JON 21
21
Jisu Kanuhe Henjeajiñ atañ ko Ahdo
1Siika hiibaho hiira Jisu attoh mi kakiñ siitii henjeajiñ atañmi Tiberias ka siimie ho; ho mo attoh mi sitañpa kakiñ siitii. 2#Jn 11.16; 1.45; Lk 5.10. Saimon Pitar, Tomas bupyuñ siiniiñ luniiñbo, Kana Galili daka Natanel, Zebedi ka oho atañ, ho mohka khiibe henjeajiñ anye dabo montii. 3#Lk 5.3-7. Saimon Pitar mohlumi lutii, “Ngo ngiiyyi kute talyike.” Mohlu mohmi lutii, “Ngunu tiirḛ niika agiñho inchi.” Mohlu intii ho huluho chatii; hojalo hiika ayoh ho mohlu hang kubii matii.
4 #
Jn 20.14; Lk 24.16. Allo kupa miikele, Jisu kiitiñ ho datii; hojalo henjeajiñ atañsi Jisu hiila chima tii. 5#Lk 24.41. Jisu mohlumi lutii, “Himmeatañ, nunuko hang ngiiyyi do ha?” Mohlu mohmi lusitii, “Ma.” 6Mo mohlumi lutii, “Pakhe mi hulu ka lahbi dalyiho kuloto, ho nunu kubii kendoke.” Hopa mohlu kulo tii, ho siisi mohlu hiimi setu biila matiiku, niimpalukoda ngiiyyi abuje dotii. 7#Jn 13.23; 19.26; 20.2; 21.20. Henjeajiñ atañ hutiimina Jisu hentiinii Pitar mi lutii, “Siikasi Attoh ke!” Saimon Pitar siikasi Attoh hiila tapa lala, mo mohka pulye tarii mi giitiiku, niimpalukoda mo khepa tola datii miigo miidupa hiila, ho yasie ho beritii. 8Hojalo khiibe henjeajiñ atañ huluho ahtii, poteje ngiiyyi donii pakhe mi seliñ nyatii, niimpalukoda mohlu kiiddi hokiila ano adho damatii, hojalo dakuñdanyi lanye hepa adho ho datii.
9Mohlu kiiddi ho linku lala, mohlu hiiko yamu miiri kappatii, hiiko ngiiyyi dopa, ho yatañ miilañ. 10Jisu mohlumi lutii, “Ngiiyyi iche biilii siisi ka nunuka labii nii hokii.” 11Hopa Saimon Pitar intii ho pakhe mi kiitiñ ho sechatii, poteje ngiiyyi soro adiñ, langela alyañlyango hela sohiñhe hiiko dotii; ho abuje hiiko dosutii, hojalo pakhe hii paja giimatii. 12Jisu mohlumi lutii, “Ahto ho aroapiñ diisa.” Siisi henjeajiñ atañ hokii kone tiirḛ haro matii mohmi taka dupa, “No huyape?” Mohlu chintii si Attoh hiila. 13Jisu ahtii ho yatañ mi tula la ho mohlumi hiimi bitii, ho hiichulipa ngiiyyi mitrḛ 14#Jn 20.19,26. Siikasi rohiñniipa Jisu kakiñ siitii henjeajiñ atañmi mohka shiite hela turiturku bii hokii.
Jisu la Pitar nyi
15 #
Jn 1.42; 13.37; Mk 14.29-31; Lk 12.32. Mohlu aroapiñ mi diija kula la, Jisu Saimon Pitar mi lutii, “Saimon, Jon ka oho, no ngiimi siika atañmi uro yapa hendu ha?” Mo mohmi lutii, “Ḛh, Attoh; no chindo ngo niimi hendu hiila.” Mo mohmi lutii, “Ngiika subuñ atañmi diigo bitolya.” 16#Mt 2.6; Miin 20.28; 1 Pit 5.2; Mih 7.17. Ronye niipa mo mohmi lutii, “Saimon, Jon ka oho, no ngiimi hendu ha?” Mo mohmi lutii, “Ḛh, Attoh; no chindo ngo niimi hendu hiila.” Mo mohmi lutii, “Ngiika subuñ atañmi kage tolya.” 17Mo rohiñniipa mohmi lutii, “Saimon, Jon ka oho, no ngiimi hendu ha?” Pitar herutii niimpalukoda mo mohmi rohiñniipa lutii, “No ngiimi hendu ha hiila?” Ho mo mohmi lutii, “Attoh, no amanehemi chindo ke; no chindo ngo niimi hendo hiila.” Jisu mohmi lutii, “Ngiika subuñ mi diigo bitolya. 18Jijeloda, jijeloda, ngo niimi lukoso, niika yapa doho, no atoh atoh abitarii giila ho no inado inne; hojalo niika akha lyikuho, no niika alah mi lyuliñ bikiñdo, ho koneya niimi agii kendo ho no noh inama ho niimi ingii kendo.” 19#2 Pit 1.14; Mk 1.17. (Siikasi mo lutii niihtañ pana mo shiikiñ tiinii Pinii mi assañdiilañ dupa.) Ho hiikahiiba ho mo mohmi lutii, “Ngiika kiiliñho imboto.”
