TIENKAM 21
21
Paul Niu Jerusalem Lam Tadbo
1Aliuniu paliutu ramnakhai lujiu tadmide. Aliamse tuang maji-kajak padlujiu Cos ga wangde; pasaibo nainiu Rhodes ga aliu wangtang-e, sigasu aliuniu Patara lam tadlande. 2Siga Phoenicia lam tadra aliam khat aliuniu daojiu, sigasu aliu aliam tuanglujiu tadlande. 3Aliuniu Cyprus tu ngaobo bam khatga wangtang lujiu, sigasu sibo hanglam bambo Syria lam aliam tuanglujiu tadde, Sigasu aliam siniu pabang saokhai rabo bam Tyre gase aliu tadlande. 4Siga malum maidung khangsiatu aliuniu daojiu nidkak khat paliu khuga bamkhaide. Hiupuina pumtan pen gasu paliuniu Paul tu Jerusalem lam tadmakra din-e. 5Chiudi aliuniu bamrabo wanse majumiboga aliuniu aliu npui lamse tadlan mide. Paliu mathiuse paliu nao-nahdungtu puilujiu namdi lenlam chagiu chaphu katang aliutu kapao padjiu, siga aliu khudungkiu kakheng thiu macham khaide. 6Sichiujiu aliuniu khat khattu ramna lujiu aliudi aliam lung gase ngutmide, paliudi paliu ky lam malanwang mide.
7Aliuniu aliu puitadse tadlanjiu, Tyre gasu aliam tuanglujiu Ptolemai ga wangjiu, siga malum maidungtu wang kanui khaijiu naikhat manai khaide. 8#Tk 6.5; 8.5.Pasaibo naise aliuniu Caesarea ga wangtangde. Siga aliuniu Jerusalem ga nkhara mai khang chinnia kadapadbo ruanggasu kawicham dinronbo Philip kyga bamkhaide. 9Chamithiu makmai panahpui khang madai siniu Tingwang cham din bamniu-e. 10#Tk 6.5; 8.5.Judea lamsu wangbo phaimiukakung khat pazanniu Agabus kubopiu siniu siga wangbo tangna aliuniu siga manai khaide. 11Siga paniu aliu khuga wanglujiu Paul gu khen-gakse khoilujiu paronna paphi paben ratlujiu haichiu din-e, “Masanbo Hiupuina siniu haichiu din-e; Jerusalem ga Jehudi maidung siniu haibo khen-gak paopiu situ haichiu ratlujiu, paliuniu patu Nkengmai khuga pikhaimi rabo-e.”
12Aliuniu haise chiuboga, aliudi, maidung siniudi Paul tu Jerusalem lam tadmakra kheng-e. 13Chiudi paniu paokakge, “Naliuniu kambambo hai degulo? Dekamjiu haichiu kapjiu alung kam chariu bamjiulo? Jerusalem gase atu ratmanbo ronna makjiu, Rapiu Jesu leng shaibo tangna, Ira kaden bambo-e.”
14Aliuniu patu hiam ngamlak mibo jengniu, aliuniu patu haichiu dinkhaijiu phutkhai mide, “Rapiu niu machunbo thiumi sulo.”
15Siga pakak khat aliu bamkhai lujiu, Jerusalem lam tadra kaden lude. 16Caesarea lamsu pakhommaidung khangsiadi aliutu maluang tadjiu, aliuniu bamkhai rabo piu Cyprus lamsu wangbo Mnason, karai gasu malumjiu bambo piu kyga puiwang khaide.
Paul Niu Jacob Tu Phuitadbo
17Aliuniu Jerusalem ga wangtangboga, malum maidung siniu aliutu wijiu lukhaide. 18Pasaibo naise aliutu puilujiu Jacob tu adaora tadde; siga phumlinggu katingmai hinadi bamniu-e. 19Paul niu paliutu kanuikhai-e khatdi Tingwang niu pagu tienkam gasu dechiujiu Nkeng maidung leng kamkhai bilo chiubo dinkhaide. 20Pachamse chiulujiu paliu mathiu Tingwang tu thuonkiude. Sichiujiu paliuniu din-e, “Singna Paul yo, Jehudi maidung sang-sangniu malumbo khatdi paliuniu Tacheng-tajaiga dejiukha paliu chun ngut bamlo chiubo nangniu ngaode. 21Sichiujiu Nkengmai kadihga lungbo Jehudi maidungtu nangniu Mose gu Tacheng-tajai phutmira khatdi paliu nahdungtu chagi rommakra khatdi Jehudi mai cheng tadmakra katikhaijiu kin-e chiubo nalamga dinjiu bambo-e. 22Sichiujiu nang haiga wangtang bamme chiubo hai paliu chiumi rabo-e. Sichiusai degu kam suralo? 23#Par 6.13-21.Siniu nang haichiu kambotu aliuniu luni-e, chiubora tasiang sianglubo mai khang madai bamme. 24Sijengniu paliutu maluang lujiu kam masanbo rathak gase jaojiu paliuniu tiurabo hinase pikhai bilo; sichiusai paliuniu paliu peese gotlubui-e. Sichiusai maidungniu nalamga dinbambose wadi maji makbo-e chiubo simi rabo-e, sichiujiu nangra Mose gu Tacheng-tajai saisuijiu lungbambo-e chiujiu simi rabo-e. 25#Tk 15.29.Sichiudi malum lubo Nkeng maidung sira aliuniu chaplujiu chamlen khat langkhai mibo kumjiu, paliuniu charameng khuga kadkhai mibo tiutek tiumak rabo-e, maksai tazai tiumak rabo-e, maksai charum shaibo wakhao jan tiumak rabo-e, khatdi npui-npiu thiubo gasu paliu pum kam taniamak rabo-e.”
