METHU 12
12
Dumoalo Piigo Mika Takaniiñ
(Mk 2.23-28; Lk 6.1-5)
1 #
Mk 2.23-28; Lk 6.1-5. Hiika myodu ho Jisu emmo aji mi impo biila intii dumoaloho; mohka henjeajiñ atañ hayatii, ho mohlu emmo nyatañ hokii tudo ritii dudupa. 2Hojalo Parisi atañ hiimi kappa lala, mohlu mohmi lutii, “Kato, niika henjeajiñ atañ nii mina dumoalo ho miikiñ manii hiimi miido.” 3Mo mohlumi lutii, “Nunu rika matopo David ka miiniiñmi, mohka haya lyiho, ho hutiina mo agiñho dabotiinii: 4niihtañpa mo Pinii ka udeho ahtii ho diitii Pinii mika yatañ biniiñmi, nii mina mo diila kemma tiinii, malo mo agiñ hoka dabo botrḛ, hojalo nyibu atañ kontii pasu? 5Malo hiila tiirḛ rika matopo dapoho niihtañ pana dumoaloho piniiude ka nyibu atañ dumoalo mi khiimapama miitiinii, hojalo pahañ siile haliimatii? 6#Mt 12.41-42; Lk 11.31-32. Ngo nunumi lukoso, piniiude mika kaye yanii sike. 7#Mt 9.13. Ho nunu matiirḛ si nii lusaniimi ludo hala chintii koda, ‘Ngo aroh ke anna donii, ho membi niimi make,’ nunu miigya manii bomi halii diima. 8#Jn 5.1-18; 7.19-24; 9.1-41. Niimpalukoda miyu ka Oho si dumoalo katrḛ attoh ke.”
Alah Lakuñnii Miyu Kone
(Mk 3.1-6; Lk 6.6-11)
9 #
Mk 3.1-6; Lk 6.6-11. Ho mo intiiku hokii, ho mohluka sinagog ho ahtii. 10Ho kato, hiikoho alah lakuñnii miyu kone datii. Ho mohlu takatii mohmi, “Dumoalo hoka miipya niisi miidi kosu peha?” Niimpalukoda mohlu mohmi halii dupa. 11#Lk 14.5. Mo mohlumi lutii, “Nunu niihtañ miyupe, mohkii matiirḛ subuñ dore dakoda ho dumoalo ho ubuho huha dokoda, ho alah lyuhila ho hiimi seliñ kemaha? 12#Mt 10.31. Niimkane khiiniiñ yapa lyikiñdo miyu hii subuñ mi hentola! Hopa dumoalo ho ayamiiju hii miidi kosuke.” 13Ho mo lutii hiika miyumi, “Niika alah mi lyuliñ to.” Ho miyu mohka alah mi lyuliñtii, ho hii aya tiiku, hikha khiibemiyu kiitañ. 14#Mk 14.1; Jn 7.30; 8.59; 10.39; 11.53. Hojalo Parisi atañ intiiku ho lusu nyatii mohmi chekhola, niihtañ pape mohmi miidu lochinii hiila.
Pinii ka kahenii Miira
15 #
Mk 3.7-12; Lk 6.17-19. Jisu, siimi chimbii tola, hokii insa giitiiku. Ho abuje mohmi imbo montii, ho mo hikha mohlumi miipya bitii, 16ho mohlumi lutiñtii mohmi mihmi chinke nelyayo hiila. 17Siikasi nyibu hennii Aijaya ka luniiñmi lyipe kiine dupa lyitii:
18“Kato, ngiika miira humina ngo kahe tiinii,
ngiika heniiñja humina ngiika yallo hempyo biidonii.
Ngo ngiika Yajiyallo mi mohko atiitalyi,
ho mo jijemi gyuko kendo Midomiyu punkoho.
19Mo mihmi cherii kema malo goropatḛr gyukiñma,
mohka luniiñ mitrḛ lembo ho mi tage kema;
20mo pemu selaka donii mitrḛ tatu kema
malo muru akho khohe mitrḛ gami kema,
nii dahepa mo jijelo pamiñ nantema;
21ho mohka armyañ hii Midomiyu atañka hentiñ naniiñpa dokiñdo.”