Jisu la Henjeajiñ Kone nyi
20 #
Jn 13.25. Pitar kakutii ho mo anye mi imbo mondo pa kappatii henjeajiñ mi humina Jisu hentiinii, huna alyiñapiñ diilyi ho mohmi habyañho giida biidola lunenii, “Attoh, huna hii niimi ka talubalo saniibo?” 21Pitar mohmi kapa lala, mo Jisu mi lutii, “Attoh, siika miyu si nii lyikiñdo?” 22#1 Kor 4.5; Jem 5.7; Mih 2.25; Mt 16.28. Jisu mohmi lutii, “Ngiika henko matiirḛ lyido koda mo ngiika ahlyi ku lohepa dalya dokoda, hiimi no niihpa? Ngiimi imbo monto!” 23Luniiñsi hikha adhoganda anubarmii miilañ tapa tii siika henjeajiñ shiikiñma hiila; hojalo Jisu mohmi no shiikiñma hiila lumatii, hojalo, “Ngiika henko matiirḛ lyido koda mo ngiika ahlyi ko lohepa dalya dokoda, hiimi no niihpa?”
24 #
Jn 15.27; 19.35. Siika sike henjeajiñ huna siika drih atañmi haki bitiinii, ho huna siika drih atañmi ketiinii; ho ngunu chindo siika pyakoniisi jije hiila.
Lumelujakuniiñ
25 #
Jn 20.30. Hojalo akota abuje drih atañ dorañ Jisu ka miiniiñ; hikha kone abimi kedo koda, ngo hendo dohadolo soya atii ko nyidiima siika kheta keniiñ atañmi.
Currently Selected:
JON 21: APATBSI
Highlight
Share
Copy
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.
JON 21
21
Jisu Kanuhe Henjeajiñ atañ ko Ahdo
1Siika hiibaho hiira Jisu attoh mi kakiñ siitii henjeajiñ atañmi Tiberias ka siimie ho; ho mo attoh mi sitañpa kakiñ siitii. 2#Jn 11.16; 1.45; Lk 5.10. Saimon Pitar, Tomas bupyuñ siiniiñ luniiñbo, Kana Galili daka Natanel, Zebedi ka oho atañ, ho mohka khiibe henjeajiñ anye dabo montii. 3#Lk 5.3-7. Saimon Pitar mohlumi lutii, “Ngo ngiiyyi kute talyike.” Mohlu mohmi lutii, “Ngunu tiirḛ niika agiñho inchi.” Mohlu intii ho huluho chatii; hojalo hiika ayoh ho mohlu hang kubii matii.
4 #
Jn 20.14; Lk 24.16. Allo kupa miikele, Jisu kiitiñ ho datii; hojalo henjeajiñ atañsi Jisu hiila chima tii. 5#Lk 24.41. Jisu mohlumi lutii, “Himmeatañ, nunuko hang ngiiyyi do ha?” Mohlu mohmi lusitii, “Ma.” 6Mo mohlumi lutii, “Pakhe mi hulu ka lahbi dalyiho kuloto, ho nunu kubii kendoke.” Hopa mohlu kulo tii, ho siisi mohlu hiimi setu biila matiiku, niimpalukoda ngiiyyi abuje dotii. 7#Jn 13.23; 19.26; 20.2; 21.20. Henjeajiñ atañ hutiimina Jisu hentiinii Pitar mi lutii, “Siikasi Attoh ke!” Saimon Pitar siikasi Attoh hiila tapa lala, mo mohka pulye tarii mi giitiiku, niimpalukoda mo khepa tola datii miigo miidupa hiila, ho yasie ho beritii. 8Hojalo khiibe henjeajiñ atañ huluho ahtii, poteje ngiiyyi donii pakhe mi seliñ nyatii, niimpalukoda mohlu kiiddi hokiila ano adho damatii, hojalo dakuñdanyi lanye hepa adho ho datii.
