CHABANGCHAM 43
43
Joseph Singna maidungniu Benjamin Tu Puilujiu Egypt Dihga Menglanbo
1Canaan dihga charakhum wangbo hai sa-nkiu khangsude, 2sichiujiu Egypt dih lamsu phungwangbo katiuse Jacob kykhun maidungniu tiuloi miboga, Jacob niu panahmaidung khuga din-e, “Tadlujiu aliuleng katiu tamnakhadi liuwang lanlo.”
3Judah niu pakhuga din-e, “Aliuniu aliu saikariu piutu puimeng maksai, aliutu pijiu pakhu gadi wanglakge chiujiu sinapiu siniu palad tanjiu dinkhai mibo-e. 4Nangniu aliu saikariu piutu pijiu aliu sai suitadne chiusai, aliu tadlujiu naleng katiu liuwangne. 5Chiudi nangniu suimaksai, aliudi tadlakge, palamra aliuniu aliu singnapiutu puimengmak tasai, pakhu gadi aliutu piwang lakge chiujiu dinkhaibo-e.
6Jacob niu din-e, “Naliuniu dekamjiu naliu saikariu-piu bamme chiujiu sinapiu khuga dinkhaijiu, atu haichiu kam chariubam jiulo?”
7Paliuniu paokakge, “Aliutu khatdi aliu kykhun lamga ronna sinapiu siniu maniu bammibo-e. Naliu piu ringbam khama? Naliu saikariubo bam khama?” Siga aliuniu patu paokakra mibo-e. Dechiujiu aliu saikariu piutu pakhuga puimenglo chiubo paniu dinsune chiubo silu ralo?”
8Judah niu papiu khuga din-e, “Ngena situ akhuga pikhailo, sichiusai aliu tadnuang mine. Sichiusai aliu mai khatdi kami mijiu shai lakge. 9Iniu agu ringting pondeng lujiu siangbo-e, pasung nangniu atu kam kanibose kamlo. Iniu patu nakhuga wijiu puiwang lan maksai tingthengjiu Iniu kamaobose phungrabo-e. 10Aliuniu haithengkha khuan khangmi maksai, tuhoira aliu siga tadlujiu malanwang lonnia lubui mide.”
11Siga paliu piu siniu paliu khuga din-e, “Sichiusai, haibo kadih gasu padbo withubose dihthinpao leng naliu bangga: parim wibo wasa, makhuidui, maruta, nsiusy khatdi tathan-takisy kumbo hinase khailujiu phungmeng bilo. 12Rangkangdi phung nkiu lulo, palamra danai naliu bangga bamniubo rangkangse phungmeng lanrabo-e. Sise kammao mibo bamdi sui-e. 13Naliu saikariu piutu maluang lujiu tadsulo, sichiujiu malanwang majilo. 14Sinapiu siniu naliutu lungsa khaira Ngamkambo Tingwang siniu kamkhaibo thiu milo; sichiujiu paniu “Benjamin haitu khatdi naliu singnapiu khat situ naliu khuga pimalan khaibo thiulo. Alengra, anahmai hami tadi harabo mide.”
15Sichiujiu paliuniu kalendungse khatdi rangkangse damnia phung lujiu khatdi Benjamin tu maluang lujiu Egypt dih lamse tadsude. Sichiujiu paliu ronna Joseph khuga mengsude. 16Joseph niu paliu ruangga Benjamin tu ngaoboga, paky khuanbo kavangpiu khuga din-e, “Haimaidungtu akyga puiwang milo. N-nien-sai Iniu paliutu maluang katiu tiune, siniu wakhao khat kamshat lujiu kaden khailo.” 17Kavangpiu siniu patu chamtan pikhaibo kumgapjiu kamkhaide khatdi paliutu Joseph kyga maluangwang khaide.
18Sichiujiu paliutu Joseph kyga maluang wangboga, paliu pingmide khatdi maning sude. “Danai meng karaibo men aliu bang lungga bamniubo rangkang jengniu aliutu siga maluang wangbo-e. Paliuniu aliutu minlujiu dapsune, khatdi aliugu qonniamdung sutlujiu aliutu pavang pi thiumi sune.” 19Sijengniu kamun mung gasu paliuniu kavangpiu khuga dinsude. 20“Paohubo yo, nangniu suikhaijiu aliu haiga katiu liura danai wangkhai mibo-e. 21Aliuniu chakyga wangjiu, aliu bang lepadboga, mai hinagu rangkangse wadi machang makbo thiu makjiu dao-e. Haise aliuniu nakhuga phungmenglan kinbo-e. 22Aliuniu katiu hai liulanra chiujiu rangkang kasiadi phunglu mengkin-e. Aliu bangga saoniu rangkangse khaidiak jiulo chiubo silu makge.”
23Kavangpiu siniu din-e, “Manang tulo. Ping tulo. Naliu Rawang, naliu piu Rawang siniu naliuleng rangkangse khaibibo bamsune. Iniu naliugu rangkangse daolubo-e.” Sichiujiu paniu Simeon tu paliu khuga puiwang khai bide.
