CHABANGCHAM 49
49
Jacob Gu Kanambo Ladkeng
1Jacob niu panahmaidungtu kulujiu din-e “Wang maduilo, naliu khuga pasai degu padralo chiubo I dinkhai bine:
2“Jacob nahmai yo, wangmadui lujiu nking lulo.
Naliu piu Israel niu dinbo hai nking lulo.
3“Anah naraibo Reuben yo, nangra agu pumtan-e.
Nang-hai I chabon thiubogu nahraibo si-e.
Anahmai rong gasu Iniu najeng gasu asao thiu-e.
4Nang hai duiliu tanbo duidetse kumbo-e.
Chiudi nangniu parathiubo sira lakge.
Palamra nangniu arammailiupui tu nphiuji mide.
Sichiujiu napiu zitu chakhuangthiu khai makge.
5“Simeon nai Levi hai pachi-pana-e.
Panainiu kasa kamra panai heng-ngiu thin-e.
6Panaigu mahin ladga I jaolakge,
Panainiu maduiboga I wang lakge.
Palamra panai lungpom gasu maitu kamshat mibo-e.
Khatdi panai chunning gasu kabuichi ngen kamtang mibo-e.
7Panai lungpom riga tasiang bamme,
palamra panai lungpomse sachang sa-e.
Iniu panaitu Israel mai kadihga kam mara khaine.
Iniu panaitu paliu ruanggasu hathon mine.
8“Judah yo, nasingna maidungniu natu thuonne.
Nagu mikremai situ nangniu ngamlu rabo-e
Nasingna maidung siniu natu kahumjiu lungne.
9 #
Par 24.9; Mad 5.5. Judah hai ndongqui kumbo-e.
Pa tatekleng wakhao situ kamlujiu wang
pareng lungga mathakjiu ji kala bamme.
Mai khatniudi patu kam kabuak humakge.
10Judah niu chawang thunse thinrabo-e.
Pakai-kikdung siniu pawan machang mawang rabo-e.
Jatdung siniu ramkha pakhuga phungwang rabo-e.
Khatdi pacham majaijiu pasuangga makhumkiu rabo-e.
11Paniu pagu qonniampoi situ withubo mumsy rengga piubuanse pitiu khaine.
Tazai kum hengmarenbo mumsy jaw gasu pafai-pani katha rabo-e.
12Jaw sakbo gasu pamik tazai kum hengrabo-e.
Ndui sakbo gasu pahiuse kapuang rabo-e.
13“Zebulun niu duipui mungga lungrabo-e.
Pagu chaphuse malee-bam thiurabo-e.
Pagu kadih siniu Sidon tangrabo-e.
14“Issachar haira qonniam suang wimakge.
Chabam kakga patu kabinman bamme.
15Chiudi paniu lungbo bamse wi-e chiubo si-e.
Sichiujiu pagu kadihse kawibo khatle.
Sijengniu kavang kumjiu changam kamra
khatdi pabang phungra pangum marung kiu-e.
16“Dan niu pamaidung wang thiurabo-e.
Paliudi Israel mai kakibo phiu kumjiu lungrabo-e.
17Dan hai npui mungga kaniu si-e.
Patai karabo phungbo kaniu kumbo-e.
Sichiujiu chaqon phimikse paniu machao rabo-e.
Chaqon-tongbo piu situ sailam saothon mirabo-e.
18“Rapiu yo, nangniu gukhairatu I khuan bam-e.
19“Gad tu humtiumai siniu limsune,
Chiudi paniu mariwang paliutu hathonlu rabo-e.
20“Asher gu kadih gasu kawibo miusy masine.
Chawangleng kabuibo tatekse paniu pikhai rabo-e.
21“Naphtali hai khenrang thiujiu pakkinbo tathan si-e.
Palun wibo khatdi matai wibo tathanpoi si-e.
22“Joseph haise singgiu mungga lungbo chahung kumbo-e.
Pahai singgiu mungga lungbo pasy kengjiu masibo singbang kumbo-e.
23Pagu mikremaidung siniu paliu heng-ngiu thinlujiu patu harabo-e.
