TIENKAM 23
23
1Paul niu Apaimaidung situ phui mating lujiu din-e, “Asingna Israel maidung yo! Thainai tangbo Iniu Tingwang masuangga dechiu lungkhai milo chiubo I masanjiu sibamme.” 2Dibo Singku Ananias siniu Paul mungga chapbammai khuga pamunse kakhiura chamtan pikhaide. 3#Mt 23.27,28.Siga Paul niu pakhuga din-e, “ Manuk maka khai nbambo singbeng nang, Tingwang niu natu maomakjiu kakhiu rabo-e! Tacheng-tajai saisuijiu atu ladjan thiura nang siga ntao bamme, chiudi nangniu Tacheng-tajai situ kampang lujiu atu dapra nangniu chamtan pikhai bamme!”
4Siga Paul mungga ntao bam maidung siniu pakhuga din-e, “Nangniu Tingwang gu Dibo Singku situ pamao pibamme!”
5 #
Tad 22.28. Paul niu paokakge, “Asingna Israel maidung yo, pahai Dibo Singku si-e, chiubo Ira simakge. Yo, Masanbo ariakniu din-e, “Nangniu namaidunggu jupaotu din masamak rabo-e.”
6 #
Tk 26.5; Phil 3.5. Paul niu maidung khangsiase Sadducee mai-e, khangsianiu Pharisee mai-e chiubo siluboga, paniu Apaimaidung situ kujiu din-e, “Singna Israel maidung yo! Ira Pharisee mai nah Pharisee mai-e. Atu ladjan thiu bambo haira, kashaimai ringsulan rabo-e chiujiu Iniu katikhaibo jengniu-e!”
7Paniu haise dinkhai gapboga, maidungse paphom nia thiujiu, Pharisee maidung nai Sudducee maidung chiujiu chalad apaijiu tadpad tam-tam mide. 8#Mt 22.23; Mk 12.18; Lk 20.27.(Palamra Sadducee maidungniu din-e chiubora maidung siniu shaimibo gasu ringsulan lakge, khatdi siga mazadung maksai hiupuinadung ha-e; chiudi Pharisee maidungra sum situ malumme). 9Chakhuanse tanbi-bijiu kario khang sude, siga Pharisee maidung, Tacheng-tajaigu katipaodung khangsia siniu chapkhang lujiu haichiu tanjiu dinsude: “Aliuniu haibo piu khuga wadi kamaobo daomakge! Hiupuina khatniu maksai maza khatniu pakhuga pachangsiak dinkhaibo sui-e.”
10Haichiujiu aribo hai tanchang-tan khang mibo jengniu Paul tuse phettap-tapmi suma chiujiu charipi siniu manang mide. Sijengniu riphendung situ tadlujiu Paul tu paliu khugasu riphendung bamgase puiwang khai mira chamtan pikhaide.
11Sibo nai nchunse Rapiu niu Paul khuga chaplujiu din-e, “Ping mane! Nangniu Jerusalem haiga ajengniu nagu jengdin thiu khai mide, sise kumjiu Rome gadi nangniu kamrabo-e.”
Paul Tu Kamshat Mira Limbo
12Pasaibo nai nsuanse Jehudi maidungniu aruang lujiu wakhat rangsu mide.Paliuniu Paul tu kamshat lumak thenna, wadi tiulakge maksai wadi saklakge chiujiu tasiang siang mide. 13Haichiu rangbo haise chamai khang atai suang keng-e. 14Sichiujiu paliuniu singku paodung khuga tadlujiu din-e, “Aliuniu Paul tu kamshat lumak thenna, wadi katiu tiulakge, chiujiu aliu tasiang siang lude. 15Sijengniu, tuhoira naliuniu khatdi Apaimaidung siniu palamga wa sikhai sannibo kabam saothiujiu, Paul tu naliu khuga maluang kiulo chiujiu, Rome gu charipi khuga tacham langkhailo. Chiudi paniu haiga wangtang makhaga aliuniu patu kamshat mira kaden bamme.”
