Lukas 9
9
Yexus Txib Kaum-Ob Tug Thwjtim Mus Qhia Txoj Moo Zoo
(Mathais 10:5-15; Malakaus 6:7-13)
1Yexus hu kaum-ob tug thwjtim los uake thiab Nws muab hwjchim rau lawv kom ntiab tau txhua tus dab thiab kho tau txhua yam mob zoo. 2Ces Nws txawm txib lawv mus qhuabqhia zaj uas hais txog Vajtswv lub Tebchaws thiab kho tej neeg uas muaj mob. 3Yexus hais rau lawv tias, “Thaum nej mus, nej tsis txhob nqa ib yam dabtsi nrog nej mus: txhob nqa tus cwjnrig, txhob nqa hnab thoobpuab, txhob nqa zaub-mov, txhob nqa nyiaj, thiab tsis txhob nqa dua ib lub tsho ntxiv. #Lukas 10:4-11 4Yog yim twg zoosiab tostxais nej mus hauv nws tsev, nej ciali mus so hauv yim ntawd mus txog hnub uas nej tawm hauv lub nroog ntawd mus; 5yog nej mus txog qhovtwg uas tsis muaj leejtwg tostxais nej, ces nej ciali tawm hauv lub nroog ntawd mus, thiab nchos tej hmoov av uas lo nej kotaw povtseg, uas yog ua ib qhov timkhawv tawmtsam lawv.” #Teshl 13:51
6Cov thwjtim txawm taug kev mus rau txhua lub zos, qhuabqhia txog Txoj Moo Zoo thiab kho tej neeg muaj mob uas nyob txhua qhov zoo huv tibsi.
Helauj Ntxhovsiab
(Mathais 14:1-12; Malakaus 6:14-29)
7Thaum Helauj tus uas kav lub xeev Kalilais hnov txog txhua yam uas Yexus ua ntawd, nws ntxhovsiab heev, rauqhov muaj ibtxhia neeg hais tias Yauhas tus uas muab neeg ua kevcai rausdej tau sawv rovqab los lawm. #Math 16:14; Malak 8:28; Lukas 9:19 8Muaj qeeleej hais tias yog Eliyas rovqab los tshwmsim, thiab muaj qeeleej hais tias yog ib tug xibhwb cev Vajtswv lus txheej thaum ub ciajsia sawv rov los lawm. 9Helauj hais tias, “Kuv twb muab Yauhas txiav cajdab lawm; yogli ntawd, tus uas kuv hnov moo no ho yog leejtwg thiab?” Ces Helauj yimhuab nrhiav kom tau sijhawm ntsib Yexus.
Yexus Pub Mov Rau 5,000 Leej Noj
(Mathais 14:13-21; Malakaus 6:30-44; Yauhas 6:1-14)
10Thaum cov timthawj rovqab los, lawv qhia txhua yam uas lawv mus ua lawm rau Yexus mloog. Yexus txawm coj lawv twjywm mus rau tim ib lub nroog hu ua Npexaidas. 11Thaum cov neeg hnov li ntawd, lawv txawm raws Nws qab mus. Nws tostxais lawv txhua tus, Nws qhia txog Vajtswv lub Tebchaws rau lawv, thiab txhua tus uas xav zoo mob los Nws kho lawv zoo huv tibsi.
12Thaum hnub yuav poobqho, kaum-ob tug thwjtim los hais rau Yexus tias, “Ciali tso sawvdaws mus kom lawv thiaj mus nrhiav tau zaub-mov noj thiab chaw pw hauv tej zos uas nyob ibncig ze ntawm no, rauqhov thaj chaw no tsis muaj dabtsi li.”
13Tiamsis Yexus hais rau lawv tias, “Nej ciali nrhiav rau lawv noj.”
Lawv teb tias, “Peb tsuas muaj tsib lub ncuav thiab ob tug ntses xwb. Koj xav kom peb mus yuav mov los rau sawvdaws noj lov?” 14(Cov txivneej uas nyob ntawd muaj kwvlam li 5,000 leej.)
Yexus hais rau Nws cov thwjtim tias, “Nej hais kom sawvdaws zaum ua tej pab, ib pab twg tsibcaug leej.”
