TIENKAM 13
13
Barnabas Nai Saul Tu Kadalujiu Langkhaibo
1Antioch phumlingga, phaimiukakungdung khatdi katipaodung: Barnabas, Simeon (Katikbo chiujiu kubo), Cyrene gu Lucius, Manaen (dihthinpao Herod tu maluang lung khangbo piu) khatdi Saul chiujiu bamme. 2Paliuniu Rapiu tien thiujiu khatdi kalum rijiu bamboga Masanbo Hiupuina siniu paliu khuga din-e, “Barnabas nai Saul tu aleng langpadlo, panaitu Iniu kukhai mibo ngamse kamraleng.” 3Paliuniu kalum rijiu kakheng thiulujiu, panai riga paliu ben kabakhai lujiu panaitu langkhai mide.
Cyprus Ga
4Masanbo Hiupuina niu langkhaibo donniu, Barnabas nai Saul niu Seleucia lam tadde khatdi sigasu Cyprus lam tadlande. 5Panainiu Salamis ga wangtangboga, Tingwang chamse maduikyga panainiu dinron sude, panai ngamga nkha khaira panainiu John Mark tu maluang tad kinbo-e.
6Paliuniu Paphos tangbo tadwangboga, Jehudi maipiu pazanniu, Bar-Jesu kubo khatniu phaimiukakung khatle chiujiu dinbo chamik thao kadadbo piu khattu adao-e. 7Pahai sibo dihga ningtingbo piu, dihthinpao Sergiu Paulus tu chaka thiubo khao-e. Dihthinpao siniu Barnabas nai Saul tu pakhuga wangra ku-e, palamra paniu Tingwang chamse nkingkhai ni-e. 8Chiudi panaitu chamik thao kadadbo piu Elyma (pazan haise Greek ladga-e) hainiu suini makge, paniu dihthinpao tudi malumbo gasu jumari mira kamde. 9Siga Saul—Paul chiujiudi sibo hainiu Masanbo Hiupuina niu phuilujiu, chamik thao kadadbo piu situ phui mating lujiu din-e, 10Khatdi paniu dinne, “Chara kasabo nahpiu nang! Nangra kawibo hinagu mikrebo piu-e. Nakhuga kasabo thak maliang phui bamme, sichiujiu nangniu Rapiu gu majibotu pawan machang kam arat khaira matan bambo-e! 11Tuhoira Rapiu benniu nariga wangsu rabo-e; sichiujiu namik tiat mirabo-e, sichiujiu pakak khat kabenbo haitu ngaotami rabo-e.”
Siga Elyma mikga muangren ngutjiu pamik ngaotanuang mide, siga paniu paben jukhaira maitu phiutad sude. 12Haise dihthinpao siniu ngaoluboga malum mide; palamra Rapiu lamga katikhaibose pasuang hachang hamide.
Antioch Pisidia Ga Bambo
13Paul nai paka maidung siniu Paphos gasu aliam tuanglujiu Pamphylia ga bambo namdi Perga gase wangde, siga John Mark niu panaitu saodiak lujiu Jerusalem lam malan mide. 14Paliuniu Perga gasu Pisidia ga bambo Antioch ga wanglujiu, Tabamnaise maduikyga tadlujiu ntao bamde. 15Mose gu Tacheng-tajai nai phaimiukakung maigu masanbo ariakse kenpad lubo saiga, maduikygu chakampaoniu paliu khuga haichiu din-e: Singnamaidung yo, naliuniu lungtu cham maidung leng dinkhai rabo bamsai, dinkhaira aliuniu masenne.” 16Siga Paul niu suchap lujiu, paben kahaijiu haichiu dinsude:
