CHABANGCHAM 21
21
Isaac Tu Manabo
1Paniu ladriat khaibo kumjiu, Rapiu niu Sarah tu thoikhai bide, 2#Heb 11.11.sichiujiu Abraham niu tanpao miboga, panao papum ripjiu panah piumai khat manade. Npiumai nah situ Rapiu niu dinkhaibo wan-gase manade. 3Abraham niu patu Isaac chiujiu pazan mathak khai-e, 4#Chab 17.12; Tk 7.8.sichiujiu Isaac niu jeng tachat changmiboga, Tingwang niu chamtan pikhaibo saisuijiu Abraham niu pagi romkhai-e. 5Isaac tu manabo tingga Abraham tingkum kai khat tangmide. 6Sarah niu din-e, “Tingwang niu aleng ringabo nai nuibo#21.6: nuibo: Hebrew ladga Isaac chiubo hai “nuibo” chiubo-e, (17.17-19 gadi phuilo) pikhai bide. Alamga chiumai hinaniu atu nui ncham rabo-e.” 7Sichiujiu paniu dinlan-e, “Abraham leng Sarah niu ngena lungkhai bamme chiujiu saoniu dinralo? Chiudi paniu tanpao mibo wan-ga Iniu paleng piumainah khat lung khai bamme.”
8Ngenase dikhangjiu, patu alaobonai, Abraham niu changee kadibo khat kamkhai-e.
Hagar Nai Ishmael Tu Hathon Mibo
9Naikhatra, Egypt maipui Hagar niu Abraham leng lungkhaibo Ishmael niu Sarah nah Isaac tu mathen#21.9: mathenbo; chiumaksai charuang-chapa thiubo chiubo-e. sude. 10#Gal 4.29,30.Sarah niu panaitu ngaolujiu Abraham khuga dinsude, “Kavangpui nai panah haitu hathon milo. Anah Isaac niu lurabo nagu kalekse, hainapui nahniu wakhatdi daobo suilakge.” 11Sichiu dinbo jengniu Abraham palung magenthiu-chang magenthiu sude, palamra Ishmael di panah-e. 12#Rom 9.7; Heb 11.18.Chiudi Tingwang niu Abraham khuga din-e, “Ngena nai papui Hagar jengniu nalung chariu tulo. Sarah niu dinbo saisuijiu kamlo, palamra Iniu nakhuga ladriat khaimibo kai-kikdungse Isaac khugasu padrabo-e. 13Kavangpui niu lungbo nah tudi Iniu paleng nahmai kengkha pikhai bine, sichiujiu paliu jat khat thiurabo-e. Palamra padi nanah-e.”
14Pasaibo nai nsuan kalu, Abraham niu Hagar tu tek-dom nai tadui-hen khat pikhai lujiu, ngena situ papui ting riga thonkhai lujiu hathon mide. Siga paniu tadpadjiu Beersheba ramjing gase tadmariu sude. 15Taduise hamiboga, paniu ngena situ chaphejiuga khaidiak lujiu, chakhet ringiu kumbo tadpad lujiu ntaokiu lujiu, 16paronna dinsude, “Anah shaikiubo situ I phui ngam lakge.” Sichiujiu pah ntaojiu bamboga ngenase kapsude.
17Ngena siniu kapbose Tingwang niu chiuluboga, tinggen lamsu Tingwang gu maza khatniu Hagar khuga din-e, “Hagar yo, nang dekamjiu nalung chariubam jiulo? Pingtulo. Ngena siniu kapbo khuanse Tingwang niu chiukhai bide. 18Sulujiu tadsulo, khatdi ngena situ ponlujiu hiam milo. Iniu pakai-pakik gasu kadibo jat khat pithiu khai bine.” 19Sichiujiu Tingwang niu pamik pi rakpad khai bijiu, paniu ajai khat ngaode. Paniu tadlujiu chamigi-lah gasu tadui thuaklu wangjiu ngena situ pikhaide. 20Sichiujiu ngena lungkhangboga, Tingwang niu majang khai bi-e; paniu sibo Paran ramjing ga lungjiu tathiu hasipiu khat thiukhang-e. 21Papuiniu panao leng Egypt mai liupui khattu phiukhai bi-e.
