JOAN 16
16
1“Sim takam sim nolu míngkengem menyok sumadope emla ngo nolum pobito. 2Bulu nolum kumkeng ekumlokke monpakyéku, aropakpe nolum mokana amide, dekepe ikolok Shédíme agér ibidung emla míídíe píídak. 3Buluke sikepe ipenam legade bulu Abuem lang ngom kénmang. 4Edílo moodíe pííyédí ngokke nolum poto subinamem kényé kupe emla ngo nolum sim pobidung. Ngo sim nolum kerape pobi mangai kapeila ngo nolukíng yébosuto.”
Deena Aidke Agére
5“Supak ngom melíknalo gídakku, depe ilate nolu sékote ngom, ‘No ingkolo gídakkune’ emla íngkína kamang. 6Ngokke sikesim pobikolok nolu ankí mílípe idung. 7Idakkom ngo nolum aruem pobidung; Ngo noluke ainam lega pemin gídak kune. Ngo gírong kumamílo, Igulna bí nolukíng aamayé; idakkom ngo gíkumílo, ngo bím nolukíng melík yéku. 8Edílo bí pííyédí, delo bí tani amongem delokke bisarnam legangem kénsu moyéku. 9Bulu paab imemdung, kapeila bulu ngokkíng míngke sumang; 10bulu yéjipekuem ibuldung kapeila ngo Abulo gídakku delo nolu ngom kaayi mayé; 11delokke bulu bisarem imemdung, kapeila tani amosokke ruutumem bisar tubong.
12“Ngo nolum bojéko pobo pename kadungai, idola supak nolu sim dongge lamayé. 13Idakkom aruem lengkan pena Aide pííyém, bí takamem arolo gíboyé. Bí agí míídusulok pomayé; bíkke tatnam petomem pobiyé. 14Bí ngokke pena atíem laala delokke nolum dem lengkanla ngom yidgeyé. 15Abuke duubomnam takamde ngokke. Depe ilamin Aide ngokkelok atíem laala delokke nolum lengkanyé ngo emdune.
Ankíelang Ashénge
16“Anyongko dootomílo nolu ngom kaapoyimayé delokke anyongko doorongem nolu ngom kaapayéku.”
17Bíkkelo luyilsuna kídíe ayoko pobosuto, “Bíkke ‘Longe ayoko nolu ngom kaayimayé idola delokke méélamlo longe ayoko ngom nolu kaapayéku’ delokke ‘Kapeila ngo Abulo endakku’ emnamde ingkuedí? 18Bulu ‘Longe ayoko emnamde ingkuedí?’ emla íítíkai. Bí ingkuemdí pobo dungane ngolu tatkénmang,” emto.
19Bulu dem tatkí línamdem Jisu bí kénto, depeila bí bulum pobito, “Ngokke ‘Longe ayoko nolu ngom kaayimayé idola méélamlo longe ayoko nolu ngom kaapayéku’ emnamde ngo ingkope mííla potuadí dem nolu mipile ííbo sudunía? 20Ngo nolum aruem pobidung, tani amonge ashé dungem nolu kapla rííla delokke ankí kenue iyé. Nolu ankíe idokom noluke ankíde ashélo aayéku. 21Koo ona mime okii kido kapeila bíkke odíe píídung; idakkom bíkke koo dem orongem duugem kénsu yimang kapeila tani amoso koo ko olento emla bí ashédung. 22De nolu kelokom kadung; supak noluke buulínge idíe, idokom ngo lekoda nolum kaayéku delo nolu ashéyé, delokke sékote noluke ashéngem laabín lamayé. 23Delo longedelo nolu ngom atí koyimayé. Ngo nolum aruem pobidung, ngokke Abue ngokke amínlok konam takamem nolum biyé. 24Supaklope nolu ngokke amínlok atí komang. Kolangka delo nolu paayé, delo noluke ashénge apííyé.
Tani Amongem Ikumname
25“Ngo luyii sunamlok nolum poboto. Idakkom ngo sikena agomlok poyimape pobidíe píídak. 26Delo longe delo nolu ngokke amínlok koyé. Ngo noluke legape Abukelok kobiyé emmang. 27Demang, Abu bí agíe nolum ayasudung kapeila nolu ngom ayato delokke ngom Shédí kelok aane emla arope míngkesuto. 28Ngo Abukelok aala delokke tani amoso pííto; supak ngo tani among sim gínyo langkula Abukelo endakku.”
29Delokrongem Jisukelo luyilsuna kídíe poto, “Supak no luyii sunamlok pomape jonnampe podung. 30Supak no takamem kénsudung delokke sékote nom agom íngkí penam kayimang emla ngolu kaadung. Si no Shédí kelok lennako emla ngolum arope míímotung.”
31“Nolu supak míngke sudunía!” emla Jisu bí poyansuto. 32“Idakkom nolu mipile agí ekumlo dukpan sudí longe píídak delokke píngkabong. Nolu takame ngom petom mepala gínyoyé. Depe idokom ngo, ngo petommang, kapeila ngokke Abue ngokkíng duumíndung. 33Ngokkíng nolu yéponamem paadope emla ngo sikesim nolum podung. So tani amoso nolu ebín paadung. Idakkom aange edíí langka! Ngo tani amongem ikum tobong.”
Currently Selected:
JOAN 16: adiBSI
Highlight
Share
Copy
Want to have your highlights saved across all your devices? Sign up or sign in
Adi (Re-edited) Bible - Deena Baibél
Copyright © Bible Society of India, 2012.
