LUKE 14
14
Jesu Niu Marabo Piu Khattu Wikhaibo
1Tabamnai khatga Jesu niu Pharisee maigu jupao khat kyga katiu tiura tadle, siga maidungniu Jesu tu matingjiu phui bamme. 2Siga paphi-paben menjiu bambo piu khat Jesu khuga wang-e, 3siga Jesu niu Tacheng-tajaigu katipaodung nai Pharisee maidung khuga maniu-e, “Aliugu Tacheng-tajainiu Tabamnai wikhaira suima, suimaklo?”
4Chiudi paliuniu wakhatnadi dinmakge. Siga Jesu niu maipiu situ wikhai lujiu paky lam langkhai mide. 5#Mt 12.11.Sichiujiu paniu paliu khuga din-e, “Naliu ruangga mai khangkhat nahpiu maksai matomchi khat, Tabamnaise ajai lungga nkai khai misai, naliuniu Tabamnai siakse patu jupad nuangmi lakma?”
6Chiudi haibo lamga paliuniu patu wadi kenkak ngamlakjiu tamide.
Lung Manonbo Khatdi Lukhai Sibo
7Chagiangmai khangsianiu withubo bamdungse kada bambose Jesu niu siluboga; paniu din champanbo haise paliu mathiu khuga dinkhaide: 8#Kad 25.6,7.“Tanao aruangboga naliutu mai khatniu kukhai sai withubo bamgase ntaomi tulo. Nasuang parathiubo mai khattu kukhai bam niudi saoniu siralo, 9sichiujiu nanai khangniatu kukhaibo chakypao siniu wanglujiu nakhuga haichiu dinsune, ‘Haibo bamse patu pimilo.’ Sichiusai nang mangamjiu n-hangthubo bamga ntaomi surabo-e. 10Sisuangra natu kukhaiboga tadlujiu n-hangthubo bamgase ntaolo; sichiusai chaky pao siniu wanglujiu nakhuga dinsune, ‘Akabo yo, pabam wibibo haiga wang ntao khailo.’ Haisiniu kakibo giangdung mathiu suangga natu chakhuangthiu khaibo-e. 11#Mt 23.12; Lk 18.14.Palamra paronna patu pidi khai maitu kam manuankhai rabo-e, khatdi paronna patu kam manuan khai maitu kam madikhai rabo-e.”
12Sigasu Jesu niu pa-kiriupiu khuga din-e, “Nangniu katiu tiura kuboga, nakahmaidungtu maksai nasingna maidungtu maksai nakiriang maidungtu maksai lungwibo nakining maidungtu kumi tulo; palamra paliuniu natu kulanjiu nangniu kamkhai mibose ruilan ngamme. 13Nangniu katiu tiura kuboga lungkalak maitu, paphi-paben katang maitu, khatdi pamik katiat maitu kukhailo; 14sichiusai nasan wirabo-e, palamra paliuniu napawse ruingam lakge. Sichiujiu kawimaidungniu kashaibo gasu ringsulanbo naise Tingwang niu napawse ruikhai birabo-e.”
Khumkibo Ngeetu Din Champanbo
(Mt 22.1-10)
15Sibo ruangga bammai khatniu haise chiuboga, paniu Jesu khuga din-e, “Tingwang gu Chawangdihgu changeega wangra maise dejiukha paliu san wiralo!” 16Jesu niu pakhuga din-e, “Pawan khatga Khumkibo ngee kadibo khatga mai khatniu maidung kakengtu kukhai-e. 17Khumkibo ngeese wangtangboga, paniu pavangmaitu langkhaijiu pagiang maidungtu kukhai-e, ‘Wanglo, wahinase kadenloi mide!’ 18Chiudi paliu mathiuniu khat-khat thiujiu kuak khailo chiujiu dinsude. Karaibo piuniu kavangpiu khuga din-e, ‘I chalu khat liukhai bamme sise phuira tadmak sai daolakge; lungsajiu Iniu khengbo hai suikhailo.’ 19Khangkhat siniu din-e, ‘Idi matomchi ndah mangiu lukhai bamme, situ phuira Iniu tadkinbo-e; lungsajiu Iniu khengbo hai suikhailo.’ 20Khang khatniu dinlan-e, ‘Ira anaothiu lugap bambo-e, sijengniu I wang daolakge.’
21Pavang siniu malanwang pakhiangna haise pawangpiu khuga dinkhaide. Siga pawangpiuse palung pomchang pom mide khatdi pavang khuga haichiu din-e, ‘kalangjiu puidiga khatdi namdigu kamikga lungkalakmai, paphi-paben tangmai khatdi pamik tiatmaitu kuwanglo.’ 22Pavang siniu watheng makjiu din-e, “Nangniu dinbo kumjiu kamkhai mide, chiudi pabamra keng bamkha-e.’ 23Siga pawangpiu siniu din-e, Tadlujiu puidiga khatdi pabam hinaga tadkin maitu kuwangjiu aky piphui khailo. 24Iniu naliu mathiu khuga dinbo-e chiubora kukhai mibo maidungse, mai khatniudi Iniu kaden khaibo katiu-kasakse tiukhaira ha ye!’”
