Chivkeeb 19
19
Lub Nroog Xaudoos Tej Kev Txhaum
1Thaum yuav tsausntuj ob tug timtswv mus txog rau ntawm lub nroog Xaudoos, Lauj tseem tabtom nyob ntawm roojloog. Thaum nws pom dheev nkawd, nws txawm sawvtsees mus tostxais nkawd. Nws mus txhoscaug ntua ntawm nkawd xubntiag 2thiab hais tias, “ob tug tswv, kuv nyob ntawm no yog yuav tiam neb. Thov neb mus hauv kuv tsev, mus ntxuav kotaw thiab pw ib hmos hauv kuv tsev. Tagkis kajntug neb mamli sawvntxov mus.”
Tiamsis nkawd teb tias, “Tau lawm lau, hmo no wb yuav pw ntawm tshavpuam no xwb.”
3Tiamsis Lauj caw nkawd heev li, thaum kawg nkawd thiaj nrog Lauj mus so hauv nws tsev. Lauj kom nws cov tubtxib ci ncuav tsis xyaw keeb thiab ua ib pluag zaub-mov qab-qab rau ob tug qhua ntawd noj. Thaum ua tau siav lawm nkawd thiajli noj hmo.
4Uantej nkawd yuav mus pw, tagnrho tej txivneej uas nyob hauv lub nroog Xaudoos, tsis hais laus thiab hluas, txawm tuaj vij nkaus Lauj lub tsev. 5Lawv qw rau Lauj thiab nug hais tias, “Ob tug txivneej uas hmo no tuaj so hauv koj tsev nyob qhovtwg? Ciali coj nkawd tawm tuaj rau peb, kom peb thiaj tau nrog nkawd ua nkauj ua nraug!”
6Lauj txawm tawm mus rau sabnraud thiab muab qhovrooj kaw nkaus rau. 7Nws hais rau lawv tias, “Cov kwvtij, thov nej tsis txhob ua phem li no! 8Nej mloog kuv hais nawb, kuv muaj ob tug ntxhais tseem yog nkaujxwb. Thov cia kuv coj nkawd tawm tuaj rau nej, es nej xav ua licas rau nkawd los nyob ntawm nej siab nyiam. Tiamsis thov nej tsis txhob ua licas rau ob tug txivneej no hlo li, nkawd tuaj ua qhua txog hauv kuv tsev, kuv yuavtsum tivthaiv nkawd.” #Cthj 19:22-24
9Tiamsis lawv qw hais tias, “Nyuag tibneeg txawv tebchaws ko, ciali txav kev rau peb! Koj yog leejtwg es koj tseem yuav txiavtxim rau peb thiab? Ciali txav kev, yog tsis li ntawd, peb yuav ua phem rau koj tshaj peb ua rau nkawd thiab.” Lawv ciali thawb ntiag Lauj rovqab thiab nam zog mus tsoo kom qhovrooj tawg. 10Tiamsis ob tug txivneej uas nyob hauv tsev qhib hlo qhovrooj mus rub kiag Lauj rovqab los rau hauv tsev thiab muab qhovrooj kaw nkaus rau. 11Ces nkawd txawm ua rau cov txivneej uas nyob sabnraud digmuag tag huv tibsi, lawv thiaj tsis pomkev nrhiav lub qhovrooj lawm. #2Vaj 6:18
Lauj Khiav Tawm Hauv Lub Nroog Xaudoos
12ob tug txivneej ntawd hais rau Lauj tias, “Yog koj tseem tshuav tej tub, tej ntxhais, tej vauv, lossis kwvtij neejtsa uas nyob hauv lub nroog no, koj ciali coj lawv khiav tawm ntawm thaj chaw no mus, 13rauqhov wb tabtom yuav ua kom lub nroog no puastsuaj mus. Tus TSWV twb hnov tej suab quaj qw loj heev uas tawmtsam txog cov neeg no tej kev phem kev qias lawm, Nws thiaj txib wb los rhuav lub nroog Xaudoos no kom puastsuaj.”
14Ces Lauj txawm mus hais rau ob tug hluas uas tau qhaib nws ob tug ntxhais lawm hais tias, “Neb ciali tsuag-tsuag thiab khiav tawm ntawm thaj chaw no mus, rauqhov tus TSWV tabtom yuav rhuav lub nroog no kom puastsuaj!” Tiamsis nkawd xav tias yog Lauj lam tso dag xwb.
