LUK 17
17
Ingyamiigya
(Mt 18.6,7,21,22; Mk 9.42)
1 #
Mt 18.6-7; Mk 9.42; 1 Kor 8.12. Ho mo lutii mohka henjeajiñ atañmi, “Ingyamiigya dopaka tenkalarka atañ hii ahkiñ do lodake; hojalo aiya hiila hembido hiimi hukohokiina ahdonii! 2Hiila miiniiñya aya yakiñdo mo matiirḛ yalañ puhe mohka langu ho palii giila ho mo siimie hoka chubañ haniiya, hiila ka miiniiñmi hentola siika atu kone mijalo ingyamiigya dopa miisa niimi. 3#Mt 18.15,21-22. Atohpa hendi nyatolya; nunuka anubarmii matiirḛ ingyamiigya lyimilo, mohmi gato, ho mo matiirḛ henkur lyiku milo, mohmi hello to; 4ho mo matiirḛ rongkanuhe allo ho niimi ingyamiigya la miilyimilo, ho rongkanuhe mo niiko ahkurla, ho lulyi milo, ‘ngo henkur doku,’ no mohmi hello bitokulya.”
Henje
5 #
Mt 17.20; 21.21; Mk 11.22-23. #Lk 7.13. Kiiniñkonii atañ lutii Attoh mi, “Ngunuka henjemi abuyapa miitope!” 6Ho Attoh lutii, “Nunuko matiirḛ henje gihañ kormo kane jalo giido koda, nunu siika sycamine sannii mi lula kendo, ‘Sokii ngurliñ la, ho siimie ho duhahe,’ ho hiikahii nunuka luniiñmi takiñdo.
Miira ka Miigo
7“Nunu kokii huyape kone, hukiina miira aji miila danii malo subuñ kabidanii, lukiñdoha mohmi mohka aji hokii ude ho ahlyikuho, nyibya ahto ho diitananii so duhato? 8#Lk 12.37; Jn 13.3-5. hiilamapa mo hiilaya mohmi lukiñ masupeha, Alyiñapiñ miitope ngiipa, ho no giijugiila lala ho ngiimi miihope; ngiika diija tanja mendahemi, ho hiikahiiba ho no diito tanto? 9Mo miira mi payapacho lukiñ dopeha niimpalukoda mo miitii luniiñmi? 10Hopa nunu tiirḛ, nunuka nunumika hikha luniiñmi miitii milo, luto, ‘Ngunu khiimanii miira; ngunu hiimi sii miisu tiinii niihna ngunuka miigo.’”
Jisu Miyu Alyañhemi Miipya Biido
11 #
Lk 9.51; 13.22; 19.11. Jerusalem ho impa lembo ilyi la mo Samaria la Galili nyimi impo biitii. 12Ho mo lemba ho ahkele, mo miyu alyañhe tahikoya giinii kappatii, hutiina adho ho datiinii 13#Lk 5.5; 8.24,45; 9.33,49. ho mohlu goropa gyubii dola ho lutii, “Jisu, Atoh, ngunumi arohpe.” 14#Lk 5.14; Mt 8.4; Mk 1.44. Mo mohlumi kappa lala mo mohlumi lutii, “Inge ho nunu atohmi nyibu atañmi kakiñ siinge.” Ho mohlu ila dokele mohlu darii ritii. 15Ho hiiko hokii kone, mo atoh mi hempyo doku hiila kappa siila la, ahkurtii, Pinii mi hempḛr goropa assañ biidola; 16ho mo Jisu ka alih ho nyimo chuha biidola, mohmi payapacho lubiido. Mo Samarita tii. 17Ho Jisu lutii, “Alyañ hemasa darii nekunii? Nohna midiñ kowahe? 18Kone hetrḛ nyikumaha ahkurla Pinii mi assañ niipa siika nyibo mi apa lala?” 19#Mt 9.22; Mk 5.34; Lk 8.48; 18.42. Ho mo mohmi lutii, “Gurito ho niika lembo ho ingeku; niika henje niimi aya dopa miipya biine ke.”
