Эге дөс 41
41
Фараоннуң дүштери
1Ийи чыл эрткенде, фараон дүш дүжээн: ол хем эриинге турда, 2чараш, семис-чаагай чеди инек хемден үнүп келгеш, эрик дургаар оъттап чорааннар. 3А оларның соондан чудаңгы, арган-дорган өске чеди инек база үнүп келгеш, демги инектерниң чанынга хем эриинге чедип келген. 4Бир көөрге, чудаңгы, арган-дорган чеди инек чараш, семис-чаагай чеди инекти чипкеннер. Ынчан фараон оттуп келген. 5Ол катап удуй бергеш, өске дүш база көрген: чаңгыс сыпта чеди кончуг чаагай тараа бажы үнүп келген турган. 6А оларның соонда өске сыпта изиг хатка кургап калган, чеми бичии чеди тараа бажы үнүп келген турган. 7Кадып кургап калган, чеми бичии тараалар кончуг чаагай тарааларны чиптер болган. Фараон оттуп келгеш, дүш-түр деп билип каан. 8Эртенинде ол дүжүнден сестип, дүвүрээш, Египеттиң бүгү-ле илби-шидилиг болгаш мерген угаанныг кижилерин кыйгыртып, чыып алгаш, оларга дүжүн чугаалап берген#Дан. 2:1-2. Ынчалза-даа оларның аразындан ол дүштерниң утказын тайылбырлаптар чаңгыс-даа кижи тывылбаан.
Фараоннуң дүштерин Иосифтиң тайылбырлааны
9Ынчан кол кундага тудукчузу фараонга мынча деп чугаалан: «Мен ам бодумнуң бачыдымны сактып бодап тур мен. 10Фараон бодунуң дүжүметтеринге ажынгаш, мени база кол чем салыкчызын камгалакчыларның даргазының бажыңынга хоругдап каан соонда, 11бир дүне бис иелээн онзагай уткаларлыг дүштер дүжээн бис. 12Кара-бажыңга бистиң-биле кады камгалакчылар даргазының кулу болур аныяк еврей кижи турган. Бис аңаа дүштеривисти чугаалап бээривиске, ол кижи бүрүзүнге көрген дүжүнүң утказын тайылбырлап берген#Дан. 1:17. 13Ол канчаар тайылбырлааныл, шак-ла ынчаар болган: мен эрги албан-хүлээлгемче ээп келген мен, а чем салыкчызы астырып өлүрткен».
14Фараон Иосифти кыйгыртыптарга, ону кара-бажыңдан далаш-биле үндүрүп эккелгеннер. Ооң бажының дүгүн тааргаш, идик-хевин солааш, фараонга эккелгеннер. 15Фараон Иосифке: «Мен дүш дүжедим, а ону тайылбырлаптар кижи тывылбады. Дүштерниң утказын сени эки билир деп дыңнадым» – дээн.
16Иосиф: «Ол дээрге мен эвес-тир мен. Фараоннуң ачы-буянынга чедирер харыыны Бурган бээр#Дан. 2:30» – деп харыылаан.
17Фараон Иосифке чугаалап берген: «Дүжүмде хем эриинде турар-дыр мен. 18Чеди чараш, семис-чаагай инек хемден үнүп келгеш, эрикти дургаар оъттап чоруур болду. 19Оларның соондан өске чеди чудаңгы, арган-дорган инек үнүп келди. Бо египет черге ындыг чудаңгы инектер черле көрүп көрбээн мен. 20Ол арган-дорган, чудаңгы инектер семис-чаагай инектерни чиптилер. 21Семис инектерни чиптерге-даа, оларның иштинче киргени эскертинмес. Олар арган-дорган боттары ол-ла хевээр боор чорду. Оон мен оттуп келдим. 22Ооң соонда мындыг дүш дүжедим: чаңгыс сыпта чеди кончуг чаагай тараа бажы үнүп келген. 23А оларның соонда изиг хатка кадып, кургап калган, чеми бичии чеди тараа бажы үнүп келген турар. 24Чеми бичии тараа баштары кончуг чаагай тараа баштарын чип кааптар болду. Бо дүштеримни илби-шидилиг улуска чугаалап бээримге, кым-даа тайылбырлап бербеди».