15Thaum kajntug txoog ob tug timtswv tau los txhib kom Lauj majnroos. Nkawd hais tias, “Tsuag-tsuag maj! Ciali coj koj pojniam thiab koj ob tug ntxhais tawm tamsim no mus, nej thiaj yuav tsis tuag thaum lub nroog no raug kev puastsuaj.” 16Lauj tseem pheej ua xyemxyav, ces ob tug timtswv thiaj ntsiab nkaus Lauj tes, nrog rau nws pojniam thiab ob tug ntxhais, thiab coj lawv tawm hauv lub nroog mus vim tus TSWV tabncuab Lauj heev. #2Pet 2:7 17Ces ib tug timtswv txawm hais tias, “Khiav tiag kom dim nawb! Tsis txhob tig saib qab thiab tsis txhob nres hauv lub hav ib qho twg hlo li. Khiav mus rau saum cov ncov roob nej thiaj yuav tsis tuag!”
18Tiamsis Lauj teb tias, “Tus tswv, thov tsis txhob cia peb khiav mus rau tid. 19Koj yeej ua zoo rau kuv kawg nkaus li lawm uas yog cawm kuv txojsia, tiamsis cov ncov roob ntawd nyob deb heev; ntshai tsam kev puastsuaj los caum cuag kuv, ua rau kuv tuag uantej mus txog tid. 20Koj puas pom lub nyuag moos me-me tid? Lub zos ntawd thiaj nyob ze mentsis xwb. Thov cia kuv mus lawm tid, koj yeej pom tias nws yog ib lub nyuag moos me-me xwb, kuv thiaj yuav tsis tuag.”
21Nws thiaj teb tias, “Tau kawg, ua li ntawd. Kuv yuav tsis rhuav lub moos tid. 22Tsuag-tsuag! Ciali mus! Kuv yuav tsis ua ib yam dabtsi txog thaum uas koj khiav mus txog tid tso.”
Vim Lauj hais tias lub moos tid yog ib lub moos uas me, thiaj muab lub moos ntawd hu ua Xau-as.#19:22: Xau-as: Lub npe no hais muaj ntsis thooj li lolus Henplais uas hais tias “me.”
Xaudoos Thiab Kaumaulas Raug Puastsuaj
23Thaum Lauj khiav mus txog tim lub moos Xau-as, hnub tabtom tawm plaws tim npoo ntuj. 24Tamsim ntawd tus TSWV txawm tso hluavtaws leejfaj poob saum ntuj los kub lub nroog Xaudoos thiab lub nroog Kaumaulas, 25ua rau ob lub nroog ntawd thiab tagnrho lub tiajnrag, nrog rau tej neeg uas nyob rau hauv thiab txhua yam nrojtsuag qoobloo raug puastsuaj tag. #Math 10:15; 11:23-24; Lukas 10:12; 17:29; 2Pet 2:6; Cthj 7 26Tiamsis Lauj tus pojniam uas lawv nws qab txawm tig saib rov tomqab, ces nws txawm ciali khov kiag ua ib tug ncej ntsev lawm. #Lukas 17:32
27Hnub tomqab, thaum sawvntxov Anplahas maj ceevnrooj mus rau tom qhov chaw uas nws sawv timntsej timmuag ntawm tus TSWV. 28Nws saib mus rau hauv lub nroog Xaudoos thiab lub nroog Kaumaulas, thiab saib mus thoobplaws lub tiajnrag, nws pom pataws ncho auv niab hauv thajtsam ntawd tuaj, npaum nkaus li ib cubtawg uas cig hlob heev. 29Tiamsis thaum Vajtswv rhuav ob lub nroog hauv lub tiajnrag uas Lauj nyob ntawd, Nws yeej tseem ncontsoov Anplahas rau nruabsiab thiab tau pab Lauj kom khiav dim txoj kev puastsuaj.
