TIENKAM 5
5
Ananias Nai Sapphira
1Chiudi Ananias kubo piu khatniu, panao Sapphira tu maluang lujiu pagu mania kabambo kasia jon mide. 2Chiudi panaotu chunkhat thiulujiu rangkang kasialam paleng masiak lujiu kasia lamse ladlangtadmai khuga phungwang pikhaide. 3Peter niu pakhuga din-e, “Ananias yo, dekamjiu Satan siniu natu thinman lujiu nangniu Masanbo Hiupuina khuga aratjiu nagu mania man kasialam naleng masiaklu jiulo? 4Nangniu sise jon makhaga nagu thiujiu bambo-e, sichiusai dekamjiu haikumbo ngam kamra nangniu maning jiulo? Nangniu chamai khuga aratbo makge, chiudi nangniu Tingwang khuga aratbo-e!” 5Haise Ananias niu chiugap, kaokiujiu shaimide; haise mai hinaniu chiulujiu pingboniu phui mide. 6Chabon maidungniu wangjiu paphawse domlujiu ponpad baimide.
7Wanchak sum kumbo sailam, degu padmilo chiubo simakjiu panaose wangde.
8Peter niu pakhuga maniu-e, “Nakygu mania manse haironna nakina nanainiu daobo ma, akhuga pachang dinlo?”
“Yo, haironna kha-e,” chiujiu paniu paokakge.
9Sijengniu Peter niu pakhuga din-e, “Dekamjiu nakina nanainiu Rapiu gu Hiupuinatu madiura maning jiulo? Nakinatu bai maidungse kamunkiga tuhoi bamkha-e, paliuniu natudi ponpadmi rabo-e!” 10Sichiugap pase kaokiujiu paphiga shaimide. Chabon maidungse ngutjiu phuiboga padi shaimide, sichiujiu paliuniu patudi ponpad lujiu pakina mungga baikhai mide. 11Phumlingmai hina khatdi haise chiulubo mai hina pingboniu phui mide.
Tasibo Khatdi Maisuang Habodung
12Ladlangtadmaidung siniu maidung ruangga tasibo nai maisuang habodung kengjiu kamkhaide. Sichiujiu malum maidung hinaniu Solomon gu Kahun gase wang maduide. 13Maidungniu paliutu din madijiu bamdi lenlam bammaidung mai khatniudi paliu phomga jaohu makge. 14Chiudi paliu phom gase maidung kengbi-bijiu Rapiu tu malumjiu maipui maipiu kengbi-bi khang mide. 15Sichiubo jengniu mara-sathiumai kakeng khatu npuiki gase taziga khatdi kasingga majikhaijiu Peter hiumana tadi pijiu niatao khaira ponpad khaide. 16Sichiujiu Jerusalem wonjengga lungbam maidung siniu mara-sathiumai maksai kasabo hiuna phungbo maidungtu maluang wangjiu mathiutu piwi khaide.
Ladlangtadmaitu Mathadbo
17Sijengniu Dibo Singku khatdi pakahmaidung hina, khatdi Sadducee mai lam ponmai hinase ladlangtadmaidung tu manmachang manma sude; sichiujiu paliuniu wakhat kamra rang sude. 18Paliuniu ladlangtadmaidungtu minlujiu mathiugu kavangkyga pikhai sude. 19Chiudi sibo nai nchunse Rapiu gu mazaniu kavangky rengmunse lekhaijiu ladlangtadmaidungtu phutkhaijiu paliu khuga din-e, 20“Charakygase tadlujiu haibo kasanbo ringting lamga maidung khuga dinkhai bilo.” 21Sibo cham situ ladlangtadmaidung siniu majaijiu nsuan kalu Charaky lunggase ngutlujiu katikhai sude.