Abraham Nai Abimelech Niu Suikhaibo
22 #
Chab 26.26. Sibo wan-ga Abimelech niu pagu riphen-pao, Phicol tu majang lujiu wang, Abraham khuga din-e, “Nangniu kambo hinaga Tingwang niu natu majang bamme. 23Sijengniu tuhoi Tingwang masuangga nangniu akhuga, anahmaidung khuga khatdi akai-kikdung khuga arat lakge chiubo ladriat thiukhailo. Iniu natu chakhuang thiujiu lungbambo kum, nangdi atu khatdi nangniu lungbambo kadih haitu chakhuang thiujiu lungne, chiubo ladriat thiukhailo.”
24Abraham niu din-e, “Yo, Iniu ladriat thiukhai-e.”
25Abimelech vangdungniu sutlubo akhun khat jengniu Abimelech khuga Abraham niu din-e. 26Siga Abimelech niu din-e, “Sise saoniu kamjiulo I simakge. Haibo lamga nang akhuga dintao makge, haise Ira chiurai thubo-e.” 27Sichiujiu Abraham niu Abimelech leng milydung nai matom kasia pikhaijiu panai chamsiang lude. 28Abraham niu pagu milydung ruanggasu milypoi chinniatu jupad tam khaide, 29siga Abimelech niu pakhuga maniu-e, “Sise nangniu dekam ralo?”
30Abraham niu paokakge, “Haibo milypoi chinnia hai nang lukhailo. Haisiniu akhunse Iniu chukhaibo-e chiubo nangniu suikhaibo-e.” 31Sijengniu sibo bam situ Beersheba#21.31: Beersheba: Hebrew ladga “ladriat khaibo akhun” maksai “chinniagu akhun” chiubo-e. chiujiu kukhaide, palamra panai khangnianiu ladriat thiukhaibo gasu-e. 32Beersheba ga panainiu ladriat thiukhai lubosai, Abimelech nai Phicol se Philistia lam malanwang mide. 33Beersheba ga Abraham niu khiangpi bang khat lingkhai lujiu, paniu Rapiu Tingtheng Ringbo Rawang tu kahumde. 34Philistia ga Abraham niu pating kathengkha lung khai-e.
Currently Selected:
CHABANGCHAM 21: LIANBSI
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.
CHABANGCHAM 21
21
Isaac Tu Manabo
1Paniu ladriat khaibo kumjiu, Rapiu niu Sarah tu thoikhai bide, 2#Heb 11.11.sichiujiu Abraham niu tanpao miboga, panao papum ripjiu panah piumai khat manade. Npiumai nah situ Rapiu niu dinkhaibo wan-gase manade. 3Abraham niu patu Isaac chiujiu pazan mathak khai-e, 4#Chab 17.12; Tk 7.8.sichiujiu Isaac niu jeng tachat changmiboga, Tingwang niu chamtan pikhaibo saisuijiu Abraham niu pagi romkhai-e. 5Isaac tu manabo tingga Abraham tingkum kai khat tangmide. 6Sarah niu din-e, “Tingwang niu aleng ringabo nai nuibo#21.6: nuibo: Hebrew ladga Isaac chiubo hai “nuibo” chiubo-e, (17.17-19 gadi phuilo) pikhai bide. Alamga chiumai hinaniu atu nui ncham rabo-e.” 7Sichiujiu paniu dinlan-e, “Abraham leng Sarah niu ngena lungkhai bamme chiujiu saoniu dinralo? Chiudi paniu tanpao mibo wan-ga Iniu paleng piumainah khat lung khai bamme.”
8Ngenase dikhangjiu, patu alaobonai, Abraham niu changee kadibo khat kamkhai-e.
Hagar Nai Ishmael Tu Hathon Mibo
9Naikhatra, Egypt maipui Hagar niu Abraham leng lungkhaibo Ishmael niu Sarah nah Isaac tu mathen#21.9: mathenbo; chiumaksai charuang-chapa thiubo chiubo-e. sude. 10#Gal 4.29,30.Sarah niu panaitu ngaolujiu Abraham khuga dinsude, “Kavangpui nai panah haitu hathon milo. Anah Isaac niu lurabo nagu kalekse, hainapui nahniu wakhatdi daobo suilakge.” 11Sichiu dinbo jengniu Abraham palung magenthiu-chang magenthiu sude, palamra Ishmael di panah-e. 12#Rom 9.7; Heb 11.18.Chiudi Tingwang niu Abraham khuga din-e, “Ngena nai papui Hagar jengniu nalung chariu tulo. Sarah niu dinbo saisuijiu kamlo, palamra Iniu nakhuga ladriat khaimibo kai-kikdungse Isaac khugasu padrabo-e. 13Kavangpui niu lungbo nah tudi Iniu paleng nahmai kengkha pikhai bine, sichiujiu paliu jat khat thiurabo-e. Palamra padi nanah-e.”