Khommai Khat Thiubo Man
(Mt 10.37-38)
25Pawan khatga maidung kakengniu Jesu sai suilujiu tadkinboga paniu mariwang lujiu paliu khuga din-e, 26#Mt 10.37.“Mai khatniu atu hai papui, papiu, panao panahdung, pasingnadung, patandungtu khatdi papum suang lungsa nkiu maksai pase akhommai thiusi lakge. 27#Mt 10.38; 16.24; Mk 8.34; Lk 9.23.Mai khatniu pagu singchai phunglujiu asaisui maksai pase akhommai thiusi lakge.
28Naliu mai khatniu chaky thiura rangsai, paniu raiboga ntaokiu lujiu, pangamse kamra pagu rangkangse tanglu rama chiubo, paniu chakrai rabo-e. 29Paniu kaphung chukhai lujiu, pakyse thiuloilu maksai kangaomai hinaniu patu nuirabo-e. 30Paliuniu haichiu dinsune, “Haibo piuniu chaky hai thiura rangsubo-e, chiudi thiungam lakjiu tamibo-e!”
31Chawang khatniu chamai sang kariutu maluang lujiu tadboga, patu aphenra wangbo chawang khat siniu chamai sang makaitu maluanglu wangsai, paniu ntaokiu lujiu sibo wangtu aphenra buima, buimaklo chiubo phuirabo-e. 32Paniu buimakge chiu maningsai, paniu walangtad maidungtu langkhaijiu chawang khat siniu diujiu bamga, kawithiu mira khengrabo-e.” 33Sichiujiu Jesu niu munkomjiu din-e, “Naliu mai khatniu, pagu bambo hinase saodiak ngamlu maksai akhommai thiusi lakge.”
Pageng Hamibo Matai
(Mt 5.13; Mk 9.50)
34“Matai hai wi-e, chiudi matai haise pahum hamisai, dechiujiu kam mahumlan luralo? 35Haise kadihtam lengdi gengta mibo-e, haise thonmi rabo-e. Pakuon bammai hina nking lulo!”
Currently Selected:
LUKE 14: LIANBSI
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.
LUKE 14
14
Jesu Niu Marabo Piu Khattu Wikhaibo
1Tabamnai khatga Jesu niu Pharisee maigu jupao khat kyga katiu tiura tadle, siga maidungniu Jesu tu matingjiu phui bamme. 2Siga paphi-paben menjiu bambo piu khat Jesu khuga wang-e, 3siga Jesu niu Tacheng-tajaigu katipaodung nai Pharisee maidung khuga maniu-e, “Aliugu Tacheng-tajainiu Tabamnai wikhaira suima, suimaklo?”
4Chiudi paliuniu wakhatnadi dinmakge. Siga Jesu niu maipiu situ wikhai lujiu paky lam langkhai mide. 5#Mt 12.11.Sichiujiu paniu paliu khuga din-e, “Naliu ruangga mai khangkhat nahpiu maksai matomchi khat, Tabamnaise ajai lungga nkai khai misai, naliuniu Tabamnai siakse patu jupad nuangmi lakma?”
6Chiudi haibo lamga paliuniu patu wadi kenkak ngamlakjiu tamide.
Lung Manonbo Khatdi Lukhai Sibo
7Chagiangmai khangsianiu withubo bamdungse kada bambose Jesu niu siluboga; paniu din champanbo haise paliu mathiu khuga dinkhaide: 8#Kad 25.6,7.“Tanao aruangboga naliutu mai khatniu kukhai sai withubo bamgase ntaomi tulo. Nasuang parathiubo mai khattu kukhai bam niudi saoniu siralo, 9sichiujiu nanai khangniatu kukhaibo chakypao siniu wanglujiu nakhuga haichiu dinsune, ‘Haibo bamse patu pimilo.’ Sichiusai nang mangamjiu n-hangthubo bamga ntaomi surabo-e. 10Sisuangra natu kukhaiboga tadlujiu n-hangthubo bamgase ntaolo; sichiusai chaky pao siniu wanglujiu nakhuga dinsune, ‘Akabo yo, pabam wibibo haiga wang ntao khailo.’ Haisiniu kakibo giangdung mathiu suangga natu chakhuangthiu khaibo-e. 11#Mt 23.12; Lk 18.14.Palamra paronna patu pidi khai maitu kam manuankhai rabo-e, khatdi paronna patu kam manuan khai maitu kam madikhai rabo-e.”
