TIRLON 1
1
1O, Thijophila:
A ma sat chongthiang rabu sunga han, Jisu ha a phut lai tenna chungvan tung ranga le a chuan tho rang rakip ka na lui ripe ver jui. 2Jisu vanram akalmak kar je a man a thiamruoi chang ranga athang suak mingai ha Thavang Thiang ranak han chong alui pek. 3Jisu a thi suale a ringkhir jui tihi jetna rang le kan ruaia ni som, manli sunga a tirlonngai jiang a mun a dang adanga aluikando han Pathian rengram ruia chong alui ri. 4A man anmani le a om suam lai han chong pek na a neia, a ti, “Nang nin Jerusalem hi makmaru ka pa ning kutchoi a na pek mak kar je. 5Ajarko Johon ning tuija baptais, tak-ha nikhuo sotchil lui a Thavang Thianga baptais tho rang nani jui.”
Jisu Ning vanram Ikal
(Mrk. 16:19-20; Luk. 24:50-53)
6Anmani le an omchun pha han ama jiang an hong dingkel, “Puma a tun pha hin Israelngai rengram ha nipek khir rang mo?”
7A man anmani jiang a ti; “Ka pa ning achamtak a chong ri na pha a siak ha itik mo ini rang hi nang nin nan jet rang nimak. 8Tak-ha Thavang Thiang ning nan chunga a hong pha han nang nin ranak nan nei rang ke, han nang nin Jerusalem ma, Judia pumpuia Samarija le ramuol mongna khan na ka shakhi nan chang rang ani. 9A man hiva chong hi ariphat han, anmanin ama ha an lui enna, ama ha chung tiang akaljui, anmani mit en na sumphai ning alia jui.
10Han anmanin Jisu ha vanram tiang a kal ha an enlaitak han, Enru, puon nguishi pasal anni ning anmani sirra an ngir. 11Hale an hong ti, O, Galili mingai ita mo nan ngirra vanram tiang nan en? Jisu hi nang ni tenna vanram ma a kal nan mu ang hin ama ahong kir ham nan la mu ret rang ke?”
Thiam Nai Somleini Tungnarang Anthang
(Mat. 27:3-10)
12Hava suale anmanin Jerusalem le akandep, sernikhuo nikhat lon na lam Olib tangbung anti mun tenna Jerusalem ma an kanlejui. 13Han anmanin inn han an lut, a chunga ka han an om, anmaningai hako; Pitar, Johon, Jems, Andrew, Philip, Thoma, Bartholomew, Mathiu, Alphija a nai Jems, Jelot Simon hale Jems a nai Juda anni. 14Anmani lim le numei le Jisu a nu Meri le a nai pangngai le lung khat jak changa ani tin lamna ranga an kanchun chak.
15Hiva nikhuo sung hin Pitar ning ulenaingai karra a ngirra a ti, mitamngai ha riakhat le somni duk anni. 16“O, u le naingai, Jisu an chur laia lam hongruoi Juda antipa ruia Thavang Thiang ning David abaisua a luiri chong thiang ha tungtheina rang ani. 17Ajarko ama ha keini kan karra mi khat ani, hale hiva chuan jarra ama a tum ha ani jui.”
18A man chuan salui a tho jarra lui puk khat a tum, a khup a kan lum ma a von achetverra a ril aphung ater pet jui. 19Han, Jerusalem ma a om limin an hong jet jui, hiva jarra anmani chonga lui puk ha Akeldama anti, hiva tina ko “Thisen lui puk.”
20Ajarko La, Rabu sunga a kan jiak; ‘ama a ram ha tu khat om om ma rase u, ram char chang rase miring om mak na nirase, hale ama chuan mun ha midangkhat in lui rase u.’
21Hiva jarra keini karra Puma Jisu ning a na om pui lai, a pha rakip keini le om jon jet mi khat, 22“Johon ning Jisu tuija baptais a man tho ama ha keini tenna veikhat a na lui pe khir pha khan na, a jet ama a ringkhir jet chiak shakhi chang rang mi khat ani.”
23Hava han anmanin miring anni an hong thangjui, havangai hako; Barsabas Justus om anti hale Matthias anni hi anni. 24Han anmanin lam na an neija anti, “Miring lung rakip jetpu O Puma, hivami anningai karra nang in an khat na thang ha na man jetro. 25Ajarko, Juda ning alui tho thiamnai chuan mun ha tho khir na ranga, a mako thiamnai chuan mun ha a rak a lungdo mun na a kan heijui.” 26Han anmanin miring anningai ming ha anluija anravan anenjui. Han Matthias a ming ha an thang suak jui, hale a maha thiamruai somleikhat karra an man kan chel dejui.
Currently Selected:
TIRLON 1: AIMOLBSI
Highlight
Share
Copy
Want to have your highlights saved across all your devices? Sign up or sign in
Aimol (Re-edited) NT - Rabu Athar
Copyright © The Bible Society of India, 2016.