Jisu la Biljebul Nyi
(Mk 3.20-30; Lk 11.14-23)
22 #
Mk 3.22-27; Lk 11.14-22. #Mt 9.32-33. Ho rubi micha igii jarpiñ koniimi mohko ahgii bitii, ho mo mohmi miipyatii, hopa luha miyu lula tiiku ho kapatiiku. 23Ho hikha miyuatañ hemur nyatii, ho lutii, Si David ka Oho lakiñ siido peha? 24#Mt 9.34; 10.25; Jn 7.20; 8.52; 10.20. Hojalo Parisi atañ siimi tapa lala mohlu lutii, “Siikasi Biljebul losuke, igii ka rato, hiilo siike siika miyu si igii mi mompa siidonii.” 25Mohluka henju mi chimbii tola, mo mohlumi lutii, “raddeganda kone abi atoh atoh chesunii hii chepya sudu, ho citijalo malo uru jalo atoh atoh chesu nii hii salakema; 26ho saitan matiirḛ saitan mi mompa siido koda, mo atoh atoh chesudo; niihtañpa mohka raddeganda sala kendo? 27Ho ngo matiirḛ igii atañmi Biljebul lo mompa dokoda, hokoda nunuka oho atañ hulo mohlumi mompa nyado? Hopa mohlu nunu mika ayakacho kaniipa lyikiñdo. 28Hojalo siikasi matiirḛ ngo Pinii ka Yajiyallo lo igii mi mompa dokoda, ho Pinii ka raddeganda hii nunuko ahdo kuke. 29Malo niihtañpa miyu kone tamo miyu ka ude ahla kendo ho mohka drih mi diipyo lakiñdo, nii dahepa mo hiika tamo miyu mi ratola atiitama? Hosu mo diipyo lakiñ siidonii mohka ude mi. 30#Lk 11.23; Mk 9.40. Huna ngiika agiñho dabo manii hii ngiimi chekhodo, ho huna ngiiko dabyuñ manii hii dapya dasada. 31#Mk 3.28-30; Lk 12.10. Hopa ngo lukoso, kapane ingyamiigya ho nipakoya niimi hello bikiñdo miyu mi, hojalo Yajiyallo mika nipakoya niimi hello lakiñma. 32Ho hujalopa miyu ka Oho mi chekhola luchi hiimi hello kendo; hojalo hujalopa Darii Yajiyallo mi chekhola luchi hiimi hello lakiñma, siika santuñ sotrḛ malo santuñ ronge ka ahsanii hotiirḛ.
Sannii la Hiika Ahee
(Lk 6.43-45)
33 #
Lk 6.43-45; Mt 7.16-20; Jem 3.11-12; Mt 15.18. “Sannii mi aya biido koda, ho hiika ahee tiirḛ ayakendo; malo sannii mi aya biima koda, ho hiika ahee tiirḛ aya kema; ahee hiniiñlo sannii mi kala dado. 34Nunu lyolyichochi atañ! Niitañpa nunu aya drih lula kendo, nunu diimmah pa dala? Niimpalukoda ahha hoka pote lyiku hoke aguñ ho luliñ dunii. 35Denki miyu hii mohka denki henjulo aya drihmi linta giidu, ho diimmah miyu hii diimmah henjulo diimmah mi linta giidu. 36Ngo nunumi lukoso, ayakacho kalyi allo ho miyu atañka aguñ gonge abi mohluka gompa gola goliñnii lohepa luko dokupa lyikiñdo; 37niimpalukoda nunuka luniiñlo nunu lupya giikiñdo, ho nunuka luniiñ lo nunu halii kokiñdo.”
Miimalyanii Kakiñpe Kuniiñ
(Mk 8.11-12; Lk 11.29-32)
38 #
Lk 11.16,29-32; Mk 8.11-12; Mt 16.1-4; Jn 2.18; 6.30; 1 Kor 1.22. Ho Pagenii tongela Parisi atañ mohmi lutii, “Tonsḛrbo, ngunu niiko hokii kagiñnanii kappa nando.” 39Hojalo mo mohlumi lusitii, “diimmah ho ipfyodiipyo santuñ atañsi kagiñnanii medo; hojalo hang kagiñnanii kakiñ kema nyibuhenii Jona mika kagiñnanii mi apa lala. 40#Jn 1.17. Niimpalukoda Jona ngiiyyi ka erre ho allo lohiñhe ho ayoh yohiñhe dotii, hii chulipa miyu ka Oho tiirḛ allo lohiñhe ho ayoh yohiñhe kiiddi uraho dokiñdo. 41#Jn 3.5. Nineve daka miyuatañ turku rikiñdo ayakacho kalyi kuho siika santuñ atañ agiñho ho siimi khiilii tiiku; niimpalukoda mohlu henkurtii Jona ka tonsḛrkhenyo niimi talala, ho kato, Jona mika kahe lyanii kone si da. 42Aha dalyika nyimiiradde sarikendo ayakacho kalyi kuho siika santuñ agiñho ho siimi khiilii tiiku; niimpalukoda mo kiiddiapiñ dotḛr jaho hokii Solomon ka chila mi taha dupa ahtii, ho kato, Solomon mika kaye yanii drihkone si da.
