METHU 15
15
Aba-apa Tonsḛr Khenyoniiñ
(Mk 7.1-13)
1 #
Mk 7.1-23. Ho Parisi atañ la pagenii atañ Jisu ko ahtii Jerusalem hokii ho lutii, 2“Niimpa niika henjeajiñ atañ miigyanyada amiabañ atañka ayu muju-lujumi? Niimpalukoda mohlu mohluka alah mi yasii nyama mohluka diilyiho.” 3Mo mohlumi lusitii, Ho niimpa nunu miigyanyadanii Pinii ka lujubiniiñmi, nunuka ayu miiju-lujju miya atiidupa? 4Niimpalukoda Pinii lutii, khiitolya nunuka annii-aba mi, ho Huna ayamapa luchinii annii-aba mi, hiimi siike nento loda. 5Hojalo nunu luda, Mi kone matiirḛ atohka annii-aba mi ludo koda, No nii ngiiko hokii labiikenne hiimi Pinii mi bito kuke, hii chulipa mo atoh aba mi khiima. 6Hopa, nunuka ayu miiju-lujju piigopa, nunu Pinii ka aguñ miya khiima miipa biido. 7Nunu apukahi! Aijaya mihu kadi ko katii nunumi, mo hiila lutii:
8Siika miyuatañ ngiimi mohluka nyachu lasu herii siidonii,
hojalo mohluka ahha hii ngiiko hokii hempḛr adho ho do;
9piigo ama pasu mohlu ngiimi herii siidonii,
tonsḛr nyada miyu ka khenyo niimi Pinii ka tonjuke hiila.
Miyu Mika Kacho Miibḛr nii Drih
(Mk 7.14-23)
10Ho mo miyu atañmi mohko gyoliitii ho mohlumi lutii, “Tato ho talanyato: 11#Miin 10.14-15; 1 Tim 4.3. ura hoka diilii giinii miyu mi kacho miipa make, hojalo niihna aguñhokii lindonii, hiike miyu mi kacho miipa donii.” 12Ho henjeajiñ atañ ahbiila ho mohmi lutii, “No chinduha Parisi atañ chekho nyane siika luniiñ siimi tapa lala?” 13#Jn 15.2. Mo lusitii, “Sannii buhe abi ngiika dariiganda daka Aba ka ali manii mi bupa kendoke. 14#Lk 6.39; Mt 23.16,24; Rom 2.19.Mohlumi kapa siito, mohlu micha lembo pagii niike. Ho micha kone matiirḛ micha mi ingii dokoda, anyeru paka ho chupa hikiñdo.” 15Hojalo Pitar mohmi lutii, “Lukoludḛrpe ngunumi lutiñnaniiñmi.” 16Ho mo lutii, “Nunu tiirḛ siisilohepa tachiñ nyama rampo? 17Nunu kapama aguñ hoka diilii giinii erre hosu ahsu donii, ho limpa siido? 18#Mt 12.34. Hojalo nii aguñhokii luliñdo hii ahha hokii lindo, ho hiikahii miyumi kacho miipa giido. 19#Gel 5.19-21; 1 Kor 6.9-10; Rom 14.14. Niimpalukoda ahha hokiisii diimmah heniiñ hii linsu donii, mensuniiñ, ipfyonii, datuapu, diipyoniiñ, amuhpaka haki duniiñ, nipasiiniiñ. 20siika atañ sinya miyu mi miibḛr donii; hojalo alah yasii mapa ka diiniihii miyu mi miibḛr make.”
Annii akha Kone ka Henje
(Mk 7.24-30)
21 #
Mk 7.24-30. Ho Jisu hokii intiiku ho Tayer la Sidon nyika gandachie ho intii. 22Ho kato, Kanan hoka annii akha kone hiika ganda hokii ahtii ho gyutii, “ngiimi arohpe, O Attoh, David ka Oho; ngiika nyimii wiinga si hempḛr uropa igii lo jarpiñ kobiitola doke.” 23Hojalo mo hang aguñ lusimatii mohmi. Ho mohka henjeajiñ atañ ahtii ho mohmi lyartii, lubiidola, Mohmi kiiniñ toku, niimpalukoda mo ngunuka kiiliñ khejo mola doke. 24#Mt 10.6,23. Mo lusitii, “Ngiimi Isrel ude daka subuñ lyunii atañ kosu kiiniñ siitiinii.” 25#Mt 8.2; 18.26; 20.20; Jn 9.38. Hojalo nyimii ahtii ho mohka hataho liibañ khangala, lubiido, “Attoh, ngiimi hembyuñpe.” 26Ho mo lusitii, “Hiila ka miiniiñsi ayama, himme ka yatañmi labiila ho akie atañ mika kubi niisi.” 27Nyimii lutii, “ḛh, Attoh, hojalo akie tiirḛ diitananii hokiika mohluka attoh ka diibi loniiñmi dusudu.” 28#Mt 9.22,28; Mk 10.52; Lk 7.50; 17.19. Ho Jisu lusitii mohmi, “Annii akha, niika henje hempḛr kahe doke! Niipa lyibi kiine talyike no hiila hendo.” Ho mohka nyimii wiinga ohepada hempyo datii.