25Иосиф фараонга мынча дээн: «Фараоннуң ийи дүжү чаңгыс уткалыг-дыр. Чүнү кылыр дээнин Бурган фараонга сагындырып турар-дыр. 26Чеди семис инек дээрге чеди чыл-дыр, чеди чаагай тараа бажы дээрге база чеди чыл-дыр. Оларның уткалары чаңгыс-тыр. 27Оларның соондан келген чеди арган, чудаңгы инек дээрге база чеди чыл-дыр. Бичии чемниг, кургап-кадып калган чеди тараа бажы дээрге аш-чуттуг чеди чыл-дыр. 28„Чүнү кылыр дээнин Бурган фараонга сагындырып турар-дыр“ дээнимниң ужуру ол-дур. 29Бүгү египет черге магалыг чаагай дүжүттүг чеди чыл дүжер дээн-дир. 30Ооң соонда аш-чуттуң чеди чылы келир. Египет черге мооң мурнунда турган магалыг дүжүткүр бай үе уттундурар, черни аш-чут хоозурадып каар-дыр#4 Хаан. 8:1. 31Аш-чуттуң хайындан черниң бар турган байлаа билдинмейн баар, чүге дээрге ол үе кончуг аар-берге болур. 32Фараоннуң ийи катап дүжээни дээрге Бурганның ыяк шиитпирлээниниң бадыткалы-дыр. Удавас Бурган сөзүн күүседир.
33Ынчангаш фараон угаанныг болгаш чүвени эки билир кижиден шилээш, амдыгааштан Египетти башкарар кылдыр салып кагзын. 34Ол ышкаш египет черге дүжүткүр чеди чылдың дургузунда чондан дүжүттүң бешки кезээн чыыр кылдыр үндүрүг хавырар кижилерден фараон соңгуп кагзын. 35Эки чылдарның дүжүдүн олар чыып алгаш, фараоннуң хоорайларда аңмаарларынга бөлүп, камнап, курлавырлап турзуннар. 36Ол бүгү египет черге аш-чуттуң чеди чылының дургузунда курлавыр болур, ынчан чурт аш-чуттан хоозуравас».
Иосифтиң эрге-дужаалының бедээни
37Иосифтиң сөстери фараонга болгаш ооң дүжүметтеринге таарымчалыг болган. 38Фараон дүжүметтеринге: «Бо кижи дег Бурганның сүлдезин эдилээн өске кижи тыптыр деп бе?#Дан. 4:5; 5:11» – дээн. 39Оон Иосифке: «Бурган сеңээ бо бүгүнү ажыдып берген болганда, сенден угаан-сарыылдыг болгаш мерген кижи чок-тур. 40Сен мээң ордумга эң-не кол кижи боор сен, мээң бүгү чонум сээң сөзүңнү дыңнаар. Хаан болгаш, чүгле мен сенден улуг эргелиг боор мен#Эсф. 10:3» – деп, фараон чугаалаан. 41Ооң соонда фараон Иосифке: «Сени мен бүгү Египеттиң башкарыкчызы кылдыр томуйлап тур мен» – дээн. 42Фараон холундан таңмалыг билзээн ужулгаш#41:42 Кандыг-даа дужаалга ол таңманы базып каарга, күштүг болур. , Иосифтиң салаазынга суп берген#Эсф. 3:10; 8:2. Аңаа каас-коя хепти кедиргеш, мойнунга алдын каасталга азындырып берген. 43Иосифти фараондан адаанда эргелиг кижиге хамааржыр чуузага олуртуп алгаш, аңаа сөгүрүүрүн шупту улуска дужааган. Ынчалдыр фараон Иосифти египет чурттуң башкарыкчызы кылып каан. 44Фараон Иосифке: «Фараон мээң күзелим бо-дур: сээң чөпшээрелиң чокка бүгү египет черге кым-даа холун шимчетпес, базым кылбас ужурлуг» – дээн. 45Фараон Иосифке Цафнат-Панеах деп чаа ат тыпсып берген. Аңаа кадай кылдыр египет бурганнарның Илиополь хоорайда#Э. д. 46:20; Иса. 19:18; Иез. 30:17 бараалгакчызы Поти-Фераның уруу Асенетти ап берген. Иосиф египет черни башкарып эгелээн. 46Египеттиң хааны фараонга бараан болуп эгелээнде, Иосиф үжен харлыг турган.
