Chivkeeb 14
14
Anplas Tso Lauj Dim
1Muaj plaub tug vajntxwv xwsli: Alafees tus uas kav Npanpiloos, Ali-aus tus uas kav Elasas, Khedaula-aumes tus uas kav Elas, thiab Tidas tus uas kav Nkauyees, 2tau tawm mus uarog rau tsib tug vajntxwv xwsli: Npelas tus uas kav Xaudoos, Npawsas tus uas kav Kaumaulas, Sinaj tus uas kav Amas, Semenpaws tus uas kav Xenpauyees, thiab tus vajntxwv uas kav Npelas (lossis Xau-as). 3Tsib tus vajntxwv no tau koomsiab uake tuaj ib tog thiab txhij tubrog mus nyob rau hauv lub Hav Xidees uas tamsim no yog lub pas dej Hiavtxwv Tuag. 4Lawv nyob qab tswjhwm ntawm Khedaula-aumes tau kaum-ob lub xyoos, tiamsis xyoo thib kaum-peb lawv rov tig ntxeevsiab sawv tawmtsam nws.
5Ces xyoo thib kaum-plaub, Khedaula-aumes thiab cov vajntxwv uas tuaj nws tog nrog rau lawv cov tubrog thiaj tuaj tua yeej cov Lefayees uas nyob hauv lub nroog Atelaus Kalenais, cov Xuxis uas nyob hauv Has, cov Emis uas nyob hauv lub tiajnrag Kiliathayees, 6thiab cov Haulis uas nyob saum cov laj roob Edoos; lawv thiaj muab cov neeg no caum tua mus ti nkaus rau ntawm ntug nroog Epalas uas nyob tom tiaj zeb suabpuam. 7Ces lawv txawm tig rovqab los txog hauv lub nroog Kades (thaum ntawd hu ua Emisapas). Lawv ntaus tau tagnrho sab tebchaws Amalej thiab lawv tua yeej cov tibneeg Amaules uas nyob rau hauv lub nroog Haxaxoos Tamaj.
8Ces cov vajntxwv uas kav lub nroog Xaudoos, Kaumaulas, Amas, Xenpauyees thiab Npelas (lossis Xau-as), thiaj tau txhij lawv cov tubrog tuaj ntaus rog rau hauv lub Hav Xidees thiab tua 9Khedaula-aumes uas yog vajntxwv kav Elas, Tidas uas yog vajntxwv kav Nkauyees, Alafees uas yog vajntxwv kav Sinas, thiab Ali-aus uas yog vajntxwv kav Elasas; tsib tug vajntxwv uarog rau plaub tug vajntxwv. 10Lub tiaj ntawd muaj qhov roj av nplaum ntau heev, ces thaum tus vajntxwv uas kav lub nroog Xaudoos thiab tus vajntxwv uas kav lub nroog Kaumaulas nrhiav kev khiav tawm hauv tshavrog, nkawd thiaj poob rau hauv cov qhov roj ntawd, tiamsis dua li peb tug vajntxwv ces lawv khiav mus rau pem roob lawm. 11Plaub tus vajntxwv ntawd thiaj txeeb txhua yam hauv lub nroog Xaudoos thiab Kaumaulas, nrog rau tej zaub-mov huv tibsi, coj khiav mus lawm. 12Lauj uas yog Anplas tus xeebntxwv, nws nyob hauv lub nroog Xaudoos, ces lawv thiaj ntes tau nws thiab huab nws tej cuabtam coj mus lawm du lug.
13Tiamsis muaj ib tug txivneej khiav dim hauv tshavrog los qhia txhua yam rau Anplas uas yog neeg Henplais, uas nyob ze rau ntawm Males tus uas yog tibneeg Amaules cov ntoo xeeb. Males thiab nws ob tus kwvtij, Esekaus thiab Anaws puavleej yog tuaj Anplas tog. 14Thaum Anplas hnov tias yeebncuab ntes tau nws tus xeebntxwv Lauj lawm, nws thiaj hu tagnrho 318 tus tubrog hauv nws lub yeej uas nws ntseegsiab tau, tawm mus caum plaub tug vajntxwv ntawd mus txog ncua hauv lub nroog Das. 15Thaum tsausntuj lawm nws thiaj muab nws cov tubrog faib ua tej pab mus tua yeej cov yeebncuab. Anplas tseem caum lawv tua mus txog ntua pem lub nroog Haunpas uas nyob sab qaumteb ntawm Damaxakas. 16Nws txeeb tau txhua yam uas luag coj mus lawm rovqab los huv tibsi. Nws tseem coj tau nws tus xeebntxwv Lauj thiab Lauj tej cuabtam, tej pojniam thiab tej tibneeg uas raug ntes lawm rov los tagnrho huv tibsi.