Raddeganda ka Ahniiñ
(Mt 24.23-28,37-41)
20 #
Lk 19.11; 21.7; Miin 1.6. Ronge Parisi atañ taka biilyi nii niida Pinii ka raddeganda hii ahkiñdonii, mo mohlumi lusitii, “Pinii ka raddeganda hii kagiñnanii ka agiñho ahkiñ make hiimi kamiñ budupa; 21malo mohlu hiila tiirḛ lukiñma, ‘Kato, siika sike!’ malo inkasike! niimpalukoda kato, Pinii ka raddeganda hii nunuka punkoho do.”
22 #
Mt 9.15; Mk 2.20; Lk 5.35. Ho mo lutii henjeajiñ atañmi, “Allo hii ahkiñ doke niidana nunu kanala miyu ka Oho ka allo lohe mijalo, ho nunu hiimi kappa lakiñma. 23#Mt 24.23; Mk 13.21. Ho mohlu niimi lukiñdo, ‘Kato!’ inkasi malo ‘Kato, siikasi!’ Ilya yo, mohlumi imbo molya yo. 24#Mt 24.27; Mih 1.7. Niimpalukoda niihtañpa dolya kiibyodu yapuñ pache dalyi hokiila pachedalyi lohepa, hii chulipa miyu ka Oho tiirḛ mohka allo ho ahkiñdo. 25#Lk 9.22. Hojalo kappyopa mo abuje drih atañpa heru kendo ho siika santuñ lo khiipa kokiñdo. 26#Mt 24.37-39. Noah ka allo atañ hoka lyichañ ho, hiichuli kendo miyu ka Oho ho allo ho. 27Mohlu diitii, mohlu tantii, mohlu mihie millo lasutii, mohlu mihie millo lahbi siitii, hiika allo lohe pa Noah ka hulu ura ho amiñ dayemi, ho yasie tuhatii ho mohlu miilañ rumi pyadu lobiido. 28Hiichulipa Lot ka allo hotiirḛ lyitii, mohlu diitii, mohlu tantii, mohlu riitii, mohlu pyutii, mohlu alitii, mohlu pentii, 29hojalo Lot ka Sodom hokii ka lilyi allo ho yamu la sulphur yapuñ hokii huhitii ho mohlu miilañrumi lyadu lotii 30hiichuli kendo allo hii niidana miyu ka Oho kakiñ talyinii. 31#Mt 24.17-18; Mk 13.15-16; Lk 21.21. Hiika allo ho, huna ude ka mantu liipa ho danii, mohka drih atañ agiñho ude ho, tokur kuyo hiika atañmi laliñ budu kupa hiila; ho hiichuli pa huna aji ho danii ahkur kuyo. 32Lot ka mihie mi hempa to. 33#Mt 10.39; 16.25; Mk 8.35; Lk 9.24; Jn 12.25. Hujalopa atoh ka sango mi sandupa mesu talyi alyu siikiñdo hiimi, hojalo hujalo mohka sango mi alyu siichi hiimi atiisiibii kendo. 34#Mt 24.40-41. Ngo nunumi lukoso, hiika ayoh ho dotananii kone ho anye dokiñdo; kone mi ingii kendo ho kone mi apakendo. 35Annii akha anye du huhiñla dakiñdo; kone mi ingii kendo ho kone mi apakendo.”#17.35: Goñkhu 36 “Miyu anye aji ho dakiñ do; kone mi ingii kendo ho konemi apa kendo” 37#Mt 24.28. Ho mohlu mohmi lutii, “No, Attoh?” Mo mohlumi lutii, “Shiima hii noh do, hiiko piigeen puwa atañ tongepa dakuñ kendo.”