“Singna Israel mai khatdi Nkengmai, Tingwang tu kahum bammai mathiu alad nking khailo! 17#Tad 1.7;Tad 12.51.Israel mai Rawang niu aliu pao-peh maitu kadakhai lujiu, paliuniu Egypt dihga sangmai thiujiu bambo tinggasu pijiu kadibo jat khat thiukhai bide. Sichiujiu Tingwang niu paliutu Egypt kadih gasu pagu kadibo pumtan siniu maluangpad khaibo-e, 18#Par 14.34; Taj 1.31.khatdi takum atai paniu paliutu ramjingga maluang khaibide. 19#Taj 7.1;Jos 14.1.Paniu Canaan kadihga jat chinniatu kam maha lujiu, pamaidungtu kadih npao pithiu khaibi-e. 20#Lad 2.16;1 Sa 3.20.Pakhiangna haise takum kai madai-je-ringiu ngut mibo-e. Haibo saiga, paniu phaimiukakung Samuel ken katang paliuleng ladjanpaodungtu pikhai bide. 21#1 Sa 8.5;1 Sa 10.21.Sichiujiu paliuniu chawang leng khengboga, Tingwang niu Benjamin kiphiu gasu Kish nahpiu Saul tu takum atai leng pikhaide. 22#1 Sa 13.14;1 Sa 16.12; T.Lui 89.20.Sichiujiu patu lupad mibo saiga, Tingwang niu David tu paliu wang pithiu khai bide. Tingwang niu palamga haichiu din-e: ‘Iniu machunbo mai, Jesse nahpiu David situ Iniu daolude.’#1 Sa 13.14; 16.12; T.Lui 89.20. 23Haise paniu ladriat khaibo kumjiu, David kaikik gasu Jesu haitu, Tingwang niu Israel maitu Ranpao pithiu khai bide. 24#Mk 1.4; Lk 3.3.Jesu niu patien thiusu makha gasu, John niu Israel mai mathiutu paliu nuan gasu marilujiu tadui nphumra dinron mibo-e. 25#Jn 1.20;Mt 3.11; Mk 1.7; Lk 3.16; Jn 1.27.Sichiujiu John niu patiense loisuraga, paniu maidung khuga din-e, “I hai sao-e chiujiu naliuniu maning jiulo? Ira naliuniu khuanbambo pase makge. Chiudi phuilo pase asailam wangkinne, sichiujiu Ira paphitopdi paphi gasu luakpadra akaji makge.
26“Abraham kaikikdung, Israel mai asingna maidung khatdi Tingwang tu kahumbo Nkengmai mathiu yo: juringbo cham langkhaibo hai aliu khuga sude! 27Palamra Jerusalem ga lungbam maidung khatdi paliutu jupaodungniu pahai Ranpao-e chiubo silu makge, khatdi Tabamnai machang kenbambo phaimiukakung maidung ladse paliuniu silu makge. Chiudi paliuniu Jesu tu pimao khaibo gasu phaimiukakung maidung ladse piwangtang khai bide. 28#Mt 27.22,23; Mk 15.13,14; Lk 23.21-23; Jn 19.15.Sichiujiu paliuniu patu kamshat raleng palam daomak tadi, paliuniu kamshat raleng Pilate khuga kheng-e. 29#Mt 27.57-61; Mk 15.42-47; Lk 23.50-56; Jn 19.38-42.Sichiujiu Masanbo ariakga dinkhai mibose paliuniu pakhuga kamkhai lubo saiga, paliuniu patu singchai rigasu lukiu lujiu charao lungga baikhai mibo--e. 30Chiudi Tingwang niu patuse kashaibo gasu pi ringsu lankhai bide, 31#Tk 1.3.sichiujiu Galilee gasu Jerusalem ga patu maluang nbintad maidung khuga naimikpui wajiukha madulen khai bide. Tuhoi, paliu hainiu Israel maidung khuga jengdin thiujiu bambo-e. 32#T.Lui 2.7.Sichiujiu naliu khuga kawicham phungwangra aliu haiga bambo-e: 33Tingwang niu aliu pao-pehmai khuga kamkhaine chiujiu ladriat khaibose, tuhoira paniu aliuleng kamkhai bide, haise pakai-pakik thiubo Jesu tu piringsulan khaibo hai-e. Haise niabo Tathoiluiga raokhai bambo kumbo-e,
‘Nangra Anahpiu si-e;
thainai Iniu Napiu thiu mide.’