Used by permission. All rights reserved worldwide.
JOAN 16
16
1“Sim takam sim nolu míngkengem menyok sumadope emla ngo nolum pobito. 2Bulu nolum kumkeng ekumlokke monpakyéku, aropakpe nolum mokana amide, dekepe ikolok Shédíme agér ibidung emla míídíe píídak. 3Buluke sikepe ipenam legade bulu Abuem lang ngom kénmang. 4Edílo moodíe pííyédí ngokke nolum poto subinamem kényé kupe emla ngo nolum sim pobidung. Ngo sim nolum kerape pobi mangai kapeila ngo nolukíng yébosuto.”
Deena Aidke Agére
5“Supak ngom melíknalo gídakku, depe ilate nolu sékote ngom, ‘No ingkolo gídakkune’ emla íngkína kamang. 6Ngokke sikesim pobikolok nolu ankí mílípe idung. 7Idakkom ngo nolum aruem pobidung; Ngo noluke ainam lega pemin gídak kune. Ngo gírong kumamílo, Igulna bí nolukíng aamayé; idakkom ngo gíkumílo, ngo bím nolukíng melík yéku. 8Edílo bí pííyédí, delo bí tani amongem delokke bisarnam legangem kénsu moyéku. 9Bulu paab imemdung, kapeila bulu ngokkíng míngke sumang; 10bulu yéjipekuem ibuldung kapeila ngo Abulo gídakku delo nolu ngom kaayi mayé; 11delokke bulu bisarem imemdung, kapeila tani amosokke ruutumem bisar tubong.
12“Ngo nolum bojéko pobo pename kadungai, idola supak nolu sim dongge lamayé. 13Idakkom aruem lengkan pena Aide pííyém, bí takamem arolo gíboyé. Bí agí míídusulok pomayé; bíkke tatnam petomem pobiyé. 14Bí ngokke pena atíem laala delokke nolum dem lengkanla ngom yidgeyé. 15Abuke duubomnam takamde ngokke. Depe ilamin Aide ngokkelok atíem laala delokke nolum lengkanyé ngo emdune.
Ankíelang Ashénge
16“Anyongko dootomílo nolu ngom kaapoyimayé delokke anyongko doorongem nolu ngom kaapayéku.”
17Bíkkelo luyilsuna kídíe ayoko pobosuto, “Bíkke ‘Longe ayoko nolu ngom kaayimayé idola delokke méélamlo longe ayoko ngom nolu kaapayéku’ delokke ‘Kapeila ngo Abulo endakku’ emnamde ingkuedí? 18Bulu ‘Longe ayoko emnamde ingkuedí?’ emla íítíkai. Bí ingkuemdí pobo dungane ngolu tatkénmang,” emto.
19Bulu dem tatkí línamdem Jisu bí kénto, depeila bí bulum pobito, “Ngokke ‘Longe ayoko nolu ngom kaayimayé idola méélamlo longe ayoko nolu ngom kaapayéku’ emnamde ngo ingkope mííla potuadí dem nolu mipile ííbo sudunía? 20Ngo nolum aruem pobidung, tani amonge ashé dungem nolu kapla rííla delokke ankí kenue iyé. Nolu ankíe idokom noluke ankíde ashélo aayéku. 21Koo ona mime okii kido kapeila bíkke odíe píídung; idakkom bíkke koo dem orongem duugem kénsu yimang kapeila tani amoso koo ko olento emla bí ashédung. 22De nolu kelokom kadung; supak noluke buulínge idíe, idokom ngo lekoda nolum kaayéku delo nolu ashéyé, delokke sékote noluke ashéngem laabín lamayé. 23Delo longedelo nolu ngom atí koyimayé. Ngo nolum aruem pobidung, ngokke Abue ngokke amínlok konam takamem nolum biyé. 24Supaklope nolu ngokke amínlok atí komang. Kolangka delo nolu paayé, delo noluke ashénge apííyé.
Tani Amongem Ikumname
25“Ngo luyii sunamlok nolum poboto. Idakkom ngo sikena agomlok poyimape pobidíe píídak. 26Delo longe delo nolu ngokke amínlok koyé. Ngo noluke legape Abukelok kobiyé emmang. 27Demang, Abu bí agíe nolum ayasudung kapeila nolu ngom ayato delokke ngom Shédí kelok aane emla arope míngkesuto. 28Ngo Abukelok aala delokke tani amoso pííto; supak ngo tani among sim gínyo langkula Abukelo endakku.”
29Delokrongem Jisukelo luyilsuna kídíe poto, “Supak no luyii sunamlok pomape jonnampe podung. 30Supak no takamem kénsudung delokke sékote nom agom íngkí penam kayimang emla ngolu kaadung. Si no Shédí kelok lennako emla ngolum arope míímotung.”
31“Nolu supak míngke sudunía!” emla Jisu bí poyansuto. 32“Idakkom nolu mipile agí ekumlo dukpan sudí longe píídak delokke píngkabong. Nolu takame ngom petom mepala gínyoyé. Depe idokom ngo, ngo petommang, kapeila ngokke Abue ngokkíng duumíndung. 33Ngokkíng nolu yéponamem paadope emla ngo sikesim nolum podung. So tani amoso nolu ebín paadung. Idakkom aange edíí langka! Ngo tani amongem ikum tobong.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Adi (Re-edited) Bible - Deena Baibél
Copyright © Bible Society of India, 2012.
Used by permission. All rights reserved worldwide.