MARK 7
7
Pulepangai Man Chu Ruia
(Mat. 15:1-9)
1Jerusalem ma an phut dan oja her khat le Pharisingai Jisu jiang an hong kan chun jui. 2Anmanin thiamruoi her khat in kut rasuk lui a bu an nek ha an mu jui.
3Ajarko Pharisingai le Jiwngai a dang rakip in an pu anpangai an chenangaiha anjuichak ani, anmanin kut rasuk lui a bu an nek ngai lui ani. 4Hale keithial kal an hong pha le phur le pai an hong choi a chang innom rasuk lui a i om chak ngai ma u, nei man um nei man ma u. Anmanin pulepa omchan ngai a tam tak an jui. Ti ko koklai, kheng kam, belngai, hi rasuk ma thiang lui alui neiman ngai ma u.
5Hiva jarra Pharisi ngai le dan oja ngai han Jisu jiang, “Ijarra mo na thiamruoingain pu le pangai che na jui luia kutchok pumma bu an nek” tia an dingkel.
6Jisu ning a sang, “Nang ni asat kanrol ngai chung chang a tashanthei Isaia ning a thianga alui ri jui; a man hingan alui jiak. Hiva mingai hin an bai ningjak chit annajak, tak-ha an lung sungako kei-a an phut a lak a an om. 7Anmanin a nem na bui a chubei an na buk, ajarko Pathian dan ha, miring in an sin chong pek lam an man changa an man chu. 8Nang nin Pathian dan ha nan mak, miringngai che na dan lam nan otitjui.”
9Jisu ning a ti, “Nang nin chingtheitak a Pathian dan ha nanthup hale nan manchulam ha nan otit, 10ajarko Mousi in, ‘Nanu, na pa chit jakro,’ hale ‘Tu a chang innom a nu a pa chunga khuo khong mi ha thirase-u,’ tia a ti. 11Tak-ha nang nin nan ri, ‘Mi an khat in a pa a nu jiang akantop thei na chunga asanthei inko, hi ko Korban ani’, ti ko Pathian ta tina ani. 12A man a nu a pa ansanrang an phut an ma sua jui ani, sanlainoning, nanti. 13Hanga han man lai-a anchenangai a don don na nan jui na han Pathian chong ha i om ni lui a theinina nan nei. Hale hiva anga a tam tak om nang nin nan tho.”
Phur Haning Mi ha Manchokmak
(Mat. 15:10-20)
14Hava suale Jisun mipui ngaiha akuiret anmani jiang a ri, “Nangrenga ka chongngai unlang jetru. 15Baisung ilut chak le nek ngai han mi ha manmang mak. Tak-ha mi an khat baia i hong suak han a manmang ani.” 16“Ngainarang kuar a nei in ngai rase u.”
17A man mipui ngaiha a mak insung a lut pha, a thiamruoingain hava tetan na chong ha an lui dingkel.
18A man anmani jiang a ti, “Aninko nang ni ngai ning nan jet lailuimo? I a chang innom mibaija a lut chak thei phur han mi ha manchokmak, 19ajarko bai a lut ha kan lung sunga lut mak kanphunga achethengke.” (Hiva atinako Jisun chak rakip a thiang tia iri ani.)
20Hale Jisun a ti, “Mi an khat in a chong ri, a-omchanhan mi ha a man chok ani, 21ajarko mi lung sunga an phut sat mak, lungdo mithatna, siatna, 22thangsiatna suak na, mi en lal, kan ri siat, man kan lian hale leisei ngaihi an hong suak ani. 23Hava asat mak rakipngai hi milungsunga a hong suak, mi ham i manmang ani.”
Numei Khat Takngai
(Mat. 15:21-28)
24Hava suale Jisu ning hava mun ha a mak Sidon ram Taiar khopui tiang a che jui. Hava mun na a om ha mi an khat jak om manjetrang dei mak, Jisun inn an khat a lut a om, tak-ha ama kanthup torchilmak. 25Nupui an khat a numeinai sunga thavang satlui a lut hale Jisu chong a jet pha a rak tak a honga a ke kung a ahongkunjui. 26Hava numei nu ha Grik alui ni hale Phonisija Sairia ram sunga alui om. Hava nuhan Jisu jiang thavang satlui ha a nai numeinu jiang tenna notchai na rang arijui. 27Tak-ha Jisun a sang, “A ma sat tak nai pangngai khopbak di rase u, ajarko nai pangngai tal ha luia uingai jiang dengjuon rang hi dikma,” a ti.