Cov Mau-am Thiab Cov Amoos
30Vim qhov uas Lauj ntshai nyob hauv lub zos Xau-as, nws thiab nws ob tug ntxhais thiaj khiav mus nyob hauv lub qhovtsua pem cov ncov roob. 31Tus ntxhais hlob hais rau nws tus niamhluas tias, “Wb txiv twb laus lawm, thiab tsis muaj tej txivneej uas nyob hauv lub ntiajteb#19:31: lub ntiajteb; lossis lub tebchaws. no tuaj yuav wb mus ua pojniam kom wb muaj tau menyuam. 32Ciali los, es wb muab cawv txivhmab rau txiv haus kom qaug, kom wb thiaj mus nrog tau txiv pw thiab muaj tau menyuam los ntawm nws.” 33Yogli ntawd, hmo ntawd nkawd thiaj muab cawv txivhmab rau nkawd txiv haus, ces tus ntxhais hlob txawm mus nrog nws txiv pw; tiamsis vim leejtxiv qaugcawv heev nws yeej tsis paub txog tej ntawd.
34Hnub tomqab tus ntxhais hlob hais rau nws tus niamhluas tias, “Naghmo kuv twb mus nrog txiv pw lawm, ibchim tsausntuj wb rov muab cawv rau txiv haus dua, ces koj ho mus nrog nws pw, kom wb thiaj yuav muaj menyuam los ntawm wb txiv.” 35Yogli ntawd, hmo ntawd nkawd thiaj rov muab cawv txivhmab rau leejtxiv haus dua, ces tus ntxhais yau txawm mus nrog leejtxiv pw. Leejtxiv kuj rov qaugcawv heev nws thiaj tsis paub txog tej ntawd. 36Yogli ntawd, Lauj ob tug ntxhais thiaj xeebtub los ntawm nkawd txiv. 37Lauj tus ntxhais hlob txawm yug tau ib tug tub, nws muab tis npe hu ua Mau-am.#19:37: Mau-am: Lub npe no hais muaj ntsis thooj li lolus Henplais uas hais tias “los ntawm kuv txiv.” Nws yog haivneeg Mau-am nimno tus yawgkoob. 38Lauj tus ntxhais yau kuj yug tau ib tug tub thiab, nws muab tis npe hu ua Npee-amis.#19:38: Npee-amis: Lub npe no lus Henplais txhais hais tias “kuv tus txheebze li tub” thiab hais muaj ntsis thooj li Henplais lolus “cov Amoos.” Nws yog haivneeg Amoos nimno tus yawgkoob.
Currently Selected:
Chivkeeb 19: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Chivkeeb 19
19
Lub Nroog Xaudoos Tej Kev Txhaum
1Thaum yuav tsausntuj ob tug timtswv mus txog rau ntawm lub nroog Xaudoos, Lauj tseem tabtom nyob ntawm roojloog. Thaum nws pom dheev nkawd, nws txawm sawvtsees mus tostxais nkawd. Nws mus txhoscaug ntua ntawm nkawd xubntiag 2thiab hais tias, “ob tug tswv, kuv nyob ntawm no yog yuav tiam neb. Thov neb mus hauv kuv tsev, mus ntxuav kotaw thiab pw ib hmos hauv kuv tsev. Tagkis kajntug neb mamli sawvntxov mus.”
Tiamsis nkawd teb tias, “Tau lawm lau, hmo no wb yuav pw ntawm tshavpuam no xwb.”
3Tiamsis Lauj caw nkawd heev li, thaum kawg nkawd thiaj nrog Lauj mus so hauv nws tsev. Lauj kom nws cov tubtxib ci ncuav tsis xyaw keeb thiab ua ib pluag zaub-mov qab-qab rau ob tug qhua ntawd noj. Thaum ua tau siav lawm nkawd thiajli noj hmo.
4Uantej nkawd yuav mus pw, tagnrho tej txivneej uas nyob hauv lub nroog Xaudoos, tsis hais laus thiab hluas, txawm tuaj vij nkaus Lauj lub tsev. 5Lawv qw rau Lauj thiab nug hais tias, “Ob tug txivneej uas hmo no tuaj so hauv koj tsev nyob qhovtwg? Ciali coj nkawd tawm tuaj rau peb, kom peb thiaj tau nrog nkawd ua nkauj ua nraug!”
