Иоанн 3

1Иудейлерниң даргаларының бирээзи болур, Никодим деп аттыг, фарисейлер бөлүүнге хамааржыр кижи турган#Ин. 7:50; 19:39. 2Ол кижи бир-ле дүне Иисуска келгеш, Аңаа мынча дээн: «Башкы! Силерни Бурганның бисче чорутканы башкы деп билир бис. Чүге дээрге Бурганның дузазы чокта, кым-даа Силерниң кылып турарыңар дег кайгамчык чүүлдер кылып шыдавас».

3Иисус аңаа: «Алыс шынны сеңээ чугаалап тур мен: чүгле катап төрүттүнген#3:3, 7 Грек дылда «Катап төрүттүнген» болгаш «Өрүтен төрүттүнген» деп уткаларны чаңгыс ол сөс илередир. кижи Бурганның Чагыргазын көрүп шыдаар» – деп харыылаан.

4«Кырый берген кижи канчап катап төрүттүнерил? – деп, Никодим Аңаа чугаалаан. – Таанда-ла ол иезиниң иштинче дедир киргеш, катап төрүттүнүп кээр бе?»

5Иисус мынча деп харыылаан: «Алыс шынны сеңээ чугаалап тур мен: чүгле суг#Мк. 16:16; Аж.-ч. 2:38 болгаш Сүлдеден төрүттүнген кижи Бурганның Чагыргазынче кирип шыдаар!#Мф. 5:20; 1 Кор. 15:50 6Кижи бойдустуң чаяаганы мага-боттуң амыдыралын ада-иезинден алыр, а Сүлдеге башкарткан амыдыралды чүгле Бурганның Сүлдезинден алыр.

7Мээң сеңээ: „Силер катап* төрүттүнер ужурлуг силер“ – дээнимни элдепсинип кайгава. 8Хат#3:8 Хат – грек дылда «хат» биле «сүлде» деп сөстерни бижиири дөмей болгаш, чаңгыс ол сөс ийи уткалыг болур. бодунуң туралаан черинге хадыыр. Сен ооң шимээнин дыңнап турар сен, ынчалза-даа ооң кайыын келгенин база кайнаар барганын билбес сен. Сүлдеге башкарткан амыдыралдыг кижи бүрүзү-биле база шак ындыг болур».

9Никодим Оон: «Ол канчап ындыг болур чүвел?» – деп айтырган.

10«Сен, Израильдиң башкызы эртип, ону канчап билбезиң ол? – деп, Иисус аңаа харыылаан. – 11Алыс шынны сеңээ чугаалап тур мен: бис чүгле билир чүвевис дугайында чугаалап, көрген чүвевис дугайында херечилеп турар бис, а силер бистиң херечилеливисти хүлээп алыр хөңнүңер чок-тур. 12Мен бо делегейге хамааржыр чүүл дугайында силерге чугаалаарымга, Меңээ бүзүревейн тургаш, дээрге хамааржыр чүүл дугайында силерге чугаалаарымга, канчап Меңээ бүзүрээр силер? 13Дээрден дүжүп келген#3:13 Өске бурунгу сөзүглелдерде «Дээрден дүжүп келген» деп сөстерге «Дээрде амыдыраан» деп сөстерни немээн. Кижи амытан Оглундан өске, кым-даа дээрже көдүрлүп үнмээн-не болгай#У. ч. 30:4; Ин. 6:38; 1 Кор. 15:47; Эф. 4:9. 14Ээн кургаг ховуга Моисейниң чыланны өрү көдүргени дег, Кижи амытан Оглу база шак ынчаар бедидир көдүртүр ужурлуг,#Сан. 21:9 15ынчан Аңаа бүзүрээн кижи бүрүзү#3:15 Өске бурунгу сөзүглелдерде «Кижи бүрүзү» деп сөстерге «Өлбес» деп сөстерни немээн. мөңге амыдыралдыг болур»#Ин. 8:28; 12:32.