Jisu Abuje Miyu mi Miipya Biido
29 #
Mk 7.31-37. Ho Jisu hokii intiiku ho Galili siimi aruñhopa impo biitii. Ho mo putoo ho chatii, ho hiiko duhatii. 30Ho hempḛr miyuabuje mohko ahtii, mohluka agiñho liicha, liikuñnii, micha, luha mi ahgiila, ho hiika atañmi mohka alih aruñho atiibitii, ho mo mohlumi miipya bitii, 31hopa miyuatañ hemur nyatii, mohlu luha ka luniiñmi kapalala, liikuñnii mi aya dopa kapalala, liicha mi indokupa kapalala, ho micha kapatiiku; ho mohlu Isrel ka Pinii mi assañtii.
Jisu Jarpe Miyu mi Diigo Hobiido
(Mk 8.1-10)
32 #
Mk 8.1-10; Mt 14.13-21. #Mt 9.36. Ho Jisu mohka henjeajiñ atañmi mohko gyolii lala ho lutii, “Ngo miyu atañmi kala la arohdo, niimpalukoda mohlu siilo lohiñ duku ngiika agiñho dabo monii, ho hang diisa nyima; ho ngo mohlumi haya dopa kiiniñ nangkuma, kiiniñ koda mohlu lembo ho haya nyanedo.” 33Ho henjeajiñ atañ mohmi lutii, “Nohkii ngunu hiimkane yatañ siika zabyo so lahchi hiimkane miyu taropa?” 34Ho Jisu mohlumi lutii, “Nunuko Yatañ penne do?” Mohlu lutii, “Pekkanuhe, ho ngiiyyi sonyo sonye sohiñhe.” 35Ho miyu atañmi kiiddi ho duha tote hiila lutii, 36mo yatañ pekkanuhemi la ngiiyyi mi tulala, ho payapacho lulala mo petutii ho henjeajiñ atañmi bitii, ho henjeajiñ atañ miyu atañmi bitii. 37Ho miilañru diitii ho diide giitii; ho mohlu yagii giikkanuhe petu pepo nii diingo tango mi tukuñ tiiku. 38Hoka diiniihe milobo jarpe diitii, nyimii la himme nyimi khiita mapa. 39Ho miyu atañmi kiiniñ kulala, mo huluho chatiiku ho Magadan gandaho intii.
Currently Selected:
METHU 15: APATBSI
Highlight
Share
Copy
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.
METHU 15
15
Aba-apa Tonsḛr Khenyoniiñ
(Mk 7.1-13)
1 #
Mk 7.1-23. Ho Parisi atañ la pagenii atañ Jisu ko ahtii Jerusalem hokii ho lutii, 2“Niimpa niika henjeajiñ atañ miigyanyada amiabañ atañka ayu muju-lujumi? Niimpalukoda mohlu mohluka alah mi yasii nyama mohluka diilyiho.” 3Mo mohlumi lusitii, Ho niimpa nunu miigyanyadanii Pinii ka lujubiniiñmi, nunuka ayu miiju-lujju miya atiidupa? 4Niimpalukoda Pinii lutii, khiitolya nunuka annii-aba mi, ho Huna ayamapa luchinii annii-aba mi, hiimi siike nento loda. 5Hojalo nunu luda, Mi kone matiirḛ atohka annii-aba mi ludo koda, No nii ngiiko hokii labiikenne hiimi Pinii mi bito kuke, hii chulipa mo atoh aba mi khiima. 6Hopa, nunuka ayu miiju-lujju piigopa, nunu Pinii ka aguñ miya khiima miipa biido. 7Nunu apukahi! Aijaya mihu kadi ko katii nunumi, mo hiila lutii:
8Siika miyuatañ ngiimi mohluka nyachu lasu herii siidonii,
hojalo mohluka ahha hii ngiiko hokii hempḛr adho ho do;
9piigo ama pasu mohlu ngiimi herii siidonii,
tonsḛr nyada miyu ka khenyo niimi Pinii ka tonjuke hiila.
