Хосталыышкын 26
26
Ыдыктыг майгынның шывыглары
(Хост. 36:8-19)
1«Ээрип каан ак лёндан база көк, кызыл-хүрең болгаш кызыл өңнүг пөстерден өргээ-майгынны шывар он шывыгдан даарап кылгаш, оларга херувимнер дүрзүлерин уранчыды хээлеп аргып каг. 2Шывыг бүрүзүнүң узуну чээрби сес кыры дурту, дооразы дөрт кыры дурту болзун: олар шуптузу дең хемчээлдиг болзун. 3Беш шывыгны тудуштур даарап каан болзун, өске беш шывыг база аразында тудушкак болзун. 4-5Баштайгы беш шывыгның сөөлгү шывыының кыдыынга көк өңнүг бежен илдиргеден кылып каг; дараазында беш шывыгның сөөлгү шывыының кыдыынга база ынчалдыр кыл – илдиргелер бот-боттарынга дүгжүп турар ужурлуг. 6Бежен алдын дээктен кылгаш, оларны илдиргелерге кедирип тургаш, баштайгы беш шывыгны өске беш шывыг-биле тудуштуруп каг, ынчан майгын чаңгыс тудуш майгын апаар.
7Ооң соонда өшкү дүгүнден майгынны шывар он бир шывыгдан кылып аар сен. 8Бир ындыг шывыгның узуну үжен кыры дурту, дооразы дөрт кыры дурту болзун: он бир шывыг шуптузу дең хемчээлдиг болзун. 9Беш шывыгны тудуштур даарааш, өске алды шывыгны база бир аңгы тудуштуруп каг; алдыгы шывыгны майгынның чөөн талазынга, ынаар кирер чер кырынче ийи каът кылдыр дүрүп каг. 10Баштайгы беш шывыгның кыдыында шывыгга бежен илдиргеден, өске алды шывыгның кыдыында шывыгга база бежен илдиргеден кылып каг. 11Ооң соонда бежен хүлер дээк кылгаш, оларны илдиргелерге ызыртып, он бир шывыгны тудуштургаш, майгынны бүдүнге чыып каг. 12Майгынның даштыкы шывыгларының артынчызын – артык шывыгның чартыын майгынның артыкы, барыын талазынче арта каап каг. 13А майгынның даштыкы шывыгларының узунунуң артыкшылын майгынның соңгу, мурнуу чүктерже көрүнген талаларынче, кайы-даа талазынче бир-бир кыры дурту кылдыр, черге дөжелдир арта каап кагзын. 14Майгынны шывар өске ийи дээвиир-шывыгдан: бирээзин – кызыдыр будаан кошкар кештеринден, өскезин – тахаш#Хост. 25:5 кештеринден кылып аар сен».
Майгынны тудуп турар рамкалар
(Хост. 36:20-34)
15«Акация ыяжындан майгынны тудуп турар хана-каракталчак рамкалардан кылып аар сен. 16Бир рамканың узуну он кыры дурту, калбаа бүдүн чартык кыры дурту болзун; 17рамка бүрүзүнүң адаанга, ооң ийи кыдыынга тудуштурар ийи шишти чазап кагзын: рамкаларның шуптузун дөмейлештир кылыр ужурлуг. 18Майгынның мурнуу чүкче көрүнген талазынга чээрби рамкадан кылгаш, 19оларның адаанга тургузар дөртен мөңгүн дөжектен кылып аар сен: ийи дөжек-ле бир рамканың ийи шижинге дүгжүр болзун – шупту рамкалар-биле ынчалдыр кылыр ужурлуг. 20Майгынның соңгу чүкче көрүнген талазынга база чээрби рамкадан кылгаш, 21оларның адаанга дөртен мөңгүн дөжектен: ийи дөжек-ле бир рамка адаанга турар кылдыр кылып каг. 22А ооң артыы, барыын талазынга алды рамкадан кылып аар сен. 23Ол ышкаш майгынның артыы талазының азыгларынга ийи рамканы кылып аар сен. 24Оларны адаандан тудуштургаш, үстүнден чаңгыс дээрбекке кожуп каар ужурлуг, азыгларда турар рамкалар дөмей болзун. 25Артыы талага шупту сес рамка база оларны тургузар он алды мөңгүн дөжек – ийи дөжек-ле бир рамка адаанга – турар болзун.