Dibo Singku nai pakahmaidung siniu Jehudi maigu katingmai hinatu aruang lujiu Apaimaitu ku maduide; sichiujiu paliuniu ladlangtadmaidungtu paliu masuangga puiwangra chamtan pijiu langkhaide. 22Chiudi chakampaodung siniu kavangky mengboga ladlangtadmaidung situ daomakge, sijengniu malanwang Apaimai khuga paokhaide, 23“Aliuniu kavangkyga mengtangboga pakhiangnase khamja khamten khai nbamme khatdi akhe maidungse rengmun situ akhejiu bamme; chiudi aliuniu rengmunse lepadboga, mai khatnakha tudi aliuniu daomakge!” 24Haise singku paodung khatdi Charaky akhe maidungniu chiuboga ladlangtadmaidung khuga degu padmi jiulo chiujiu paliu suang hamide. 25Siga maipiu khatniu wanglujiu paliu khuga din-e, “Phuilo! Naliuniu kavangkyga khaimi maidungse Charakyga maidungtu katikhaijiu bamme!” 26Sijengniu chakampao siniu pamaidungtu puilujiu ladlangtadmaidung situ majang wangde. Paliuniu pumtan thinmakge, palamra maidungniu paliutu tatu rotratu ping-e.
27Paliuniu ladlangtadmaidung situ puiwang Apaimai masuangga pichap khaide, siga Dibo Singku siniu paliu khuga maniude. 28#Mt 27.25.Paniu din-e, “Naliuniu hainapiu zan gasu katikhai makra aliuniu chamtan pikhai mibo-e, chiudi phuilo naliuniu kambo haise degulo! Paniu shai mibose Jerusalem pakhiangnaga aliu don-e chiubo naliuniu dinron bambo-e!”
29Siga Peter khatdi ladlangtadmaidung siniu paokakge, “Aliuniu chamai kadin makjiu Tingwang kadin piurabo-e. 30Naliuniu singchai riga natri gianjiu kamshat mibo sai, aliu pao-pehmai Rawang siniu Jesu tu kashaibo gasu piringsu khai mibo-e. 31Tingwang niu patu paben jatlam pi ntaokhai lujiu Jupao khatdi Ranpao pithiu khaijiu, Israel maidung lungli lura khatdi paliu nuan kuak khaira pawan pikhai bide. 32Aliuniu haibo lamga jengdin thiubo-e. Pagu kadinpiumai khuga Tingwang kalen thiujiu Masanbo Hiupuina haise pikhaibo-e.”
33Haise Apaimaidung siniu chiuluboga paliu lung thiuboniu phui mide sichiujiu, ladlangtadmaidung situ kamshatra rangsude. 34Chiudi paliu ruanggasu mai mathiuniu chakhuang thiu bambo Pharisee maipiu khat, pazanniu Gamaliel kubo, Tacheng-tajaigu katipao khat, paniu Apaibam gasu chapsude. Ladlangtadmaidung situ puipad mira paniu chamtan pikhaide, 35khatdi paniu Apaimai khuga din-e, “Singna Israel maidung yo, naliuniu haimaidung riga degu kamralo chiubo ningting silulo. 36Nda pakak khatga Theudas niu pah kadimai khatle chiujiu madubo khatdi chamai kai madai kumboniu pasai suitad khai mibo situ maningtaolo. Chiudi patuse kamshat miboga, pasai suimai hinase pak marakam mide, sichiujiu pagu tienkam hina hamide. 37Sibo saiga Galilee mai Juda kubopiu siniudi mairiak chakbo tingga padlan-e, sichiujiu pasaidi maidung kengjiu suitad khai mibo-e, chiudi patu kamshat miboga pasai suimaidungse hakam mide. 38Sijengniu haibo lamga naliu khuga Iniu dinbo-e, haimaidung riga wadi kamkhai tulo. Paliutu paliu khenrang thiujiu phutkhai milo! Paliuniu maning bambo nai kambambose chamaina gu-e chiusai hami rabo-e. 39Chiudi haise Tingwang khugasu wangbo-e sai naliuniu paliutu ngamlu lakge. Naliu ronna Tingwang tu charithiu bambo-e!” Gamaliel niu dinbose Apaibao siniu suikhaide. 40Paliuniu ladlangtadmaidung situ ku-ngut lujiu khatdi dapkhai lujiu Jesu zan gasu wadaodi dinlan makra chamtan pikhai lujiu paliutu phutkhai mide. 41Apaibao siniu Ladlangtadmaidung situ suikhaibo tingga paliu chun wimide, palamra paliuniu Jesu zan-ga mangambo hai bui-e chiubo Tingwang niu lukhai bide. 42Sichiujiu naimachang Charakyga khatdi maidung kyga paliuniu Jesu hai Messiah si-e chiubo Kawibo Champaose katikhaide khatdi dinron khaide.
Currently Selected:
TIENKAM 5: LIANBSI
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.