Иосиф фараондан чоруткаш, бүгү египет черни эргиир дээш чорупкан. 47Магалыг эки чеди чылдың дургузунда чер кончуг чаагай дүжүттү берген. 48Чеди чыл дургузунда ажаап ап турган чаагай дүжүттү Иосиф хоорайларда шыгжамырже суп аарын чедип ап келген; ол тарааны хоорайны долгандыр турар шөлдерден ажаап ап турган. 49Ынчалдыр Иосиф далайның элезини дег хөй тарааны курлавырлап алган. Кайы хирени шыгжап алганын санавастап-даа калган, ол хире хөй болган.
50Аш-чуттуг чылдар эгелээр мурнунда Илиопольда бараалгакчы Поти-Фераның уруу Асенет Иосифке ийи оол божуп берген чүве-дир. 51Дун оглун Иосиф Манассия#41:51 Еврей дылда «Манассия» деп ат «уттур» деп сөске дөмейлешкек. деп адап алган, чүге дээрге ол «Бурган меңээ бүгү муңгаралдарымны болгаш адамның аалын уттуптар арганы берген» дээр турган. 52Ийи дугаар оглун Эфрем#41:52 «Эфрем» деп ат «чимистиг, салгалдыг» деп сөске дөмейлешкек. деп адап алган. Чүге дээрге ол «Бурган мээң хилинчек көрген черимге мени салгалдыг кылып каан» дээр турган.
53Египет черге магалыг дүжүткүр чеди чыл эрте берген, 54Иосифтиң баш удур чугаалааны аш-чуттуң чеди чылы дүжүп келген. Аш-чут бүгү чурттарга болуп турган#Э. д. 12:10, а бүгү египет черге тараа бар турган. 55Кажан Египетке база аш-чут эгелей бээрге, чон фараондан чем дилеп чедип келген. А фараон египет чонга: «Иосифке барыңар, ол чүү дээрил, ооңуу-биле кылыңар» – дээн. 56Бүгү делегейге аш-чут болуп турган. Иосиф тараа курлавырларын ажыдыпкаш, египет чонга тараазын садып эгелээн. Египет черге база аш-чут күштелип турган. 57Янзы-бүрү чурттардан чон Египетче кээп, Иосифтен тараа садып ап турган, чүге дээрге аш-чут бүгү делегейге кедерей берген чүве-дир.
Currently Selected:
Эге дөс 41: TUV
Highlight
Share
Copy
Want to have your highlights saved across all your devices? Sign up or sign in
© Институт перевода Библии, Москва, 2011
Эге дөс 41
41
Фараоннуң дүштери
1Ийи чыл эрткенде, фараон дүш дүжээн: ол хем эриинге турда, 2чараш, семис-чаагай чеди инек хемден үнүп келгеш, эрик дургаар оъттап чорааннар. 3А оларның соондан чудаңгы, арган-дорган өске чеди инек база үнүп келгеш, демги инектерниң чанынга хем эриинге чедип келген. 4Бир көөрге, чудаңгы, арган-дорган чеди инек чараш, семис-чаагай чеди инекти чипкеннер. Ынчан фараон оттуп келген. 5Ол катап удуй бергеш, өске дүш база көрген: чаңгыс сыпта чеди кончуг чаагай тараа бажы үнүп келген турган. 6А оларның соонда өске сыпта изиг хатка кургап калган, чеми бичии чеди тараа бажы үнүп келген турган. 7Кадып кургап калган, чеми бичии тараалар кончуг чаагай тарааларны чиптер болган. Фараон оттуп келгеш, дүш-түр деп билип каан. 8Эртенинде ол дүжүнден сестип, дүвүрээш, Египеттиң бүгү-ле илби-шидилиг болгаш мерген угаанныг кижилерин кыйгыртып, чыып алгаш, оларга дүжүн чугаалап берген#Дан. 2:1-2. Ынчалза-даа оларның аразындан ол дүштерниң утказын тайылбырлаптар чаңгыс-даа кижи тывылбаан.
Фараоннуң дүштерин Иосифтиң тайылбырлааны
9Ынчан кол кундага тудукчузу фараонга мынча деп чугаалан: «Мен ам бодумнуң бачыдымны сактып бодап тур мен. 10Фараон бодунуң дүжүметтеринге ажынгаш, мени база кол чем салыкчызын камгалакчыларның даргазының бажыңынга хоругдап каан соонда, 11бир дүне бис иелээн онзагай уткаларлыг дүштер дүжээн бис. 12Кара-бажыңга бистиң-биле кады камгалакчылар даргазының кулу болур аныяк еврей кижи турган. Бис аңаа дүштеривисти чугаалап бээривиске, ол кижи бүрүзүнге көрген дүжүнүң утказын тайылбырлап берген#Дан. 1:17. 13Ол канчаар тайылбырлааныл, шак-ла ынчаар болган: мен эрги албан-хүлээлгемче ээп келген мен, а чем салыкчызы астырып өлүрткен».