15Cov thwjtim txawm mus hais kom sawvdaws zaum, 16ces Yexus txawm muab tsib lub ncuav thiab ob tug ntses los, Nws tsa qhovmuag ntsia saum ntuj thiab ua Vajtswv tsaug, Nws muab ntais thiab cev rau cov thwjtim nqa mus faib rau sawvdaws. 17Txhua tus puavleej tau noj tsau huv tibsi. Cov thwjtim mus sau tej seem uas sawvdaws noj tsis tas tau kaum-ob tawb.
Petus Hais Tias Yexus Yog Tus Mexiyas
(Mathais 16:13-19; Malakaus 8:27-29)
18Muaj ib zaug thaum Yexus tibleeg tabtom thov Vajtswv, cov thwjtim txawm los cuag Nws. Yexus nug lawv hais tias, “Tej neeg sawvdaws hais tias Kuv yog leejtwg?”
19Lawv teb tias, “Muaj ibtxhia hais tias Koj yog Yauhas tus uas muab neeg ua kevcai rausdej; ibtxhia hais tias Koj yog Eliyas, thiab muaj ibtxhia hais tias Koj yog ib tug ntawm cov xibhwb cev Vajtswv lus txheej thaum ub uas tau ciajsia sawv rov los.” #Math 14:1-2; Malak 6:14-15; Lukas 9:7-8
20Yexus nug lawv hais tias, “Nej ne, nej ho hais tias Kuv yog leejtwg?” #Yauh 6:68-69
Petus teb tias, “Koj yog Vajtswv tus Mexiyas.”#9:20: Mexiyas los yog Khetos.
Yexus Hais Txog Nws Kev Txomnyem Thiab Kev Tuag
(Mathais 16:20-28; Malakaus 8:30—9:1)
21Yexus txwv cov thwjtim tawv-tawv kom lawv tsis txhob qhia zaj no rau leejtwg li. 22Nws hais ntxiv rau lawv tias, “Neeg Leejtub yuavtsum raug tsimtxom ntau yam; cov txwjlaug, cov thawj povthawj hlob thiab cov xibhwb uas qhia Kevcai, yuav tsis lees yuav Nws. Lawv yuav muab Nws tua, tiamsis peb hnub tomqab ntawd Nws yuav ciajsia sawv rov los.”
23Thiab Yexus hais rau lawv sawvdaws tias, “Yog leejtwg xav nrog Kuv mus, nws yuavtsum tsis txhob xav txog nws tuskheej, niajhnub kwv nws tus ntoo khaublig, thiab raws Kuv qab. #Math 10:38; Lukas 14:27 24Rauqhov tus uas xav ceev nws txojsia, tus ntawd yuav plam txojsia, tiamsis tus uas yeem cia nws txojsia tu rau Kuv, tus ntawd yuav ceev tau nws txojsia. #Math 10:39; Lukas 17:33; Yauh 12:25 25Yog leejtwg tau ibpuas tsavyam hauv ntiajteb no los ua nws tug, tiamsis nws txojsia tu lossis puastsuaj mus lawm, tej ntawd yuav muaj qabhau dabtsi rau nws? 26Yog leejtwg txajmuag rau Kuv lub npe thiab Kuv tej lus qhia, ces thaum lub sijhawm uas Neeg Leejtub nrog Nws cov timtswv dawbhuv los saum ntuj los thiab nrog Leejtxiv tus tshwjchim uas ci ntsa-iab los, Nws yuav txajmuag rau tus ntawd thiab. 27Kuv qhia tseeb rau nej hais tias, nej cov uas nyob ntawm no muaj ibtxhia yuav tsis tau tuag uantej uas lawv pom Vajtswv lub Tebchaws.”
Yexus Lub Cev Hloov
(Mathais 17:1-8; Malakaus 9:2-8)
28Kwvlam li ib lub limtiam tomqab uas Yexus tau qhia tej ntawd tas, Nws txawm coj Petus, Yauhas thiab Yakaunpaus nrog Nws mus thov Vajtswv pem roob. #2Pet 1:17-18 29Thaum Nws tseem tabtom thov Vajtswv, Nws lub ntsejmuag txawm hloov hlo thiab Nws cev tsoostsho ciali ci ntsa-iab dawbpaug. 30Tamsim ntawd txawm muaj ob tug txivneej los nrog Yexus tham. Ob tug ntawd yog Mauxes thiab Eliyas. 31Nkawd los tshwm nrog tus tshwjchim uas ci ntsa-iab thiab nkawd nrog Yexus tham txog qhov uas tsis ntev Nws yuav tuag, uas yog Nws yuav tau ua kom tiav rawsli Vajtswv lub homphiaj nyob rau hauv lub nroog Yeluxalees.