24Kavang siniu paliutu kalung gase puingut khaide. Paliu phi khiura khatdi paliu qonniamdungtu pisak khaira paniu tadui pikhai bide. 25N-niense Joseph niu wangboga, paliuniu paliugu kalense paleng pikhaira kaden lude, palamra paniu paliutu katiu maluang tiune chiubo paliu khuga dinkhai mibo-e. 26Joseph niu chakyga wangboga, paliuniu kalense ponlujiu wang patu kahumjiu pikhaide. 27Paniu paliu dechiu meng kinlo chiubo maniujiu khatdi haichiu maniu sude, “Naliuniu akhuga naliu piu tanpao racham dinkhai-e, pah dechiu bamlo? Pah ringbam khama khatdi wijiu bamma?”
28Paliuniu paokakge, “Yo, navangpiu, aliu piuse ringbam kha-e, khatdi wijiu bamme.” Sichiujiu pamasuangga paliuse makhumkiu sude.
29Joseph niu pasai kariupiu Benjamin tu ngaoboga, paniu din-e, “Haise naliuniu akhuga dinbo naliu singna nathubopiu bamme chiubo sima? Anah yo, Tingwang niu natu thoikhai bibo thiulo.” 30Sichiujiu Joseph niu buangsu lujiu tadnuang mide, palamra pasai kariupiu jengniu palung kheng ngamlak mide. Pakhuan padjiu kap padra kam mide, siniu kalunglam pakwang lujiu mahin kap sude. 31Pazu nphiu lujiu khatdi paronna patu khamlujiu pah padlande khatdi katiuse kaden khaira chamtan pikhaide. 32Joseph leng kuangkai khatga, pasingnamaidung leng katambo khatga chiujiu kaden khaide. Siga tiubammai. Egypt maidung lengse pabam katam khatga kamkhai-e, palamra paliuniu Hebrew maidungtu paliu suang kasiammai leng chakkhaijiu maluang katiu tiuni makge. 33Singnamaidungse Joseph masuangga ntao muntong lujiu, khatdi paliugu tingkum saisuijiu tingthubo gasu nathubo chiujiu ntaogap bam-e. Paliu ntaobamse sichiu ntao bambo paliuniu ngao luboga, paliu suang hajiu khat-khattu phui sude. 34Katiuse Joseph kuangkai gasu njan sude, sichiujiu Benjamin lengse kakimai leng suang khailon mangiu-ngiu khai-e. Sichiujiu paliuniu tiu magiu makthen khatdi sak mangiu makthen Joseph tu maluang tiu-e.
Currently Selected:
CHABANGCHAM 43: LIANBSI
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.
CHABANGCHAM 43
43
Joseph Singna maidungniu Benjamin Tu Puilujiu Egypt Dihga Menglanbo
1Canaan dihga charakhum wangbo hai sa-nkiu khangsude, 2sichiujiu Egypt dih lamsu phungwangbo katiuse Jacob kykhun maidungniu tiuloi miboga, Jacob niu panahmaidung khuga din-e, “Tadlujiu aliuleng katiu tamnakhadi liuwang lanlo.”
3Judah niu pakhuga din-e, “Aliuniu aliu saikariu piutu puimeng maksai, aliutu pijiu pakhu gadi wanglakge chiujiu sinapiu siniu palad tanjiu dinkhai mibo-e. 4Nangniu aliu saikariu piutu pijiu aliu sai suitadne chiusai, aliu tadlujiu naleng katiu liuwangne. 5Chiudi nangniu suimaksai, aliudi tadlakge, palamra aliuniu aliu singnapiutu puimengmak tasai, pakhu gadi aliutu piwang lakge chiujiu dinkhaibo-e.
6Jacob niu din-e, “Naliuniu dekamjiu naliu saikariu-piu bamme chiujiu sinapiu khuga dinkhaijiu, atu haichiu kam chariubam jiulo?”
7Paliuniu paokakge, “Aliutu khatdi aliu kykhun lamga ronna sinapiu siniu maniu bammibo-e. Naliu piu ringbam khama? Naliu saikariubo bam khama?” Siga aliuniu patu paokakra mibo-e. Dechiujiu aliu saikariu piutu pakhuga puimenglo chiubo paniu dinsune chiubo silu ralo?”
8Judah niu papiu khuga din-e, “Ngena situ akhuga pikhailo, sichiusai aliu tadnuang mine. Sichiusai aliu mai khatdi kami mijiu shai lakge. 9Iniu agu ringting pondeng lujiu siangbo-e, pasung nangniu atu kam kanibose kamlo. Iniu patu nakhuga wijiu puiwang lan maksai tingthengjiu Iniu kamaobose phungrabo-e. 10Aliuniu haithengkha khuan khangmi maksai, tuhoira aliu siga tadlujiu malanwang lonnia lubui mide.”