34 #
Isa 55.3. Sichiujiu haise Tingwang niu patu kashaibo gasu pijiu ringsulan khaibo donniu, charaw lungga wadaodi tenmi makra dinkhai mibo-e:
‘Iniu David khuga ladriat thiukhai mibo thoidamse,
Iniu nakhuga masanjiu khatdi palingjiu pikhai bine.’
35 #
T.Lui 16.10. Sichiujiu paniu pabam khatga haichiujiu dinkhai lan-e,
‘Nangniu na-kadin piubo navang situ charao lungga pijiu tenkhai lakge.’
36Palamra David niu pagu ringtingga Tingwang ngam kamkhai lujiu shai mibo-e, khatdi patuse papao-papehmai khuga nphum macham khai mibo-e, khatdi papumse charao lungga tenkhai mibo-e. 37Chiudi haise Tingwang niu kashaibo gasu piringsulan khai mibo piu khugara padmakge. 38-39Israel mai asingna maidung yo, aliuniu naliu khuga dinkhai nibo sira Mose gu Tacheng-tajai gasu khenrang thiu ngam lakbo maidung situ Jesu pen gasu khenrang thiu khaira, khatdi malum maidung nuanse kuak khairabo champao hai pikhai nibo-e. 40Sijengniu, phaimiukakung maidungniu dinkhai mibose naliu khuga padmakra kaden lulo:
41 #
Hab 1.5. ‘Phuilo, wajeng simakjiu bammai naliu! Naliu suang hajiu shaisulo!
Palamra Iniu thainai kambambo hai,
mainiu naliu khuga katikhai bamdi, naliuniu malum lakge!’”
42Paul nai Barnabas niu maduiky gasu tadmira kambamboga, wanglanbo Tabamnaidi wanglanjiu paliu khuga dinkhaisan lanra maidungniu panaitu kulande. 43Maduise pengpad lubo saiga, Jehudi mai kakeng khaniu khatdi Nkeng maidung, Jehudi mai chengga ngutmi maidung kakeng khaniu Paul nai Barnabas saisui tadde. Khommaidung siniu paliutu Tingwang lungsiatga lungbamra lungtu cham dinkhaide.
44Pasaibo Tabamnai sira namdiga bammai kakeng khaniu Rapiu chamse nkingra wangde. 45Maidung situ Jehudi maidungniu ngaoluboga, manmaboniu phuimide; sichiujiu Paul ladkeng situ ari sude khatdi patu din masa sude. 46Chiudi Paul nai Barnabas siniu huliang-liangjiu din-e: “Tingwang chamkeng hai naliu khuga dinrai rabo pathao siakge. Chiudi naliuniu lukhai makge khatdi tingtheng karingbose naliuleng buimakge chiujiu naliu ronna maningbo jengniu, aliuniu naliutu phutlujiu Nkengmai khulam tadmine. 47#Isa 42.6; 49.6.Palamra haise Rapiu niu aliu khuga pikhaibo chamtan si-e:
‘Iniu natu Nkeng maidung leng kabenbo pithiu khaine,
Sichiujiu kadihpiri maina mathiu juringbose ngaolu raleng-e.”
48Haise Nkeng maidungniu chiuluboga paliu chun wimide, sichiujiu Rapiu gu champao situ thuonde; sichiujiu tingtheng karingbo leng kadalubo malummai thiu mide.
49Sichiujiu Rapiu gu champao hai sibo luongriang pakhiangna gase chiuchia kammide. 50Chiudi Jehudi maidung siniu namdigu jupaodung khatdi Nkengmai puidung Tingwang tu kahumjiu bambo wasimai situ thaokhaide. Paliuniu Paul nai Barnabas tu kam mathad sude, khatdi sibo luongriang gasu panaitu hapad mide. 51#Mt 10.14; Mk 6.11; Lk 9.5; 10.11.Ladlangtadmai dung siniu paliutu suini makbo lenjiu paliu phi gasu tabuise kasamkhai diaklujiu Iconium lam tadmide. 52Antioch ga malum maidungse chunwibo nai Masanbo Hiupuina niu phuijiu bamme.
Currently Selected:
TIENKAM 13: LIANBSI
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.