9Mohlu kiiddi ho linku lala, mohlu hiiko yamu miiri kappatii, hiiko ngiiyyi dopa, ho yatañ miilañ. 10Jisu mohlumi lutii, “Ngiiyyi iche biilii siisi ka nunuka labii nii hokii.” 11Hopa Saimon Pitar intii ho pakhe mi kiitiñ ho sechatii, poteje ngiiyyi soro adiñ, langela alyañlyango hela sohiñhe hiiko dotii; ho abuje hiiko dosutii, hojalo pakhe hii paja giimatii. 12Jisu mohlumi lutii, “Ahto ho aroapiñ diisa.” Siisi henjeajiñ atañ hokii kone tiirḛ haro matii mohmi taka dupa, “No huyape?” Mohlu chintii si Attoh hiila. 13Jisu ahtii ho yatañ mi tula la ho mohlumi hiimi bitii, ho hiichulipa ngiiyyi mitrḛ 14#Jn 20.19,26. Siikasi rohiñniipa Jisu kakiñ siitii henjeajiñ atañmi mohka shiite hela turiturku bii hokii.
Jisu la Pitar nyi
15 #
Jn 1.42; 13.37; Mk 14.29-31; Lk 12.32. Mohlu aroapiñ mi diija kula la, Jisu Saimon Pitar mi lutii, “Saimon, Jon ka oho, no ngiimi siika atañmi uro yapa hendu ha?” Mo mohmi lutii, “Ḛh, Attoh; no chindo ngo niimi hendu hiila.” Mo mohmi lutii, “Ngiika subuñ atañmi diigo bitolya.” 16#Mt 2.6; Miin 20.28; 1 Pit 5.2; Mih 7.17. Ronye niipa mo mohmi lutii, “Saimon, Jon ka oho, no ngiimi hendu ha?” Mo mohmi lutii, “Ḛh, Attoh; no chindo ngo niimi hendu hiila.” Mo mohmi lutii, “Ngiika subuñ atañmi kage tolya.” 17Mo rohiñniipa mohmi lutii, “Saimon, Jon ka oho, no ngiimi hendu ha?” Pitar herutii niimpalukoda mo mohmi rohiñniipa lutii, “No ngiimi hendu ha hiila?” Ho mo mohmi lutii, “Attoh, no amanehemi chindo ke; no chindo ngo niimi hendo hiila.” Jisu mohmi lutii, “Ngiika subuñ mi diigo bitolya. 18Jijeloda, jijeloda, ngo niimi lukoso, niika yapa doho, no atoh atoh abitarii giila ho no inado inne; hojalo niika akha lyikuho, no niika alah mi lyuliñ bikiñdo, ho koneya niimi agii kendo ho no noh inama ho niimi ingii kendo.” 19#2 Pit 1.14; Mk 1.17. (Siikasi mo lutii niihtañ pana mo shiikiñ tiinii Pinii mi assañdiilañ dupa.) Ho hiikahiiba ho mo mohmi lutii, “Ngiika kiiliñho imboto.”
Jisu la Henjeajiñ Kone nyi
20 #
Jn 13.25. Pitar kakutii ho mo anye mi imbo mondo pa kappatii henjeajiñ mi humina Jisu hentiinii, huna alyiñapiñ diilyi ho mohmi habyañho giida biidola lunenii, “Attoh, huna hii niimi ka talubalo saniibo?” 21Pitar mohmi kapa lala, mo Jisu mi lutii, “Attoh, siika miyu si nii lyikiñdo?” 22#1 Kor 4.5; Jem 5.7; Mih 2.25; Mt 16.28. Jisu mohmi lutii, “Ngiika henko matiirḛ lyido koda mo ngiika ahlyi ku lohepa dalya dokoda, hiimi no niihpa? Ngiimi imbo monto!” 23Luniiñsi hikha adhoganda anubarmii miilañ tapa tii siika henjeajiñ shiikiñma hiila; hojalo Jisu mohmi no shiikiñma hiila lumatii, hojalo, “Ngiika henko matiirḛ lyido koda mo ngiika ahlyi ko lohepa dalya dokoda, hiimi no niihpa?”
24 #
Jn 15.27; 19.35. Siika sike henjeajiñ huna siika drih atañmi haki bitiinii, ho huna siika drih atañmi ketiinii; ho ngunu chindo siika pyakoniisi jije hiila.
Lumelujakuniiñ
25 #
Jn 20.30. Hojalo akota abuje drih atañ dorañ Jisu ka miiniiñ; hikha kone abimi kedo koda, ngo hendo dohadolo soya atii ko nyidiima siika kheta keniiñ atañmi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.