Diimmah Yajiyallo ka Ahkur Kuniiñ
(Lk 11.24-26)
43 #
Lk 11.24-26; 2 Pit 2.20. “Kacho yajiyallo ka miyu kokiika limpa lyikuho, mo yasie nyimako gandaho dumoko medu, hojalo mo mepama. 44Ho mo ludu, ‘Ngo ngiika ude ho ahkur talyiku nohkiina ngo lintonii.’ Ho mohka ahkur lyikuho hiimi arapa kappa biido, iipiitola, ho aya chanchañ miilyañ tola dopa. 45Hiiko mo ahkula ho mo agiñho kanuhe yajiyallo mohmika ayamaniiya ahta giidu, ho mohlu ahla ho hiiko dudu; ho kamikalo ho hiika miyu ka sango hii kapyo dakii mitrḛ ayamayapa lyidu. Hiichulipa siika diimmah santuñ sitrḛ lyikiñdo.”
Jisu ka Annii la Anu-barmii Atañ
(Mk 3.31-35; Lk 8.19-21)
46 #
Mk 3.31-35; Lk 8.19-21. #Jn 2.1-12; 19.25-27; 7.1-10; Mk 6.3; 1 Kor 9.5. Mohka miyu atañmi lula dorañpa, kato, mohka annii la mohka anubarmii atañ agoho datii, mohmi lurii dupa hiila. 47Kone mohmi lukotii, “Niika annii la niika anubarmii atañ agosi dake, niimi lurii talyi la lulado.” 48Hojalo mo lusi biido mohmika luko bomi, “Hu ngiika annii, ho hu ngiika anubarmii?” 49Ho mohka alah lo mohka henjeajiñ atañmi nyalala, mo lutii, “Sinya ngiika annii ho ngiika anubarmii! 50#Jn 15.14. Niimpalukoda hujalopa dariiganda daka Aba ka henko jaho miichi hii ngiika anu, ho barmii, ho annii.”
Currently Selected:
METHU 12: APATBSI
Highlight
Share
Copy
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.
METHU 12
12
Dumoalo Piigo Mika Takaniiñ
(Mk 2.23-28; Lk 6.1-5)
1 #
Mk 2.23-28; Lk 6.1-5. Hiika myodu ho Jisu emmo aji mi impo biila intii dumoaloho; mohka henjeajiñ atañ hayatii, ho mohlu emmo nyatañ hokii tudo ritii dudupa. 2Hojalo Parisi atañ hiimi kappa lala, mohlu mohmi lutii, “Kato, niika henjeajiñ atañ nii mina dumoalo ho miikiñ manii hiimi miido.” 3Mo mohlumi lutii, “Nunu rika matopo David ka miiniiñmi, mohka haya lyiho, ho hutiina mo agiñho dabotiinii: 4niihtañpa mo Pinii ka udeho ahtii ho diitii Pinii mika yatañ biniiñmi, nii mina mo diila kemma tiinii, malo mo agiñ hoka dabo botrḛ, hojalo nyibu atañ kontii pasu? 5Malo hiila tiirḛ rika matopo dapoho niihtañ pana dumoaloho piniiude ka nyibu atañ dumoalo mi khiimapama miitiinii, hojalo pahañ siile haliimatii? 6#Mt 12.41-42; Lk 11.31-32. Ngo nunumi lukoso, piniiude mika kaye yanii sike. 7#Mt 9.13. Ho nunu matiirḛ si nii lusaniimi ludo hala chintii koda, ‘Ngo aroh ke anna donii, ho membi niimi make,’ nunu miigya manii bomi halii diima. 8#Jn 5.1-18; 7.19-24; 9.1-41. Niimpalukoda miyu ka Oho si dumoalo katrḛ attoh ke.”