14Фараон Иосифти кыйгыртыптарга, ону кара-бажыңдан далаш-биле үндүрүп эккелгеннер. Ооң бажының дүгүн тааргаш, идик-хевин солааш, фараонга эккелгеннер. 15Фараон Иосифке: «Мен дүш дүжедим, а ону тайылбырлаптар кижи тывылбады. Дүштерниң утказын сени эки билир деп дыңнадым» – дээн.
16Иосиф: «Ол дээрге мен эвес-тир мен. Фараоннуң ачы-буянынга чедирер харыыны Бурган бээр#Дан. 2:30» – деп харыылаан.
17Фараон Иосифке чугаалап берген: «Дүжүмде хем эриинде турар-дыр мен. 18Чеди чараш, семис-чаагай инек хемден үнүп келгеш, эрикти дургаар оъттап чоруур болду. 19Оларның соондан өске чеди чудаңгы, арган-дорган инек үнүп келди. Бо египет черге ындыг чудаңгы инектер черле көрүп көрбээн мен. 20Ол арган-дорган, чудаңгы инектер семис-чаагай инектерни чиптилер. 21Семис инектерни чиптерге-даа, оларның иштинче киргени эскертинмес. Олар арган-дорган боттары ол-ла хевээр боор чорду. Оон мен оттуп келдим. 22Ооң соонда мындыг дүш дүжедим: чаңгыс сыпта чеди кончуг чаагай тараа бажы үнүп келген. 23А оларның соонда изиг хатка кадып, кургап калган, чеми бичии чеди тараа бажы үнүп келген турар. 24Чеми бичии тараа баштары кончуг чаагай тараа баштарын чип кааптар болду. Бо дүштеримни илби-шидилиг улуска чугаалап бээримге, кым-даа тайылбырлап бербеди».
25Иосиф фараонга мынча дээн: «Фараоннуң ийи дүжү чаңгыс уткалыг-дыр. Чүнү кылыр дээнин Бурган фараонга сагындырып турар-дыр. 26Чеди семис инек дээрге чеди чыл-дыр, чеди чаагай тараа бажы дээрге база чеди чыл-дыр. Оларның уткалары чаңгыс-тыр. 27Оларның соондан келген чеди арган, чудаңгы инек дээрге база чеди чыл-дыр. Бичии чемниг, кургап-кадып калган чеди тараа бажы дээрге аш-чуттуг чеди чыл-дыр. 28„Чүнү кылыр дээнин Бурган фараонга сагындырып турар-дыр“ дээнимниң ужуру ол-дур. 29Бүгү египет черге магалыг чаагай дүжүттүг чеди чыл дүжер дээн-дир. 30Ооң соонда аш-чуттуң чеди чылы келир. Египет черге мооң мурнунда турган магалыг дүжүткүр бай үе уттундурар, черни аш-чут хоозурадып каар-дыр#4 Хаан. 8:1. 31Аш-чуттуң хайындан черниң бар турган байлаа билдинмейн баар, чүге дээрге ол үе кончуг аар-берге болур. 32Фараоннуң ийи катап дүжээни дээрге Бурганның ыяк шиитпирлээниниң бадыткалы-дыр. Удавас Бурган сөзүн күүседир.
33Ынчангаш фараон угаанныг болгаш чүвени эки билир кижиден шилээш, амдыгааштан Египетти башкарар кылдыр салып кагзын. 34Ол ышкаш египет черге дүжүткүр чеди чылдың дургузунда чондан дүжүттүң бешки кезээн чыыр кылдыр үндүрүг хавырар кижилерден фараон соңгуп кагзын. 35Эки чылдарның дүжүдүн олар чыып алгаш, фараоннуң хоорайларда аңмаарларынга бөлүп, камнап, курлавырлап турзуннар. 36Ол бүгү египет черге аш-чуттуң чеди чылының дургузунда курлавыр болур, ынчан чурт аш-чуттан хоозуравас».