26Sijengniu pasaibo naise Paul niu khang madai situ puilujiu kam masanbo rathakse kamde. Sichiujiu paniu Charaky lunggase ngut lujiu kam masanbo lunggase, patingmik changmak then paliu mathiu leng khat-khat thiujiu charathiujiu bamrabo-e chiubo kamlen khaide.
Paul Tu Charaky Gasu Minbo
27Sichiujiu jeng chinniase loisubo tingga Asia luongriang lamsu wangbo Jehudi maidung khangsianiu Paul tu charaky lunggasu ngaolude. Paliuniu maidungtu kam karungkhai lujiu Paul tu jamman lude. 28Paliuniu haichiu senjiu din-e, “Israel maidung yo, nkha khailo! Haibo piu hai pabam machangna tadronjiu Israel maidung khuga Mose gu Tacheng-tajai nai haibo Rakytu suimakra katikhaijiu kinbo-e!” 29#Tk 20.4.(Paliuniu haichiu dinbo rambara, Ephesus maipiu Trophimus tu Paul niu maluang kinbo ngaobo jengniu, Paul niu sinatu Charaky lungga maluang ngut bamme chiujiu maningbo-e).
30Namdi pakhiangnase kabuak sude, sichiujiu maidungse pakwang karen lujiu Paul tu jamman lujiu Charaky akhamdung sidi khamkam wangmide. 31Sichiujiu maidung siniu Paul tu kamshat mira kammiboga, Rome gu charipi khuga Jerusalem ga kabuak chang kabuak bamme chiujiu paokhaide. 32Siga charipi siniu charimaidung khangsiatu maluang lujiu mathiu ruanggase pakwangde. Maidung siniu charimaidung situ ngaoboga, paliuniu Paul tu dapbambose mathak mide. 33Charipi siniu Paul khulam wanglujiu patu minlude khatdi chagiriang nianiu patu ratmanra chamtan pide, Siga paniu maniu-e, “Haibo piu hai saolo, khatdi paniu degu kammi jiulo?” 34Maidung ruang gasu khangsianiu wakhat din-e, khangsianiu katam din-e, Sichiujiu charipi siniu kabuak bambo lamga simasan lulak mibo donniu Paul situ riphendung bambo bam gase juwang mira chamtan pikhaide. 35Paliuniu haijiukha patu ngaosa-e, sijengniu riphendung siniu patu pontad mide, palamra maidungse haijiukha samide. 36Paliu mathiuse pasaiga wanglujiu haichiu sen-e, “Patu kamshat milo!”
Paul Niu Palamga Dinbo
37Riphendung siniu Paul situ riphendung bambo bamga maluang ngut mira kambamboga, paniu charipi khuga din-e, “Wapoi nakha Iniu nakhuga dinbo suima?”
Charipi siniu maniu-e, “Nang Greek lad dinbo maima? 38Sichiusai nda pakak khatga kabuakbo padjiu mania thinbo mai sang madaitu maluang lujiu ramjingga tadbo Egypt maipiu sira nang makma?”
39Paul niu paokakge, “Ira para kathiubo namdi Cilicia ga bambo Tarsus gasu manabo Jehudi mai-e. Atu chalung sajiu maidung khuga chalad dinra suikhai khelo.”
40Siga charipi siniu patu chalad dinra suikhai bide, siga Paul niu tason gase chaplujiu maidung situ maliumak bamra paben kahai khaide. Sichiujiu mai hinase maliuna bammiboga, Paul niu Hebrew mai lad gasu paliu khuga dinsude:
Currently Selected:
TIENKAM 21: LIANBSI
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.