Currently Selected:
LUK 17: APATBSI
Highlight
Share
Copy
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.
LUK 17
17
Ingyamiigya
(Mt 18.6,7,21,22; Mk 9.42)
1 #
Mt 18.6-7; Mk 9.42; 1 Kor 8.12. Ho mo lutii mohka henjeajiñ atañmi, “Ingyamiigya dopaka tenkalarka atañ hii ahkiñ do lodake; hojalo aiya hiila hembido hiimi hukohokiina ahdonii! 2Hiila miiniiñya aya yakiñdo mo matiirḛ yalañ puhe mohka langu ho palii giila ho mo siimie hoka chubañ haniiya, hiila ka miiniiñmi hentola siika atu kone mijalo ingyamiigya dopa miisa niimi. 3#Mt 18.15,21-22. Atohpa hendi nyatolya; nunuka anubarmii matiirḛ ingyamiigya lyimilo, mohmi gato, ho mo matiirḛ henkur lyiku milo, mohmi hello to; 4ho mo matiirḛ rongkanuhe allo ho niimi ingyamiigya la miilyimilo, ho rongkanuhe mo niiko ahkurla, ho lulyi milo, ‘ngo henkur doku,’ no mohmi hello bitokulya.”
Henje
5 #
Mt 17.20; 21.21; Mk 11.22-23. #Lk 7.13. Kiiniñkonii atañ lutii Attoh mi, “Ngunuka henjemi abuyapa miitope!” 6Ho Attoh lutii, “Nunuko matiirḛ henje gihañ kormo kane jalo giido koda, nunu siika sycamine sannii mi lula kendo, ‘Sokii ngurliñ la, ho siimie ho duhahe,’ ho hiikahii nunuka luniiñmi takiñdo.
Miira ka Miigo
7“Nunu kokii huyape kone, hukiina miira aji miila danii malo subuñ kabidanii, lukiñdoha mohmi mohka aji hokii ude ho ahlyikuho, nyibya ahto ho diitananii so duhato? 8#Lk 12.37; Jn 13.3-5. hiilamapa mo hiilaya mohmi lukiñ masupeha, Alyiñapiñ miitope ngiipa, ho no giijugiila lala ho ngiimi miihope; ngiika diija tanja mendahemi, ho hiikahiiba ho no diito tanto? 9Mo miira mi payapacho lukiñ dopeha niimpalukoda mo miitii luniiñmi? 10Hopa nunu tiirḛ, nunuka nunumika hikha luniiñmi miitii milo, luto, ‘Ngunu khiimanii miira; ngunu hiimi sii miisu tiinii niihna ngunuka miigo.’”
Jisu Miyu Alyañhemi Miipya Biido
11 #
Lk 9.51; 13.22; 19.11. Jerusalem ho impa lembo ilyi la mo Samaria la Galili nyimi impo biitii. 12Ho mo lemba ho ahkele, mo miyu alyañhe tahikoya giinii kappatii, hutiina adho ho datiinii 13#Lk 5.5; 8.24,45; 9.33,49. ho mohlu goropa gyubii dola ho lutii, “Jisu, Atoh, ngunumi arohpe.” 14#Lk 5.14; Mt 8.4; Mk 1.44. Mo mohlumi kappa lala mo mohlumi lutii, “Inge ho nunu atohmi nyibu atañmi kakiñ siinge.” Ho mohlu ila dokele mohlu darii ritii. 15Ho hiiko hokii kone, mo atoh mi hempyo doku hiila kappa siila la, ahkurtii, Pinii mi hempḛr goropa assañ biidola; 16ho mo Jisu ka alih ho nyimo chuha biidola, mohmi payapacho lubiido. Mo Samarita tii. 17Ho Jisu lutii, “Alyañ hemasa darii nekunii? Nohna midiñ kowahe? 18Kone hetrḛ nyikumaha ahkurla Pinii mi assañ niipa siika nyibo mi apa lala?” 19#Mt 9.22; Mk 5.34; Lk 8.48; 18.42. Ho mo mohmi lutii, “Gurito ho niika lembo ho ingeku; niika henje niimi aya dopa miipya biine ke.”