32Petus thiab nws ob tug phoojywg lawv tsaugzog heev, tiamsis thaum lawv tsim dheev los, lawv txawm pom Yexus tus tshwjchim uas ci ntsa-iab thiab ob tug txivneej uas nrog Yexus sawv ntawd. 33Thaum ob tug txivneej ntawd tabtom yuav ncaim Yexus mus, Petus txawm hais rau Yexus tias, “Tus Tswv, qhov chaw uas peb nyob ntawm no zoo kawg li! Cia peb ua peb lub tsev pheebsuab, ib lub rau Koj, ib lub rau Mauxes, thiab ib lub rau Eliyas.” (Petus yeej tsis paub tias xyov nws hais dabtsi li.)
34Thaum Petus tseem tabtom hais li ntawd, txawm muaj ib tauv huab los roos nkaus lawv; thaum cov huab ntawd los laum nkaus lawv lawm, cov thwjtim ntshai kawg li. 35Muaj ib lub suab hais hauv tauv huab ntawd tuaj hais tias, “Tus no yog Kuv tus Tub uas Kuv xaiv cia lawm, nej ciali mloog Nws lus!” #Yaxaya 42:1; Math 3:17; 12:18; Malak 1:11; Lukas 3:22
36Thaum lub suab ntawd ntsiag lawm, ces tsuas tshuav Yexus tibleeg nyob ntawd lawm xwb. Peb tug thwjtim npog tej uas lawv pom ntawd cia thiab yeej tsis qhia rau tej neeg uas nyob rau lub sijhawm ntawd paub hlo li.
Yexus Kho Tus Metub Uas Raug Ib Tug Ntsujplig Phem
(Mathais 17:14-18; Malakaus 9:14-27)
37Hnub tomqab thaum Yexus thiab Nws peb tug thwjtim nqis pem roob los, muaj neeg coob-coob tuaj cuag Yexus. 38Muaj ib tug txivneej hauv pab neeg ntawd hu nrov-nrov hais tias, “Xibhwb! Kuv thov Koj pab saib kuv tus tub, kuv muaj tibtug tub no xwb! 39Muaj ib tug ntsujplig phem ua phem rau nws ces nws pheej qw nrov-nrov; ua rau nws huam ib tshaj thiab ua npuas ncauj tawm plaws. Dab pheej tsimtxom nws thiab tsis kam tawm hauv nws mus li! 40Kuv twb thov Koj cov thwjtim ntiab tus dab ntawd tawm, tiamsis lawv ntiab tsis tau.”
41Yexus teb tias, “Tiam neeg uas tsis muaj kev ntseeg thiab siabphem! Kuv tseem yuav nrog nej nyob ntev licas thiab? Kuv tseem yuav ua siabntev rau nej mus txog thaum twg?” Yexus txawm hais rau tus txivneej ntawd hais tias, “Ciali coj koj tus tub los ntawm no.”
42Thaum tus metub tabtom los, tus dab txawm ua rau nws ntog kiag rau hauv av, nws huam ib tshaj thiab nti mus nti los. Yexus txawm cem tus ntsujplig phem ntawd, Nws thiaj kho tus metub ntawd zoo thiab muab nws cob rau nws txiv. 43Txhua tus neeg uas pom Vajtswv lub hwjchim loj kawg nkaus ntawd, lawv xav tsis thoob li.
Yexus Rov Hais Txog Nws Kev Tuag
(Mathais 17:22-23; Malakaus 9:30-32)
Thaum sawvdaws tseem pheej xav tsis thoob txog txhua yam uas Yexus tau ua ntawd, Yexus txawm hais rau Nws cov thwjtim tias, 44“Nej yuavtsum ncontsoov tej uas Kuv qhia rau nej no! Neeg Leejtub yuav raug muab cob rau luag tes.” 45Tiamsis cov thwjtim tsis totaub lub ntsiablus uas Yexus hais ntawd li. Tej no tau muab npog cia lawm lawv thiaj tsis totaub, tiamsis lawv los kuj ntshai nug Yexus txog zaj ntawd thiab.
Leejtwg Yog Tus Loj Dua Ntais?