26Акация ыяжындан рамкалар тудуштурар доора оорга ыяштардан кылып аар сен: майгынның бир талазынга – беш ыяшты; 27өске талазынга – бешти база майгынның артыы, барыын талазынга – бешти. 28А эң узун доора оорга ыяш рамкаларның ортаа деңнели-биле майгынның бир кыдыындан өске кыдыынга чедир эртер ужурлуг. 29Рамкаларны алдын-биле шап ал, алдындан доора ыяштар сугар дээрбектерден кылгаш, ыяштарны база алдын-биле шап ал. 30Майгынны сеңээ даг бажынга айтып, көргүскен хевир ёзугаар тургузуп аар сен».
Майгынның ишти
(Хост. 36:35-38)
31«Көк, кызыл-хүрең болгаш кызыл өңнүг пөстерден база ээрип каан ак лёндан көжегеден кылгаш, аңаа херувимнер дүрзүлерин уранчыды хээлеп аргып каг#Лев. 16:2; 2 Чыл. 3:14; Мф. 27:51; Евр. 9:3. 32Акация ыяжындан көжеге азары-биле алдын аткактарлыг дөрт адагаштан кылып, алдын-биле шап кааш, оларны тургузар дөрт мөңгүн дөжектен кылып каг. 33Көжегени шывыглар дээктериниң адаанга аскаш, ооң артынче ыдыктыг аптараны киирип каг. Көжеге ыдыктыг өрээлди эң ыдыктыг өрээлден аңгылап турзун#3 Хаан. 6:16; 2 Чыл. 3:8; Мк. 15:38. 34Эң ыдыктыг өрээлде турар ыдыктыг аптараже халыптан салып каг. 35Көжегениң даштынга, майгынның соңгу чүкче көрүнген талазынга ширээден салгаш, аңаа дужааштыр, майгынның мурнуу чүкче көрүнген талазынга чырыткыдан салып каг.
36Көк, кызыл-хүрең болгаш кызыл өңнүг пөстерден база ээрип каан ак лёндан майгынче кирер черни дуглаар өске көжегеден кылгаш, угулзалар аргып, каастап каг. 37Акация ыяжындан ол көжегени азары-биле алдын аткактарлыг беш адагаштан кылгаш, алдын-биле шап аар сен; ол ышкаш адагаштарны тургузар беш хүлер дөжектен шуткуп кудуп аар сен».
Currently Selected:
Хосталыышкын 26: TUV
Highlight
Share
Copy
Want to have your highlights saved across all your devices? Sign up or sign in
© Институт перевода Библии, Москва, 2011
Хосталыышкын 26
26
Ыдыктыг майгынның шывыглары
(Хост. 36:8-19)
1«Ээрип каан ак лёндан база көк, кызыл-хүрең болгаш кызыл өңнүг пөстерден өргээ-майгынны шывар он шывыгдан даарап кылгаш, оларга херувимнер дүрзүлерин уранчыды хээлеп аргып каг. 2Шывыг бүрүзүнүң узуну чээрби сес кыры дурту, дооразы дөрт кыры дурту болзун: олар шуптузу дең хемчээлдиг болзун. 3Беш шывыгны тудуштур даарап каан болзун, өске беш шывыг база аразында тудушкак болзун. 4-5Баштайгы беш шывыгның сөөлгү шывыының кыдыынга көк өңнүг бежен илдиргеден кылып каг; дараазында беш шывыгның сөөлгү шывыының кыдыынга база ынчалдыр кыл – илдиргелер бот-боттарынга дүгжүп турар ужурлуг. 6Бежен алдын дээктен кылгаш, оларны илдиргелерге кедирип тургаш, баштайгы беш шывыгны өске беш шывыг-биле тудуштуруп каг, ынчан майгын чаңгыс тудуш майгын апаар.
7Ооң соонда өшкү дүгүнден майгынны шывар он бир шывыгдан кылып аар сен. 8Бир ындыг шывыгның узуну үжен кыры дурту, дооразы дөрт кыры дурту болзун: он бир шывыг шуптузу дең хемчээлдиг болзун. 9Беш шывыгны тудуштур даарааш, өске алды шывыгны база бир аңгы тудуштуруп каг; алдыгы шывыгны майгынның чөөн талазынга, ынаар кирер чер кырынче ийи каът кылдыр дүрүп каг. 10Баштайгы беш шывыгның кыдыында шывыгга бежен илдиргеден, өске алды шывыгның кыдыында шывыгга база бежен илдиргеден кылып каг. 11Ооң соонда бежен хүлер дээк кылгаш, оларны илдиргелерге ызыртып, он бир шывыгны тудуштургаш, майгынны бүдүнге чыып каг. 12Майгынның даштыкы шывыгларының артынчызын – артык шывыгның чартыын майгынның артыкы, барыын талазынче арта каап каг. 13А майгынның даштыкы шывыгларының узунунуң артыкшылын майгынның соңгу, мурнуу чүктерже көрүнген талаларынче, кайы-даа талазынче бир-бир кыры дурту кылдыр, черге дөжелдир арта каап кагзын. 14Майгынны шывар өске ийи дээвиир-шывыгдан: бирээзин – кызыдыр будаан кошкар кештеринден, өскезин – тахаш#Хост. 25:5 кештеринден кылып аар сен».
