RIPHUTNA 12

Pathianin Abrahama a koi

1 Pumapa khan Abrama ziangah khan, “Ni omna ram neh ni suapuihei neh ni pa in ata suak inla, ram nang ki la în-en rang tiang fe roh.#TS.7:2-3; Heb.11:8. 2Richi suanpâr itam takah nang pêng ki ta, anni khah nam roinpui tak la hong nîng an ti. Ṭhat nang vur ki ta, ner ming inthang takkan siam ki ta; khanchu, nangmah ṭhatvurna#12:2 ‘Arming ringot hi ṭhatvurna ai nit rang’ tina ni ual a ti. Ṭhatvurtheitu iti thei a nit. hong ni roh.#Gal.3:8.

3“Ṭhat nang ivurhei kangân chu ṭhat vur ki ta;

Vâni nang isâmhei chu vâni sâm ki ti.

Nangmaah khan rinênga nam tin,

Ṭhativurin#12:3 ‘Abrama angkan ni roh,’ iti kha ṭhatvur ripêkna ṭongbâiin an imang ngai a nit a, ‘hi riming hih ṭhatvur ripêknan ching ngai an ti’ iti rang nîng a ti. Richâng bul tianga ṭhat nang ivurtu ti hih ‘Nang iditsaktu chu ditsak ki ta, nang ienkhûmtu chu vâni sâm ki ti’ iti thei a nit. la om an ti,” a ti a.

4 Pumapa thupêk lam angkan Haran ata a suak a; Lota khom a ziangah a fe sa a. Haran ata a suakah khan Abrama khah kum sômsarika ringakah a nit. 5Abrama khan a nupui Saraii neh a unaipa nai Lota kha a ṭhui a, Haran khuaa an om lâia richon ai nei murdi ichôiin, â som murdihei neh khan Kanan rama fe rangin an rithok tâk a.

Kanan ram khah a tlung tâk a; 6Kha ramah khan Abrama chu a fe mai a Sekem muna Morea saso kung#12:6 Morea ti hih Minriseitu tina a nit. Elon thing an ti a, Saso thing itia let a nit a, kha thing khah rithla om nuamna bîk, ‘Ribung kung’ ei iti angkah hin an ringai, Pathian khom iom nuam bîkin an irngai a nit. Pathian thu riseina mun tina a nit. Jezreel phâia om nîng a ti. omna mun a tlung tâk a. Kha lâiah khan Kanan mihei khah kha ramah khan an lai om mai a nit. 7Pumapa khah Abrama ziangah ân lâr a, “Hi ram hih a nit ner chihei ki pêk rang ram chu,” a ti a. Khanungchu, Abrama khan kha munah khan a zianga inlâr Pumapa rang mâichâm a siam tâk a.#TS.7:5; Gal.3:16. 8Kha rizoiin chu khantak ata kha sim tiang, Bethel sak tianga tlângramah khan arthon a, amakhan ripuk a siam a; tlâk tianga khan Bethel khah a om a, sua tianga khan Ai khua khah a om a. Kha mun khomah khan Abraman mâichâm a siam nôk a, Pumapa chu chubai a ûn a. 9Abrama khah Kanan sim ram#12:9 ‘Negeb’ an ti a, Judai ram sim ramchâr ram isîrna a nit. Sim tiang ram isîrnan an mang mai ngai. tiang ipanin arthon thiai mai a.

Aigupta ramah Abrama a fe

10Kanan ramah khan iṭâm a hong tlâk a; kha rama ṭâm khah a natinsat ok sikin Abrama khah Aigupta ramah itôitekah zu om rangin a fe tâk a. 11Aigupta ram a lût rang to takin chu a nupui Saraii ziangah khan, “Nupang mêliṭha tak ni nit a; 12Aigupta mihein nang an mu tikin chu, ‘Amah hih a nupui a nit hih,’ tîng an ta; keimah chu ne that an ta, nangmah chu nang zua an ta; 13khasikin, nangma zâra ki ringna an ne zua theina rang neh ihoi takka an nen om theina rangin, ringaiihoi takkan, ‘A farnu ki nit,’ ti pêk ngai roh,” a ti a.#Riph.20:2; 26:7.

14Abrama khah Aigupta ram a lûtah khan, Aigupta mi ṭhenkahei khan a nupui khah an mu a, a mêl khah a ṭhat an ti tak tak a. 15Faroa milianhei khomin an mu a, a mêl ṭhatzia khah rêng an isîr pêk a; khanchu, Faroa inah an ṭhui lût tâk a. 16Rêng khan Saraii sikin Abrama khah iṭha takkan a don a; khanchu, berahei, kêlhei, sialhei, sakuartunghei, isomhei, saringseihei a pêk a. #Riph.2:10.

17 Pumapa khan Abrama nupui Saraii sikin Faroa neh a rêng ina omhei murdi chungah khan rî ṭhano tak iṭhumin deng ân thei tâk a. 18Khanungchu, Faroa khan Abrama khah a koi a, “Ki chunga ni thil tho hih îtho sik im ai nit tâk? Ni nupui a nit iti ithôm ni ne ril no? 19‘Ki farnu a nit’ îtho sik im nî ti; khasika khan kêng nupuiin ki lei iṭhui tâk? Ni nupui hih ṭhui inla, suak roh,” a ti a. 20Faroa khan a mihei khah thu a pêk a, Abrama kha an ṭhui a, a nupui neh a thil nei murdi neh an ram putiang an hang thak tâk a.

Currently Selected:

RIPHUTNA 12: BIATBSI

Highlight

Copy