(Mathais 18:1-5; Malakaus 9:33-37)
46Cov thwjtim los sibcav hais tias seb lawv leejtwg yog tus loj dua ntais. #Lukas 22:24 47Yexus paub tej uas lawv xav ntawd, Nws txawm rub kiag ib tug menyuam yaus los sawv ntawm Nws ib sab, 48thiab Nws hais rau lawv tias, “Tus uas txais yuav tus menyuam yaus no hauv Kuv lub npe, yog nws txais yuav Kuv; thiab tus uas txais yuav Kuv, yog nws txais yuav tus uas txib Kuv los thiab. Rauqhov tus uas ua tus yau tshajplaws hauv nej tagnrho, tus ntawd thiaj yog tus uas loj dua ntais.” #Math 10:40; Lukas 10:16; Yauh 13:20
Tus Uas Tsis Tawmtsam Nej, Tus Ntawd Yog Nej Cov
(Malakaus 9:38-40)
49Yauhas hais tias, “Xibhwb, peb pom ib tug txivneej tabtom tuav Koj lub npe ntiab dab, peb txwv tsis pub nws ua li ntawd rauqhov nws tsis yog peb cov.”
50Yexus hais rau Yauhas thiab cov thwjtim hais tias, “Tsis txhob txwv nws, rauqhov tus uas tsis tawmtsam nej, tus ntawd yog nej cov.”
Lub Zos Xamalis Tsis Kam Txais Yuav Yexus
51Thaum lub sijhawm uas Vajtswv yuav coj Yexus mus saum ntuj ceebtsheej los ze zujzus lawm, Yexus tau txiavtxim siab mus nram lub nroog Yeluxalees. 52Yexus txib ib co neeg ua Nws ntej mus. Lawv txawm mus rau hauv cov Xamalis ib lub zos thiab yuav mus npaj txhua yam tos Yexus. 53Tiamsis cov neeg hauv lub zos ntawd tsis kam txais yuav Yexus, vim Yexus tabtom yuav mus rau nram Yeluxalees. 54Thaum Yakaunpaus thiab Yauhas uas yog Yexus ob tug thwjtim pom li ntawd, nkawd hais tias, “Tus Tswv, Koj puas xav kom wb hu hluavtaws poob saum ntuj los hlawv cov neeg ntawd kom puastsuaj?”#9:54: Tej phau ntawv qub uas xuas tes sau, ntxiv ib yam li Eliyas tau ua los lawm. #2Vaj 19:16
55Yexus tig hlo mus cem nkawd.#9:55: Tej phau ntawv qub uas xuas tes sau, ntxiv thiab hais tias, “Nej tsis paub tias tus ntsujplig twg yog tus kav nej lub siab; rauqhov Neeg Leejtub tsis yog los rhuav neeg txojsia kom puastsuaj, tiamsis yog los cawm kom lawv dim.” 56Ces Yexus thiab cov thwjtim txawm mus dua lwm lub zos lawm.
Tus Uas Xav Nrog Yexus Mus
(Mathais 8:19-22)
57Thaum lawv tabtom taug kev mus, muaj ib tug txivneej hais rau Yexus tias, “Txawm yog Koj mus qhovtwg los kuv yuav nrog Koj mus qhov ntawd.”
58Yexus teb nws hais tias, “Hma tseem muaj qhov nkaum thiab noog tseem muaj zes nyob, tiamsis Neeg Leejtub tsis muaj lub chaw rau ncoo.”
59Yexus hais rau ib tug txivneej ntawd tias, “Koj ciali nrog Kuv mus.”
Tiamsis tus ntawd teb tias, “Tus Tswv, thov cia kuv rovqab mus faus kuv txiv tso.”
60Yexus teb tias, “Cia cov neeg tuag faus lawv tus tuag, tiamsis koj ciali mus thiab qhia zaj uas hais txog Vajtswv lub Tebchaws.”
61Muaj dua ib tug txivneej hais tias, “Tus Tswv, kuv yuav nrog Koj mus thiab; tiamsis thov cia kuv rovqab mus haislus sibncaim rau kuv tsev neeg tso.” #1Vaj 19:20
62Yexus hais rau tus ntawd tias, “Tus uas twb tuav khais laijliag lawm, tiamsis tseem pheej tig saib qab, tus ntawd tsis tsimnyog ua haujlwm rau Vajtswv lub Tebchaws.”