12Sigasu Jesu niu pa-kiriupiu khuga din-e, “Nangniu katiu tiura kuboga, nakahmaidungtu maksai nasingna maidungtu maksai nakiriang maidungtu maksai lungwibo nakining maidungtu kumi tulo; palamra paliuniu natu kulanjiu nangniu kamkhai mibose ruilan ngamme. 13Nangniu katiu tiura kuboga lungkalak maitu, paphi-paben katang maitu, khatdi pamik katiat maitu kukhailo; 14sichiusai nasan wirabo-e, palamra paliuniu napawse ruingam lakge. Sichiujiu kawimaidungniu kashaibo gasu ringsulanbo naise Tingwang niu napawse ruikhai birabo-e.”
Khumkibo Ngeetu Din Champanbo
(Mt 22.1-10)
15Sibo ruangga bammai khatniu haise chiuboga, paniu Jesu khuga din-e, “Tingwang gu Chawangdihgu changeega wangra maise dejiukha paliu san wiralo!” 16Jesu niu pakhuga din-e, “Pawan khatga Khumkibo ngee kadibo khatga mai khatniu maidung kakengtu kukhai-e. 17Khumkibo ngeese wangtangboga, paniu pavangmaitu langkhaijiu pagiang maidungtu kukhai-e, ‘Wanglo, wahinase kadenloi mide!’ 18Chiudi paliu mathiuniu khat-khat thiujiu kuak khailo chiujiu dinsude. Karaibo piuniu kavangpiu khuga din-e, ‘I chalu khat liukhai bamme sise phuira tadmak sai daolakge; lungsajiu Iniu khengbo hai suikhailo.’ 19Khangkhat siniu din-e, ‘Idi matomchi ndah mangiu lukhai bamme, situ phuira Iniu tadkinbo-e; lungsajiu Iniu khengbo hai suikhailo.’ 20Khang khatniu dinlan-e, ‘Ira anaothiu lugap bambo-e, sijengniu I wang daolakge.’
21Pavang siniu malanwang pakhiangna haise pawangpiu khuga dinkhaide. Siga pawangpiuse palung pomchang pom mide khatdi pavang khuga haichiu din-e, ‘kalangjiu puidiga khatdi namdigu kamikga lungkalakmai, paphi-paben tangmai khatdi pamik tiatmaitu kuwanglo.’ 22Pavang siniu watheng makjiu din-e, “Nangniu dinbo kumjiu kamkhai mide, chiudi pabamra keng bamkha-e.’ 23Siga pawangpiu siniu din-e, Tadlujiu puidiga khatdi pabam hinaga tadkin maitu kuwangjiu aky piphui khailo. 24Iniu naliu mathiu khuga dinbo-e chiubora kukhai mibo maidungse, mai khatniudi Iniu kaden khaibo katiu-kasakse tiukhaira ha ye!’”
Khommai Khat Thiubo Man
(Mt 10.37-38)
25Pawan khatga maidung kakengniu Jesu sai suilujiu tadkinboga paniu mariwang lujiu paliu khuga din-e, 26#Mt 10.37.“Mai khatniu atu hai papui, papiu, panao panahdung, pasingnadung, patandungtu khatdi papum suang lungsa nkiu maksai pase akhommai thiusi lakge. 27#Mt 10.38; 16.24; Mk 8.34; Lk 9.23.Mai khatniu pagu singchai phunglujiu asaisui maksai pase akhommai thiusi lakge.
28Naliu mai khatniu chaky thiura rangsai, paniu raiboga ntaokiu lujiu, pangamse kamra pagu rangkangse tanglu rama chiubo, paniu chakrai rabo-e. 29Paniu kaphung chukhai lujiu, pakyse thiuloilu maksai kangaomai hinaniu patu nuirabo-e. 30Paliuniu haichiu dinsune, “Haibo piuniu chaky hai thiura rangsubo-e, chiudi thiungam lakjiu tamibo-e!”
31Chawang khatniu chamai sang kariutu maluang lujiu tadboga, patu aphenra wangbo chawang khat siniu chamai sang makaitu maluanglu wangsai, paniu ntaokiu lujiu sibo wangtu aphenra buima, buimaklo chiubo phuirabo-e. 32Paniu buimakge chiu maningsai, paniu walangtad maidungtu langkhaijiu chawang khat siniu diujiu bamga, kawithiu mira khengrabo-e.” 33Sichiujiu Jesu niu munkomjiu din-e, “Naliu mai khatniu, pagu bambo hinase saodiak ngamlu maksai akhommai thiusi lakge.”
Pageng Hamibo Matai
(Mt 5.13; Mk 9.50)
34“Matai hai wi-e, chiudi matai haise pahum hamisai, dechiujiu kam mahumlan luralo? 35Haise kadihtam lengdi gengta mibo-e, haise thonmi rabo-e. Pakuon bammai hina nking lulo!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.