TIENKAM 5
5
Ananias Nai Sapphira
1Chiudi Ananias kubo piu khatniu, panao Sapphira tu maluang lujiu pagu mania kabambo kasia jon mide. 2Chiudi panaotu chunkhat thiulujiu rangkang kasialam paleng masiak lujiu kasia lamse ladlangtadmai khuga phungwang pikhaide. 3Peter niu pakhuga din-e, “Ananias yo, dekamjiu Satan siniu natu thinman lujiu nangniu Masanbo Hiupuina khuga aratjiu nagu mania man kasialam naleng masiaklu jiulo? 4Nangniu sise jon makhaga nagu thiujiu bambo-e, sichiusai dekamjiu haikumbo ngam kamra nangniu maning jiulo? Nangniu chamai khuga aratbo makge, chiudi nangniu Tingwang khuga aratbo-e!” 5Haise Ananias niu chiugap, kaokiujiu shaimide; haise mai hinaniu chiulujiu pingboniu phui mide. 6Chabon maidungniu wangjiu paphawse domlujiu ponpad baimide.
7Wanchak sum kumbo sailam, degu padmilo chiubo simakjiu panaose wangde.
8Peter niu pakhuga maniu-e, “Nakygu mania manse haironna nakina nanainiu daobo ma, akhuga pachang dinlo?”
“Yo, haironna kha-e,” chiujiu paniu paokakge.
9Sijengniu Peter niu pakhuga din-e, “Dekamjiu nakina nanainiu Rapiu gu Hiupuinatu madiura maning jiulo? Nakinatu bai maidungse kamunkiga tuhoi bamkha-e, paliuniu natudi ponpadmi rabo-e!” 10Sichiugap pase kaokiujiu paphiga shaimide. Chabon maidungse ngutjiu phuiboga padi shaimide, sichiujiu paliuniu patudi ponpad lujiu pakina mungga baikhai mide. 11Phumlingmai hina khatdi haise chiulubo mai hina pingboniu phui mide.
Tasibo Khatdi Maisuang Habodung
12Ladlangtadmaidung siniu maidung ruangga tasibo nai maisuang habodung kengjiu kamkhaide. Sichiujiu malum maidung hinaniu Solomon gu Kahun gase wang maduide. 13Maidungniu paliutu din madijiu bamdi lenlam bammaidung mai khatniudi paliu phomga jaohu makge. 14Chiudi paliu phom gase maidung kengbi-bijiu Rapiu tu malumjiu maipui maipiu kengbi-bi khang mide. 15Sichiubo jengniu mara-sathiumai kakeng khatu npuiki gase taziga khatdi kasingga majikhaijiu Peter hiumana tadi pijiu niatao khaira ponpad khaide. 16Sichiujiu Jerusalem wonjengga lungbam maidung siniu mara-sathiumai maksai kasabo hiuna phungbo maidungtu maluang wangjiu mathiutu piwi khaide.
Ladlangtadmaitu Mathadbo
17Sijengniu Dibo Singku khatdi pakahmaidung hina, khatdi Sadducee mai lam ponmai hinase ladlangtadmaidung tu manmachang manma sude; sichiujiu paliuniu wakhat kamra rang sude. 18Paliuniu ladlangtadmaidungtu minlujiu mathiugu kavangkyga pikhai sude. 19Chiudi sibo nai nchunse Rapiu gu mazaniu kavangky rengmunse lekhaijiu ladlangtadmaidungtu phutkhaijiu paliu khuga din-e, 20“Charakygase tadlujiu haibo kasanbo ringting lamga maidung khuga dinkhai bilo.” 21Sibo cham situ ladlangtadmaidung siniu majaijiu nsuan kalu Charaky lunggase ngutlujiu katikhai sude.