6Lauj txawm tawm mus rau sabnraud thiab muab qhovrooj kaw nkaus rau. 7Nws hais rau lawv tias, “Cov kwvtij, thov nej tsis txhob ua phem li no! 8Nej mloog kuv hais nawb, kuv muaj ob tug ntxhais tseem yog nkaujxwb. Thov cia kuv coj nkawd tawm tuaj rau nej, es nej xav ua licas rau nkawd los nyob ntawm nej siab nyiam. Tiamsis thov nej tsis txhob ua licas rau ob tug txivneej no hlo li, nkawd tuaj ua qhua txog hauv kuv tsev, kuv yuavtsum tivthaiv nkawd.” #Cthj 19:22-24
9Tiamsis lawv qw hais tias, “Nyuag tibneeg txawv tebchaws ko, ciali txav kev rau peb! Koj yog leejtwg es koj tseem yuav txiavtxim rau peb thiab? Ciali txav kev, yog tsis li ntawd, peb yuav ua phem rau koj tshaj peb ua rau nkawd thiab.” Lawv ciali thawb ntiag Lauj rovqab thiab nam zog mus tsoo kom qhovrooj tawg. 10Tiamsis ob tug txivneej uas nyob hauv tsev qhib hlo qhovrooj mus rub kiag Lauj rovqab los rau hauv tsev thiab muab qhovrooj kaw nkaus rau. 11Ces nkawd txawm ua rau cov txivneej uas nyob sabnraud digmuag tag huv tibsi, lawv thiaj tsis pomkev nrhiav lub qhovrooj lawm. #2Vaj 6:18
Lauj Khiav Tawm Hauv Lub Nroog Xaudoos
12ob tug txivneej ntawd hais rau Lauj tias, “Yog koj tseem tshuav tej tub, tej ntxhais, tej vauv, lossis kwvtij neejtsa uas nyob hauv lub nroog no, koj ciali coj lawv khiav tawm ntawm thaj chaw no mus, 13rauqhov wb tabtom yuav ua kom lub nroog no puastsuaj mus. Tus TSWV twb hnov tej suab quaj qw loj heev uas tawmtsam txog cov neeg no tej kev phem kev qias lawm, Nws thiaj txib wb los rhuav lub nroog Xaudoos no kom puastsuaj.”
14Ces Lauj txawm mus hais rau ob tug hluas uas tau qhaib nws ob tug ntxhais lawm hais tias, “Neb ciali tsuag-tsuag thiab khiav tawm ntawm thaj chaw no mus, rauqhov tus TSWV tabtom yuav rhuav lub nroog no kom puastsuaj!” Tiamsis nkawd xav tias yog Lauj lam tso dag xwb.
15Thaum kajntug txoog ob tug timtswv tau los txhib kom Lauj majnroos. Nkawd hais tias, “Tsuag-tsuag maj! Ciali coj koj pojniam thiab koj ob tug ntxhais tawm tamsim no mus, nej thiaj yuav tsis tuag thaum lub nroog no raug kev puastsuaj.” 16Lauj tseem pheej ua xyemxyav, ces ob tug timtswv thiaj ntsiab nkaus Lauj tes, nrog rau nws pojniam thiab ob tug ntxhais, thiab coj lawv tawm hauv lub nroog mus vim tus TSWV tabncuab Lauj heev. #2Pet 2:7 17Ces ib tug timtswv txawm hais tias, “Khiav tiag kom dim nawb! Tsis txhob tig saib qab thiab tsis txhob nres hauv lub hav ib qho twg hlo li. Khiav mus rau saum cov ncov roob nej thiaj yuav tsis tuag!”
18Tiamsis Lauj teb tias, “Tus tswv, thov tsis txhob cia peb khiav mus rau tid. 19Koj yeej ua zoo rau kuv kawg nkaus li lawm uas yog cawm kuv txojsia, tiamsis cov ncov roob ntawd nyob deb heev; ntshai tsam kev puastsuaj los caum cuag kuv, ua rau kuv tuag uantej mus txog tid. 20Koj puas pom lub nyuag moos me-me tid? Lub zos ntawd thiaj nyob ze mentsis xwb. Thov cia kuv mus lawm tid, koj yeej pom tias nws yog ib lub nyuag moos me-me xwb, kuv thiaj yuav tsis tuag.”
21Nws thiaj teb tias, “Tau kawg, ua li ntawd. Kuv yuav tsis rhuav lub moos tid. 22Tsuag-tsuag! Ciali mus! Kuv yuav tsis ua ib yam dabtsi txog thaum uas koj khiav mus txog tid tso.”
Vim Lauj hais tias lub moos tid yog ib lub moos uas me, thiaj muab lub moos ntawd hu ua Xau-as.#19:22: Xau-as: Lub npe no hais muaj ntsis thooj li lolus Henplais uas hais tias “me.”
