Эге дөс 21
21
Исаактың төрүттүнгени
1Дээрги-Чаяакчы Саррага чүнү чугаалаанын утпаан: аазаанын ёзугаар шуптузун күүсеткен. 2Сарра иштели бергеш, Бурганның айтып каан үезинде чөнүп калган Авраамга оол уруг божуп берген. 3Авраам Сарраның божуп берген оглун Исаак деп адап алган#Э. д. 17:19. 4Төрүттүнгениниң сески хүнүнде, Бурганның чагыын сагып, Авраам Исаакты кыртыжап демдектеп каан#Э. д. 17:12-13. 5Исаак төрүттүнгенде, Авраам чүс харлыг турган. 6А Сарра: «Бурган меңээ каткыны шаңнады. Мени дыңнаан кижи-ле элдепсинип каттырар боор оң. 7Сарра чаш төл эмзирер деп, Авраамга кым чугаалап турган боор? Бо-ла-дыр, кыраан назынында мен аңаа төл божуп бердим» – деп чугаалаан.
Агар биле Измаилди үндүр ойлатканы
8Оол өзүп кээрге, эмигден үндүрер апарган. Исаакты авазының эмиинден үндүрген хүнде Авраам улуг дой кылган. 9Египет кул Агарның Авраамдан божаан оглунуң Исаакты кочулап каттырып турарын Сарра көрүп каан#Гал. 4:29. 10Ынчан ол Авраамга: «Бо кул херээженни оглу-биле кады үндүр ойладывыт. Ооң оглу мээң оглум Исаак-биле дең эргелиг сээң салгакчың болбазын!» – деп чугаалаан#Ин. 8:35; Гал. 4:30. 11Бодунуң оглунуң дугайында ындыг сөстер дыңнаары Авраамга дыка анчыг болган. 12Ынчалза-даа Бурган аңаа мынча дээн: «Оол дээш-даа, Агар дээш-даа, сагыш аарып, муңгарава. Сарраның чугаалааны хевээр күүсет, чүге дээрге сээң салгалың Исаакты дамчыштыр уламчылаар-дыр#Рим. 9:7. 13Ынчалза-даа Агарның оглундан база бир чон нептерээр кылдыр чаяап каар мен. Чүге дээрге ол база сээң оглуң болгай». 14Эртенинде Авраам Агарга чемни тудускаш, суглуг саваны ооң эктинге салып бергеш, оглу-биле кады чорупсун дээн. Агар оон чорупкаш, Беэр-Шеваның ээн кургаг ховузунга аза берген.
15Савазында суу төнүп каарга, Агар оглун бир чадаң ыяш хөлегезинге каапкан. 16Ол ча адым хире хемчээлдиг черже ырадыр чоруй баргаш: «Оглумнуң канчаар хинчектенип өлүрүн көөр хөңнүм чогул» – дээш, ыглап-сыктап эгелээн. 17Бурган оолдуң үнүн дыңнап каан. Бурганның төлээзи дээрден Агарны кыйгырыпкаш: «Канчап бардың, Агар? Кортпа, Бурган чадаң ыяш чанында чыдар сээң оглуңнуң үнүн дыңнап каан-дыр. 18Тургаш, барып оглуңну көдүрүп ал. Мен оглуңдан улуг чон чаяап каар мен» – дээн. 19Бурган Агарның караан ажыдыптарга, ол кудук көрүп каан. Оон савазын суг-биле долдургаш, оглунга сугну ижиртип алган.
20Бурган оолду черле утпайн чораан. Ээн кургаг ховуга чурттап тургаш, оол өзүп келген, ча-биле адар адыгжы апарган. 21Ол Фаран ховузунга#Сан. 10:12; 3 Хаан. 11:18 чурттап турган. Авазы аңаа Египеттен кадай тып эккеп берген.
Авраамның Авимелех хаан-биле дугуржулга кылганы
22Ол үеде Авимелех бодунуң шериг баштыңчызы Фихол-биле Авраамга келгеш, мынча дээн: «Сен чүнү-даа кылып туруңда, Бурган сээң-биле кады-дыр. 23Ам Бурганның ады-биле меңээ даңгыраглап көрем: мени-даа, мээң оолдарымны-даа, мээң салгалымны-даа мегелеп, хомудатпас сен. Сеңээ кандыг энерел көргүскен-дир мен, сен база меңээ болгаш сени чурттадып алганы черниң чонунга багай чүве кылбас сен».