TIENKAM 21
21
Paul Niu Jerusalem Lam Tadbo
1Aliuniu paliutu ramnakhai lujiu tadmide. Aliamse tuang maji-kajak padlujiu Cos ga wangde; pasaibo nainiu Rhodes ga aliu wangtang-e, sigasu aliuniu Patara lam tadlande. 2Siga Phoenicia lam tadra aliam khat aliuniu daojiu, sigasu aliu aliam tuanglujiu tadlande. 3Aliuniu Cyprus tu ngaobo bam khatga wangtang lujiu, sigasu sibo hanglam bambo Syria lam aliam tuanglujiu tadde, Sigasu aliam siniu pabang saokhai rabo bam Tyre gase aliu tadlande. 4Siga malum maidung khangsiatu aliuniu daojiu nidkak khat paliu khuga bamkhaide. Hiupuina pumtan pen gasu paliuniu Paul tu Jerusalem lam tadmakra din-e. 5Chiudi aliuniu bamrabo wanse majumiboga aliuniu aliu npui lamse tadlan mide. Paliu mathiuse paliu nao-nahdungtu puilujiu namdi lenlam chagiu chaphu katang aliutu kapao padjiu, siga aliu khudungkiu kakheng thiu macham khaide. 6Sichiujiu aliuniu khat khattu ramna lujiu aliudi aliam lung gase ngutmide, paliudi paliu ky lam malanwang mide.
7Aliuniu aliu puitadse tadlanjiu, Tyre gasu aliam tuanglujiu Ptolemai ga wangjiu, siga malum maidungtu wang kanui khaijiu naikhat manai khaide. 8#Tk 6.5; 8.5.Pasaibo naise aliuniu Caesarea ga wangtangde. Siga aliuniu Jerusalem ga nkhara mai khang chinnia kadapadbo ruanggasu kawicham dinronbo Philip kyga bamkhaide. 9Chamithiu makmai panahpui khang madai siniu Tingwang cham din bamniu-e. 10#Tk 6.5; 8.5.Judea lamsu wangbo phaimiukakung khat pazanniu Agabus kubopiu siniu siga wangbo tangna aliuniu siga manai khaide. 11Siga paniu aliu khuga wanglujiu Paul gu khen-gakse khoilujiu paronna paphi paben ratlujiu haichiu din-e, “Masanbo Hiupuina siniu haichiu din-e; Jerusalem ga Jehudi maidung siniu haibo khen-gak paopiu situ haichiu ratlujiu, paliuniu patu Nkengmai khuga pikhaimi rabo-e.”
12Aliuniu haise chiuboga, aliudi, maidung siniudi Paul tu Jerusalem lam tadmakra kheng-e. 13Chiudi paniu paokakge, “Naliuniu kambambo hai degulo? Dekamjiu haichiu kapjiu alung kam chariu bamjiulo? Jerusalem gase atu ratmanbo ronna makjiu, Rapiu Jesu leng shaibo tangna, Ira kaden bambo-e.”
14Aliuniu patu hiam ngamlak mibo jengniu, aliuniu patu haichiu dinkhaijiu phutkhai mide, “Rapiu niu machunbo thiumi sulo.”
15Siga pakak khat aliu bamkhai lujiu, Jerusalem lam tadra kaden lude. 16Caesarea lamsu pakhommaidung khangsiadi aliutu maluang tadjiu, aliuniu bamkhai rabo piu Cyprus lamsu wangbo Mnason, karai gasu malumjiu bambo piu kyga puiwang khaide.
Paul Niu Jacob Tu Phuitadbo
17Aliuniu Jerusalem ga wangtangboga, malum maidung siniu aliutu wijiu lukhaide. 18Pasaibo naise aliutu puilujiu Jacob tu adaora tadde; siga phumlinggu katingmai hinadi bamniu-e. 19Paul niu paliutu kanuikhai-e khatdi Tingwang niu pagu tienkam gasu dechiujiu Nkeng maidung leng kamkhai bilo chiubo dinkhaide. 20Pachamse chiulujiu paliu mathiu Tingwang tu thuonkiude. Sichiujiu paliuniu din-e, “Singna Paul yo, Jehudi maidung sang-sangniu malumbo khatdi paliuniu Tacheng-tajaiga dejiukha paliu chun ngut bamlo chiubo nangniu ngaode. 21Sichiujiu Nkengmai kadihga lungbo Jehudi maidungtu nangniu Mose gu Tacheng-tajai phutmira khatdi paliu nahdungtu chagi rommakra khatdi Jehudi mai cheng tadmakra katikhaijiu kin-e chiubo nalamga dinjiu bambo-e. 22Sichiujiu nang haiga wangtang bamme chiubo hai paliu chiumi rabo-e. Sichiusai degu kam suralo? 23#Par 6.13-21.Siniu nang haichiu kambotu aliuniu luni-e, chiubora tasiang sianglubo mai khang madai bamme. 24Sijengniu paliutu maluang lujiu kam masanbo rathak gase jaojiu paliuniu tiurabo hinase pikhai bilo; sichiusai paliuniu paliu peese gotlubui-e. Sichiusai maidungniu nalamga dinbambose wadi maji makbo-e chiubo simi rabo-e, sichiujiu nangra Mose gu Tacheng-tajai saisuijiu lungbambo-e chiujiu simi rabo-e. 25#Tk 15.29.Sichiudi malum lubo Nkeng maidung sira aliuniu chaplujiu chamlen khat langkhai mibo kumjiu, paliuniu charameng khuga kadkhai mibo tiutek tiumak rabo-e, maksai tazai tiumak rabo-e, maksai charum shaibo wakhao jan tiumak rabo-e, khatdi npui-npiu thiubo gasu paliu pum kam taniamak rabo-e.”