Dibo Singku nai pakahmaidung siniu Jehudi maigu katingmai hinatu aruang lujiu Apaimaitu ku maduide; sichiujiu paliuniu ladlangtadmaidungtu paliu masuangga puiwangra chamtan pijiu langkhaide. 22Chiudi chakampaodung siniu kavangky mengboga ladlangtadmaidung situ daomakge, sijengniu malanwang Apaimai khuga paokhaide, 23“Aliuniu kavangkyga mengtangboga pakhiangnase khamja khamten khai nbamme khatdi akhe maidungse rengmun situ akhejiu bamme; chiudi aliuniu rengmunse lepadboga, mai khatnakha tudi aliuniu daomakge!” 24Haise singku paodung khatdi Charaky akhe maidungniu chiuboga ladlangtadmaidung khuga degu padmi jiulo chiujiu paliu suang hamide. 25Siga maipiu khatniu wanglujiu paliu khuga din-e, “Phuilo! Naliuniu kavangkyga khaimi maidungse Charakyga maidungtu katikhaijiu bamme!” 26Sijengniu chakampao siniu pamaidungtu puilujiu ladlangtadmaidung situ majang wangde. Paliuniu pumtan thinmakge, palamra maidungniu paliutu tatu rotratu ping-e.
27Paliuniu ladlangtadmaidung situ puiwang Apaimai masuangga pichap khaide, siga Dibo Singku siniu paliu khuga maniude. 28#Mt 27.25.Paniu din-e, “Naliuniu hainapiu zan gasu katikhai makra aliuniu chamtan pikhai mibo-e, chiudi phuilo naliuniu kambo haise degulo! Paniu shai mibose Jerusalem pakhiangnaga aliu don-e chiubo naliuniu dinron bambo-e!”
29Siga Peter khatdi ladlangtadmaidung siniu paokakge, “Aliuniu chamai kadin makjiu Tingwang kadin piurabo-e. 30Naliuniu singchai riga natri gianjiu kamshat mibo sai, aliu pao-pehmai Rawang siniu Jesu tu kashaibo gasu piringsu khai mibo-e. 31Tingwang niu patu paben jatlam pi ntaokhai lujiu Jupao khatdi Ranpao pithiu khaijiu, Israel maidung lungli lura khatdi paliu nuan kuak khaira pawan pikhai bide. 32Aliuniu haibo lamga jengdin thiubo-e. Pagu kadinpiumai khuga Tingwang kalen thiujiu Masanbo Hiupuina haise pikhaibo-e.”
33Haise Apaimaidung siniu chiuluboga paliu lung thiuboniu phui mide sichiujiu, ladlangtadmaidung situ kamshatra rangsude. 34Chiudi paliu ruanggasu mai mathiuniu chakhuang thiu bambo Pharisee maipiu khat, pazanniu Gamaliel kubo, Tacheng-tajaigu katipao khat, paniu Apaibam gasu chapsude. Ladlangtadmaidung situ puipad mira paniu chamtan pikhaide, 35khatdi paniu Apaimai khuga din-e, “Singna Israel maidung yo, naliuniu haimaidung riga degu kamralo chiubo ningting silulo. 36Nda pakak khatga Theudas niu pah kadimai khatle chiujiu madubo khatdi chamai kai madai kumboniu pasai suitad khai mibo situ maningtaolo. Chiudi patuse kamshat miboga, pasai suimai hinase pak marakam mide, sichiujiu pagu tienkam hina hamide. 37Sibo saiga Galilee mai Juda kubopiu siniudi mairiak chakbo tingga padlan-e, sichiujiu pasaidi maidung kengjiu suitad khai mibo-e, chiudi patu kamshat miboga pasai suimaidungse hakam mide. 38Sijengniu haibo lamga naliu khuga Iniu dinbo-e, haimaidung riga wadi kamkhai tulo. Paliutu paliu khenrang thiujiu phutkhai milo! Paliuniu maning bambo nai kambambose chamaina gu-e chiusai hami rabo-e. 39Chiudi haise Tingwang khugasu wangbo-e sai naliuniu paliutu ngamlu lakge. Naliu ronna Tingwang tu charithiu bambo-e!” Gamaliel niu dinbose Apaibao siniu suikhaide. 40Paliuniu ladlangtadmaidung situ ku-ngut lujiu khatdi dapkhai lujiu Jesu zan gasu wadaodi dinlan makra chamtan pikhai lujiu paliutu phutkhai mide. 41Apaibao siniu Ladlangtadmaidung situ suikhaibo tingga paliu chun wimide, palamra paliuniu Jesu zan-ga mangambo hai bui-e chiubo Tingwang niu lukhai bide. 42Sichiujiu naimachang Charakyga khatdi maidung kyga paliuniu Jesu hai Messiah si-e chiubo Kawibo Champaose katikhaide khatdi dinron khaide.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.