TIRLON 4
4
Pitar Le Johon Ulianrup Ma don na
1Pitar le Johon ning chong an luiri han biakinn angak ngai le thiampungai le sadusingai an lui honga, an lung a tam luihuimak. 2Ajarko, mitamngai ha an man chua, Jisu ha athi tenna a ringkhir tia risuak na om an nei. 3Han anmanin Pitar le Johon ha an churra ren inna khuo a var maje an tet, ajarko, nitaktiang pha aluini. 4Tak-ha anmani chong riha a ngai rakip karra a tam lam in takngai na an nei, hava karra pasal lim ha lishing ranga duk anni.
5Khuo ahongvar le anmani lamkei ulianngai, ulianrupngai le dan ojangai ning Jerusalem ma an kan chun jui. 6Hava han thiampulian Anna, Kaiapha, Johon le Aleksandar an khat om thiampulianngai parual om an lui kan chel. 7Han anmanin anmani ha anlai tak an man onga an hong dingkel, “Iranak amo, animakle iminga mo nang nin hivahi nan tho?”
8Hiva phat hin Pitar achunga athiang Thavang ning a sip anmani jiang a hong ti, “O hiva mingai lamkei ulian le ulianrupngai, 9ve enni hin, keini ning ke kiak mi khat jiang asat chuan kan tho jarra ijamo hiva mihi nan mandam tia nan na dingkel aninko, 10nang ni nan renga le Israel mirakip jiang hivahi na jet peru; nang nin khros chunga nan that Pathian ning athingai kar tenna iman ringkhir, Nazaret Jisu Khrista minga hiva mihi adamma nang ni madonna a ngir. 11Nang ni innsinngain nan deilui tak-ha nuk ako inn na do rang tak luang a hong chang ha ama ani. 12Tu khat jiang om kan san ringna siat ngaidam nahi om mak; ajarko hava tenna an phut keini na san na rang hi a na pek ama ming niluia chungvan thuaija om ma.”
13Pitar le Johon ning an tho ha an mu va, hale rabu om thei lui michamke tiha an jet pha, an lui ngak ban, han anmani hi Jisu le an lui kan ruai ke tihi an lui jet jui. 14Han ke kiak pa ning adamma anmani le an om chun ha an mu kar han anmanin hava ruia ite khat dana ranga chong ritor lai mau. 15Tak-ha anmanin anmani ha an kan chun na mun tenna suak taru tia chong an pek suale anmani masia khat le khat chong an kan siamma, 16an hong ti; “Hiva mingai jiang keinin imo kan tho rang? Ajarko anmanin jetna alian lian na an jet, hiva jarra keinin dator masing. 17Aninnom hiva chong hi mingai karra an ria an man thang mak na rang keinin anmani hi man chit tarei.”
18Han anmani ha anmanin ankuia Jisu minga rimak na rang le manchu mak na rang chong an pek jui. 19Tak-ha Pitar le Johon ning anmani jiang an hong sang, Pathian chong ri kan jui hi Pathian mitenna adik mo dikmak mo? Nang nin chong najen peru. 20Ajarko kein in kan hong mu an khat om kan hong jet ha rimakna tor masing. 21Han mitamngai ha anenna anmanin anmani ha ijamo khodengthei na kan pek rang tihi lui jet laima, anmanin anmani ha a khel la an man chit a anma sua jui. 22Ajarko kum sommanli khella atar ulian khat ha mandamna an lui nei ani.
Pitar Le Johon An sap ngai jiang An hong Kir
23Han anmani an hong masua pha han, an sap ngai jiang an honga thiampulianngai le ulianrupngai ning anmani jiang antipe rakip ha an ri jui. 24An sapngain chong ha an jet pha, an lung khat jak an man changa, Pathian jiang anrasa ring tak an hong ti, “E, Puman irakip a neipu, vanram, ramuol, tuionglian le hava sunga om rakip nang in nisinke. 25Thavang ranak keini kan pa, nanai nasuak David baisua na lui manri “Jatdangngai ha itamo an lung ithak, hale miringngai ning nemna buia an ngaidon itamo? 26Puma le Khrista ha ramuol la rengngai ning an enda, hale lamkei ulianngai ning om an kan chun jui.” 27Ajarko na suak thiang Khrista ha ama enda na ranga jatdangngai Israel mirakip le Herod Pontia Pilat ning om, 28Puma nakut le ningaidon han nuk asuak rang rakip ha a rapa niluivar rakipngai ha tho na ranga chong tak balla khopui hin an renga an kan chun jui. 29E, Puma, anmanin keini ha an na manchit hi a tun na hong enro; thauna asat na chong na la ngai hi ritor na ranga na suak keini hi na sanro. 30Hale a nat mandam na rang le a ngak angakpa chuan hi na suak Jisu minga ranak na pero.”