Used by permission. All rights reserved worldwide.
TIRLON 1
1
1O, Thijophila:
A ma sat chongthiang rabu sunga han, Jisu ha a phut lai tenna chungvan tung ranga le a chuan tho rang rakip ka na lui ripe ver jui. 2Jisu vanram akalmak kar je a man a thiamruoi chang ranga athang suak mingai ha Thavang Thiang ranak han chong alui pek. 3Jisu a thi suale a ringkhir jui tihi jetna rang le kan ruaia ni som, manli sunga a tirlonngai jiang a mun a dang adanga aluikando han Pathian rengram ruia chong alui ri. 4A man anmani le a om suam lai han chong pek na a neia, a ti, “Nang nin Jerusalem hi makmaru ka pa ning kutchoi a na pek mak kar je. 5Ajarko Johon ning tuija baptais, tak-ha nikhuo sotchil lui a Thavang Thianga baptais tho rang nani jui.”
Jisu Ning vanram Ikal
(Mrk. 16:19-20; Luk. 24:50-53)
6Anmani le an omchun pha han ama jiang an hong dingkel, “Puma a tun pha hin Israelngai rengram ha nipek khir rang mo?”
7A man anmani jiang a ti; “Ka pa ning achamtak a chong ri na pha a siak ha itik mo ini rang hi nang nin nan jet rang nimak. 8Tak-ha Thavang Thiang ning nan chunga a hong pha han nang nin ranak nan nei rang ke, han nang nin Jerusalem ma, Judia pumpuia Samarija le ramuol mongna khan na ka shakhi nan chang rang ani. 9A man hiva chong hi ariphat han, anmanin ama ha an lui enna, ama ha chung tiang akaljui, anmani mit en na sumphai ning alia jui.
10Han anmanin Jisu ha vanram tiang a kal ha an enlaitak han, Enru, puon nguishi pasal anni ning anmani sirra an ngir. 11Hale an hong ti, O, Galili mingai ita mo nan ngirra vanram tiang nan en? Jisu hi nang ni tenna vanram ma a kal nan mu ang hin ama ahong kir ham nan la mu ret rang ke?”
Thiam Nai Somleini Tungnarang Anthang
(Mat. 27:3-10)
12Hava suale anmanin Jerusalem le akandep, sernikhuo nikhat lon na lam Olib tangbung anti mun tenna Jerusalem ma an kanlejui. 13Han anmanin inn han an lut, a chunga ka han an om, anmaningai hako; Pitar, Johon, Jems, Andrew, Philip, Thoma, Bartholomew, Mathiu, Alphija a nai Jems, Jelot Simon hale Jems a nai Juda anni. 14Anmani lim le numei le Jisu a nu Meri le a nai pangngai le lung khat jak changa ani tin lamna ranga an kanchun chak.
15Hiva nikhuo sung hin Pitar ning ulenaingai karra a ngirra a ti, mitamngai ha riakhat le somni duk anni. 16“O, u le naingai, Jisu an chur laia lam hongruoi Juda antipa ruia Thavang Thiang ning David abaisua a luiri chong thiang ha tungtheina rang ani. 17Ajarko ama ha keini kan karra mi khat ani, hale hiva chuan jarra ama a tum ha ani jui.”
18A man chuan salui a tho jarra lui puk khat a tum, a khup a kan lum ma a von achetverra a ril aphung ater pet jui. 19Han, Jerusalem ma a om limin an hong jet jui, hiva jarra anmani chonga lui puk ha Akeldama anti, hiva tina ko “Thisen lui puk.”
20Ajarko La, Rabu sunga a kan jiak; ‘ama a ram ha tu khat om om ma rase u, ram char chang rase miring om mak na nirase, hale ama chuan mun ha midangkhat in lui rase u.’
21Hiva jarra keini karra Puma Jisu ning a na om pui lai, a pha rakip keini le om jon jet mi khat, 22“Johon ning Jisu tuija baptais a man tho ama ha keini tenna veikhat a na lui pe khir pha khan na, a jet ama a ringkhir jet chiak shakhi chang rang mi khat ani.”
23Hava han anmanin miring anni an hong thangjui, havangai hako; Barsabas Justus om anti hale Matthias anni hi anni. 24Han anmanin lam na an neija anti, “Miring lung rakip jetpu O Puma, hivami anningai karra nang in an khat na thang ha na man jetro. 25Ajarko, Juda ning alui tho thiamnai chuan mun ha tho khir na ranga, a mako thiamnai chuan mun ha a rak a lungdo mun na a kan heijui.” 26Han anmanin miring anningai ming ha anluija anravan anenjui. Han Matthias a ming ha an thang suak jui, hale a maha thiamruai somleikhat karra an man kan chel dejui.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Aimol (Re-edited) NT - Rabu Athar
Copyright © The Bible Society of India, 2016.
Used by permission. All rights reserved worldwide.