TIENKAM 13
13
Barnabas Nai Saul Tu Kadalujiu Langkhaibo
1Antioch phumlingga, phaimiukakungdung khatdi katipaodung: Barnabas, Simeon (Katikbo chiujiu kubo), Cyrene gu Lucius, Manaen (dihthinpao Herod tu maluang lung khangbo piu) khatdi Saul chiujiu bamme. 2Paliuniu Rapiu tien thiujiu khatdi kalum rijiu bamboga Masanbo Hiupuina siniu paliu khuga din-e, “Barnabas nai Saul tu aleng langpadlo, panaitu Iniu kukhai mibo ngamse kamraleng.” 3Paliuniu kalum rijiu kakheng thiulujiu, panai riga paliu ben kabakhai lujiu panaitu langkhai mide.
Cyprus Ga
4Masanbo Hiupuina niu langkhaibo donniu, Barnabas nai Saul niu Seleucia lam tadde khatdi sigasu Cyprus lam tadlande. 5Panainiu Salamis ga wangtangboga, Tingwang chamse maduikyga panainiu dinron sude, panai ngamga nkha khaira panainiu John Mark tu maluang tad kinbo-e.
6Paliuniu Paphos tangbo tadwangboga, Jehudi maipiu pazanniu, Bar-Jesu kubo khatniu phaimiukakung khatle chiujiu dinbo chamik thao kadadbo piu khattu adao-e. 7Pahai sibo dihga ningtingbo piu, dihthinpao Sergiu Paulus tu chaka thiubo khao-e. Dihthinpao siniu Barnabas nai Saul tu pakhuga wangra ku-e, palamra paniu Tingwang chamse nkingkhai ni-e. 8Chiudi panaitu chamik thao kadadbo piu Elyma (pazan haise Greek ladga-e) hainiu suini makge, paniu dihthinpao tudi malumbo gasu jumari mira kamde. 9Siga Saul—Paul chiujiudi sibo hainiu Masanbo Hiupuina niu phuilujiu, chamik thao kadadbo piu situ phui mating lujiu din-e, 10Khatdi paniu dinne, “Chara kasabo nahpiu nang! Nangra kawibo hinagu mikrebo piu-e. Nakhuga kasabo thak maliang phui bamme, sichiujiu nangniu Rapiu gu majibotu pawan machang kam arat khaira matan bambo-e! 11Tuhoira Rapiu benniu nariga wangsu rabo-e; sichiujiu namik tiat mirabo-e, sichiujiu pakak khat kabenbo haitu ngaotami rabo-e.”
Siga Elyma mikga muangren ngutjiu pamik ngaotanuang mide, siga paniu paben jukhaira maitu phiutad sude. 12Haise dihthinpao siniu ngaoluboga malum mide; palamra Rapiu lamga katikhaibose pasuang hachang hamide.
Antioch Pisidia Ga Bambo
13Paul nai paka maidung siniu Paphos gasu aliam tuanglujiu Pamphylia ga bambo namdi Perga gase wangde, siga John Mark niu panaitu saodiak lujiu Jerusalem lam malan mide. 14Paliuniu Perga gasu Pisidia ga bambo Antioch ga wanglujiu, Tabamnaise maduikyga tadlujiu ntao bamde. 15Mose gu Tacheng-tajai nai phaimiukakung maigu masanbo ariakse kenpad lubo saiga, maduikygu chakampaoniu paliu khuga haichiu din-e: Singnamaidung yo, naliuniu lungtu cham maidung leng dinkhai rabo bamsai, dinkhaira aliuniu masenne.” 16Siga Paul niu suchap lujiu, paben kahaijiu haichiu dinsude:
“Singna Israel mai khatdi Nkengmai, Tingwang tu kahum bammai mathiu alad nking khailo! 17#Tad 1.7;Tad 12.51.Israel mai Rawang niu aliu pao-peh maitu kadakhai lujiu, paliuniu Egypt dihga sangmai thiujiu bambo tinggasu pijiu kadibo jat khat thiukhai bide. Sichiujiu Tingwang niu paliutu Egypt kadih gasu pagu kadibo pumtan siniu maluangpad khaibo-e, 18#Par 14.34; Taj 1.31.khatdi takum atai paniu paliutu ramjingga maluang khaibide. 19#Taj 7.1;Jos 14.1.Paniu Canaan kadihga jat chinniatu kam maha lujiu, pamaidungtu kadih npao pithiu khaibi-e. 20#Lad 2.16;1 Sa 3.20.Pakhiangna haise takum kai madai-je-ringiu ngut mibo-e. Haibo saiga, paniu phaimiukakung Samuel ken katang paliuleng ladjanpaodungtu pikhai bide. 21#1 Sa 8.5;1 Sa 10.21.Sichiujiu paliuniu chawang leng khengboga, Tingwang niu Benjamin kiphiu gasu Kish nahpiu Saul tu takum atai leng pikhaide. 22#1 Sa 13.14;1 Sa 16.12; T.Lui 89.20.Sichiujiu patu lupad mibo saiga, Tingwang niu David tu paliu wang pithiu khai bide. Tingwang niu palamga haichiu din-e: ‘Iniu machunbo mai, Jesse nahpiu David situ Iniu daolude.’#1 Sa 13.14; 16.12; T.Lui 89.20. 23Haise paniu ladriat khaibo kumjiu, David kaikik gasu Jesu haitu, Tingwang niu Israel maitu Ranpao pithiu khai bide. 24#Mk 1.4; Lk 3.3.Jesu niu patien thiusu makha gasu, John niu Israel mai mathiutu paliu nuan gasu marilujiu tadui nphumra dinron mibo-e. 25#Jn 1.20;Mt 3.11; Mk 1.7; Lk 3.16; Jn 1.27.Sichiujiu John niu patiense loisuraga, paniu maidung khuga din-e, “I hai sao-e chiujiu naliuniu maning jiulo? Ira naliuniu khuanbambo pase makge. Chiudi phuilo pase asailam wangkinne, sichiujiu Ira paphitopdi paphi gasu luakpadra akaji makge.
26“Abraham kaikikdung, Israel mai asingna maidung khatdi Tingwang tu kahumbo Nkengmai mathiu yo: juringbo cham langkhaibo hai aliu khuga sude! 27Palamra Jerusalem ga lungbam maidung khatdi paliutu jupaodungniu pahai Ranpao-e chiubo silu makge, khatdi Tabamnai machang kenbambo phaimiukakung maidung ladse paliuniu silu makge. Chiudi paliuniu Jesu tu pimao khaibo gasu phaimiukakung maidung ladse piwangtang khai bide. 28#Mt 27.22,23; Mk 15.13,14; Lk 23.21-23; Jn 19.15.Sichiujiu paliuniu patu kamshat raleng palam daomak tadi, paliuniu kamshat raleng Pilate khuga kheng-e. 29#Mt 27.57-61; Mk 15.42-47; Lk 23.50-56; Jn 19.38-42.Sichiujiu Masanbo ariakga dinkhai mibose paliuniu pakhuga kamkhai lubo saiga, paliuniu patu singchai rigasu lukiu lujiu charao lungga baikhai mibo--e. 30Chiudi Tingwang niu patuse kashaibo gasu pi ringsu lankhai bide, 31#Tk 1.3.sichiujiu Galilee gasu Jerusalem ga patu maluang nbintad maidung khuga naimikpui wajiukha madulen khai bide. Tuhoi, paliu hainiu Israel maidung khuga jengdin thiujiu bambo-e. 32#T.Lui 2.7.Sichiujiu naliu khuga kawicham phungwangra aliu haiga bambo-e: 33Tingwang niu aliu pao-pehmai khuga kamkhaine chiujiu ladriat khaibose, tuhoira paniu aliuleng kamkhai bide, haise pakai-pakik thiubo Jesu tu piringsulan khaibo hai-e. Haise niabo Tathoiluiga raokhai bambo kumbo-e,
‘Nangra Anahpiu si-e;
thainai Iniu Napiu thiu mide.’