24Chiudi Israel maigu Khonpao khatdi Gukhaipao,
Jacob Rawang pumtan pen-gasu paheng-pangiuse palun bamne.
25Napiu Rawang siniu natu nkha khaine.
Ngamkambo Tingwang siniu natu thoikhai bine.
Kaku lamsu kiubo tingriugu thoidam siniu,
khatdi kasukbo kadihgu tadui siniu,
nagu khaorui nai nakai-kikdung riga thoikhai bine.
26Nagu alin-tara hinatu thoikhai bine.
Napao-napeh ramluong pakhiangnatu thoikhai bine.
Tingtheng ringbambo luong gasu kawibose pikhai bine.
Pasingnamai khugasu tampadbo Joseph rigase.
thoidam hina hai pibam milo.
27“Benjamin hai pason kasabo tany kumbo-e.
Nsuan chawan paniu kamlujiu tiu bamme.”
28Haidungse Israel mai kiphiu kariu-je-niakiu si-e, paliu piuniu paliutu kanui khaijiu dinkhaibo ladkeng si-e.
Jacob Shaibo Khatdi Baikhaibo
29Jacob niu panahmaidung khuga chamtan pijiu din-e, “Tuhoira charuidihlam, amaidung khulam I tadmine, 30sichiudi Canaan dihga bambo, Hitt mai Ephron gu luzam, Mamre gu tingbanglam bambo Machpelah tulimki gase atu baikhailo. 31Haibo kadihse Abraham niu Ephron khugasu charao leng liulubo-e. Siga paliuniu Abraham nai panao Sarah tu baikhai mide, khatdi Isaac nai panao Rebecca tu baikhai mide, khatdi siga Iniu Leah tu baikhai mide. 32Sibo luzam nai tulimkise Hitt mai khugasu liulubo-e, atudi siga baikhailo.” 33#Tk 7.15.Jacob niu panahmaidung khuga ladpi khailujiu jikiu shai mide.
Currently Selected:
CHABANGCHAM 49: LIANBSI
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.
CHABANGCHAM 49
49
Jacob Gu Kanambo Ladkeng
1Jacob niu panahmaidungtu kulujiu din-e “Wang maduilo, naliu khuga pasai degu padralo chiubo I dinkhai bine:
2“Jacob nahmai yo, wangmadui lujiu nking lulo.
Naliu piu Israel niu dinbo hai nking lulo.
3“Anah naraibo Reuben yo, nangra agu pumtan-e.
Nang-hai I chabon thiubogu nahraibo si-e.
Anahmai rong gasu Iniu najeng gasu asao thiu-e.
4Nang hai duiliu tanbo duidetse kumbo-e.
Chiudi nangniu parathiubo sira lakge.
Palamra nangniu arammailiupui tu nphiuji mide.
Sichiujiu napiu zitu chakhuangthiu khai makge.
5“Simeon nai Levi hai pachi-pana-e.
Panainiu kasa kamra panai heng-ngiu thin-e.
6Panaigu mahin ladga I jaolakge,
Panainiu maduiboga I wang lakge.
Palamra panai lungpom gasu maitu kamshat mibo-e.
Khatdi panai chunning gasu kabuichi ngen kamtang mibo-e.
7Panai lungpom riga tasiang bamme,
palamra panai lungpomse sachang sa-e.
Iniu panaitu Israel mai kadihga kam mara khaine.
Iniu panaitu paliu ruanggasu hathon mine.
8“Judah yo, nasingna maidungniu natu thuonne.
Nagu mikremai situ nangniu ngamlu rabo-e
Nasingna maidung siniu natu kahumjiu lungne.
9 #
Par 24.9; Mad 5.5. Judah hai ndongqui kumbo-e.
Pa tatekleng wakhao situ kamlujiu wang
pareng lungga mathakjiu ji kala bamme.
Mai khatniudi patu kam kabuak humakge.
10Judah niu chawang thunse thinrabo-e.
Pakai-kikdung siniu pawan machang mawang rabo-e.