26Sijengniu pasaibo naise Paul niu khang madai situ puilujiu kam masanbo rathakse kamde. Sichiujiu paniu Charaky lunggase ngut lujiu kam masanbo lunggase, patingmik changmak then paliu mathiu leng khat-khat thiujiu charathiujiu bamrabo-e chiubo kamlen khaide.
Paul Tu Charaky Gasu Minbo
27Sichiujiu jeng chinniase loisubo tingga Asia luongriang lamsu wangbo Jehudi maidung khangsianiu Paul tu charaky lunggasu ngaolude. Paliuniu maidungtu kam karungkhai lujiu Paul tu jamman lude. 28Paliuniu haichiu senjiu din-e, “Israel maidung yo, nkha khailo! Haibo piu hai pabam machangna tadronjiu Israel maidung khuga Mose gu Tacheng-tajai nai haibo Rakytu suimakra katikhaijiu kinbo-e!” 29#Tk 20.4.(Paliuniu haichiu dinbo rambara, Ephesus maipiu Trophimus tu Paul niu maluang kinbo ngaobo jengniu, Paul niu sinatu Charaky lungga maluang ngut bamme chiujiu maningbo-e).
30Namdi pakhiangnase kabuak sude, sichiujiu maidungse pakwang karen lujiu Paul tu jamman lujiu Charaky akhamdung sidi khamkam wangmide. 31Sichiujiu maidung siniu Paul tu kamshat mira kammiboga, Rome gu charipi khuga Jerusalem ga kabuak chang kabuak bamme chiujiu paokhaide. 32Siga charipi siniu charimaidung khangsiatu maluang lujiu mathiu ruanggase pakwangde. Maidung siniu charimaidung situ ngaoboga, paliuniu Paul tu dapbambose mathak mide. 33Charipi siniu Paul khulam wanglujiu patu minlude khatdi chagiriang nianiu patu ratmanra chamtan pide, Siga paniu maniu-e, “Haibo piu hai saolo, khatdi paniu degu kammi jiulo?” 34Maidung ruang gasu khangsianiu wakhat din-e, khangsianiu katam din-e, Sichiujiu charipi siniu kabuak bambo lamga simasan lulak mibo donniu Paul situ riphendung bambo bam gase juwang mira chamtan pikhaide. 35Paliuniu haijiukha patu ngaosa-e, sijengniu riphendung siniu patu pontad mide, palamra maidungse haijiukha samide. 36Paliu mathiuse pasaiga wanglujiu haichiu sen-e, “Patu kamshat milo!”
Paul Niu Palamga Dinbo
37Riphendung siniu Paul situ riphendung bambo bamga maluang ngut mira kambamboga, paniu charipi khuga din-e, “Wapoi nakha Iniu nakhuga dinbo suima?”
Charipi siniu maniu-e, “Nang Greek lad dinbo maima? 38Sichiusai nda pakak khatga kabuakbo padjiu mania thinbo mai sang madaitu maluang lujiu ramjingga tadbo Egypt maipiu sira nang makma?”
39Paul niu paokakge, “Ira para kathiubo namdi Cilicia ga bambo Tarsus gasu manabo Jehudi mai-e. Atu chalung sajiu maidung khuga chalad dinra suikhai khelo.”
40Siga charipi siniu patu chalad dinra suikhai bide, siga Paul niu tason gase chaplujiu maidung situ maliumak bamra paben kahai khaide. Sichiujiu mai hinase maliuna bammiboga, Paul niu Hebrew mai lad gasu paliu khuga dinsude:
Currently Selected:
:
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.