16Chiudi haichiujiu limrabo khuan hai Paul tanpui nahpiu siniu chiulude; sijengniu riphendung bamgase paniu tadlujiu Paul khuga haibo lamga paokhai bide. 17Siga Paul niu chakampao khang khattu kulujiu din-e, “Haibo akhangmai nah haitu charipi khuga majang meng khailo; paniu pakhuga wakhat dinkhaira bamjiu-e.” 18Chakampao siniu patuse puilujiu charipi khuga majang meng din-e, “Kavangkyga bambo Paul siniu atu kulujiu haibo akhangmai nah haitu nakhuga majang meng khailo chiu dinbo-e, palamra paniu nakhuga wakhat dinkhaira bamme chiu-e.”
19Charipi siniu patuse paben julujiu paronna tadpad pakhuga maniu-e, “Nangniu akhuga degu dinkhai nibo bamjiulo?”
20Paniu din-e, “Jehudi maigu kating maidung siniu Paul haitu nsuannai Apaimaidung khuga maluang kiura nakhuga khengne chiu chaplude. 21Chiudi paliu lad lukhai jan mane, palamra chamai khang atai suang kengjiu mahin patu chonjiu bamme khatdi limjiu bamme. Paliuniu patu kamshat lumak then wadi tiudi tiulakge, maksai wadi sakdi saklakge chiujiu tasiang siang lude. Tuhoira sise kamra paliuniu nachamtu ronna khuan bambo-e.”
22Charipi siniu din-e, “Nangniu haise akhuga dinmide chiubo mai khat khugadi din mane.” Sichiu dinkhai lujiu paniu akhangmai nah situ langkhai mide.
Paul Tu Dihthinpao Felix Khuga Langkhaibo
23Sigasu charipi siniu pagu chakampao khang niatu kulujiu din-e, “Thaichun wanchak chakiu ningga Caesarea lam tadra, charimai kai-nia, siganiu chaqon tongmai riak-chinnia khatdi changiu thinmai kai-nia kaden sulo. 24Paul niu tuanglujiu tadra chaqon kasia pikhailo, sichiujiu patu pijiu Dihthinpao Felix khuga wijiu mengtang lura kamkhailo.” 25Sichiujiu charipi siniu chamtan khat haichiujiu raokhaide:
26“Paken dibo Claudius Lysia bamga, dihthinpao Felix niu kahum khai-e. 27Jehudi maidungniu haibo piu haitu minlujiu kamshat mira kambam niubo-e. Pahai Rome mai-e chiubo Iniu siluboga, arimaidungtu majang lujiu Iniu patu ranpad khai bibo-e. 28Paliuniu dekamjiu patu din masajiu bamjiulo chiubo Iniu sinibo jengniu patu paliugu Apaimaidung khuga maluang wangbo-e. 29Chiudi patu kamshat raleng maksai kavangkyga khai suibo pamao wakhatdi ha-e chiubo Iniu silude; pariga madam khaibo siniura paliugu Tacheng-tajai lamga-e. 30Sichiujiu patu kamshatra limbamme chiubo atu pisi khaiboga, nakhulam langkhai nuang mira Iniu chapkhai lujiu, pariga madam khaibo maidung situ namasuangga pijiu ataira paliu khuga Iniu dinkhai mibo-e.”
31Riphendung siniu paliutu pikhaibo chamtanse majaijiu kamkhaide. Paliuniu Paul tu puilujiu sibonai nchunse Antipatris tangbo majang tad khaide. 32Pasaibo naise paliuniu chaqon tong maidungniu patu maluang tadra khaidiak lujiu paliura malanwang mide. 33Paliuniu patu Caesarea katang maluang kiu lujiu, Dihthinpao khuga chamlense benlen khailujiu Paul tu saokhaidiak lujiu malan mide. 34Dihthinpao siniu chamlense kenlujiu, Paul hai degu kadih lamsulo chiubo maniude. Pahai Cilicia lamsu-e chiubo paniu siluboga, 35paniu din-e, “Natu madam khaibo maidung wangtangbo sainiu nalad Iniu nking rabo-e.” Sichiujiu Paul haitu dihthinpao kyga akhemai khuga khaibam mira chamtan pikhaide.
Currently Selected:
TIENKAM 23: LIANBSI
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.