24«Даңгыраглап тур мен» – деп, Авраам чугаалаан. 25Ынчан Авимелехтиң улузу ооң казып каан кудуун эжелеп алганын Авраам чемелеп чугаалаан.
26Авимелех: «Ону кым ынчанганын билбес мен. Мооң мурнунда сен меңээ ындыг чүве чугаалаваан сен. Ол дугайын чаа дыңнап тур мен» – дээн. 27Авраам Авимелехке шээр болгаш бода малды белекке бээрге, олар дугуржулга кылып алганнар. 28Оон Авраам чеди хойну аңгылап берген.
29«А бо чеди хойну чүге аңгылап бердиң?» – деп, Авимелех айтырган.
30«Чеди хойну мээң өмүнээмден ап көр. Бо белек кудукту мээң казып алганымның бадыткалы болгай аан» – деп, Авраам харыылаан. 31(Оон эгелээш, оларның даңгырак беришкен черин Беэр-Шева#21:31 Беэр-Шева – еврей дылда «беэр» деп сөс «кудук» дээн, а «шева» деп сөс «даңгырак»-даа, «чеди»-даа деп сөстерге дөмейлешкек. деп адай берген.)#Э. д. 26:33 32Беэр-Шевага дугуржуп алганының соонда, Авимелех бодунуң шериг баштыңчызы Фихол-биле кады филистим черже чана бергеннер. 33А Авраам Беэр-Шевага тамариск деп ыяш олуртуп каан, ол аңаа Дээрги-Чаяакчының – мөңге Бурганның адын мактап кыйгырган. 34Авраам филистим черге үр үеде чурттаан даштыкы кижи турган.
Currently Selected:
Эге дөс 21: TUV
Highlight
Share
Copy
Want to have your highlights saved across all your devices? Sign up or sign in
© Институт перевода Библии, Москва, 2011
Эге дөс 21
21
Исаактың төрүттүнгени
1Дээрги-Чаяакчы Саррага чүнү чугаалаанын утпаан: аазаанын ёзугаар шуптузун күүсеткен. 2Сарра иштели бергеш, Бурганның айтып каан үезинде чөнүп калган Авраамга оол уруг божуп берген. 3Авраам Сарраның божуп берген оглун Исаак деп адап алган#Э. д. 17:19. 4Төрүттүнгениниң сески хүнүнде, Бурганның чагыын сагып, Авраам Исаакты кыртыжап демдектеп каан#Э. д. 17:12-13. 5Исаак төрүттүнгенде, Авраам чүс харлыг турган. 6А Сарра: «Бурган меңээ каткыны шаңнады. Мени дыңнаан кижи-ле элдепсинип каттырар боор оң. 7Сарра чаш төл эмзирер деп, Авраамга кым чугаалап турган боор? Бо-ла-дыр, кыраан назынында мен аңаа төл божуп бердим» – деп чугаалаан.
Агар биле Измаилди үндүр ойлатканы
8Оол өзүп кээрге, эмигден үндүрер апарган. Исаакты авазының эмиинден үндүрген хүнде Авраам улуг дой кылган. 9Египет кул Агарның Авраамдан божаан оглунуң Исаакты кочулап каттырып турарын Сарра көрүп каан#Гал. 4:29. 10Ынчан ол Авраамга: «Бо кул херээженни оглу-биле кады үндүр ойладывыт. Ооң оглу мээң оглум Исаак-биле дең эргелиг сээң салгакчың болбазын!» – деп чугаалаан#Ин. 8:35; Гал. 4:30. 11Бодунуң оглунуң дугайында ындыг сөстер дыңнаары Авраамга дыка анчыг болган. 12Ынчалза-даа Бурган аңаа мынча дээн: «Оол дээш-даа, Агар дээш-даа, сагыш аарып, муңгарава. Сарраның чугаалааны хевээр күүсет, чүге дээрге сээң салгалың Исаакты дамчыштыр уламчылаар-дыр#Рим. 9:7. 13Ынчалза-даа Агарның оглундан база бир чон нептерээр кылдыр чаяап каар мен. Чүге дээрге ол база сээң оглуң болгай». 14Эртенинде Авраам Агарга чемни тудускаш, суглуг саваны ооң эктинге салып бергеш, оглу-биле кады чорупсун дээн. Агар оон чорупкаш, Беэр-Шеваның ээн кургаг ховузунга аза берген.