Alah Lakuñnii Miyu Kone
(Mk 3.1-6; Lk 6.6-11)
9 #
Mk 3.1-6; Lk 6.6-11. Ho mo intiiku hokii, ho mohluka sinagog ho ahtii. 10Ho kato, hiikoho alah lakuñnii miyu kone datii. Ho mohlu takatii mohmi, “Dumoalo hoka miipya niisi miidi kosu peha?” Niimpalukoda mohlu mohmi halii dupa. 11#Lk 14.5. Mo mohlumi lutii, “Nunu niihtañ miyupe, mohkii matiirḛ subuñ dore dakoda ho dumoalo ho ubuho huha dokoda, ho alah lyuhila ho hiimi seliñ kemaha? 12#Mt 10.31. Niimkane khiiniiñ yapa lyikiñdo miyu hii subuñ mi hentola! Hopa dumoalo ho ayamiiju hii miidi kosuke.” 13Ho mo lutii hiika miyumi, “Niika alah mi lyuliñ to.” Ho miyu mohka alah mi lyuliñtii, ho hii aya tiiku, hikha khiibemiyu kiitañ. 14#Mk 14.1; Jn 7.30; 8.59; 10.39; 11.53. Hojalo Parisi atañ intiiku ho lusu nyatii mohmi chekhola, niihtañ pape mohmi miidu lochinii hiila.
Pinii ka kahenii Miira
15 #
Mk 3.7-12; Lk 6.17-19. Jisu, siimi chimbii tola, hokii insa giitiiku. Ho abuje mohmi imbo montii, ho mo hikha mohlumi miipya bitii, 16ho mohlumi lutiñtii mohmi mihmi chinke nelyayo hiila. 17Siikasi nyibu hennii Aijaya ka luniiñmi lyipe kiine dupa lyitii:
18“Kato, ngiika miira humina ngo kahe tiinii,
ngiika heniiñja humina ngiika yallo hempyo biidonii.
Ngo ngiika Yajiyallo mi mohko atiitalyi,
ho mo jijemi gyuko kendo Midomiyu punkoho.
19Mo mihmi cherii kema malo goropatḛr gyukiñma,
mohka luniiñ mitrḛ lembo ho mi tage kema;
20mo pemu selaka donii mitrḛ tatu kema
malo muru akho khohe mitrḛ gami kema,
nii dahepa mo jijelo pamiñ nantema;
21ho mohka armyañ hii Midomiyu atañka hentiñ naniiñpa dokiñdo.”
Jisu la Biljebul Nyi
(Mk 3.20-30; Lk 11.14-23)
22 #
Mk 3.22-27; Lk 11.14-22. #Mt 9.32-33. Ho rubi micha igii jarpiñ koniimi mohko ahgii bitii, ho mo mohmi miipyatii, hopa luha miyu lula tiiku ho kapatiiku. 23Ho hikha miyuatañ hemur nyatii, ho lutii, Si David ka Oho lakiñ siido peha? 24#Mt 9.34; 10.25; Jn 7.20; 8.52; 10.20. Hojalo Parisi atañ siimi tapa lala mohlu lutii, “Siikasi Biljebul losuke, igii ka rato, hiilo siike siika miyu si igii mi mompa siidonii.” 25Mohluka henju mi chimbii tola, mo mohlumi lutii, “raddeganda kone abi atoh atoh chesunii hii chepya sudu, ho citijalo malo uru jalo atoh atoh chesu nii hii salakema; 26ho saitan matiirḛ saitan mi mompa siido koda, mo atoh atoh chesudo; niihtañpa mohka raddeganda sala kendo? 27Ho ngo matiirḛ igii atañmi Biljebul lo mompa dokoda, hokoda nunuka oho atañ hulo mohlumi mompa nyado? Hopa mohlu nunu mika ayakacho kaniipa lyikiñdo. 28Hojalo siikasi matiirḛ ngo Pinii ka Yajiyallo lo igii mi mompa dokoda, ho Pinii ka raddeganda hii nunuko ahdo kuke. 29Malo niihtañpa miyu kone tamo miyu ka ude ahla kendo ho mohka drih mi diipyo lakiñdo, nii dahepa mo hiika tamo miyu mi ratola atiitama? Hosu mo diipyo lakiñ siidonii mohka ude mi. 30#Lk 11.23; Mk 9.40. Huna ngiika agiñho dabo manii hii ngiimi chekhodo, ho huna ngiiko dabyuñ manii hii dapya dasada. 31#Mk 3.28-30; Lk 12.10. Hopa ngo lukoso, kapane ingyamiigya ho nipakoya niimi hello bikiñdo miyu mi, hojalo Yajiyallo mika nipakoya niimi hello lakiñma. 32Ho hujalopa miyu ka Oho mi chekhola luchi hiimi hello kendo; hojalo hujalopa Darii Yajiyallo mi chekhola luchi hiimi hello lakiñma, siika santuñ sotrḛ malo santuñ ronge ka ahsanii hotiirḛ.