Иосифтиң эрге-дужаалының бедээни
37Иосифтиң сөстери фараонга болгаш ооң дүжүметтеринге таарымчалыг болган. 38Фараон дүжүметтеринге: «Бо кижи дег Бурганның сүлдезин эдилээн өске кижи тыптыр деп бе?#Дан. 4:5; 5:11» – дээн. 39Оон Иосифке: «Бурган сеңээ бо бүгүнү ажыдып берген болганда, сенден угаан-сарыылдыг болгаш мерген кижи чок-тур. 40Сен мээң ордумга эң-не кол кижи боор сен, мээң бүгү чонум сээң сөзүңнү дыңнаар. Хаан болгаш, чүгле мен сенден улуг эргелиг боор мен#Эсф. 10:3» – деп, фараон чугаалаан. 41Ооң соонда фараон Иосифке: «Сени мен бүгү Египеттиң башкарыкчызы кылдыр томуйлап тур мен» – дээн. 42Фараон холундан таңмалыг билзээн ужулгаш#41:42 Кандыг-даа дужаалга ол таңманы базып каарга, күштүг болур. , Иосифтиң салаазынга суп берген#Эсф. 3:10; 8:2. Аңаа каас-коя хепти кедиргеш, мойнунга алдын каасталга азындырып берген. 43Иосифти фараондан адаанда эргелиг кижиге хамааржыр чуузага олуртуп алгаш, аңаа сөгүрүүрүн шупту улуска дужааган. Ынчалдыр фараон Иосифти египет чурттуң башкарыкчызы кылып каан. 44Фараон Иосифке: «Фараон мээң күзелим бо-дур: сээң чөпшээрелиң чокка бүгү египет черге кым-даа холун шимчетпес, базым кылбас ужурлуг» – дээн. 45Фараон Иосифке Цафнат-Панеах деп чаа ат тыпсып берген. Аңаа кадай кылдыр египет бурганнарның Илиополь хоорайда#Э. д. 46:20; Иса. 19:18; Иез. 30:17 бараалгакчызы Поти-Фераның уруу Асенетти ап берген. Иосиф египет черни башкарып эгелээн. 46Египеттиң хааны фараонга бараан болуп эгелээнде, Иосиф үжен харлыг турган.
Иосиф фараондан чоруткаш, бүгү египет черни эргиир дээш чорупкан. 47Магалыг эки чеди чылдың дургузунда чер кончуг чаагай дүжүттү берген. 48Чеди чыл дургузунда ажаап ап турган чаагай дүжүттү Иосиф хоорайларда шыгжамырже суп аарын чедип ап келген; ол тарааны хоорайны долгандыр турар шөлдерден ажаап ап турган. 49Ынчалдыр Иосиф далайның элезини дег хөй тарааны курлавырлап алган. Кайы хирени шыгжап алганын санавастап-даа калган, ол хире хөй болган.
50Аш-чуттуг чылдар эгелээр мурнунда Илиопольда бараалгакчы Поти-Фераның уруу Асенет Иосифке ийи оол божуп берген чүве-дир. 51Дун оглун Иосиф Манассия#41:51 Еврей дылда «Манассия» деп ат «уттур» деп сөске дөмейлешкек. деп адап алган, чүге дээрге ол «Бурган меңээ бүгү муңгаралдарымны болгаш адамның аалын уттуптар арганы берген» дээр турган. 52Ийи дугаар оглун Эфрем#41:52 «Эфрем» деп ат «чимистиг, салгалдыг» деп сөске дөмейлешкек. деп адап алган. Чүге дээрге ол «Бурган мээң хилинчек көрген черимге мени салгалдыг кылып каан» дээр турган.
53Египет черге магалыг дүжүткүр чеди чыл эрте берген, 54Иосифтиң баш удур чугаалааны аш-чуттуң чеди чылы дүжүп келген. Аш-чут бүгү чурттарга болуп турган#Э. д. 12:10, а бүгү египет черге тараа бар турган. 55Кажан Египетке база аш-чут эгелей бээрге, чон фараондан чем дилеп чедип келген. А фараон египет чонга: «Иосифке барыңар, ол чүү дээрил, ооңуу-биле кылыңар» – дээн. 56Бүгү делегейге аш-чут болуп турган. Иосиф тараа курлавырларын ажыдыпкаш, египет чонга тараазын садып эгелээн. Египет черге база аш-чут күштелип турган. 57Янзы-бүрү чурттардан чон Египетче кээп, Иосифтен тараа садып ап турган, чүге дээрге аш-чут бүгү делегейге кедерей берген чүве-дир.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, Москва, 2011