Mekhixedes Foom Koobhmoov Rau Anplas
17Thaum Anplas mus tua yeej vajntxwv Khedaula-aumes thiab peb tug vajntxwv uas tuaj Khedaula-aumes tog rovqab los, tus vajntxwv uas kav lub nroog Xaudoos thiaj tuaj tos Anplas ntawm lub Hav Saves (lossis hu ua Vajntxwv lub Hav).
18Mekhixedes uas ua vajntxwv kav lub nroog Xalees thiab ua ib tug povthawj hlob rau Vajtswv tus uas muaj Hwjchim Tshajplaws, thiaj nqa ncuav thiab cawv txivhmab tuaj pub rau Anplas, 19thiab foom koobhmoov rau nws hais tias, “Thov kom Vajtswv tus uas muaj Hwjchim Tshajplaws, tus uas tsim lub ntuj thiab lub ntiajteb foom koobhmoov rau Anplas! 20Thov kom Vajtswv tus uas muaj Hwjchim Tshajplaws uas tau pab koj ntaus yeej koj cov yeebncuab, tau txais koobmeej!” Anplas thiaj muab ib feem kaum ntawm tej khoom uas nws mus txeeb tau rovqab los ntawd pub rau Mekhixedes. #Henpl 7:1-10
21Tus vajntxwv uas kav lub nroog Xaudoos hais rau Anplas tias, “Thov muab tagnrho kuv cov neeg rovqab rau kuv, tiamsis txhua yam ces koj coj mus huv tibsi los tau.”
22Anplas teb tias, “Kuv thov tsa tes coglus tabmeeg tus TSWV, uas yog tus Vajtswv uas muaj Hwjchim Tshajplaws, tus uas tsim lub ntuj thiab lub ntiajteb, 23hais tias kuv yuav tsis yuav ib yam dabtsi uas yog koj tug hlo li. Txawm yog ib txoj nyuag xov lossis ib txoj nyuag hlua khau khiab xwb los kuv yeej tsis yuav. Koj thiaj yuav tsis khav hais tias, ‘Kuv yog tus uas tsa Anplas npluanuj.’ 24Kuv yuav tsis nqa ib yam dabtsi mus rau kuv yuav li. Kuv tsuas lees yuav tej uas kuv cov tubrog muab noj tag lawm xwb. Tiamsis yam uas yuav muab faib rau cov uas koomtes pab kuv xwsli Anaws, Esekaus, thiab Males, cia lawv yuav ua lawv tus.”
Currently Selected:
Chivkeeb 14: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Chivkeeb 14
14
Anplas Tso Lauj Dim
1Muaj plaub tug vajntxwv xwsli: Alafees tus uas kav Npanpiloos, Ali-aus tus uas kav Elasas, Khedaula-aumes tus uas kav Elas, thiab Tidas tus uas kav Nkauyees, 2tau tawm mus uarog rau tsib tug vajntxwv xwsli: Npelas tus uas kav Xaudoos, Npawsas tus uas kav Kaumaulas, Sinaj tus uas kav Amas, Semenpaws tus uas kav Xenpauyees, thiab tus vajntxwv uas kav Npelas (lossis Xau-as). 3Tsib tus vajntxwv no tau koomsiab uake tuaj ib tog thiab txhij tubrog mus nyob rau hauv lub Hav Xidees uas tamsim no yog lub pas dej Hiavtxwv Tuag. 4Lawv nyob qab tswjhwm ntawm Khedaula-aumes tau kaum-ob lub xyoos, tiamsis xyoo thib kaum-peb lawv rov tig ntxeevsiab sawv tawmtsam nws.
5Ces xyoo thib kaum-plaub, Khedaula-aumes thiab cov vajntxwv uas tuaj nws tog nrog rau lawv cov tubrog thiaj tuaj tua yeej cov Lefayees uas nyob hauv lub nroog Atelaus Kalenais, cov Xuxis uas nyob hauv Has, cov Emis uas nyob hauv lub tiajnrag Kiliathayees, 6thiab cov Haulis uas nyob saum cov laj roob Edoos; lawv thiaj muab cov neeg no caum tua mus ti nkaus rau ntawm ntug nroog Epalas uas nyob tom tiaj zeb suabpuam. 7Ces lawv txawm tig rovqab los txog hauv lub nroog Kades (thaum ntawd hu ua Emisapas). Lawv ntaus tau tagnrho sab tebchaws Amalej thiab lawv tua yeej cov tibneeg Amaules uas nyob rau hauv lub nroog Haxaxoos Tamaj.