31Anmanin lam na an nei pha an om na mun ha a hong kan nikjui, hale anmani rakip ha a thiang Thavang ning a sip thauna sat Pathian chong an hong ri jui.
Neinak Sampar Khatjak An manchang
32Atakngai mirakip ning an lung le an thavang khat jak changa an lui om, hale tun nom an nei phur rakipngai ha kabing kaphurke luiti ma u, tak-ha mitam taranga an lui nei man. 33Han Puma Jisun a ringkhir na ruia ranak lian tak le kan ruaia thiamnaingai ning shakhi an lui pek, hale an chunga thauna an lui mu. 34Ajarko anmani karra tu khat om a riang avaija lui om ma u, ajarko ram le inn a nei rakipin an juorra, an ram juor man ha an hong choia, 35Tirlonngai ke kunga an hongtet; hale anmani karra a riang avaingai jiang an sempejui.
36Han Saipras Levi phunga a ming Josep anti thiamruaingain ko Barnabas tia an phuo hiva tina ko lung mathok pasalnai tina ani. 37A man a luia juora hava ruphai ha a hong choia Tirlonngai ke kunga alui siak.
Currently Selected:
TIRLON 4: AIMOLBSI
Highlight
Share
Copy
Want to have your highlights saved across all your devices? Sign up or sign in
Aimol (Re-edited) NT - Rabu Athar
Copyright © The Bible Society of India, 2016.
Used by permission. All rights reserved worldwide.
TIRLON 4
4
Pitar Le Johon Ulianrup Ma don na
1Pitar le Johon ning chong an luiri han biakinn angak ngai le thiampungai le sadusingai an lui honga, an lung a tam luihuimak. 2Ajarko, mitamngai ha an man chua, Jisu ha athi tenna a ringkhir tia risuak na om an nei. 3Han anmanin Pitar le Johon ha an churra ren inna khuo a var maje an tet, ajarko, nitaktiang pha aluini. 4Tak-ha anmani chong riha a ngai rakip karra a tam lam in takngai na an nei, hava karra pasal lim ha lishing ranga duk anni.
5Khuo ahongvar le anmani lamkei ulianngai, ulianrupngai le dan ojangai ning Jerusalem ma an kan chun jui. 6Hava han thiampulian Anna, Kaiapha, Johon le Aleksandar an khat om thiampulianngai parual om an lui kan chel. 7Han anmanin anmani ha anlai tak an man onga an hong dingkel, “Iranak amo, animakle iminga mo nang nin hivahi nan tho?”
8Hiva phat hin Pitar achunga athiang Thavang ning a sip anmani jiang a hong ti, “O hiva mingai lamkei ulian le ulianrupngai, 9ve enni hin, keini ning ke kiak mi khat jiang asat chuan kan tho jarra ijamo hiva mihi nan mandam tia nan na dingkel aninko, 10nang ni nan renga le Israel mirakip jiang hivahi na jet peru; nang nin khros chunga nan that Pathian ning athingai kar tenna iman ringkhir, Nazaret Jisu Khrista minga hiva mihi adamma nang ni madonna a ngir. 11Nang ni innsinngain nan deilui tak-ha nuk ako inn na do rang tak luang a hong chang ha ama ani. 12Tu khat jiang om kan san ringna siat ngaidam nahi om mak; ajarko hava tenna an phut keini na san na rang hi a na pek ama ming niluia chungvan thuaija om ma.”