Currently Selected:
Lukas 9: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Lukas 9
9
Yexus Txib Kaum-Ob Tug Thwjtim Mus Qhia Txoj Moo Zoo
(Mathais 10:5-15; Malakaus 6:7-13)
1Yexus hu kaum-ob tug thwjtim los uake thiab Nws muab hwjchim rau lawv kom ntiab tau txhua tus dab thiab kho tau txhua yam mob zoo. 2Ces Nws txawm txib lawv mus qhuabqhia zaj uas hais txog Vajtswv lub Tebchaws thiab kho tej neeg uas muaj mob. 3Yexus hais rau lawv tias, “Thaum nej mus, nej tsis txhob nqa ib yam dabtsi nrog nej mus: txhob nqa tus cwjnrig, txhob nqa hnab thoobpuab, txhob nqa zaub-mov, txhob nqa nyiaj, thiab tsis txhob nqa dua ib lub tsho ntxiv. #Lukas 10:4-11 4Yog yim twg zoosiab tostxais nej mus hauv nws tsev, nej ciali mus so hauv yim ntawd mus txog hnub uas nej tawm hauv lub nroog ntawd mus; 5yog nej mus txog qhovtwg uas tsis muaj leejtwg tostxais nej, ces nej ciali tawm hauv lub nroog ntawd mus, thiab nchos tej hmoov av uas lo nej kotaw povtseg, uas yog ua ib qhov timkhawv tawmtsam lawv.” #Teshl 13:51
6Cov thwjtim txawm taug kev mus rau txhua lub zos, qhuabqhia txog Txoj Moo Zoo thiab kho tej neeg muaj mob uas nyob txhua qhov zoo huv tibsi.
Helauj Ntxhovsiab
(Mathais 14:1-12; Malakaus 6:14-29)
7Thaum Helauj tus uas kav lub xeev Kalilais hnov txog txhua yam uas Yexus ua ntawd, nws ntxhovsiab heev, rauqhov muaj ibtxhia neeg hais tias Yauhas tus uas muab neeg ua kevcai rausdej tau sawv rovqab los lawm. #Math 16:14; Malak 8:28; Lukas 9:19 8Muaj qeeleej hais tias yog Eliyas rovqab los tshwmsim, thiab muaj qeeleej hais tias yog ib tug xibhwb cev Vajtswv lus txheej thaum ub ciajsia sawv rov los lawm. 9Helauj hais tias, “Kuv twb muab Yauhas txiav cajdab lawm; yogli ntawd, tus uas kuv hnov moo no ho yog leejtwg thiab?” Ces Helauj yimhuab nrhiav kom tau sijhawm ntsib Yexus.
Yexus Pub Mov Rau 5,000 Leej Noj
(Mathais 14:13-21; Malakaus 6:30-44; Yauhas 6:1-14)
10Thaum cov timthawj rovqab los, lawv qhia txhua yam uas lawv mus ua lawm rau Yexus mloog. Yexus txawm coj lawv twjywm mus rau tim ib lub nroog hu ua Npexaidas. 11Thaum cov neeg hnov li ntawd, lawv txawm raws Nws qab mus. Nws tostxais lawv txhua tus, Nws qhia txog Vajtswv lub Tebchaws rau lawv, thiab txhua tus uas xav zoo mob los Nws kho lawv zoo huv tibsi.
12Thaum hnub yuav poobqho, kaum-ob tug thwjtim los hais rau Yexus tias, “Ciali tso sawvdaws mus kom lawv thiaj mus nrhiav tau zaub-mov noj thiab chaw pw hauv tej zos uas nyob ibncig ze ntawm no, rauqhov thaj chaw no tsis muaj dabtsi li.”
13Tiamsis Yexus hais rau lawv tias, “Nej ciali nrhiav rau lawv noj.”
Lawv teb tias, “Peb tsuas muaj tsib lub ncuav thiab ob tug ntses xwb. Koj xav kom peb mus yuav mov los rau sawvdaws noj lov?” 14(Cov txivneej uas nyob ntawd muaj kwvlam li 5,000 leej.)
Yexus hais rau Nws cov thwjtim tias, “Nej hais kom sawvdaws zaum ua tej pab, ib pab twg tsibcaug leej.”