8Ces cov vajntxwv uas kav lub nroog Xaudoos, Kaumaulas, Amas, Xenpauyees thiab Npelas (lossis Xau-as), thiaj tau txhij lawv cov tubrog tuaj ntaus rog rau hauv lub Hav Xidees thiab tua 9Khedaula-aumes uas yog vajntxwv kav Elas, Tidas uas yog vajntxwv kav Nkauyees, Alafees uas yog vajntxwv kav Sinas, thiab Ali-aus uas yog vajntxwv kav Elasas; tsib tug vajntxwv uarog rau plaub tug vajntxwv. 10Lub tiaj ntawd muaj qhov roj av nplaum ntau heev, ces thaum tus vajntxwv uas kav lub nroog Xaudoos thiab tus vajntxwv uas kav lub nroog Kaumaulas nrhiav kev khiav tawm hauv tshavrog, nkawd thiaj poob rau hauv cov qhov roj ntawd, tiamsis dua li peb tug vajntxwv ces lawv khiav mus rau pem roob lawm. 11Plaub tus vajntxwv ntawd thiaj txeeb txhua yam hauv lub nroog Xaudoos thiab Kaumaulas, nrog rau tej zaub-mov huv tibsi, coj khiav mus lawm. 12Lauj uas yog Anplas tus xeebntxwv, nws nyob hauv lub nroog Xaudoos, ces lawv thiaj ntes tau nws thiab huab nws tej cuabtam coj mus lawm du lug.
13Tiamsis muaj ib tug txivneej khiav dim hauv tshavrog los qhia txhua yam rau Anplas uas yog neeg Henplais, uas nyob ze rau ntawm Males tus uas yog tibneeg Amaules cov ntoo xeeb. Males thiab nws ob tus kwvtij, Esekaus thiab Anaws puavleej yog tuaj Anplas tog. 14Thaum Anplas hnov tias yeebncuab ntes tau nws tus xeebntxwv Lauj lawm, nws thiaj hu tagnrho 318 tus tubrog hauv nws lub yeej uas nws ntseegsiab tau, tawm mus caum plaub tug vajntxwv ntawd mus txog ncua hauv lub nroog Das. 15Thaum tsausntuj lawm nws thiaj muab nws cov tubrog faib ua tej pab mus tua yeej cov yeebncuab. Anplas tseem caum lawv tua mus txog ntua pem lub nroog Haunpas uas nyob sab qaumteb ntawm Damaxakas. 16Nws txeeb tau txhua yam uas luag coj mus lawm rovqab los huv tibsi. Nws tseem coj tau nws tus xeebntxwv Lauj thiab Lauj tej cuabtam, tej pojniam thiab tej tibneeg uas raug ntes lawm rov los tagnrho huv tibsi.
Mekhixedes Foom Koobhmoov Rau Anplas
17Thaum Anplas mus tua yeej vajntxwv Khedaula-aumes thiab peb tug vajntxwv uas tuaj Khedaula-aumes tog rovqab los, tus vajntxwv uas kav lub nroog Xaudoos thiaj tuaj tos Anplas ntawm lub Hav Saves (lossis hu ua Vajntxwv lub Hav).
18Mekhixedes uas ua vajntxwv kav lub nroog Xalees thiab ua ib tug povthawj hlob rau Vajtswv tus uas muaj Hwjchim Tshajplaws, thiaj nqa ncuav thiab cawv txivhmab tuaj pub rau Anplas, 19thiab foom koobhmoov rau nws hais tias, “Thov kom Vajtswv tus uas muaj Hwjchim Tshajplaws, tus uas tsim lub ntuj thiab lub ntiajteb foom koobhmoov rau Anplas! 20Thov kom Vajtswv tus uas muaj Hwjchim Tshajplaws uas tau pab koj ntaus yeej koj cov yeebncuab, tau txais koobmeej!” Anplas thiaj muab ib feem kaum ntawm tej khoom uas nws mus txeeb tau rovqab los ntawd pub rau Mekhixedes. #Henpl 7:1-10
21Tus vajntxwv uas kav lub nroog Xaudoos hais rau Anplas tias, “Thov muab tagnrho kuv cov neeg rovqab rau kuv, tiamsis txhua yam ces koj coj mus huv tibsi los tau.”
22Anplas teb tias, “Kuv thov tsa tes coglus tabmeeg tus TSWV, uas yog tus Vajtswv uas muaj Hwjchim Tshajplaws, tus uas tsim lub ntuj thiab lub ntiajteb, 23hais tias kuv yuav tsis yuav ib yam dabtsi uas yog koj tug hlo li. Txawm yog ib txoj nyuag xov lossis ib txoj nyuag hlua khau khiab xwb los kuv yeej tsis yuav. Koj thiaj yuav tsis khav hais tias, ‘Kuv yog tus uas tsa Anplas npluanuj.’ 24Kuv yuav tsis nqa ib yam dabtsi mus rau kuv yuav li. Kuv tsuas lees yuav tej uas kuv cov tubrog muab noj tag lawm xwb. Tiamsis yam uas yuav muab faib rau cov uas koomtes pab kuv xwsli Anaws, Esekaus, thiab Males, cia lawv yuav ua lawv tus.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.