Jatdung siniu ramkha pakhuga phungwang rabo-e.
Khatdi pacham majaijiu pasuangga makhumkiu rabo-e.
11Paniu pagu qonniampoi situ withubo mumsy rengga piubuanse pitiu khaine.
Tazai kum hengmarenbo mumsy jaw gasu pafai-pani katha rabo-e.
12Jaw sakbo gasu pamik tazai kum hengrabo-e.
Ndui sakbo gasu pahiuse kapuang rabo-e.
13“Zebulun niu duipui mungga lungrabo-e.
Pagu chaphuse malee-bam thiurabo-e.
Pagu kadih siniu Sidon tangrabo-e.
14“Issachar haira qonniam suang wimakge.
Chabam kakga patu kabinman bamme.
15Chiudi paniu lungbo bamse wi-e chiubo si-e.
Sichiujiu pagu kadihse kawibo khatle.
Sijengniu kavang kumjiu changam kamra
khatdi pabang phungra pangum marung kiu-e.
16“Dan niu pamaidung wang thiurabo-e.
Paliudi Israel mai kakibo phiu kumjiu lungrabo-e.
17Dan hai npui mungga kaniu si-e.
Patai karabo phungbo kaniu kumbo-e.
Sichiujiu chaqon phimikse paniu machao rabo-e.
Chaqon-tongbo piu situ sailam saothon mirabo-e.
18“Rapiu yo, nangniu gukhairatu I khuan bam-e.
19“Gad tu humtiumai siniu limsune,
Chiudi paniu mariwang paliutu hathonlu rabo-e.
20“Asher gu kadih gasu kawibo miusy masine.
Chawangleng kabuibo tatekse paniu pikhai rabo-e.
21“Naphtali hai khenrang thiujiu pakkinbo tathan si-e.
Palun wibo khatdi matai wibo tathanpoi si-e.
22“Joseph haise singgiu mungga lungbo chahung kumbo-e.
Pahai singgiu mungga lungbo pasy kengjiu masibo singbang kumbo-e.
23Pagu mikremaidung siniu paliu heng-ngiu thinlujiu patu harabo-e.
24Chiudi Israel maigu Khonpao khatdi Gukhaipao,
Jacob Rawang pumtan pen-gasu paheng-pangiuse palun bamne.
25Napiu Rawang siniu natu nkha khaine.
Ngamkambo Tingwang siniu natu thoikhai bine.
Kaku lamsu kiubo tingriugu thoidam siniu,
khatdi kasukbo kadihgu tadui siniu,
nagu khaorui nai nakai-kikdung riga thoikhai bine.
26Nagu alin-tara hinatu thoikhai bine.
Napao-napeh ramluong pakhiangnatu thoikhai bine.
Tingtheng ringbambo luong gasu kawibose pikhai bine.
Pasingnamai khugasu tampadbo Joseph rigase.
thoidam hina hai pibam milo.
27“Benjamin hai pason kasabo tany kumbo-e.
Nsuan chawan paniu kamlujiu tiu bamme.”
28Haidungse Israel mai kiphiu kariu-je-niakiu si-e, paliu piuniu paliutu kanui khaijiu dinkhaibo ladkeng si-e.
Jacob Shaibo Khatdi Baikhaibo
29Jacob niu panahmaidung khuga chamtan pijiu din-e, “Tuhoira charuidihlam, amaidung khulam I tadmine, 30sichiudi Canaan dihga bambo, Hitt mai Ephron gu luzam, Mamre gu tingbanglam bambo Machpelah tulimki gase atu baikhailo. 31Haibo kadihse Abraham niu Ephron khugasu charao leng liulubo-e. Siga paliuniu Abraham nai panao Sarah tu baikhai mide, khatdi Isaac nai panao Rebecca tu baikhai mide, khatdi siga Iniu Leah tu baikhai mide. 32Sibo luzam nai tulimkise Hitt mai khugasu liulubo-e, atudi siga baikhailo.” 33#Tk 7.15.Jacob niu panahmaidung khuga ladpi khailujiu jikiu shai mide.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.