13Pitar le Johon ning an tho ha an mu va, hale rabu om thei lui michamke tiha an jet pha, an lui ngak ban, han anmani hi Jisu le an lui kan ruai ke tihi an lui jet jui. 14Han ke kiak pa ning adamma anmani le an om chun ha an mu kar han anmanin hava ruia ite khat dana ranga chong ritor lai mau. 15Tak-ha anmanin anmani ha an kan chun na mun tenna suak taru tia chong an pek suale anmani masia khat le khat chong an kan siamma, 16an hong ti; “Hiva mingai jiang keinin imo kan tho rang? Ajarko anmanin jetna alian lian na an jet, hiva jarra keinin dator masing. 17Aninnom hiva chong hi mingai karra an ria an man thang mak na rang keinin anmani hi man chit tarei.”
18Han anmani ha anmanin ankuia Jisu minga rimak na rang le manchu mak na rang chong an pek jui. 19Tak-ha Pitar le Johon ning anmani jiang an hong sang, Pathian chong ri kan jui hi Pathian mitenna adik mo dikmak mo? Nang nin chong najen peru. 20Ajarko kein in kan hong mu an khat om kan hong jet ha rimakna tor masing. 21Han mitamngai ha anenna anmanin anmani ha ijamo khodengthei na kan pek rang tihi lui jet laima, anmanin anmani ha a khel la an man chit a anma sua jui. 22Ajarko kum sommanli khella atar ulian khat ha mandamna an lui nei ani.
Pitar Le Johon An sap ngai jiang An hong Kir
23Han anmani an hong masua pha han, an sap ngai jiang an honga thiampulianngai le ulianrupngai ning anmani jiang antipe rakip ha an ri jui. 24An sapngain chong ha an jet pha, an lung khat jak an man changa, Pathian jiang anrasa ring tak an hong ti, “E, Puman irakip a neipu, vanram, ramuol, tuionglian le hava sunga om rakip nang in nisinke. 25Thavang ranak keini kan pa, nanai nasuak David baisua na lui manri “Jatdangngai ha itamo an lung ithak, hale miringngai ning nemna buia an ngaidon itamo? 26Puma le Khrista ha ramuol la rengngai ning an enda, hale lamkei ulianngai ning om an kan chun jui.” 27Ajarko na suak thiang Khrista ha ama enda na ranga jatdangngai Israel mirakip le Herod Pontia Pilat ning om, 28Puma nakut le ningaidon han nuk asuak rang rakip ha a rapa niluivar rakipngai ha tho na ranga chong tak balla khopui hin an renga an kan chun jui. 29E, Puma, anmanin keini ha an na manchit hi a tun na hong enro; thauna asat na chong na la ngai hi ritor na ranga na suak keini hi na sanro. 30Hale a nat mandam na rang le a ngak angakpa chuan hi na suak Jisu minga ranak na pero.”
31Anmanin lam na an nei pha an om na mun ha a hong kan nikjui, hale anmani rakip ha a thiang Thavang ning a sip thauna sat Pathian chong an hong ri jui.
Neinak Sampar Khatjak An manchang
32Atakngai mirakip ning an lung le an thavang khat jak changa an lui om, hale tun nom an nei phur rakipngai ha kabing kaphurke luiti ma u, tak-ha mitam taranga an lui nei man. 33Han Puma Jisun a ringkhir na ruia ranak lian tak le kan ruaia thiamnaingai ning shakhi an lui pek, hale an chunga thauna an lui mu. 34Ajarko anmani karra tu khat om a riang avaija lui om ma u, ajarko ram le inn a nei rakipin an juorra, an ram juor man ha an hong choia, 35Tirlonngai ke kunga an hongtet; hale anmani karra a riang avaingai jiang an sempejui.
36Han Saipras Levi phunga a ming Josep anti thiamruaingain ko Barnabas tia an phuo hiva tina ko lung mathok pasalnai tina ani. 37A man a luia juora hava ruphai ha a hong choia Tirlonngai ke kunga alui siak.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Aimol (Re-edited) NT - Rabu Athar
Copyright © The Bible Society of India, 2016.
Used by permission. All rights reserved worldwide.