14Pasaibo nai nsuan kalu, Abraham niu Hagar tu tek-dom nai tadui-hen khat pikhai lujiu, ngena situ papui ting riga thonkhai lujiu hathon mide. Siga paniu tadpadjiu Beersheba ramjing gase tadmariu sude. 15Taduise hamiboga, paniu ngena situ chaphejiuga khaidiak lujiu, chakhet ringiu kumbo tadpad lujiu ntaokiu lujiu, 16paronna dinsude, “Anah shaikiubo situ I phui ngam lakge.” Sichiujiu pah ntaojiu bamboga ngenase kapsude.
17Ngena siniu kapbose Tingwang niu chiuluboga, tinggen lamsu Tingwang gu maza khatniu Hagar khuga din-e, “Hagar yo, nang dekamjiu nalung chariubam jiulo? Pingtulo. Ngena siniu kapbo khuanse Tingwang niu chiukhai bide. 18Sulujiu tadsulo, khatdi ngena situ ponlujiu hiam milo. Iniu pakai-pakik gasu kadibo jat khat pithiu khai bine.” 19Sichiujiu Tingwang niu pamik pi rakpad khai bijiu, paniu ajai khat ngaode. Paniu tadlujiu chamigi-lah gasu tadui thuaklu wangjiu ngena situ pikhaide. 20Sichiujiu ngena lungkhangboga, Tingwang niu majang khai bi-e; paniu sibo Paran ramjing ga lungjiu tathiu hasipiu khat thiukhang-e. 21Papuiniu panao leng Egypt mai liupui khattu phiukhai bi-e.
Abraham Nai Abimelech Niu Suikhaibo
22 #
Chab 26.26. Sibo wan-ga Abimelech niu pagu riphen-pao, Phicol tu majang lujiu wang, Abraham khuga din-e, “Nangniu kambo hinaga Tingwang niu natu majang bamme. 23Sijengniu tuhoi Tingwang masuangga nangniu akhuga, anahmaidung khuga khatdi akai-kikdung khuga arat lakge chiubo ladriat thiukhailo. Iniu natu chakhuang thiujiu lungbambo kum, nangdi atu khatdi nangniu lungbambo kadih haitu chakhuang thiujiu lungne, chiubo ladriat thiukhailo.”
24Abraham niu din-e, “Yo, Iniu ladriat thiukhai-e.”
25Abimelech vangdungniu sutlubo akhun khat jengniu Abimelech khuga Abraham niu din-e. 26Siga Abimelech niu din-e, “Sise saoniu kamjiulo I simakge. Haibo lamga nang akhuga dintao makge, haise Ira chiurai thubo-e.” 27Sichiujiu Abraham niu Abimelech leng milydung nai matom kasia pikhaijiu panai chamsiang lude. 28Abraham niu pagu milydung ruanggasu milypoi chinniatu jupad tam khaide, 29siga Abimelech niu pakhuga maniu-e, “Sise nangniu dekam ralo?”
30Abraham niu paokakge, “Haibo milypoi chinnia hai nang lukhailo. Haisiniu akhunse Iniu chukhaibo-e chiubo nangniu suikhaibo-e.” 31Sijengniu sibo bam situ Beersheba#21.31: Beersheba: Hebrew ladga “ladriat khaibo akhun” maksai “chinniagu akhun” chiubo-e. chiujiu kukhaide, palamra panai khangnianiu ladriat thiukhaibo gasu-e. 32Beersheba ga panainiu ladriat thiukhai lubosai, Abimelech nai Phicol se Philistia lam malanwang mide. 33Beersheba ga Abraham niu khiangpi bang khat lingkhai lujiu, paniu Rapiu Tingtheng Ringbo Rawang tu kahumde. 34Philistia ga Abraham niu pating kathengkha lung khai-e.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.