15Cov thwjtim txawm mus hais kom sawvdaws zaum, 16ces Yexus txawm muab tsib lub ncuav thiab ob tug ntses los, Nws tsa qhovmuag ntsia saum ntuj thiab ua Vajtswv tsaug, Nws muab ntais thiab cev rau cov thwjtim nqa mus faib rau sawvdaws. 17Txhua tus puavleej tau noj tsau huv tibsi. Cov thwjtim mus sau tej seem uas sawvdaws noj tsis tas tau kaum-ob tawb.
Petus Hais Tias Yexus Yog Tus Mexiyas
(Mathais 16:13-19; Malakaus 8:27-29)
18Muaj ib zaug thaum Yexus tibleeg tabtom thov Vajtswv, cov thwjtim txawm los cuag Nws. Yexus nug lawv hais tias, “Tej neeg sawvdaws hais tias Kuv yog leejtwg?”
19Lawv teb tias, “Muaj ibtxhia hais tias Koj yog Yauhas tus uas muab neeg ua kevcai rausdej; ibtxhia hais tias Koj yog Eliyas, thiab muaj ibtxhia hais tias Koj yog ib tug ntawm cov xibhwb cev Vajtswv lus txheej thaum ub uas tau ciajsia sawv rov los.” #Math 14:1-2; Malak 6:14-15; Lukas 9:7-8
20Yexus nug lawv hais tias, “Nej ne, nej ho hais tias Kuv yog leejtwg?” #Yauh 6:68-69
Petus teb tias, “Koj yog Vajtswv tus Mexiyas.”#9:20: Mexiyas los yog Khetos.
Yexus Hais Txog Nws Kev Txomnyem Thiab Kev Tuag
(Mathais 16:20-28; Malakaus 8:30—9:1)
21Yexus txwv cov thwjtim tawv-tawv kom lawv tsis txhob qhia zaj no rau leejtwg li. 22Nws hais ntxiv rau lawv tias, “Neeg Leejtub yuavtsum raug tsimtxom ntau yam; cov txwjlaug, cov thawj povthawj hlob thiab cov xibhwb uas qhia Kevcai, yuav tsis lees yuav Nws. Lawv yuav muab Nws tua, tiamsis peb hnub tomqab ntawd Nws yuav ciajsia sawv rov los.”
23Thiab Yexus hais rau lawv sawvdaws tias, “Yog leejtwg xav nrog Kuv mus, nws yuavtsum tsis txhob xav txog nws tuskheej, niajhnub kwv nws tus ntoo khaublig, thiab raws Kuv qab. #Math 10:38; Lukas 14:27 24Rauqhov tus uas xav ceev nws txojsia, tus ntawd yuav plam txojsia, tiamsis tus uas yeem cia nws txojsia tu rau Kuv, tus ntawd yuav ceev tau nws txojsia. #Math 10:39; Lukas 17:33; Yauh 12:25 25Yog leejtwg tau ibpuas tsavyam hauv ntiajteb no los ua nws tug, tiamsis nws txojsia tu lossis puastsuaj mus lawm, tej ntawd yuav muaj qabhau dabtsi rau nws? 26Yog leejtwg txajmuag rau Kuv lub npe thiab Kuv tej lus qhia, ces thaum lub sijhawm uas Neeg Leejtub nrog Nws cov timtswv dawbhuv los saum ntuj los thiab nrog Leejtxiv tus tshwjchim uas ci ntsa-iab los, Nws yuav txajmuag rau tus ntawd thiab. 27Kuv qhia tseeb rau nej hais tias, nej cov uas nyob ntawm no muaj ibtxhia yuav tsis tau tuag uantej uas lawv pom Vajtswv lub Tebchaws.”
Yexus Lub Cev Hloov
(Mathais 17:1-8; Malakaus 9:2-8)
28Kwvlam li ib lub limtiam tomqab uas Yexus tau qhia tej ntawd tas, Nws txawm coj Petus, Yauhas thiab Yakaunpaus nrog Nws mus thov Vajtswv pem roob. #2Pet 1:17-18 29Thaum Nws tseem tabtom thov Vajtswv, Nws lub ntsejmuag txawm hloov hlo thiab Nws cev tsoostsho ciali ci ntsa-iab dawbpaug. 30Tamsim ntawd txawm muaj ob tug txivneej los nrog Yexus tham. Ob tug ntawd yog Mauxes thiab Eliyas. 31Nkawd los tshwm nrog tus tshwjchim uas ci ntsa-iab thiab nkawd nrog Yexus tham txog qhov uas tsis ntev Nws yuav tuag, uas yog Nws yuav tau ua kom tiav rawsli Vajtswv lub homphiaj nyob rau hauv lub nroog Yeluxalees.