28Nupuinu han a sang, “Puma, adik, aninom nai pangngai chakbang a liam bang thuoia achulngai ha uingai innom an chak ke,” a ti.
29Jisun nupuinu jiang, “Nang na chong sang jarra chetaro; khonamngai han na nai numei nai ha a mak jui,” a ti.
30Hava pha ama nu ha inna akira a nai numeinai ha kangthual chunga alui jal ahong mu a, adik khet khonam ha a nai numeinai an phut a suak jui.
Jisun A kuor Sep Le Chong Ri Theilui A man Dam
31Hava suale Jisun Taiar a mak a Sidon le khopui som akanna Dekapolis tenna Galili tuionglian tiang a che jui. 32Hale mi aher khat in chong asat aritheilui, kuorsep mi an khat an hong tu-anga. Jisun a chunga a kut siak pe ranga an hong ri. 33Jisu ning a maha mingai karra an phut a dang khat a atuonga a kuor sunga akutsim a thun na, hale achil asa thuan na, a leiha a sitpejui. 34han Jisun vanram tiang a en na, lungtok a a lam ma, mipa jiang han, “Kanlongtaro” a ti pe.
35Hava phatak han a kuor a var jui, hale a chong, ak laimak asat chong a ri thei jui. 36han Jisun anmanin tute jiang an ri mak na rang chong a bejui; tak-ha a man rimaru a ti ha khela an ri jui. 37Hale anmanin a tam tak an lui ngak a, “Puma ning chuan rakip a na tho pe jui, kuarsep ngain an jet, an khat om chong ri thei luingai jiang chong amanrithei,” anti.
Currently Selected:
MARK 7: AIMOLBSI
Highlight
Share
Copy
Want to have your highlights saved across all your devices? Sign up or sign in
Aimol (Re-edited) NT - Rabu Athar
Copyright © The Bible Society of India, 2016.
Used by permission. All rights reserved worldwide.
MARK 7
7
Pulepangai Man Chu Ruia
(Mat. 15:1-9)
1Jerusalem ma an phut dan oja her khat le Pharisingai Jisu jiang an hong kan chun jui. 2Anmanin thiamruoi her khat in kut rasuk lui a bu an nek ha an mu jui.
3Ajarko Pharisingai le Jiwngai a dang rakip in an pu anpangai an chenangaiha anjuichak ani, anmanin kut rasuk lui a bu an nek ngai lui ani. 4Hale keithial kal an hong pha le phur le pai an hong choi a chang innom rasuk lui a i om chak ngai ma u, nei man um nei man ma u. Anmanin pulepa omchan ngai a tam tak an jui. Ti ko koklai, kheng kam, belngai, hi rasuk ma thiang lui alui neiman ngai ma u.
5Hiva jarra Pharisi ngai le dan oja ngai han Jisu jiang, “Ijarra mo na thiamruoingain pu le pangai che na jui luia kutchok pumma bu an nek” tia an dingkel.
6Jisu ning a sang, “Nang ni asat kanrol ngai chung chang a tashanthei Isaia ning a thianga alui ri jui; a man hingan alui jiak. Hiva mingai hin an bai ningjak chit annajak, tak-ha an lung sungako kei-a an phut a lak a an om. 7Anmanin a nem na bui a chubei an na buk, ajarko Pathian dan ha, miring in an sin chong pek lam an man changa an man chu. 8Nang nin Pathian dan ha nan mak, miringngai che na dan lam nan otitjui.”
9Jisu ning a ti, “Nang nin chingtheitak a Pathian dan ha nanthup hale nan manchulam ha nan otit, 10ajarko Mousi in, ‘Nanu, na pa chit jakro,’ hale ‘Tu a chang innom a nu a pa chunga khuo khong mi ha thirase-u,’ tia a ti. 11Tak-ha nang nin nan ri, ‘Mi an khat in a pa a nu jiang akantop thei na chunga asanthei inko, hi ko Korban ani’, ti ko Pathian ta tina ani. 12A man a nu a pa ansanrang an phut an ma sua jui ani, sanlainoning, nanti. 13Hanga han man lai-a anchenangai a don don na nan jui na han Pathian chong ha i om ni lui a theinina nan nei. Hale hiva anga a tam tak om nang nin nan tho.”
