KEYUM KERO 8
8
Puumulok Ongkuname
1Depe irongem, Shédíbí Noah melang bíkkíng etkunglo duumín gena simon-sili kídíem míípasula among teyongso asarko mutmoto. Delo puumue oolenkaku. 2Eerína siyéng kídí, sirung kídíemlang taleng telokke puumu gíko yapgo kídíem itumtoku; delo pedonge oyimato. 3Delo asie among sok longe língko kolang looying pilngokope ootítoku. 4Delokke poolo kíníd lokke looying kolang longe kínídlo Ararat lokke díítum kolo etkungde yuddasula dakto. 5Aside ootí langkula poolo íying lokke kerang longe delo dííte ponyuk kídíem kaapang lentoku.
6Looying appi méélam delo Noahbí bíkke omtonam etkung delokke kirkikonem siyyato. 7Bí paak konem melenla, de amosokke asie ooyin kumang tete deloope yopgong gootíto. 8Depe irongem Noahbí among si asie ongkakudí emla dem kangkípe pekíko melentoku. 9Idola amosok asie ooyin kumanam legape, bí unapeko kamala yopgoopala etkung delo yobatoku, dekepeila Noahbí alaglok umrík sulangkula etkung delo meangtoku. 10Bí longe kíníd kope dooya polangkula, lekoda etkung delok pekídem yoplen motoku. 11Pekíde yumedan deme yobatoku, delo kaatoname bíkke nappang delo aní pakpe yinlenkuna olib esing anneko puabomdoku. Delo among sok asie ongkaku emla Noah bí kénto. 12Delo longe kínídko toya popalangkula, lekoda pekídem yoplen motoku, delo pekíde aalat sukumape yéyarkai.
13Noahke dítak língko akké kola taktelko ido delo, kerayalum poolo delokke longe kerang delok, among sok asie ooyintoku; Noah delo etkung dem mokapnam atíem laabín rodem kaatoname amonge pítíldoku. 14Poolo annyi lokke looying annyi kolang longe kínídnalo amonge pítíltoku.
15Delo Shédíbí Noahme sikepe poto, 16“No lang nok mime delokke nok oo kídíe lang buluke mime kídíe etkung sok lenlangkula delokke, 17amoso parla yédokupe, takam simon-sili, kebung-pettang emlang eggoona ato-siro tabunge amoso bojépe otíng-oyin kadokupe bulumte laalentokuka.” 18Depeila Noah lang bíkke oo kídíe lang bík mime delokke nyameng kídíe etkung delok gílento.
19Delokke simon-sili, kebung-pettang elang eggoona kídíe delokke amoso yékína tabunge erangsupe etkung delok gílentoku. 20Delo Noah bí Ruutum kepe rungguko píla deena simon sili emlang pettang kídílok laala runggu delo romnam amanpe romlíkbito. 21Edílo Ruutum bí nampona arídem namtodí delo bík aapílo sipe posuto, “Tanike legape ngo amosim lekokom peyyimayé kapeila koo amélokkai tanike míípe-míngore atímang; Ngo lekoda ngok inam kísa turna ato-siro kídíem nyokmo yimayé.”
22“Amosi turdung tetengem,
ali-ayé ngiilík-replíkdíelang isum-sasumdíe,
ansinge lang pamkie,
díyue lang dígíne;
longe lang yoe kayaryé.”
Currently Selected:
KEYUM KERO 8: adiBSI
Highlight
Share
Copy
Want to have your highlights saved across all your devices? Sign up or sign in
Adi (Re-edited) Bible - Deena Baibél
Copyright © Bible Society of India, 2012.
Used by permission. All rights reserved worldwide.
KEYUM KERO 8
8
Puumulok Ongkuname
1Depe irongem, Shédíbí Noah melang bíkkíng etkunglo duumín gena simon-sili kídíem míípasula among teyongso asarko mutmoto. Delo puumue oolenkaku. 2Eerína siyéng kídí, sirung kídíemlang taleng telokke puumu gíko yapgo kídíem itumtoku; delo pedonge oyimato. 3Delo asie among sok longe língko kolang looying pilngokope ootítoku. 4Delokke poolo kíníd lokke looying kolang longe kínídlo Ararat lokke díítum kolo etkungde yuddasula dakto. 5Aside ootí langkula poolo íying lokke kerang longe delo dííte ponyuk kídíem kaapang lentoku.
6Looying appi méélam delo Noahbí bíkke omtonam etkung delokke kirkikonem siyyato. 7Bí paak konem melenla, de amosokke asie ooyin kumang tete deloope yopgong gootíto. 8Depe irongem Noahbí among si asie ongkakudí emla dem kangkípe pekíko melentoku. 9Idola amosok asie ooyin kumanam legape, bí unapeko kamala yopgoopala etkung delo yobatoku, dekepeila Noahbí alaglok umrík sulangkula etkung delo meangtoku. 10Bí longe kíníd kope dooya polangkula, lekoda etkung delok pekídem yoplen motoku. 11Pekíde yumedan deme yobatoku, delo kaatoname bíkke nappang delo aní pakpe yinlenkuna olib esing anneko puabomdoku. Delo among sok asie ongkaku emla Noah bí kénto. 12Delo longe kínídko toya popalangkula, lekoda pekídem yoplen motoku, delo pekíde aalat sukumape yéyarkai.
13Noahke dítak língko akké kola taktelko ido delo, kerayalum poolo delokke longe kerang delok, among sok asie ooyintoku; Noah delo etkung dem mokapnam atíem laabín rodem kaatoname amonge pítíldoku. 14Poolo annyi lokke looying annyi kolang longe kínídnalo amonge pítíltoku.
15Delo Shédíbí Noahme sikepe poto, 16“No lang nok mime delokke nok oo kídíe lang buluke mime kídíe etkung sok lenlangkula delokke, 17amoso parla yédokupe, takam simon-sili, kebung-pettang emlang eggoona ato-siro tabunge amoso bojépe otíng-oyin kadokupe bulumte laalentokuka.” 18Depeila Noah lang bíkke oo kídíe lang bík mime delokke nyameng kídíe etkung delok gílento.
19Delokke simon-sili, kebung-pettang elang eggoona kídíe delokke amoso yékína tabunge erangsupe etkung delok gílentoku. 20Delo Noah bí Ruutum kepe rungguko píla deena simon sili emlang pettang kídílok laala runggu delo romnam amanpe romlíkbito. 21Edílo Ruutum bí nampona arídem namtodí delo bík aapílo sipe posuto, “Tanike legape ngo amosim lekokom peyyimayé kapeila koo amélokkai tanike míípe-míngore atímang; Ngo lekoda ngok inam kísa turna ato-siro kídíem nyokmo yimayé.”
22“Amosi turdung tetengem,
ali-ayé ngiilík-replíkdíelang isum-sasumdíe,
ansinge lang pamkie,
díyue lang dígíne;
longe lang yoe kayaryé.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Adi (Re-edited) Bible - Deena Baibél
Copyright © Bible Society of India, 2012.
Used by permission. All rights reserved worldwide.