32Petus thiab nws ob tug phoojywg lawv tsaugzog heev, tiamsis thaum lawv tsim dheev los, lawv txawm pom Yexus tus tshwjchim uas ci ntsa-iab thiab ob tug txivneej uas nrog Yexus sawv ntawd. 33Thaum ob tug txivneej ntawd tabtom yuav ncaim Yexus mus, Petus txawm hais rau Yexus tias, “Tus Tswv, qhov chaw uas peb nyob ntawm no zoo kawg li! Cia peb ua peb lub tsev pheebsuab, ib lub rau Koj, ib lub rau Mauxes, thiab ib lub rau Eliyas.” (Petus yeej tsis paub tias xyov nws hais dabtsi li.)
34Thaum Petus tseem tabtom hais li ntawd, txawm muaj ib tauv huab los roos nkaus lawv; thaum cov huab ntawd los laum nkaus lawv lawm, cov thwjtim ntshai kawg li. 35Muaj ib lub suab hais hauv tauv huab ntawd tuaj hais tias, “Tus no yog Kuv tus Tub uas Kuv xaiv cia lawm, nej ciali mloog Nws lus!” #Yaxaya 42:1; Math 3:17; 12:18; Malak 1:11; Lukas 3:22
36Thaum lub suab ntawd ntsiag lawm, ces tsuas tshuav Yexus tibleeg nyob ntawd lawm xwb. Peb tug thwjtim npog tej uas lawv pom ntawd cia thiab yeej tsis qhia rau tej neeg uas nyob rau lub sijhawm ntawd paub hlo li.
Yexus Kho Tus Metub Uas Raug Ib Tug Ntsujplig Phem
(Mathais 17:14-18; Malakaus 9:14-27)
37Hnub tomqab thaum Yexus thiab Nws peb tug thwjtim nqis pem roob los, muaj neeg coob-coob tuaj cuag Yexus. 38Muaj ib tug txivneej hauv pab neeg ntawd hu nrov-nrov hais tias, “Xibhwb! Kuv thov Koj pab saib kuv tus tub, kuv muaj tibtug tub no xwb! 39Muaj ib tug ntsujplig phem ua phem rau nws ces nws pheej qw nrov-nrov; ua rau nws huam ib tshaj thiab ua npuas ncauj tawm plaws. Dab pheej tsimtxom nws thiab tsis kam tawm hauv nws mus li! 40Kuv twb thov Koj cov thwjtim ntiab tus dab ntawd tawm, tiamsis lawv ntiab tsis tau.”
41Yexus teb tias, “Tiam neeg uas tsis muaj kev ntseeg thiab siabphem! Kuv tseem yuav nrog nej nyob ntev licas thiab? Kuv tseem yuav ua siabntev rau nej mus txog thaum twg?” Yexus txawm hais rau tus txivneej ntawd hais tias, “Ciali coj koj tus tub los ntawm no.”
42Thaum tus metub tabtom los, tus dab txawm ua rau nws ntog kiag rau hauv av, nws huam ib tshaj thiab nti mus nti los. Yexus txawm cem tus ntsujplig phem ntawd, Nws thiaj kho tus metub ntawd zoo thiab muab nws cob rau nws txiv. 43Txhua tus neeg uas pom Vajtswv lub hwjchim loj kawg nkaus ntawd, lawv xav tsis thoob li.
Yexus Rov Hais Txog Nws Kev Tuag
(Mathais 17:22-23; Malakaus 9:30-32)
Thaum sawvdaws tseem pheej xav tsis thoob txog txhua yam uas Yexus tau ua ntawd, Yexus txawm hais rau Nws cov thwjtim tias, 44“Nej yuavtsum ncontsoov tej uas Kuv qhia rau nej no! Neeg Leejtub yuav raug muab cob rau luag tes.” 45Tiamsis cov thwjtim tsis totaub lub ntsiablus uas Yexus hais ntawd li. Tej no tau muab npog cia lawm lawv thiaj tsis totaub, tiamsis lawv los kuj ntshai nug Yexus txog zaj ntawd thiab.
Leejtwg Yog Tus Loj Dua Ntais?