16Аңаа бүзүрээн кижи бүрүзү өлбезин, харын мөңге амыдыралдыг болзун дээш, Бурган Бодунуң эр чаңгыс Оглун берипкен. Ооң бо делегейниң улузунга ынакшылы ол хире болган-дыр#Рим. 5:8; Эф. 2:4; 1 Ин. 3:1; 4:10. 17Бурган Бодунуң Оглун бо делегейже айбылап чорударда, бо делегейни шиидер дээш эвес, харын Ону дамчыштыр бо делегейни камгалаар дээш чоруткан болгай#Ин. 8:15; 12:47. 18Бурганның Оглунга бүзүрээр кижи шииттирбес, а бүзүревес кижи – эрте дээре-ле шииттирип алган болур, чүге дээрге Бурганның эр чаңгыс Оглунуң адынга бүзүревейн барган-дыр#Мк. 16:16. 19Оларның шииттирер ужуру чүдел: бо делегейже Чырык чедип кээрге#Ин. 1:4; 8:12, кижилер ол Чырыкка көөрде, караңгыга артык ынак болганнар-дыр, чүге дээрге оларның үүлгеткен херектери бузуттуг-дур#Ин. 7:7. 20Бузут үүлгедип турар кижи бүрүзү чырыкты көөр хөңнү чок болур база ооң үүлгеткени бузуттуг херектер илерей бээринден корткаш, чырыктан дезе бээр#Эф. 5:13. 21А алыс шынның аайы-биле чурттап чоруур кижи ындыг эвес. Ооң ажыл-херээ Бурганга чүүлдежип турарын Чырык көргүссүн дээш, ол Чырыкче бар чыдар.

Иисус болгаш Иоанн Медеглекчи

22Иисус ооң соонда өөреникчилери-биле кады Иудеяже чедип келгеш, олар-биле кады аңаа элээн өйде артып калгаш, улусту сугже суп турган#Ин. 4:1-2. 23А Иоанн база-ла ол өйде Салимниң чоогунда суу элбек Енон деп черге улусту сугже сугарын уламчылаан. Улус аңаа сөктүп кээп турган, а ол оларны сугга суп турган. 24(Ол үеде Иоанн ам-даа кара-бажыңнатпаан турган чүве-дир)#Мф. 11:2; Мк. 6:17-18; Лк. 3:19-20.

25Бир-ле катап Иоанның өөреникчилери биле бир иудейниң#3:25 Өске бурунгу сөзүглелдерде «Бир иудей» деп эвес, а «Чамдык иудейлер» деп бижээн. аразынга арыглаашкын ёзулалы#Ин. 2:6 дугайында маргылдаа үнүп келген. 26Олар Иоаннга чедип келгеш, мынча дээннер: «Башкы, Иорданның ол чарыынга кады турганыңар база Ооң дугайында херечилеп чугаалааныңар#Ин. 1:7; 5:33 Кижини сактыр-дыр силер бе? Ынчаарга Ол база улусту сугже суп тур, а хамык улус Олче сөктүп кээп туруп берди».

27Иоанн мынча деп харыылаан: «Кижи чүгле дээрниң аңаа даандырып берген чүвезин кылып шыдаар#1 Кор. 4:7. 28„Мен Христос эвес-тир мен, ынчалза-даа Бурган мени Ону мурнай чоруткан“ – дээнимни боттарыңар бадыткап болур силер#Мал. 3:1; Мк. 1:2; Ин. 1:20. 29Душтук кыс күдээ оолга хамааржыр#Мф. 9:15; 25:1-13; Ажыд. 19:7; 21:2. А күдээниң эжи оол ооң чанынга турар, ынчангаш күдээниң чугаазын дыңнааш, өөрүүр боор чүве. Меңээ база шак ындыг өөрүшкү ам-на келгени бо-дур#Мф. 9:15; Мк. 2:19. 30Ол ам өзер ужурлуг, а мээң үүлем – бичиилеп чидери-дир».

31Кым өрүтен келгенил, Ол өске бүгү улустан өндүр улуг болур. А черден тывылган кижи – боду чернии болур база черде дег кылдыр чугаалаар. Ынчалза-даа Кым дээрден кээрил, Ол өске бүгү улустан өндүр улуг. 32Ол Бодунуң көрген болгаш дыңнаан чүвезин херечилеп чугаалап турар, чүгле кым-даа Ооң херечилелин хүлээп албас-тыр. 33А Ооң херечилээн сөстерин хүлээп алган кижи Бурганның алыс шынныын бадыткап турары ол#Ин. 8:26. 34Бурганның айбылап чоруткан Кижизи Бурганның сөстерин чугаалаар, чүге дээрге Бурган Аңаа Сүлдени хемчээл чогу-биле берип турар. 35Бурган Ада Оглунга ханы ынак-тыр#Мф. 3:17; 17:5; Ин. 5:20 база бүгү чүвени Ооң холунга тыпсып берген-дир. 36Оглунга бүзүрээн кижи мөңге амыдыралдыг болур#Ин. 5:24; 6:40; 1 Ин. 5:12-13. А Оглун тооп дыңнаваан кижи мөңге амыдыралды көрбес, харын Бурганның килеңи ооң-биле артып каар.

Currently Selected:

Иоанн 3: TUV

Highlight

Copy