Майгынны тудуп турар рамкалар
(Хост. 36:20-34)
15«Акация ыяжындан майгынны тудуп турар хана-каракталчак рамкалардан кылып аар сен. 16Бир рамканың узуну он кыры дурту, калбаа бүдүн чартык кыры дурту болзун; 17рамка бүрүзүнүң адаанга, ооң ийи кыдыынга тудуштурар ийи шишти чазап кагзын: рамкаларның шуптузун дөмейлештир кылыр ужурлуг. 18Майгынның мурнуу чүкче көрүнген талазынга чээрби рамкадан кылгаш, 19оларның адаанга тургузар дөртен мөңгүн дөжектен кылып аар сен: ийи дөжек-ле бир рамканың ийи шижинге дүгжүр болзун – шупту рамкалар-биле ынчалдыр кылыр ужурлуг. 20Майгынның соңгу чүкче көрүнген талазынга база чээрби рамкадан кылгаш, 21оларның адаанга дөртен мөңгүн дөжектен: ийи дөжек-ле бир рамка адаанга турар кылдыр кылып каг. 22А ооң артыы, барыын талазынга алды рамкадан кылып аар сен. 23Ол ышкаш майгынның артыы талазының азыгларынга ийи рамканы кылып аар сен. 24Оларны адаандан тудуштургаш, үстүнден чаңгыс дээрбекке кожуп каар ужурлуг, азыгларда турар рамкалар дөмей болзун. 25Артыы талага шупту сес рамка база оларны тургузар он алды мөңгүн дөжек – ийи дөжек-ле бир рамка адаанга – турар болзун.
26Акация ыяжындан рамкалар тудуштурар доора оорга ыяштардан кылып аар сен: майгынның бир талазынга – беш ыяшты; 27өске талазынга – бешти база майгынның артыы, барыын талазынга – бешти. 28А эң узун доора оорга ыяш рамкаларның ортаа деңнели-биле майгынның бир кыдыындан өске кыдыынга чедир эртер ужурлуг. 29Рамкаларны алдын-биле шап ал, алдындан доора ыяштар сугар дээрбектерден кылгаш, ыяштарны база алдын-биле шап ал. 30Майгынны сеңээ даг бажынга айтып, көргүскен хевир ёзугаар тургузуп аар сен».
Майгынның ишти
(Хост. 36:35-38)
31«Көк, кызыл-хүрең болгаш кызыл өңнүг пөстерден база ээрип каан ак лёндан көжегеден кылгаш, аңаа херувимнер дүрзүлерин уранчыды хээлеп аргып каг#Лев. 16:2; 2 Чыл. 3:14; Мф. 27:51; Евр. 9:3. 32Акация ыяжындан көжеге азары-биле алдын аткактарлыг дөрт адагаштан кылып, алдын-биле шап кааш, оларны тургузар дөрт мөңгүн дөжектен кылып каг. 33Көжегени шывыглар дээктериниң адаанга аскаш, ооң артынче ыдыктыг аптараны киирип каг. Көжеге ыдыктыг өрээлди эң ыдыктыг өрээлден аңгылап турзун#3 Хаан. 6:16; 2 Чыл. 3:8; Мк. 15:38. 34Эң ыдыктыг өрээлде турар ыдыктыг аптараже халыптан салып каг. 35Көжегениң даштынга, майгынның соңгу чүкче көрүнген талазынга ширээден салгаш, аңаа дужааштыр, майгынның мурнуу чүкче көрүнген талазынга чырыткыдан салып каг.
36Көк, кызыл-хүрең болгаш кызыл өңнүг пөстерден база ээрип каан ак лёндан майгынче кирер черни дуглаар өске көжегеден кылгаш, угулзалар аргып, каастап каг. 37Акация ыяжындан ол көжегени азары-биле алдын аткактарлыг беш адагаштан кылгаш, алдын-биле шап аар сен; ол ышкаш адагаштарны тургузар беш хүлер дөжектен шуткуп кудуп аар сен».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, Москва, 2011