(Mathais 18:1-5; Malakaus 9:33-37)
46Cov thwjtim los sibcav hais tias seb lawv leejtwg yog tus loj dua ntais. #Lukas 22:24 47Yexus paub tej uas lawv xav ntawd, Nws txawm rub kiag ib tug menyuam yaus los sawv ntawm Nws ib sab, 48thiab Nws hais rau lawv tias, “Tus uas txais yuav tus menyuam yaus no hauv Kuv lub npe, yog nws txais yuav Kuv; thiab tus uas txais yuav Kuv, yog nws txais yuav tus uas txib Kuv los thiab. Rauqhov tus uas ua tus yau tshajplaws hauv nej tagnrho, tus ntawd thiaj yog tus uas loj dua ntais.” #Math 10:40; Lukas 10:16; Yauh 13:20
Tus Uas Tsis Tawmtsam Nej, Tus Ntawd Yog Nej Cov
(Malakaus 9:38-40)
49Yauhas hais tias, “Xibhwb, peb pom ib tug txivneej tabtom tuav Koj lub npe ntiab dab, peb txwv tsis pub nws ua li ntawd rauqhov nws tsis yog peb cov.”
50Yexus hais rau Yauhas thiab cov thwjtim hais tias, “Tsis txhob txwv nws, rauqhov tus uas tsis tawmtsam nej, tus ntawd yog nej cov.”
Lub Zos Xamalis Tsis Kam Txais Yuav Yexus
51Thaum lub sijhawm uas Vajtswv yuav coj Yexus mus saum ntuj ceebtsheej los ze zujzus lawm, Yexus tau txiavtxim siab mus nram lub nroog Yeluxalees. 52Yexus txib ib co neeg ua Nws ntej mus. Lawv txawm mus rau hauv cov Xamalis ib lub zos thiab yuav mus npaj txhua yam tos Yexus. 53Tiamsis cov neeg hauv lub zos ntawd tsis kam txais yuav Yexus, vim Yexus tabtom yuav mus rau nram Yeluxalees. 54Thaum Yakaunpaus thiab Yauhas uas yog Yexus ob tug thwjtim pom li ntawd, nkawd hais tias, “Tus Tswv, Koj puas xav kom wb hu hluavtaws poob saum ntuj los hlawv cov neeg ntawd kom puastsuaj?”#9:54: Tej phau ntawv qub uas xuas tes sau, ntxiv ib yam li Eliyas tau ua los lawm. #2Vaj 19:16
55Yexus tig hlo mus cem nkawd.#9:55: Tej phau ntawv qub uas xuas tes sau, ntxiv thiab hais tias, “Nej tsis paub tias tus ntsujplig twg yog tus kav nej lub siab; rauqhov Neeg Leejtub tsis yog los rhuav neeg txojsia kom puastsuaj, tiamsis yog los cawm kom lawv dim.” 56Ces Yexus thiab cov thwjtim txawm mus dua lwm lub zos lawm.
Tus Uas Xav Nrog Yexus Mus
(Mathais 8:19-22)
57Thaum lawv tabtom taug kev mus, muaj ib tug txivneej hais rau Yexus tias, “Txawm yog Koj mus qhovtwg los kuv yuav nrog Koj mus qhov ntawd.”
58Yexus teb nws hais tias, “Hma tseem muaj qhov nkaum thiab noog tseem muaj zes nyob, tiamsis Neeg Leejtub tsis muaj lub chaw rau ncoo.”
59Yexus hais rau ib tug txivneej ntawd tias, “Koj ciali nrog Kuv mus.”
Tiamsis tus ntawd teb tias, “Tus Tswv, thov cia kuv rovqab mus faus kuv txiv tso.”
60Yexus teb tias, “Cia cov neeg tuag faus lawv tus tuag, tiamsis koj ciali mus thiab qhia zaj uas hais txog Vajtswv lub Tebchaws.”
61Muaj dua ib tug txivneej hais tias, “Tus Tswv, kuv yuav nrog Koj mus thiab; tiamsis thov cia kuv rovqab mus haislus sibncaim rau kuv tsev neeg tso.” #1Vaj 19:20
62Yexus hais rau tus ntawd tias, “Tus uas twb tuav khais laijliag lawm, tiamsis tseem pheej tig saib qab, tus ntawd tsis tsimnyog ua haujlwm rau Vajtswv lub Tebchaws.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.