Xaudoos Thiab Kaumaulas Raug Puastsuaj
23Thaum Lauj khiav mus txog tim lub moos Xau-as, hnub tabtom tawm plaws tim npoo ntuj. 24Tamsim ntawd tus TSWV txawm tso hluavtaws leejfaj poob saum ntuj los kub lub nroog Xaudoos thiab lub nroog Kaumaulas, 25ua rau ob lub nroog ntawd thiab tagnrho lub tiajnrag, nrog rau tej neeg uas nyob rau hauv thiab txhua yam nrojtsuag qoobloo raug puastsuaj tag. #Math 10:15; 11:23-24; Lukas 10:12; 17:29; 2Pet 2:6; Cthj 7 26Tiamsis Lauj tus pojniam uas lawv nws qab txawm tig saib rov tomqab, ces nws txawm ciali khov kiag ua ib tug ncej ntsev lawm. #Lukas 17:32
27Hnub tomqab, thaum sawvntxov Anplahas maj ceevnrooj mus rau tom qhov chaw uas nws sawv timntsej timmuag ntawm tus TSWV. 28Nws saib mus rau hauv lub nroog Xaudoos thiab lub nroog Kaumaulas, thiab saib mus thoobplaws lub tiajnrag, nws pom pataws ncho auv niab hauv thajtsam ntawd tuaj, npaum nkaus li ib cubtawg uas cig hlob heev. 29Tiamsis thaum Vajtswv rhuav ob lub nroog hauv lub tiajnrag uas Lauj nyob ntawd, Nws yeej tseem ncontsoov Anplahas rau nruabsiab thiab tau pab Lauj kom khiav dim txoj kev puastsuaj.
Cov Mau-am Thiab Cov Amoos
30Vim qhov uas Lauj ntshai nyob hauv lub zos Xau-as, nws thiab nws ob tug ntxhais thiaj khiav mus nyob hauv lub qhovtsua pem cov ncov roob. 31Tus ntxhais hlob hais rau nws tus niamhluas tias, “Wb txiv twb laus lawm, thiab tsis muaj tej txivneej uas nyob hauv lub ntiajteb#19:31: lub ntiajteb; lossis lub tebchaws. no tuaj yuav wb mus ua pojniam kom wb muaj tau menyuam. 32Ciali los, es wb muab cawv txivhmab rau txiv haus kom qaug, kom wb thiaj mus nrog tau txiv pw thiab muaj tau menyuam los ntawm nws.” 33Yogli ntawd, hmo ntawd nkawd thiaj muab cawv txivhmab rau nkawd txiv haus, ces tus ntxhais hlob txawm mus nrog nws txiv pw; tiamsis vim leejtxiv qaugcawv heev nws yeej tsis paub txog tej ntawd.
34Hnub tomqab tus ntxhais hlob hais rau nws tus niamhluas tias, “Naghmo kuv twb mus nrog txiv pw lawm, ibchim tsausntuj wb rov muab cawv rau txiv haus dua, ces koj ho mus nrog nws pw, kom wb thiaj yuav muaj menyuam los ntawm wb txiv.” 35Yogli ntawd, hmo ntawd nkawd thiaj rov muab cawv txivhmab rau leejtxiv haus dua, ces tus ntxhais yau txawm mus nrog leejtxiv pw. Leejtxiv kuj rov qaugcawv heev nws thiaj tsis paub txog tej ntawd. 36Yogli ntawd, Lauj ob tug ntxhais thiaj xeebtub los ntawm nkawd txiv. 37Lauj tus ntxhais hlob txawm yug tau ib tug tub, nws muab tis npe hu ua Mau-am.#19:37: Mau-am: Lub npe no hais muaj ntsis thooj li lolus Henplais uas hais tias “los ntawm kuv txiv.” Nws yog haivneeg Mau-am nimno tus yawgkoob. 38Lauj tus ntxhais yau kuj yug tau ib tug tub thiab, nws muab tis npe hu ua Npee-amis.#19:38: Npee-amis: Lub npe no lus Henplais txhais hais tias “kuv tus txheebze li tub” thiab hais muaj ntsis thooj li Henplais lolus “cov Amoos.” Nws yog haivneeg Amoos nimno tus yawgkoob.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.