүрүп, Дээрги-Чаяакчыны шенеп: «Дээрги-Чаяакчы бистиң аравыста бар бе азы чок бе?» – деп турган боорга, ынчаар адааны ол.
Амалик чон-биле бирги тулчуушкун
8Амалик чон келгеш, Рефидимге израильчилер-биле чаалашкан#Э. д. 36:12; Сан. 13:30; 24:20; Ы. х. к. 25:17-18; 1 Хаан. 15:2. 9Моисей Иисуска: «Эрес эрлерден шилип алгаш, барып, амаликтер-биле чаалаш; мен даарта Бурганның даянгыыжын тудуп алгаш, тей бажындан хайгаарап турар мен» – дээн. 10Иисус Моисейниң чугаалаанын ёзугаар амаликтер-биле чаалажып чорупкан, а Моисей, Аарон болгаш Хур олар тей бажынче үне бергеннер. 11Моисей холун көдүрүптерге, израиль чон тиилеп эгелээр, а бадырыптарга, амалик чон тиилеп эгелээр бооп-тур. 12Моисейниң холдары шылап эгелээн, а Аарон биле Хур ынчан даш эккелгеш, аңаа салып бергеннер. Моисей даш кырынга олуруп аарга, Аарон – бир талазындан, Хур – өске талазындан ооң холдарын көдүрүп алганнар. Ооң холдары хүн ашкыжеге чедир көдүрлү берген турган. 13Иисус ол чаага амаликтерни чылча шаап каан.
14Дээрги-Чаяакчы Моисейге: «Бо бүгүнү улус сактып артар кылдыр номга бижип каг база чырык черге амаликтер шуут уттундура бээр кылып каарымны#1 Хаан. 15:7-8 Иисуска чугаала» – дээн. 15Моисей Дээрги-Чаяакчыга өргүл салыр бедигээш туткаш, аңаа «Дээрги-Чаяакчы – мээң тугум» деп атты тывыскаш: 16«Холум Дээрги-Чаяакчының дүжүлгезинде салдынган-дыр#17:16 Еврей сөзүглелде бо домактың утказы эки билдинмес. Болгу дег өске утказы мындыг: «Мээң холумда – Дээрги-Чаяакчының тугу». . Ол амаликтер-биле кезээ мөңгеде дайылдажыр-дыр» – деп чугаалаан.
Currently Selected:
Хосталыышкын 17: TUV
Highlight
Share
Copy
Want to have your highlights saved across all your devices? Sign up or sign in
© Институт перевода Библии, Москва, 2011
Хосталыышкын 17
17
Сугнуң хаядан агып үнгени
1Бүгү израиль ниитилел ээн кургаг Син ховузундан Дээрги-Чаяакчының айыткан аайы-биле көжүп чоруткаш, Рефидим дээр черге турлагжып алган, а ында улус ижер суг чок болган#Сан. 33:12, 14. 2Чон ынчан Моисей-биле алгыжып: «Биске ижер сугдан бериңер!» – деп турган#Сан. 20:3-5.
Моисей: «Чүге мээң-биле алгыжып тур силер? Чүге Дээрги-Чаяакчыны шенеп тур силер?» – деп айтырган.
3Улус ол черге суг ижиксээш, Моисейже хорадап: «Сен бисти Египеттен чүге үндүре бердиң? Бисти, ажы-төлүвүстү, мал-маганывысты суксадып өлүрер дээш бе?» – деп хыйланып турган.
4Моисей Дээрги-Чаяакчыдан дуза дилеп: «Бо чонну канчаар мен? Ам бичии боор болза, мени даштар-биле соп каар деп бардылар#Сан. 14:10» – деп кыйгырган.
5Дээрги-Чаяакчы Моисейге мынча деп харыылаан: «Чоннуң мурнунче эрте бер, Израильдиң чамдык баштыңнарын эдертип ал. Нил хемниң суун соп турган даянгыыжыңны база тудуп алгаш, эрте бер. 6Оон Мен аңаа – Хорив дагда хая кырынга – сээң мурнуңга туруп алыр мен. Сен ынчан ол хаяны кагарыңга, оортан суг ага бээр, чон ол сугну ижип алыр». Израиль баштыңнар көрүп турда, Моисей ынчалдыр кылган#Сан. 20:7-11. 7Ол демги черге «Масса-Мерива»#17:7 Масса-Мерива – еврей дылдан очулдурарга, «Шенелде» биле «Алгыш-кырыш» дээн (Сан. 20:13 көр). деп атты тывыскан. Израиль чон алгыш-кырыш үндүрүп, Дээрги-Чаяакчыны шенеп: «Дээрги-Чаяакчы бистиң аравыста бар бе азы чок бе?» – деп турган боорга, ынчаар адааны ол.
Амалик чон-биле бирги тулчуушкун
8Амалик чон келгеш, Рефидимге израильчилер-биле чаалашкан#Э. д. 36:12; Сан. 13:30; 24:20; Ы. х. к. 25:17-18; 1 Хаан. 15:2. 9Моисей Иисуска: «Эрес эрлерден шилип алгаш, барып, амаликтер-биле чаалаш; мен даарта Бурганның даянгыыжын тудуп алгаш, тей бажындан хайгаарап турар мен» – дээн. 10Иисус Моисейниң чугаалаанын ёзугаар амаликтер-биле чаалажып чорупкан, а Моисей, Аарон болгаш Хур олар тей бажынче үне бергеннер. 11Моисей холун көдүрүптерге, израиль чон тиилеп эгелээр, а бадырыптарга, амалик чон тиилеп эгелээр бооп-тур. 12Моисейниң холдары шылап эгелээн, а Аарон биле Хур ынчан даш эккелгеш, аңаа салып бергеннер. Моисей даш кырынга олуруп аарга, Аарон – бир талазындан, Хур – өске талазындан ооң холдарын көдүрүп алганнар. Ооң холдары хүн ашкыжеге чедир көдүрлү берген турган. 13Иисус ол чаага амаликтерни чылча шаап каан.
14Дээрги-Чаяакчы Моисейге: «Бо бүгүнү улус сактып артар кылдыр номга бижип каг база чырык черге амаликтер шуут уттундура бээр кылып каарымны#1 Хаан. 15:7-8 Иисуска чугаала» – дээн. 15Моисей Дээрги-Чаяакчыга өргүл салыр бедигээш туткаш, аңаа «Дээрги-Чаяакчы – мээң тугум» деп атты тывыскаш: 16«Холум Дээрги-Чаяакчының дүжүлгезинде салдынган-дыр#17:16 Еврей сөзүглелде бо домактың утказы эки билдинмес. Болгу дег өске утказы мындыг: «Мээң холумда – Дээрги-Чаяакчының тугу». . Ол амаликтер-биле кезээ мөңгеде дайылдажыр-дыр» – деп чугаалаан.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, Москва, 2011