34 #
Isa 55.3. Sichiujiu haise Tingwang niu patu kashaibo gasu pijiu ringsulan khaibo donniu, charaw lungga wadaodi tenmi makra dinkhai mibo-e:
‘Iniu David khuga ladriat thiukhai mibo thoidamse,
Iniu nakhuga masanjiu khatdi palingjiu pikhai bine.’
35 #
T.Lui 16.10. Sichiujiu paniu pabam khatga haichiujiu dinkhai lan-e,
‘Nangniu na-kadin piubo navang situ charao lungga pijiu tenkhai lakge.’
36Palamra David niu pagu ringtingga Tingwang ngam kamkhai lujiu shai mibo-e, khatdi patuse papao-papehmai khuga nphum macham khai mibo-e, khatdi papumse charao lungga tenkhai mibo-e. 37Chiudi haise Tingwang niu kashaibo gasu piringsulan khai mibo piu khugara padmakge. 38-39Israel mai asingna maidung yo, aliuniu naliu khuga dinkhai nibo sira Mose gu Tacheng-tajai gasu khenrang thiu ngam lakbo maidung situ Jesu pen gasu khenrang thiu khaira, khatdi malum maidung nuanse kuak khairabo champao hai pikhai nibo-e. 40Sijengniu, phaimiukakung maidungniu dinkhai mibose naliu khuga padmakra kaden lulo:
41 #
Hab 1.5. ‘Phuilo, wajeng simakjiu bammai naliu! Naliu suang hajiu shaisulo!
Palamra Iniu thainai kambambo hai,
mainiu naliu khuga katikhai bamdi, naliuniu malum lakge!’”
42Paul nai Barnabas niu maduiky gasu tadmira kambamboga, wanglanbo Tabamnaidi wanglanjiu paliu khuga dinkhaisan lanra maidungniu panaitu kulande. 43Maduise pengpad lubo saiga, Jehudi mai kakeng khaniu khatdi Nkeng maidung, Jehudi mai chengga ngutmi maidung kakeng khaniu Paul nai Barnabas saisui tadde. Khommaidung siniu paliutu Tingwang lungsiatga lungbamra lungtu cham dinkhaide.
44Pasaibo Tabamnai sira namdiga bammai kakeng khaniu Rapiu chamse nkingra wangde. 45Maidung situ Jehudi maidungniu ngaoluboga, manmaboniu phuimide; sichiujiu Paul ladkeng situ ari sude khatdi patu din masa sude. 46Chiudi Paul nai Barnabas siniu huliang-liangjiu din-e: “Tingwang chamkeng hai naliu khuga dinrai rabo pathao siakge. Chiudi naliuniu lukhai makge khatdi tingtheng karingbose naliuleng buimakge chiujiu naliu ronna maningbo jengniu, aliuniu naliutu phutlujiu Nkengmai khulam tadmine. 47#Isa 42.6; 49.6.Palamra haise Rapiu niu aliu khuga pikhaibo chamtan si-e:
‘Iniu natu Nkeng maidung leng kabenbo pithiu khaine,
Sichiujiu kadihpiri maina mathiu juringbose ngaolu raleng-e.”
48Haise Nkeng maidungniu chiuluboga paliu chun wimide, sichiujiu Rapiu gu champao situ thuonde; sichiujiu tingtheng karingbo leng kadalubo malummai thiu mide.
49Sichiujiu Rapiu gu champao hai sibo luongriang pakhiangna gase chiuchia kammide. 50Chiudi Jehudi maidung siniu namdigu jupaodung khatdi Nkengmai puidung Tingwang tu kahumjiu bambo wasimai situ thaokhaide. Paliuniu Paul nai Barnabas tu kam mathad sude, khatdi sibo luongriang gasu panaitu hapad mide. 51#Mt 10.14; Mk 6.11; Lk 9.5; 10.11.Ladlangtadmai dung siniu paliutu suini makbo lenjiu paliu phi gasu tabuise kasamkhai diaklujiu Iconium lam tadmide. 52Antioch ga malum maidungse chunwibo nai Masanbo Hiupuina niu phuijiu bamme.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.