TIENKAM 23
23
1Paul niu Apaimaidung situ phui mating lujiu din-e, “Asingna Israel maidung yo! Thainai tangbo Iniu Tingwang masuangga dechiu lungkhai milo chiubo I masanjiu sibamme.” 2Dibo Singku Ananias siniu Paul mungga chapbammai khuga pamunse kakhiura chamtan pikhaide. 3#Mt 23.27,28.Siga Paul niu pakhuga din-e, “ Manuk maka khai nbambo singbeng nang, Tingwang niu natu maomakjiu kakhiu rabo-e! Tacheng-tajai saisuijiu atu ladjan thiura nang siga ntao bamme, chiudi nangniu Tacheng-tajai situ kampang lujiu atu dapra nangniu chamtan pikhai bamme!”
4Siga Paul mungga ntao bam maidung siniu pakhuga din-e, “Nangniu Tingwang gu Dibo Singku situ pamao pibamme!”
5 #
Tad 22.28. Paul niu paokakge, “Asingna Israel maidung yo, pahai Dibo Singku si-e, chiubo Ira simakge. Yo, Masanbo ariakniu din-e, “Nangniu namaidunggu jupaotu din masamak rabo-e.”
6 #
Tk 26.5; Phil 3.5. Paul niu maidung khangsiase Sadducee mai-e, khangsianiu Pharisee mai-e chiubo siluboga, paniu Apaimaidung situ kujiu din-e, “Singna Israel maidung yo! Ira Pharisee mai nah Pharisee mai-e. Atu ladjan thiu bambo haira, kashaimai ringsulan rabo-e chiujiu Iniu katikhaibo jengniu-e!”
7Paniu haise dinkhai gapboga, maidungse paphom nia thiujiu, Pharisee maidung nai Sudducee maidung chiujiu chalad apaijiu tadpad tam-tam mide. 8#Mt 22.23; Mk 12.18; Lk 20.27.(Palamra Sadducee maidungniu din-e chiubora maidung siniu shaimibo gasu ringsulan lakge, khatdi siga mazadung maksai hiupuinadung ha-e; chiudi Pharisee maidungra sum situ malumme). 9Chakhuanse tanbi-bijiu kario khang sude, siga Pharisee maidung, Tacheng-tajaigu katipaodung khangsia siniu chapkhang lujiu haichiu tanjiu dinsude: “Aliuniu haibo piu khuga wadi kamaobo daomakge! Hiupuina khatniu maksai maza khatniu pakhuga pachangsiak dinkhaibo sui-e.”
10Haichiujiu aribo hai tanchang-tan khang mibo jengniu Paul tuse phettap-tapmi suma chiujiu charipi siniu manang mide. Sijengniu riphendung situ tadlujiu Paul tu paliu khugasu riphendung bamgase puiwang khai mira chamtan pikhaide.
11Sibo nai nchunse Rapiu niu Paul khuga chaplujiu din-e, “Ping mane! Nangniu Jerusalem haiga ajengniu nagu jengdin thiu khai mide, sise kumjiu Rome gadi nangniu kamrabo-e.”
Paul Tu Kamshat Mira Limbo
12Pasaibo nai nsuanse Jehudi maidungniu aruang lujiu wakhat rangsu mide.Paliuniu Paul tu kamshat lumak thenna, wadi tiulakge maksai wadi saklakge chiujiu tasiang siang mide. 13Haichiu rangbo haise chamai khang atai suang keng-e. 14Sichiujiu paliuniu singku paodung khuga tadlujiu din-e, “Aliuniu Paul tu kamshat lumak thenna, wadi katiu tiulakge, chiujiu aliu tasiang siang lude. 15Sijengniu, tuhoira naliuniu khatdi Apaimaidung siniu palamga wa sikhai sannibo kabam saothiujiu, Paul tu naliu khuga maluang kiulo chiujiu, Rome gu charipi khuga tacham langkhailo. Chiudi paniu haiga wangtang makhaga aliuniu patu kamshat mira kaden bamme.”