15Савазында суу төнүп каарга, Агар оглун бир чадаң ыяш хөлегезинге каапкан. 16Ол ча адым хире хемчээлдиг черже ырадыр чоруй баргаш: «Оглумнуң канчаар хинчектенип өлүрүн көөр хөңнүм чогул» – дээш, ыглап-сыктап эгелээн. 17Бурган оолдуң үнүн дыңнап каан. Бурганның төлээзи дээрден Агарны кыйгырыпкаш: «Канчап бардың, Агар? Кортпа, Бурган чадаң ыяш чанында чыдар сээң оглуңнуң үнүн дыңнап каан-дыр. 18Тургаш, барып оглуңну көдүрүп ал. Мен оглуңдан улуг чон чаяап каар мен» – дээн. 19Бурган Агарның караан ажыдыптарга, ол кудук көрүп каан. Оон савазын суг-биле долдургаш, оглунга сугну ижиртип алган.
20Бурган оолду черле утпайн чораан. Ээн кургаг ховуга чурттап тургаш, оол өзүп келген, ча-биле адар адыгжы апарган. 21Ол Фаран ховузунга#Сан. 10:12; 3 Хаан. 11:18 чурттап турган. Авазы аңаа Египеттен кадай тып эккеп берген.
Авраамның Авимелех хаан-биле дугуржулга кылганы
22Ол үеде Авимелех бодунуң шериг баштыңчызы Фихол-биле Авраамга келгеш, мынча дээн: «Сен чүнү-даа кылып туруңда, Бурган сээң-биле кады-дыр. 23Ам Бурганның ады-биле меңээ даңгыраглап көрем: мени-даа, мээң оолдарымны-даа, мээң салгалымны-даа мегелеп, хомудатпас сен. Сеңээ кандыг энерел көргүскен-дир мен, сен база меңээ болгаш сени чурттадып алганы черниң чонунга багай чүве кылбас сен».
24«Даңгыраглап тур мен» – деп, Авраам чугаалаан. 25Ынчан Авимелехтиң улузу ооң казып каан кудуун эжелеп алганын Авраам чемелеп чугаалаан.
26Авимелех: «Ону кым ынчанганын билбес мен. Мооң мурнунда сен меңээ ындыг чүве чугаалаваан сен. Ол дугайын чаа дыңнап тур мен» – дээн. 27Авраам Авимелехке шээр болгаш бода малды белекке бээрге, олар дугуржулга кылып алганнар. 28Оон Авраам чеди хойну аңгылап берген.
29«А бо чеди хойну чүге аңгылап бердиң?» – деп, Авимелех айтырган.
30«Чеди хойну мээң өмүнээмден ап көр. Бо белек кудукту мээң казып алганымның бадыткалы болгай аан» – деп, Авраам харыылаан. 31(Оон эгелээш, оларның даңгырак беришкен черин Беэр-Шева#21:31 Беэр-Шева – еврей дылда «беэр» деп сөс «кудук» дээн, а «шева» деп сөс «даңгырак»-даа, «чеди»-даа деп сөстерге дөмейлешкек. деп адай берген.)#Э. д. 26:33 32Беэр-Шевага дугуржуп алганының соонда, Авимелех бодунуң шериг баштыңчызы Фихол-биле кады филистим черже чана бергеннер. 33А Авраам Беэр-Шевага тамариск деп ыяш олуртуп каан, ол аңаа Дээрги-Чаяакчының – мөңге Бурганның адын мактап кыйгырган. 34Авраам филистим черге үр үеде чурттаан даштыкы кижи турган.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, Москва, 2011