11Siga paliu piu siniu paliu khuga din-e, “Sichiusai, haibo kadih gasu padbo withubose dihthinpao leng naliu bangga: parim wibo wasa, makhuidui, maruta, nsiusy khatdi tathan-takisy kumbo hinase khailujiu phungmeng bilo. 12Rangkangdi phung nkiu lulo, palamra danai naliu bangga bamniubo rangkangse phungmeng lanrabo-e. Sise kammao mibo bamdi sui-e. 13Naliu saikariu piutu maluang lujiu tadsulo, sichiujiu malanwang majilo. 14Sinapiu siniu naliutu lungsa khaira Ngamkambo Tingwang siniu kamkhaibo thiu milo; sichiujiu paniu “Benjamin haitu khatdi naliu singnapiu khat situ naliu khuga pimalan khaibo thiulo. Alengra, anahmai hami tadi harabo mide.”
15Sichiujiu paliuniu kalendungse khatdi rangkangse damnia phung lujiu khatdi Benjamin tu maluang lujiu Egypt dih lamse tadsude. Sichiujiu paliu ronna Joseph khuga mengsude. 16Joseph niu paliu ruangga Benjamin tu ngaoboga, paky khuanbo kavangpiu khuga din-e, “Haimaidungtu akyga puiwang milo. N-nien-sai Iniu paliutu maluang katiu tiune, siniu wakhao khat kamshat lujiu kaden khailo.” 17Kavangpiu siniu patu chamtan pikhaibo kumgapjiu kamkhaide khatdi paliutu Joseph kyga maluangwang khaide.
18Sichiujiu paliutu Joseph kyga maluang wangboga, paliu pingmide khatdi maning sude. “Danai meng karaibo men aliu bang lungga bamniubo rangkang jengniu aliutu siga maluang wangbo-e. Paliuniu aliutu minlujiu dapsune, khatdi aliugu qonniamdung sutlujiu aliutu pavang pi thiumi sune.” 19Sijengniu kamun mung gasu paliuniu kavangpiu khuga dinsude. 20“Paohubo yo, nangniu suikhaijiu aliu haiga katiu liura danai wangkhai mibo-e. 21Aliuniu chakyga wangjiu, aliu bang lepadboga, mai hinagu rangkangse wadi machang makbo thiu makjiu dao-e. Haise aliuniu nakhuga phungmenglan kinbo-e. 22Aliuniu katiu hai liulanra chiujiu rangkang kasiadi phunglu mengkin-e. Aliu bangga saoniu rangkangse khaidiak jiulo chiubo silu makge.”
23Kavangpiu siniu din-e, “Manang tulo. Ping tulo. Naliu Rawang, naliu piu Rawang siniu naliuleng rangkangse khaibibo bamsune. Iniu naliugu rangkangse daolubo-e.” Sichiujiu paniu Simeon tu paliu khuga puiwang khai bide.
24Kavang siniu paliutu kalung gase puingut khaide. Paliu phi khiura khatdi paliu qonniamdungtu pisak khaira paniu tadui pikhai bide. 25N-niense Joseph niu wangboga, paliuniu paliugu kalense paleng pikhaira kaden lude, palamra paniu paliutu katiu maluang tiune chiubo paliu khuga dinkhai mibo-e. 26Joseph niu chakyga wangboga, paliuniu kalense ponlujiu wang patu kahumjiu pikhaide. 27Paniu paliu dechiu meng kinlo chiubo maniujiu khatdi haichiu maniu sude, “Naliuniu akhuga naliu piu tanpao racham dinkhai-e, pah dechiu bamlo? Pah ringbam khama khatdi wijiu bamma?”
28Paliuniu paokakge, “Yo, navangpiu, aliu piuse ringbam kha-e, khatdi wijiu bamme.” Sichiujiu pamasuangga paliuse makhumkiu sude.
29Joseph niu pasai kariupiu Benjamin tu ngaoboga, paniu din-e, “Haise naliuniu akhuga dinbo naliu singna nathubopiu bamme chiubo sima? Anah yo, Tingwang niu natu thoikhai bibo thiulo.” 30Sichiujiu Joseph niu buangsu lujiu tadnuang mide, palamra pasai kariupiu jengniu palung kheng ngamlak mide. Pakhuan padjiu kap padra kam mide, siniu kalunglam pakwang lujiu mahin kap sude. 31Pazu nphiu lujiu khatdi paronna patu khamlujiu pah padlande khatdi katiuse kaden khaira chamtan pikhaide. 32Joseph leng kuangkai khatga, pasingnamaidung leng katambo khatga chiujiu kaden khaide. Siga tiubammai. Egypt maidung lengse pabam katam khatga kamkhai-e, palamra paliuniu Hebrew maidungtu paliu suang kasiammai leng chakkhaijiu maluang katiu tiuni makge. 33Singnamaidungse Joseph masuangga ntao muntong lujiu, khatdi paliugu tingkum saisuijiu tingthubo gasu nathubo chiujiu ntaogap bam-e. Paliu ntaobamse sichiu ntao bambo paliuniu ngao luboga, paliu suang hajiu khat-khattu phui sude. 34Katiuse Joseph kuangkai gasu njan sude, sichiujiu Benjamin lengse kakimai leng suang khailon mangiu-ngiu khai-e. Sichiujiu paliuniu tiu magiu makthen khatdi sak mangiu makthen Joseph tu maluang tiu-e.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.