Raddeganda ka Ahniiñ
(Mt 24.23-28,37-41)
20 #
Lk 19.11; 21.7; Miin 1.6. Ronge Parisi atañ taka biilyi nii niida Pinii ka raddeganda hii ahkiñdonii, mo mohlumi lusitii, “Pinii ka raddeganda hii kagiñnanii ka agiñho ahkiñ make hiimi kamiñ budupa; 21malo mohlu hiila tiirḛ lukiñma, ‘Kato, siika sike!’ malo inkasike! niimpalukoda kato, Pinii ka raddeganda hii nunuka punkoho do.”
22 #
Mt 9.15; Mk 2.20; Lk 5.35. Ho mo lutii henjeajiñ atañmi, “Allo hii ahkiñ doke niidana nunu kanala miyu ka Oho ka allo lohe mijalo, ho nunu hiimi kappa lakiñma. 23#Mt 24.23; Mk 13.21. Ho mohlu niimi lukiñdo, ‘Kato!’ inkasi malo ‘Kato, siikasi!’ Ilya yo, mohlumi imbo molya yo. 24#Mt 24.27; Mih 1.7. Niimpalukoda niihtañpa dolya kiibyodu yapuñ pache dalyi hokiila pachedalyi lohepa, hii chulipa miyu ka Oho tiirḛ mohka allo ho ahkiñdo. 25#Lk 9.22. Hojalo kappyopa mo abuje drih atañpa heru kendo ho siika santuñ lo khiipa kokiñdo. 26#Mt 24.37-39. Noah ka allo atañ hoka lyichañ ho, hiichuli kendo miyu ka Oho ho allo ho. 27Mohlu diitii, mohlu tantii, mohlu mihie millo lasutii, mohlu mihie millo lahbi siitii, hiika allo lohe pa Noah ka hulu ura ho amiñ dayemi, ho yasie tuhatii ho mohlu miilañ rumi pyadu lobiido. 28Hiichulipa Lot ka allo hotiirḛ lyitii, mohlu diitii, mohlu tantii, mohlu riitii, mohlu pyutii, mohlu alitii, mohlu pentii, 29hojalo Lot ka Sodom hokii ka lilyi allo ho yamu la sulphur yapuñ hokii huhitii ho mohlu miilañrumi lyadu lotii 30hiichuli kendo allo hii niidana miyu ka Oho kakiñ talyinii. 31#Mt 24.17-18; Mk 13.15-16; Lk 21.21. Hiika allo ho, huna ude ka mantu liipa ho danii, mohka drih atañ agiñho ude ho, tokur kuyo hiika atañmi laliñ budu kupa hiila; ho hiichuli pa huna aji ho danii ahkur kuyo. 32Lot ka mihie mi hempa to. 33#Mt 10.39; 16.25; Mk 8.35; Lk 9.24; Jn 12.25. Hujalopa atoh ka sango mi sandupa mesu talyi alyu siikiñdo hiimi, hojalo hujalo mohka sango mi alyu siichi hiimi atiisiibii kendo. 34#Mt 24.40-41. Ngo nunumi lukoso, hiika ayoh ho dotananii kone ho anye dokiñdo; kone mi ingii kendo ho kone mi apakendo. 35Annii akha anye du huhiñla dakiñdo; kone mi ingii kendo ho kone mi apakendo.”#17.35: Goñkhu 36 “Miyu anye aji ho dakiñ do; kone mi ingii kendo ho konemi apa kendo” 37#Mt 24.28. Ho mohlu mohmi lutii, “No, Attoh?” Mo mohlumi lutii, “Shiima hii noh do, hiiko piigeen puwa atañ tongepa dakuñ kendo.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.