16Chiudi haichiujiu limrabo khuan hai Paul tanpui nahpiu siniu chiulude; sijengniu riphendung bamgase paniu tadlujiu Paul khuga haibo lamga paokhai bide. 17Siga Paul niu chakampao khang khattu kulujiu din-e, “Haibo akhangmai nah haitu charipi khuga majang meng khailo; paniu pakhuga wakhat dinkhaira bamjiu-e.” 18Chakampao siniu patuse puilujiu charipi khuga majang meng din-e, “Kavangkyga bambo Paul siniu atu kulujiu haibo akhangmai nah haitu nakhuga majang meng khailo chiu dinbo-e, palamra paniu nakhuga wakhat dinkhaira bamme chiu-e.”
19Charipi siniu patuse paben julujiu paronna tadpad pakhuga maniu-e, “Nangniu akhuga degu dinkhai nibo bamjiulo?”
20Paniu din-e, “Jehudi maigu kating maidung siniu Paul haitu nsuannai Apaimaidung khuga maluang kiura nakhuga khengne chiu chaplude. 21Chiudi paliu lad lukhai jan mane, palamra chamai khang atai suang kengjiu mahin patu chonjiu bamme khatdi limjiu bamme. Paliuniu patu kamshat lumak then wadi tiudi tiulakge, maksai wadi sakdi saklakge chiujiu tasiang siang lude. Tuhoira sise kamra paliuniu nachamtu ronna khuan bambo-e.”
22Charipi siniu din-e, “Nangniu haise akhuga dinmide chiubo mai khat khugadi din mane.” Sichiu dinkhai lujiu paniu akhangmai nah situ langkhai mide.
Paul Tu Dihthinpao Felix Khuga Langkhaibo
23Sigasu charipi siniu pagu chakampao khang niatu kulujiu din-e, “Thaichun wanchak chakiu ningga Caesarea lam tadra, charimai kai-nia, siganiu chaqon tongmai riak-chinnia khatdi changiu thinmai kai-nia kaden sulo. 24Paul niu tuanglujiu tadra chaqon kasia pikhailo, sichiujiu patu pijiu Dihthinpao Felix khuga wijiu mengtang lura kamkhailo.” 25Sichiujiu charipi siniu chamtan khat haichiujiu raokhaide:
26“Paken dibo Claudius Lysia bamga, dihthinpao Felix niu kahum khai-e. 27Jehudi maidungniu haibo piu haitu minlujiu kamshat mira kambam niubo-e. Pahai Rome mai-e chiubo Iniu siluboga, arimaidungtu majang lujiu Iniu patu ranpad khai bibo-e. 28Paliuniu dekamjiu patu din masajiu bamjiulo chiubo Iniu sinibo jengniu patu paliugu Apaimaidung khuga maluang wangbo-e. 29Chiudi patu kamshat raleng maksai kavangkyga khai suibo pamao wakhatdi ha-e chiubo Iniu silude; pariga madam khaibo siniura paliugu Tacheng-tajai lamga-e. 30Sichiujiu patu kamshatra limbamme chiubo atu pisi khaiboga, nakhulam langkhai nuang mira Iniu chapkhai lujiu, pariga madam khaibo maidung situ namasuangga pijiu ataira paliu khuga Iniu dinkhai mibo-e.”
31Riphendung siniu paliutu pikhaibo chamtanse majaijiu kamkhaide. Paliuniu Paul tu puilujiu sibonai nchunse Antipatris tangbo majang tad khaide. 32Pasaibo naise paliuniu chaqon tong maidungniu patu maluang tadra khaidiak lujiu paliura malanwang mide. 33Paliuniu patu Caesarea katang maluang kiu lujiu, Dihthinpao khuga chamlense benlen khailujiu Paul tu saokhaidiak lujiu malan mide. 34Dihthinpao siniu chamlense kenlujiu, Paul hai degu kadih lamsulo chiubo maniude. Pahai Cilicia lamsu-e chiubo paniu siluboga, 35paniu din-e, “Natu madam khaibo maidung wangtangbo sainiu nalad Iniu nking rabo-e.” Sichiujiu Paul haitu dihthinpao kyga akhemai khuga khaibam mira chamtan pikhaide.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.