Phur Haning Mi ha Manchokmak
(Mat. 15:10-20)
14Hava suale Jisun mipui ngaiha akuiret anmani jiang a ri, “Nangrenga ka chongngai unlang jetru. 15Baisung ilut chak le nek ngai han mi ha manmang mak. Tak-ha mi an khat baia i hong suak han a manmang ani.” 16“Ngainarang kuar a nei in ngai rase u.”
17A man mipui ngaiha a mak insung a lut pha, a thiamruoingain hava tetan na chong ha an lui dingkel.
18A man anmani jiang a ti, “Aninko nang ni ngai ning nan jet lailuimo? I a chang innom mibaija a lut chak thei phur han mi ha manchokmak, 19ajarko bai a lut ha kan lung sunga lut mak kanphunga achethengke.” (Hiva atinako Jisun chak rakip a thiang tia iri ani.)
20Hale Jisun a ti, “Mi an khat in a chong ri, a-omchanhan mi ha a man chok ani, 21ajarko mi lung sunga an phut sat mak, lungdo mithatna, siatna, 22thangsiatna suak na, mi en lal, kan ri siat, man kan lian hale leisei ngaihi an hong suak ani. 23Hava asat mak rakipngai hi milungsunga a hong suak, mi ham i manmang ani.”
Numei Khat Takngai
(Mat. 15:21-28)
24Hava suale Jisu ning hava mun ha a mak Sidon ram Taiar khopui tiang a che jui. Hava mun na a om ha mi an khat jak om manjetrang dei mak, Jisun inn an khat a lut a om, tak-ha ama kanthup torchilmak. 25Nupui an khat a numeinai sunga thavang satlui a lut hale Jisu chong a jet pha a rak tak a honga a ke kung a ahongkunjui. 26Hava numei nu ha Grik alui ni hale Phonisija Sairia ram sunga alui om. Hava nuhan Jisu jiang thavang satlui ha a nai numeinu jiang tenna notchai na rang arijui. 27Tak-ha Jisun a sang, “A ma sat tak nai pangngai khopbak di rase u, ajarko nai pangngai tal ha luia uingai jiang dengjuon rang hi dikma,” a ti.
28Nupuinu han a sang, “Puma, adik, aninom nai pangngai chakbang a liam bang thuoia achulngai ha uingai innom an chak ke,” a ti.
29Jisun nupuinu jiang, “Nang na chong sang jarra chetaro; khonamngai han na nai numei nai ha a mak jui,” a ti.
30Hava pha ama nu ha inna akira a nai numeinai ha kangthual chunga alui jal ahong mu a, adik khet khonam ha a nai numeinai an phut a suak jui.
Jisun A kuor Sep Le Chong Ri Theilui A man Dam
31Hava suale Jisun Taiar a mak a Sidon le khopui som akanna Dekapolis tenna Galili tuionglian tiang a che jui. 32Hale mi aher khat in chong asat aritheilui, kuorsep mi an khat an hong tu-anga. Jisun a chunga a kut siak pe ranga an hong ri. 33Jisu ning a maha mingai karra an phut a dang khat a atuonga a kuor sunga akutsim a thun na, hale achil asa thuan na, a leiha a sitpejui. 34han Jisun vanram tiang a en na, lungtok a a lam ma, mipa jiang han, “Kanlongtaro” a ti pe.
35Hava phatak han a kuor a var jui, hale a chong, ak laimak asat chong a ri thei jui. 36han Jisun anmanin tute jiang an ri mak na rang chong a bejui; tak-ha a man rimaru a ti ha khela an ri jui. 37Hale anmanin a tam tak an lui ngak a, “Puma ning chuan rakip a na tho pe jui, kuarsep ngain an jet, an khat om chong ri thei luingai jiang chong amanrithei,” anti.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Aimol (Re-edited) NT - Rabu Athar
Copyright © The Bible Society of India, 2016.
Used by permission. All rights reserved worldwide.