CHABANGCHAM 16
16
Hagar Nai Ishmael
1Abram nao Sarai siniu panah wadi lung makge. Chiudi pakhuga Egypt mai liupui khat kavang pazanniu Hagar kubo khat bam-e. 2Sijengniu Abram khuga paniu din-e. “Rapiu niu anah lungra kham mide. Siniu nang dekamjiu avangpuitu maluangji mak ralo? Saoniu sila paniu aleng ngena khat kumbo lung suma?” Sarai niu dinbose Abram suikhaide. 3Sijengniu Hagar tu Abram naoleng paniu pikhai bide. (Haise Abram niu Canaan ga tingkum kariu lungkhang mibo saiga-e). 4Abram niu Hagar tu nphiuji khaiboga pawon phung mide. Paniu pawon phung mide, chiubo siluboga chaliang sude khatdi Sarai tu wajeng sita mide.
5Siga Sarai niu Abram khuga din-e, “Hagar niu atu wajeng sitamibo hai nadon-e. Iniu patu naleng pikhaijiu paniu pawon phungmiboga atu wajeng chakta mide. Nangniu majima, Iniu majima, saoniu majilo chiubo Rapiu niu ladjan thiumi sulo!”
6Abram niu paokakge, “Wichang wide, pahai navang-e, siniu nahangga bamme; nangniu patu kamnibo hina kambo sui-e.” Sigasu Sarai niu Hagar tu mathadchang mathad sude—sijengniu pah paktad mide.
7Shur lam tadbo puidi ramjingga bambo ajai khatga Rapiu gu maza khatniu Hagar tu ngaolen khai-e, 8khatdi din-e, “Sarai vangpui Hagar, nang delamsu wangkin jiulo khatdi delam tadkhai ralo?”
Paniu paokakge, “Awangpui khugasu I pak kinbo-e.”
9Paniu din-e, “Pakhulam malanwang sulo khatdi pavang thiujiu bamlo.” 10Paniu dinlan-e, “Mai khatniudi pariak singam lakbo kai-kikdungse Iniu naleng pikhai bine. 11Nangniu nangnah piumai khat lung sune khatdi nangniu pazan Ishmael#16.11: Ishmael: Parambaniu “Tingwang niu chiukhaibo” chiubo-e. chiu kurabo-e, palamra nangniu chariujiu kapbo khuanse Rapiu niu chiukhai bide. 12Chiudi nangnah hai chahung kumjiu lungrabo-e; paniu mai hinatu atung rabo-e khatdi mai hinaniu patu atung rabo-e. Pasingnadung khugasu para tamsinjiu lungrabo-e.”
13Hagar paronna haichiu dinsude, “Pachang siakjiu Iniu Tingwang tu ngaolubo ma, ngaolubo saidi ringlu buima?” Sijengniu patu npao khaibo Rapiu tu paniu “Ngaobambo Rawang” chiujiu kukhaide. 14Sichiujiu maidungniu Kadesh nai Bered kakga bambo ajai situ “Ringbambo Khat Siniu Atu Ngaolen-khaibo Ajai” chiujiu ku-e.
15 #
Gal 4.22. Hagar niu Abram nahleng piumai khat mana khai-e, sichiujiu paniu patuse Ishmael kukhaide. 16Sibo wan-ga Abram hai tingkum riaktachat-je-charukkiu tang mide.
Currently Selected:
CHABANGCHAM 16: LIANBSI
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.
CHABANGCHAM 16
16
Hagar Nai Ishmael
1Abram nao Sarai siniu panah wadi lung makge. Chiudi pakhuga Egypt mai liupui khat kavang pazanniu Hagar kubo khat bam-e. 2Sijengniu Abram khuga paniu din-e. “Rapiu niu anah lungra kham mide. Siniu nang dekamjiu avangpuitu maluangji mak ralo? Saoniu sila paniu aleng ngena khat kumbo lung suma?” Sarai niu dinbose Abram suikhaide. 3Sijengniu Hagar tu Abram naoleng paniu pikhai bide. (Haise Abram niu Canaan ga tingkum kariu lungkhang mibo saiga-e). 4Abram niu Hagar tu nphiuji khaiboga pawon phung mide. Paniu pawon phung mide, chiubo siluboga chaliang sude khatdi Sarai tu wajeng sita mide.
5Siga Sarai niu Abram khuga din-e, “Hagar niu atu wajeng sitamibo hai nadon-e. Iniu patu naleng pikhaijiu paniu pawon phungmiboga atu wajeng chakta mide. Nangniu majima, Iniu majima, saoniu majilo chiubo Rapiu niu ladjan thiumi sulo!”
6Abram niu paokakge, “Wichang wide, pahai navang-e, siniu nahangga bamme; nangniu patu kamnibo hina kambo sui-e.” Sigasu Sarai niu Hagar tu mathadchang mathad sude—sijengniu pah paktad mide.
7Shur lam tadbo puidi ramjingga bambo ajai khatga Rapiu gu maza khatniu Hagar tu ngaolen khai-e, 8khatdi din-e, “Sarai vangpui Hagar, nang delamsu wangkin jiulo khatdi delam tadkhai ralo?”
Paniu paokakge, “Awangpui khugasu I pak kinbo-e.”
9Paniu din-e, “Pakhulam malanwang sulo khatdi pavang thiujiu bamlo.” 10Paniu dinlan-e, “Mai khatniudi pariak singam lakbo kai-kikdungse Iniu naleng pikhai bine. 11Nangniu nangnah piumai khat lung sune khatdi nangniu pazan Ishmael#16.11: Ishmael: Parambaniu “Tingwang niu chiukhaibo” chiubo-e. chiu kurabo-e, palamra nangniu chariujiu kapbo khuanse Rapiu niu chiukhai bide. 12Chiudi nangnah hai chahung kumjiu lungrabo-e; paniu mai hinatu atung rabo-e khatdi mai hinaniu patu atung rabo-e. Pasingnadung khugasu para tamsinjiu lungrabo-e.”
13Hagar paronna haichiu dinsude, “Pachang siakjiu Iniu Tingwang tu ngaolubo ma, ngaolubo saidi ringlu buima?” Sijengniu patu npao khaibo Rapiu tu paniu “Ngaobambo Rawang” chiujiu kukhaide. 14Sichiujiu maidungniu Kadesh nai Bered kakga bambo ajai situ “Ringbambo Khat Siniu Atu Ngaolen-khaibo Ajai” chiujiu ku-e.
15 #
Gal 4.22. Hagar niu Abram nahleng piumai khat mana khai-e, sichiujiu paniu patuse Ishmael kukhaide. 16Sibo wan-ga Abram hai tingkum riaktachat-je-charukkiu tang mide.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.