Sannii la Hiika Ahee
(Lk 6.43-45)
33 #
Lk 6.43-45; Mt 7.16-20; Jem 3.11-12; Mt 15.18. “Sannii mi aya biido koda, ho hiika ahee tiirḛ ayakendo; malo sannii mi aya biima koda, ho hiika ahee tiirḛ aya kema; ahee hiniiñlo sannii mi kala dado. 34Nunu lyolyichochi atañ! Niitañpa nunu aya drih lula kendo, nunu diimmah pa dala? Niimpalukoda ahha hoka pote lyiku hoke aguñ ho luliñ dunii. 35Denki miyu hii mohka denki henjulo aya drihmi linta giidu, ho diimmah miyu hii diimmah henjulo diimmah mi linta giidu. 36Ngo nunumi lukoso, ayakacho kalyi allo ho miyu atañka aguñ gonge abi mohluka gompa gola goliñnii lohepa luko dokupa lyikiñdo; 37niimpalukoda nunuka luniiñlo nunu lupya giikiñdo, ho nunuka luniiñ lo nunu halii kokiñdo.”
Miimalyanii Kakiñpe Kuniiñ
(Mk 8.11-12; Lk 11.29-32)
38 #
Lk 11.16,29-32; Mk 8.11-12; Mt 16.1-4; Jn 2.18; 6.30; 1 Kor 1.22. Ho Pagenii tongela Parisi atañ mohmi lutii, “Tonsḛrbo, ngunu niiko hokii kagiñnanii kappa nando.” 39Hojalo mo mohlumi lusitii, “diimmah ho ipfyodiipyo santuñ atañsi kagiñnanii medo; hojalo hang kagiñnanii kakiñ kema nyibuhenii Jona mika kagiñnanii mi apa lala. 40#Jn 1.17. Niimpalukoda Jona ngiiyyi ka erre ho allo lohiñhe ho ayoh yohiñhe dotii, hii chulipa miyu ka Oho tiirḛ allo lohiñhe ho ayoh yohiñhe kiiddi uraho dokiñdo. 41#Jn 3.5. Nineve daka miyuatañ turku rikiñdo ayakacho kalyi kuho siika santuñ atañ agiñho ho siimi khiilii tiiku; niimpalukoda mohlu henkurtii Jona ka tonsḛrkhenyo niimi talala, ho kato, Jona mika kahe lyanii kone si da. 42Aha dalyika nyimiiradde sarikendo ayakacho kalyi kuho siika santuñ agiñho ho siimi khiilii tiiku; niimpalukoda mo kiiddiapiñ dotḛr jaho hokii Solomon ka chila mi taha dupa ahtii, ho kato, Solomon mika kaye yanii drihkone si da.
Diimmah Yajiyallo ka Ahkur Kuniiñ
(Lk 11.24-26)
43 #
Lk 11.24-26; 2 Pit 2.20. “Kacho yajiyallo ka miyu kokiika limpa lyikuho, mo yasie nyimako gandaho dumoko medu, hojalo mo mepama. 44Ho mo ludu, ‘Ngo ngiika ude ho ahkur talyiku nohkiina ngo lintonii.’ Ho mohka ahkur lyikuho hiimi arapa kappa biido, iipiitola, ho aya chanchañ miilyañ tola dopa. 45Hiiko mo ahkula ho mo agiñho kanuhe yajiyallo mohmika ayamaniiya ahta giidu, ho mohlu ahla ho hiiko dudu; ho kamikalo ho hiika miyu ka sango hii kapyo dakii mitrḛ ayamayapa lyidu. Hiichulipa siika diimmah santuñ sitrḛ lyikiñdo.”
Jisu ka Annii la Anu-barmii Atañ
(Mk 3.31-35; Lk 8.19-21)
46 #
Mk 3.31-35; Lk 8.19-21. #Jn 2.1-12; 19.25-27; 7.1-10; Mk 6.3; 1 Kor 9.5. Mohka miyu atañmi lula dorañpa, kato, mohka annii la mohka anubarmii atañ agoho datii, mohmi lurii dupa hiila. 47Kone mohmi lukotii, “Niika annii la niika anubarmii atañ agosi dake, niimi lurii talyi la lulado.” 48Hojalo mo lusi biido mohmika luko bomi, “Hu ngiika annii, ho hu ngiika anubarmii?” 49Ho mohka alah lo mohka henjeajiñ atañmi nyalala, mo lutii, “Sinya ngiika annii ho ngiika anubarmii! 50#Jn 15.14. Niimpalukoda hujalopa dariiganda daka Aba ka henko jaho miichi hii ngiika anu, ho barmii, ho annii.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.