Miyu Mika Kacho Miibḛr nii Drih
(Mk 7.14-23)
10Ho mo miyu atañmi mohko gyoliitii ho mohlumi lutii, “Tato ho talanyato: 11#Miin 10.14-15; 1 Tim 4.3. ura hoka diilii giinii miyu mi kacho miipa make, hojalo niihna aguñhokii lindonii, hiike miyu mi kacho miipa donii.” 12Ho henjeajiñ atañ ahbiila ho mohmi lutii, “No chinduha Parisi atañ chekho nyane siika luniiñ siimi tapa lala?” 13#Jn 15.2. Mo lusitii, “Sannii buhe abi ngiika dariiganda daka Aba ka ali manii mi bupa kendoke. 14#Lk 6.39; Mt 23.16,24; Rom 2.19.Mohlumi kapa siito, mohlu micha lembo pagii niike. Ho micha kone matiirḛ micha mi ingii dokoda, anyeru paka ho chupa hikiñdo.” 15Hojalo Pitar mohmi lutii, “Lukoludḛrpe ngunumi lutiñnaniiñmi.” 16Ho mo lutii, “Nunu tiirḛ siisilohepa tachiñ nyama rampo? 17Nunu kapama aguñ hoka diilii giinii erre hosu ahsu donii, ho limpa siido? 18#Mt 12.34. Hojalo nii aguñhokii luliñdo hii ahha hokii lindo, ho hiikahii miyumi kacho miipa giido. 19#Gel 5.19-21; 1 Kor 6.9-10; Rom 14.14. Niimpalukoda ahha hokiisii diimmah heniiñ hii linsu donii, mensuniiñ, ipfyonii, datuapu, diipyoniiñ, amuhpaka haki duniiñ, nipasiiniiñ. 20siika atañ sinya miyu mi miibḛr donii; hojalo alah yasii mapa ka diiniihii miyu mi miibḛr make.”
Annii akha Kone ka Henje
(Mk 7.24-30)
21 #
Mk 7.24-30. Ho Jisu hokii intiiku ho Tayer la Sidon nyika gandachie ho intii. 22Ho kato, Kanan hoka annii akha kone hiika ganda hokii ahtii ho gyutii, “ngiimi arohpe, O Attoh, David ka Oho; ngiika nyimii wiinga si hempḛr uropa igii lo jarpiñ kobiitola doke.” 23Hojalo mo hang aguñ lusimatii mohmi. Ho mohka henjeajiñ atañ ahtii ho mohmi lyartii, lubiidola, Mohmi kiiniñ toku, niimpalukoda mo ngunuka kiiliñ khejo mola doke. 24#Mt 10.6,23. Mo lusitii, “Ngiimi Isrel ude daka subuñ lyunii atañ kosu kiiniñ siitiinii.” 25#Mt 8.2; 18.26; 20.20; Jn 9.38. Hojalo nyimii ahtii ho mohka hataho liibañ khangala, lubiido, “Attoh, ngiimi hembyuñpe.” 26Ho mo lusitii, “Hiila ka miiniiñsi ayama, himme ka yatañmi labiila ho akie atañ mika kubi niisi.” 27Nyimii lutii, “ḛh, Attoh, hojalo akie tiirḛ diitananii hokiika mohluka attoh ka diibi loniiñmi dusudu.” 28#Mt 9.22,28; Mk 10.52; Lk 7.50; 17.19. Ho Jisu lusitii mohmi, “Annii akha, niika henje hempḛr kahe doke! Niipa lyibi kiine talyike no hiila hendo.” Ho mohka nyimii wiinga ohepada hempyo datii.
Jisu Abuje Miyu mi Miipya Biido
29 #
Mk 7.31-37. Ho Jisu hokii intiiku ho Galili siimi aruñhopa impo biitii. Ho mo putoo ho chatii, ho hiiko duhatii. 30Ho hempḛr miyuabuje mohko ahtii, mohluka agiñho liicha, liikuñnii, micha, luha mi ahgiila, ho hiika atañmi mohka alih aruñho atiibitii, ho mo mohlumi miipya bitii, 31hopa miyuatañ hemur nyatii, mohlu luha ka luniiñmi kapalala, liikuñnii mi aya dopa kapalala, liicha mi indokupa kapalala, ho micha kapatiiku; ho mohlu Isrel ka Pinii mi assañtii.
Jisu Jarpe Miyu mi Diigo Hobiido
(Mk 8.1-10)
32 #
Mk 8.1-10; Mt 14.13-21. #Mt 9.36. Ho Jisu mohka henjeajiñ atañmi mohko gyolii lala ho lutii, “Ngo miyu atañmi kala la arohdo, niimpalukoda mohlu siilo lohiñ duku ngiika agiñho dabo monii, ho hang diisa nyima; ho ngo mohlumi haya dopa kiiniñ nangkuma, kiiniñ koda mohlu lembo ho haya nyanedo.” 33Ho henjeajiñ atañ mohmi lutii, “Nohkii ngunu hiimkane yatañ siika zabyo so lahchi hiimkane miyu taropa?” 34Ho Jisu mohlumi lutii, “Nunuko Yatañ penne do?” Mohlu lutii, “Pekkanuhe, ho ngiiyyi sonyo sonye sohiñhe.” 35Ho miyu atañmi kiiddi ho duha tote hiila lutii, 36mo yatañ pekkanuhemi la ngiiyyi mi tulala, ho payapacho lulala mo petutii ho henjeajiñ atañmi bitii, ho henjeajiñ atañ miyu atañmi bitii. 37Ho miilañru diitii ho diide giitii; ho mohlu yagii giikkanuhe petu pepo nii diingo tango mi tukuñ tiiku. 38Hoka diiniihe milobo jarpe diitii, nyimii la himme nyimi khiita mapa. 39Ho miyu atañmi kiiniñ kulala, mo huluho chatiiku ho Magadan gandaho intii.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.